(download)

Click here to download:

Ribeira_rematadas_en_Aguio_as_.zip (1.19 MB)

Antes de afrontar esta obra, a praza da Igrexa presentaba un pavimento de formigón bastante deteriorado polo paso do tempo, ao igual que no firme da rúa adxacente (de asfalto na calzada e de formigón nas beirarrúas).

A iniciativa supuxo unha sensible mellora na área de actuación,  proporcionando un acabado de pedra acorde co entorno. Para alcanzar este obxectivo, pavimentouse con lousas de granito abuxardado e adoquín de granito, ademais de substituír as tubaxes de saneamento de auga existente por outras de polietileno de alta densidade, instalar un novo colector para fecais de PVC e dispoñer un colector de PVC de pluviais.

Tamén se mudou toda a rede aérea de alumeado público por canalización soterrada a fin de lograr un menor impacto visual. O importe da obra, incardinada dentro do Plan Provincial de Obras e Servizos (POS 2011) da Deputación de A Coruña, ascendeu a 114.052,90 euros. Foi realizada por Nemesio Ordóñez, S.A.

Ribeira: este domingo 15 de abril, ruta de sendeirismo polo Vilar post.ly/6fSHK

— Certo (@Certo) April 10, 2012

Ribeira: comeza este xoves 12 a escola municipal de break-dance, con 16 inscritos post.ly/6gY7m

— Certo (@Certo) April 11, 2012

Ribeira: veciños de Carreira estiveron de excursión polo norte da Coruña post.ly/6fSXh

— Certo (@Certo) April 10, 2012

Antes anunciamos:

Aguiño: o 5 e 6 de abril, torneo de fútbol base

Ribeira, 2 de abril de 2012. Este ano a SD Xuventú Aguiño cumple o 40º Aniversario da súa fundación, e como ampliación da aposta clara deste clube coa iniciación ao deporte, queren celebralo con este Torneo de Fútbol Base, que se levará a cabo durante esta Semana Santa, concretamente o xoves e venres, días 5 e 6 de abril.

A SD Xuventú Aguiño, contando coa colaboración do Concello de Ribeira, e coa comprometida axuda das distintas casas comerciais e entidades mercantís do arredor, están a preparar un torneo especial, destinado ás categorías inferiores, a categoría Benxamín e a Prebenxamín.

"Estamos encantados co interese mostrado polos clubes participantes, que son: Abanqueiro, Aguiño, Arousa, Atl. Riveira, Boiro, Cabo de Cruz, Callobre, Carreira, Catoira, Compostela, Concello de Riveira, Conxo, Cordeiro, Crocha, Once Caballeros, Outes, Porto do Son, Puebla, Sálvora, Santa Mariña, Santiago de Compostela, Unión, Victoria e Xuventú Oroso; tamén esperamos estar ao nivel desexado de atención e acollida que se merecen; de cara a que poidan disfrutar duns días de ledicia, deporte e diversión con nós; e ao mesmo tempo que podan recrearse da tranquilidade e da paisaxe da parroquia e alrededores, para que non falten nestes días as sonrisas, os soños e a esperanza", explican os organizadores en nota de prensa.

Dentro do certame haberá uns 600 rapaces xogando e derrochando enerxía para poder gañar, pero tamén divertíndose, potenciando a súa personalidade como deportista e persoa, e facendo multitude de amistades, tendo como premisa que o realmente importante é  a participación, aseguran.

Competición:

Nº de xogadores: 15 por equipo + 3 directivos.

Catro Grupos, dous de cinco equipos e dous de catro equipos, que xogan entre si, clasificando o 1º e 2º de cada grupo que pasan a seguinte ronda de octavos, cuartos, semifinal e final.

Sistema de xogo F-7, seis xogadores + porteiro. Os xogadores sustituidos non poderán participar no mesmo partido.

Dous Tempos de 15 minutos contínuos con cambio de campo.

Día 5 de abril competición Prebenxamín, día 6 de abril categoría Benjamín.

Documentación: Envióuselles por correo aos equipos participantes un lote de tripticos co calendario, xunto cos teléfonos de restaurantes colaboradores co torneo, así como unha guía turística do Concello de Riveira, con lugares e sitios de interés para poder visitar.

Central de información: Habilitaráse unha carpa no recinto donde serán atendidas tódalas consultas referentes ao torneo, resultados de partidos, etc. Por persoal da organización.

Premios: Para o campeón e subcampeón, así como un agasallo de recordo do evento para cada club participante.

Instalacións: O torneo faráse no Campo Municipal da Tasca-Aguiño

Os vestiarios ubicaranse no Conservatorio de Música, anexo ao Campo de fútbol, debidamente sinalizado.

Pode que tamén lle interese:

• Ribeira: programación de Semana Santa

Libro: Antonio Piñeiro presenta "As fiandeiras" o 30 de marzo

Carreira: charla sobre alcoholismo, o venres 30 de marzo

Convocada pola CIG: manifestación este xoves 29

Este ano o alcalde Manuel Ruiz Rivas e a concelleira de Cultura renovaron o seu apoio a esta actividade que naceu no ano 2006 coa estreita colaboración do anterior goberno municipal, da man de Torres Colomer e do edil Luciano Fernández. 

O programa deste ano, comeza mañá sábado 21 coa MISA DO VIII ANIVERSARIO na Igrexa de Aguiño ás 19 h oficiada pólo párroco David Mohedano. 

Continuará a vindeira semana, concretamente o venres 27 coa Xornada Cultural titulada “Recursos Patrimoniais de Aguiño. Arqueoloxía, etnografia e paisaxe” a cargo de Pilar Casas Gil, Licenciada en Historia do Arte pola USC que se apoiará de fermosas imaxes antigas e actuais de Aguiño a través dunha proxección audiovisual. A contiuación terá lugar un concerto da Coral Polifónica Municipal dirixida por Enrique Paisal co repertorio que figura no programa de man, e rematarase cun ágape ou viño galego de confraternidade no própio Conservatório de Aguiño (R/ Castelao), onde comezarán os actos ás 20:15 h sendo a inauguración a cargo do Alcalde, do Presidente da Asociación e da Concelleira de Cultura e Festexos. Durante os dous dias no Conservatório colocarase un peto para que quen o desexe poida facer o seu donativo solidario a favor da ong INTERMÓN-OXFAM que desenvolve proxectos de axuda ao Terceiro Mundo. 

O sábado 28 ás 17:30 h terá lugar o acto de Lectura de Manifesto e Ofrenda Floral no Cemiterio de San Vicente de Noal no Son, a lectura do manifesto será  a cargo do presidente da asociación cunha lembranza agarimosa a José  Luis, o amigo de Aguiño que xunto á súa dona Leonor coidaron a Paco na súa enfermidade os últimos anos da súa vida e que faleceu recentemente, concretamente o pasado 13 de xaneiro. Este acto estará amenizado polo grupo de gaitas A Gandaina de Palmeira que abrirán coa Marcha do Antigo Reino de Galicia e pecharán co Himno Galego. Tamén o sábado ás 20:00 h no Conservatorio de Aguiño terá lugar unha representación teatral a cargo do grupo A POMBIÑA DE NARÓN coa obra “Rosenda, unha criada Indecente”, comedia de enredo dirixida por Betty Couce e cunha hora de duración. 

Programa

Para a difusión desta actividade fixéronse 500 programas de man, 100 carteis, unha pancarta de estrada (que está colocada á entrada de Aguiño) e colgouse información na web de Aguiño www.aguiño.com, na web municipal www.riveira.es e nas redes sociais de cultura e xuventude “Entérate”.

Relacionada:

• Ribeira: este sábado, 21 de xaneiro, misa polo cabodano de Paco de Aguiño

Ribeira: presentado avance do plan xeral de ordenación municipal aos grupos políticos do pleno post.ly/4tydv

— Certo (@Certo) January 19, 2012

Música: volven arrexuntarse Heredeiros da Crus, a banda nada en Castiñeiras, Ribeira, hai 20 anos post.ly/4u4zm

— Certo (@Certo) January 19, 2012

Ribeira: "Paraísos non tan lonxanos", fotografía submarina ata o 25 de febreiro no auditorio post.ly/4umaG

— Certo (@Certo) January 20, 2012

Cultura: "Amigos e sodomitas", do ribeirense Carlos Callón, gaña o premio Fervenzas Literarias post.ly/4uoys

— Certo (@Certo) January 20, 2012

• Este sábado 21 haberá misa na súa honra na igrexa parroquial

(download)

Click here to download:

Ribeira_Aguio_conta_cun_novo_l.zip (9.29 MB)

      A nova instalación está ubicada no Local Parroquial e sede social da entidade que lle dá nome, a asociación cultural "Francisco Lorenzo Mariño", ao carón da Igrexa de Aguiño, e conta con varias estanterías abertas así como con cinco librerías pechadas. A adquisición de tres delas ademais dunha mesa de despacho foi grazas á colaboración da Deputación da Coruña. Os libros cos que conta rondan os 3500, de temática variada, dende literatura de todo tipo ata enciclopedias, anuarios, albumes de fotografía, comics, diccionarios e un longo etcétera que tamén inclúe algunha publicación dixital como cd´s e dvd´s. Foron doados por distintos organismos e institucións entre os que destacan o Concello, o Arquivo e Biblioteca Nacional, a Biblioteca de Pontevedra, o Arquivo do Reino de Galicia, a Biblioteca de Ourense ou o Consello da Cultura Galega. Tamén hai exemplares de autor asinados polos mesmos, como Torres Queiruga, Dourado Deira, Erolo, Ventoso Mariño, Antón Lopo, Plácido Betanzos, Mª Luisa López Otero e outros.

Destacan na instalación varias epístolas recibidas por importantes persoeiros como o Papa, o Rei, o Presidente do Goberno, o Presidente da Xunta, o Arcebispo de Santiago ou o Conselleiro de Cultura, que se atopan enmarcadas na zona da oficina e foron enviadas felicitándoos pola iniciativa e pola edición do libro da historia de Aguiño que saíu á luz en 2009 durante o 50 Aniversario da Parroquia. 

     O acto do sábado comezou cunha función de monicreques a cargo de Duendesico que puxeron en escea “Conto Clásico de Nadal” e que foi do agrado de todos os presentes, algo máis de medio cento de persoas na que a grande maioría eran nenas/os. Tamén estivo presente o Carteiro Real que recolleu as cartas para as SS.MM. Os Reis de Oriente. Ao rematar os títeres, o Presidente da entidade, Unai González Suárez deu as grazas ás socias/os por apoiar esta iniciativa, tamén aos distintos organismos pero en especial ao Alcalde, Manuel Ruiz que neste acto tamén acudiu como representante da Deputación ademais do Concello, e ao párroco de Aguiño, David Mohedano, pola colaboración prestada e posibilitar que a nova biblioteca se emprace no local parroquial mellorando así a oferta e os servizos para os feligreses en particular e a veciñanza en xeral. 

     Unai González citou que a Biblioteca é popular porque non conta con sala de estudo e funcionará  unicamente como consulta e empréstamos de libros, xa que ao atoparse nun local multidisciplinar son moitos os usos aos que se adica e non é posible organizar un horario de estudo o suficientemente amplo, desquitando este servizo ao existir xa a biblioteca municipal na casa da cultura. Engadiu que cedo se establecerá un horario de atención aos interesados e comezarase a rexistrar usuarios para poder levar os libros que desexen. Esta idea xurdida no ano 2009 converteuse agora nunha realidade grazas ao empeño da asociación e á colaboración de distintas entidades, con especial fincapé na Área de Cultura e Educación municipais, na Deputación Provincial e na parroquia. Tamén se agasallou ás autoridades cunha axenda conmemorativa da entidade para o ano 2012 e ao final brindouse con cava e refrescos e padaleáronse doces típicos do Nadal con todos os presentes, grandes e pequenos. 

     No acto, ademais do Alcalde e do cura párroco de Aguiño, atopábanse o Tenente Alcalde, Vicente Mariño e a Concelleira de Cultura, Elvira Pisos Arnoso que agasallou á biblioteca cun exemplar de “Don Quijote”, ademais de representantes de distintas entidades como o Xuventú Aguiño, a Comisión de Festas, A Dourixeira, Ardora ou a Anpa de Aguiño. O Alcalde agradeceu as palabras do presidente da entidade e felicitou á mesma por ter posto en marcha este novo servizo, animando a todo o pobo de Aguiño a seguir medrando e dinamizando a cultura do pobo, facendo estensivo o seu apoio dende o Concello e a Diputación para esta e outras iniciativas. A Concelleira de Cultura, natural de Aguiño, lembrou tamén a figura do finado Don Francisco -o finado párroco de Aguiño- ao decir que el foi quen inculcou a moitos veciños o amor pola lectura, e incluso foi quen de animar a estudar aos analfabetos que non poideran facelo por mor das fatalidades da vida “que mellor homenaxe a Don Francisco, que tanto alentou a literatura en Aguiño, que poñerlle o seu nome a unha biblioteca deste pobo”. 

      Para rematar, o párroco felicitou tamén ao presidente da asociación e toda a directiva por esta iniciativa e pola laboura cultural e social que levan a cabo no pobo, como é o caso da mostra de teatro, a semana cultural de xaneiro, a celebración das Letras Galegas, etc. Mostrouse satisfeito e colaborador para o presente o futuro do pobo, sinalando que as instalacións parroquiais deben de seguir sendo un lugar de encontro e disfrute de todos os feligreses e veciños.

• Participaron 116 persoas, que recibiron os diplomas de asistencia na aula multimedia
  (download)
  

  

  Click here to download:

  Ribeira_entregados_os_diplomas.zip (5.58 MB)
  

Ribeira, 23 de decembro de 2011- Un total de 116 veciños e veciñas do municipio estiveron a participar nestes trimestre nos cursos de alfabetización dixital impulsados polo Concello co fin de familiarizar no mundo das novas ferramentas da información aos cidadáns que así o desexasen.  

Dúas destas accións formativas celebráronse na cidade riveirense (na Aula Multimedia) en quendas de mañá e de tarde; en tanto que outros dous cursos desenvolvéronse nas parroquias de Aguiño e Palmeira (na Aula Multimedia de Aguiño e na Sociedade Hijos de Palmeira, respectivamente). 

A Aula Multimedia sita na cidade foi o escenario do acto de clausura, no que a tenente de alcalde Dolores Elorduy; o concelleiro de Enerxía e Novas Tecnoloxías, Emilio Pérez; e o axente TIC Abel Alonso, foron os encargados de entregar os correspondentes diplomas aos alumnos. 

Á volta das vacacións de Nadal está previsto estender estes cursos de alfabetización dixital a outras parroquias para que os seus veciños teñan ocasión de mergullarse nas novas tecnoloxías.

Pode que tamén lle interese:

Airoas: clausurado este obradoiro de emprego

• O sábado 26, en Aguiño, "O achado do castro"

Ribeira, 24 de novembro de 2011. O Auditorio Municipal acollerá mañá venres, a partir das 21.30 horas, a quinta función da Mostra de Teatro de Ribeira 2011, na que a compañía Teatro Galileo representará a peza traxicómica “Sempre quixen bailar un tango”. 

Baixo a dirección de Pedro Rubín, e cun elenco formado por Fernando Morán, Isabel Blanco, Ana Santos e Tanas, todos eles grandes coñecidos polo público grazas á súa participación en distintas series de televisión, tanto na galega como a nivel estatal, a función “Sempre quixen bailar un tango”, escrita por Teresa González, preséntase como unha traxicomedia que non deixa indiferente a ninguén e que reflexiona sobra as cousas que deixamos sen facer e sen aprender ao longo da nosa existencia.  

Trátase dunha viaxe emocional, por medio do humor, sobre as cousas valiosas da vida e o transcurso do tempo. Un texto intelixente cunha magnífica posta en escena e un traballo excepcional que conseguirá facernos rir, chorar, e en definitiva, emocionarnos. 

O acceso é gratuíto. As entradas poderanse retirar media hora antes do inicio da función.

O sábado 26, en Aguiño, última función

Este sábado, 26 de novembro, Teatro Charamela, de Melide, representa “O Achado do Castro”, de Manuel Núñez Singala. Dirixida por Jesús Gómez Lareo, trátase dunha comedia de enredo que xira en torno ao achado dun manuscrito nun castro que nos traslada á época romana onde o emperador, a súa filla, unha mercante, escravos e ladróns se mesturan nun descontrol case sen sentido para facer morrer de risa ao público asistente.

Con esta función remata a III Mostra de Teatro Amador "Francisco Lorenzo" de Aguiño.

Pode que tamén lle interese:

• Ribeira: actos programados contra a violencia de xénero. Charla sobre a prostitución, actualizada

• Ribeira: I expo "Arte na Taberna", venres 25

Ribeira, 23 de novembro de 2011. Facéndose eco da preocupación expresada pola Confraría de Pescadores e Mariscadores de Aguiño, o alcalde Manuel Ruiz Rivas dirixiuse no día de hoxe ao Ente Público Portos de Galicia para instar a esta institución a que se arranxen con urxencia as filtracións de auga que se están a rexistrar na lonxa da parroquia. 

Estas filtracións agraváronse na noite do luns ao martes a consecuencia dos fortes ventos que estiveron a soprar no litoral do concello e, aínda que se interviu con rapidez a fin de intentar solucionar a incidencia, o certo é que a situación empeorou con respecto ao seu estado anterior e, a día de hoxe, existe risco de que como consecuencia das filtracións se danen equipos informáticos e outros custosos materias aloxados no interior da instalación. 

Situación de emerxencia

Por este motivo, Ruiz Rivas solicitou á entidade autonómica a declaración de situación de emerxencia a fin de que se actúe con rapidez para poñer fin a estes episodios.

Onte, en Rianxo:

• Rianxo: reparado o teito da lonxa

Pode que tamén lle interese:

• Ribeira: actos programados contra a violencia de xénero

• O vindeiro sábado 12 a sesión cobrarase para axudar a Paula, a neniña de Boiro con agnesia sacra que está a ser tratada en Alemania
• Todas as funcións son no conservatorio de música ás 20:30

Onte foi a presentación da nova edición da Mostra de Teatro de Aguiño

Ribeira, 4 de novembro de 2011. Mañá comeza unha nova mostra de teatro en Aguiño, e van xa pola terceira edición. "Nunha nova ocasión dende esta entidade comprácenos poder convidarvos á  Mostra de Teatro Afeccionado Francisco Lorenzo Mariño que terá lugar durante os sábados do mes de novembro no noso pobo. A asociación fixo un grande esforzo para poder achegar a arte dramática de compañías de teatro de recoñecemento en Galicia como é o caso de Teatro de Cámara Ditea de Santiago, Carrachanacacha de Narón, Charamela de Melide ou o Grupo de Teatro do Liceo de Noia; recordamos que con estas, xa serán máis dunha ducia as compañías que pasaron por Aguiño para escenificar distintas obras como é o caso de Candelexas de Noia, Ateaco de Oleiros, Talía de Cee, Duendesico de Santiago, Ad Libitium de Ferrol, A Pombiña de Narón ou Salmonela da Coruña entre outras", explica o presidente de da asociación organizadora, Unai González.  

"Esta mostra nada no ano 2009 con motivo da celebración do 50 Aniversario da Fundación da Parroquia de Aguiño, serviu de base para afianzar as artes escénicas no noso pobo, que contan cunha grande acollida, o que levou á nosa entidade a darlle continuidade. A deste ano enmárcase tamén dentro dos actos de conmemoración do V Aniversario da asociación, que como sabedes celebramos co lema de “Asociación Francisco Lorenzo Mariño, 5 anos sementando Cultura”. En Nadal deste ano faremos o sexto aniversario, polo que seguramente algunha actividade –de carácter infantil- dará por finalizado este lustro de existencia. Agradecemos a colaboración das entidades, institucións e empresas que fixeron posible este evento, así como o apoio mostrado polas socias/os, veciñas e veciños de Aguiño durante a nosa existencia. Resaltamos a colaboración do Concello de Riveira e a súa Área de Cultura dirixida por Elvira Pisos; das Asociacións Ardora de Aguiño e A Gandaina de Palmeira e das empresas que colaboran", continúa González. 

A entrada será coma sempre de balde, pero nesta ocasión aproveitan para facer unha función solidaria a beneficio de Paula -a nena de Boiro con agnesia sacra que precisa a axuda de todos e todas para a súa custosa curación en Alemania-. O día elixido será o 12 de novembro cun prezo por persoa de 3 € e os donativos que cada quen queira facer; a recadación íntegra será entregada á familia de Paula e non descartan organizar algunha actividade máis, en solitario ou en colaboración con outras entidades, para recadar máis fondos para esta fin e aproveitan para solicitar a colaboración particular, por pouco que sexa, de todas as persoas. 

Programa 

Sábado 5 de Novembro

CARRACHANACACHA  de  Narón

“Comendo pimentos de Padrón con Tarantino”

Dirixida por Leandro Lamas. 

Comedia surrealista que narra a singular vida de dúas mulleres, nai e filla, cos seus encontros e desencontros na peculiar escalada da filla ate a fama en todo o mundo mundial.

Duración 85 minutos – Recomendado para maiores de 13 anos.

.......................... 

Sábado 12 de Novembro

TEATRO DE CÁMARA DITEA de  Santiago

“Farsa Plautina”

Dirixida por Xan Casas. 

Farsa ou comedia onde desfilan un maremagnum de personaxes arquetípicos da Roma clásica, dende cidadáns, matronas ou políticos ata cortesáns e deuses que como mestura ao estilo do xenial dramaturgo do século II A.C., Tito Plauto, e co bo facer de Ditea, encherán a sala de risas infinitas. 

Nota: Esta función terá unha entrada solidaria de 3 € e cuxa recadación íntegra será destinada a axudar a Paula na súa curación da agenesia sacra.

................................... 

Sábado 19 de Novembro

GRUPO DE TEATRO SOCIEDADE LICEO  de  Noia

“Smóking” de Santiago Moncada.

Dirixida por Leandro Lamas. 

Comedia con situacións inesperadas e diálogos chispeantes nos que se alude ao paso do tempo; a chegada da vellez, a relación de parella, a amizade, a infidelidade, o machismo… son temas que o seu autor, Santiago Moncada vai tocando ao longo da peza. Representada con grande acerto polo Grupo Liceo de Noia, foi merecedora do 2ª Premio no Certame de Teatro Candilejas Don Bosco da Coruña en xuño deste ano.

………………. 

Sábado 26 de Novembro

TEATRO CHARAMELA de Melide

“O Achado do Castro” de Manuel Núñez Singala.

Dirixida por Jesús Gómez Lareo. 

Comedia de enredo que xira en torno ao achado dun manuscrito nun castro que nos traslada á época romana onde o emperador, a súa filla, unha mercante, escravos e ladróns se mesturan nun descontrol case sen sentido para facer morrer de risa ao público asistente.

Entrada de balde ata encher aforo e agás función solidaria! – www.aguiño.com