Ribeira, 10 de abril de 2012. A asociación AMBAR vén de ampliar o alcance da certificación de calidade ISO 9001 ao Centro de Día do que a entidade dispón en Ribeira. Deste xeito, actualmente tanto o Centro Ocupacional como o Centro de Día contan con esta acreditación, que mostra ante todos os seus grupos de interese: usuarios e familiares, administracións públicas, empresas privadas e sociedade en xeral, que se están a prestar eficazmente os servizos e que os recursos son canalizados de forma adecuada.

O certificado foi otorgado por Bureau Veritas Certification, que estivo durante dous días realizando a pertinente auditoría que culminou na emisión do mencionado certificado.

O Centro Ocupacional e o Centro de Día de ÁMBAR traballan por mellorar a calidade de vida das persoas con Diversidade Funcional Intelectual prestando servicios de atención integral especializada a través de obradoiros prelaborais, programas de habilidades persoais e sociais, programas de ocio e inclusión social, atención psicolóxica e socio-familiar.

Antes, en Certo:

Aniversario: Ámbar cumpre 30 anos e celébrao

Ámbar: a toda vela cunha nova embarcación

Ribeira: este domingo 15 de abril, ruta de sendeirismo polo Vilar post.ly/6fSHK

— Certo (@Certo) April 10, 2012

Ribeira: o servizo de limpeza de edificios públicos será adxudicado en breve a unha das sete empresas presentadas post.ly/6fVQX

— Certo (@Certo) April 10, 2012

Ribeira, 9 de marzo de 2012. Neste ano 2012, a Asociación AMBAR das Persoas con Diversidade Funcional cumpre 30 anos dende a súa fundación. Co gallo desta efeméride, van celebrar o 30 aniversario con algunhas accións e actividades que servirán para divulgar o labor feito dende o seu nacemento no ano 1982.

Ribeira, 8 de decembro de 2011.- As tres asociacións de persoas con diversidade funcional radicadas no municipio de Ribeira –Ambar, Amicos e A Creba- quixeron implicarse activamente na decoración nadaleña da cidade capital da Barbanza, e tanto é así que ao longo da mañá de onte, e despois de que na noite pasada tivera lugar o acendido oficial da iluminación de Nadal, membros pertencentes a estes tres colectivos, coa asistencia de Protección Civil, estiveron a adornar boa parte do centro urbano de Santa Uxía. 

Concretamente, a Asociación  Ámbar ocúpase de adornar o tramo comprendido entre a rúa Ramón y Cajal (o chamado callejón de Sinda) e a praza de Compostela. O colectivo de Amicos faino dende a rúa Santa Uxía ata a praza de España (pasando pola rúa Galicia); mentres que A Creba tomou cargo da decoración da fachada do Malecón. 

Anxos, flores, estrelas, paquetes de regalo e moitas outras figuras nadaleñas deseñadas en material reciclado, madeira, fieltro, barro ou cestería  contribúen a engalanar aínda máis a cidade con motivo destas festivas datas entre o relixioso e o pagano, entre o consumismo máis activo e o ocio dos máis pequenos. 

Antes, en Certo:

• Ribeira: dase por inaugurado o Nadal! A consumir tranquil@s!

Vídeo cortesía de Antonio Lijó en Youtube

Imaxes deste venres 2 na Praza do Concello de Ribeira

Manifesto:

Click here to download:

Manifesto AMBAR 3 decembro 2011 VF.pdf (51 KB)

(download)

Click here to download:

Manifesto AMBAR 3 decembro 2011 VF.pdf (51 KB)

Antes, en Certo, anunciamos:

Ribeira, 30 de novembro de 2011. O vindeiro 3 de decembro celébrase o Día Internacional das Persoas con Diversidade Funcional, co fin de reivindicar os seus dereitos e favorecer a súa visibilidade e a plena participación na sociedade.

Dende a Asociación AMBAR conmemoran este día cos alumnos de Primaria de Ribeira, polo que farán unha xornada denominada Vivir en Diversidade...dende a infancia, que terá lugar este venres 2 coa seguinte programación:

VENRES 2 DE DECEMBRO

10:30h – Recepción dos alumnos dos CEIPS e os usuarios de AMBAR na Praza de España. Dende alí van camiñando ata a praza do Concello.

11:15h – Actividades participativas e xogos na Praza do Concello.

12:15h - Lectura do manifesto que AMBAR fai público con motivo do día Internacional das Persoas con Diversidade Funcional.

12:20h - Rematarase a xornada cantando a canción “Mensajes del agua” de Macaco.

12:30 – Fin do acto.

Contarán coa colaboración do músico Suso Bello (Compañía do Ruído e Chiquilicuatres) quen será o encargado de amenizar toda a xornada.

NOTA: En caso de que chova a actividade será a mesma e realizarase na 1ª planta do Auditorio.

Na semana próxima a actividade conxunta AMBAR,  fará entrega a cada colexio de un exemplar encadernado con todos  os debuxos que se elaboraron con motivo da celebración de ese día. Ó mesmo tempo o mural grande rotará polos colexios co fin de estar expostos dous ou tres días en cada un deles.

Ribeira, 29 de setembro de 2011. Mañá, venres 30 de setembro, ás 19:00h terá lugar no Auditorio Municipal de Ribeira a representación da obra “Ata que a morte nos separe” a cargo do grupo de teatro Airiños.

A actuación foi solicitada pola Asociación AMBAR á rede cultural de 2011da Deputación da Coruña, e está dirixida a socios da entidade e público en xeral, polo que convidan a asistir a todas as persoas que estean interesadas.

O mesmo día:

Charla sobre Alzheimer na aula multimedia ás sete da tarde

• Situados na praza "8 de Marzo" e de 112 metros cadrados cada un, para contribuír ao labor solidario que realizan ambas asociacións

Ribeira, 23 de setembro de 2011.- O Concello está dando remate aos trámites preceptivos para entregar en cesión dous pisos tutelados ás asociacións  Amicos e Ambar, cumprindo así outro dos compromisos adquiridos polo Executivo local que dirixe Manuel Ruiz Rivas cos colectivos representativos das persoas con diversidade funcional, no sentido de axudalos non só economicamente senón tamén mediante outro tipo de actuacións dirixidas a favorecer os seus obxectivos estatutarios. 

As dúas vivendas, cada unha das cales conta cunha superficie total de 112 metros cadrados (uns 88 metros útiles), están situadas na praza 8 de marzo, na mesma edificación que ocupan os Servizos Sociais municipais (residencial Miradoiro de Padín). Ambas dispoñen de cociña, salón comedor, vestíbulo, corredor, baño e tres dormitorios. 

Esta entrega (que está  previsto someter á aprobación do pleno no vindeiro mes de outubro) ten como obxectivo favorecer o labor que prestan as dúas asociacións, facilitando que as persoas con diversidade funcional poidan dispoñer dun inmoble axeitado para que as persoas usuarias desenrolen a súa autonomía persoal, aumenten a súa autoestima e fomenten a responsabilidade nas tarefas ocupacionais. 

A Creba

Nesta liña de apoio aos colectivos de discapacitados, cabe lembrar tamén que a principios de ano o Concello de Ribeira xa cedera en uso un local situado nas rúas Padre Sarmiento e Abesadas á Asociación Pro Saúde Mental A Creba. 

Dende a Área Municipal de Servizos Sociais, Promoción Social, Sanidade e Consumo estivéronse a levar a cabo un bo número de iniciativas nestes primeiros 100 días de lexislatura, entre as que cabe recordar os traballos preparatorios do proxecto do novo mercado municipal, xa moi avanzados; a posta en marcha dun mercadillo os venres en Palmeira, a estrea dunhas novas dependencias para o Departamento de Servizos Sociais, a celebración por primeira vez de actividades específicas para maiores no período de verán ou a activación dun protocolo de limpeza e seguridade viaria no mercadillo dos sábados de Ribeira.

Pode que tamén lle interese:

Servizos Sociais: os vellos das parroquias tamén son xente

Gardería: 74-72: fáltannos un par da promesa!

Ámbar: a toda vela cunha nova embarcación

  Obras: comezan as de Romero Ortiz o 22 de setembro

Nova lonxa: este ano non comezan as obras. Só rematan o proxecto

Escolas Deportivas: haberá once. Anótate ata o 30 de setembro!

Lan Party UxíaNet 1.1: do 14 ao 16 de outubro. Só 55 prazas!

Caricaturas de Pepe Núñez: ata o 15 de outubro no auditorio

Ribeira, 22 de setembro de 2011. A asociación AMBAR incorpora una nova embarcación ó Programa Vela para Todos. Dende 2007, as actividades de Vela para Todos veñen funcionando con tres embarcacións construídas en Australia do modelo “Access 303”, financiadas polas empresas locales Congalsa e Serdeco.

Coa experiencia acadada durante este tempo, nesta ocasión foron os propios monitores e participantes no programa os que suxeriron a idea de traballar na recuperación de embarcacións de vela lixeira en desuso, contribuíndo activamente nas fases de deseño e fabricación. Partindo dunha embarcación de iniciación á vela modelo “Cadete MK III” donada por un particular, propuxeron nunha serie de cambios na estrutura e aparellos para que puidese ser accesible e navegable para calquer persoa. Logo duns meses de esforzo o resultado foi a botadura do prototipo “Singular Cadet” para navegación individual que estará a disposición nas xornadas náuticas que ao longo de todo o ano se desenvolven no Clube Náutico de Ribeira.

Pode que tamén lle interese:

Escolas Deportivas: haberá once. Anótate ata o 30 de setembro!

Lan Party UxíaNet 1.1: do 14 ao 16 de outubro. Só 55 prazas!

  Cursos de danza: abre o prazo ata o 30 de setembro

Marcha ciclista: o sábado 1 de outubro, de Santiago a Fisterra

Ribeira, 6 de xullo de 2011. Mañá, xoves 7 de xullo, terán lugar no Polideportivo da Fieiteira as 8ª xornadas Deportivas entre a Asociación AMBAR e a Asociación Adisbismur (Outes), na que as dúas entidades disputarán un partido de baloncesto e farán competicións de tiros libres. Ao remate dos xogos terá lugar o acto de entrega de trofeos a tódolos participantes, no que contarán coa presenza de Vicente Mariño, concelleiro de Servicios Sociais de Ribeira e Milagros Rey, presidenta de AMBAR.

                                    DÍA: xoves 7 de xullo

                                    LUGAR: Polideportivo A Fieiteira

                                    HORA: 12:45 h.

A continuación irán ata o merendeiro de Coroso onde se organizará un xantar de convivencia e rematarase a xornada disfrutando dunha tarde de praia.