Ribeira, 22 de xuño de 2011. Un total de 38 integrantes das Escolas Deportivas Municipais de Artes Marciais de Ribeira e A Pobra estiveron a participar a pasada fin de semana, a través da Asociación Deportiva Kempo do Barbanza, no Campionato de España de WAMAI 2011, que se disputou na localidade de Castelldefels (Barcelona) o sábado 18 de xuño. 

Os competidores tomaron parte en diferentes modalidades (katas, armas, musicais, combate no-contact, semi-contact e light-contact), acadando nada menos que 86 trofeos, dos cales 29 foron primeiros postos, 28 segundos postos e 29 terceiros postos. Ademais, o club foi seleccionado como mellor Club de España 2011 e mellor Club do Campionato. 

Os mestres Miguel Pérez Paz e Iván Parada Novo recibiron do presidente internacional de WAMAI, Jesús Mª Platón, o Diploma do Salón da Fama polo seu labor e entrega ás Artes Marciais.  

Esta é a relación de trofeos conquistados:

Tres primeiros postos, 15 segundos e tres terceiros, o que suman 21 trofeos no pobo italiano de Alcamo. O Concello tributoulles unha recepción este martes

Ribeira, 16 de novembro de 2010. Unha colleita de 21 trofeos (3 primeiros postos, 15 segundos postos e 3 terceiros postos) foi o extraordinario resultado obtido polos oito loitadores de Ribeira que, conxuntamente cos dous adestradores que integran o Club Kempo Barbanza, participaron esta pasada fin de semana en Alcamo, na illa italiana de Sicilia, no Campionato Mundial de Artes Marciais.

Os tenentes de alcalde Vicente García e María Dolores Elorduy, e o edil municipal de Deportes, Miguel Ángel Vidal, recibiron e felicitaron este mediodía a estes campións, acabados de chegar do país alpino, e transmitíronlles tamén os parabéns enviados polo alcalde José Luis Torres, que non puido acompañalos por ter que cumprir coas súas obrigas como senador en Madrid.

Os dous adestradores que participaron na expedición, Iván Parada Novo e Miguel Pérez Paz, agradeceron a axuda económica recibida de parte do Concello e expresaron o seu desexo de seguir afianzando os lazos de colaboración coa Corporación en anos sucesivos. Sobre o campionato, explicaron que “foi unha competición cun nivel moi forte na que os rapaces loitaron moi ben”. Amosaron o seu orgullo polos extraordinarios resultados acadados nunha experiencia que para a meirande parte dos rapaces era a primeira fóra de España. Así mesmo, manifestaron que puideron conseguir dous ou tres trofeos máis, de non ser polo excesivo rigor dos xuíces nalgunhas ocasións á hora de aplicar a normativa.

No Campionato participaron arredor de 1.000 loitadores en diferentes estilos (kempo, kung-fu, kick-boxing, sanda, full contact, light contact, semi contact, defensa persoal, formas creativas musicais, armas, rompementos). Os ribeirenses participaron nas modalidades de catas creativas, catas con armas, catas solo, catas por equipos, light contact e semi contact.

Todo o recadado no torneo foi doado íntegramente a UNICEF.

Antes publicamos:

Os loitadores, logo da fenomenal colleita, pousando cos trofeos

Ribeira, 15 de novembro de 2010. Os loitadores de artes marciais pertencentes ao Club Kempo Barbanza veñen de obter un total de 21 trofeos (3 primeiros postos, 15 segundos e 3 terceiros) no Campionato Mundial de Artes Marciais disputado esta fin de semana en Alcamo, Sicilia. 

O tenente de alcalde e concelleiro de Xuventude e Turismo de Ribeira, Vicente García Rivas, e o edil municipal de Deportes, Miguel Ángel Vidal Tomé, recibirán mañá martes ás 12 do mediodía na Casa Consistorial a unha representación dos loitadores participantes, nunha ocasión que servirá para ofrecer ao detalle a información dos éxitos acadados e da que nos faremos eco neste xornal.

Antes publicamos:

Oito loitadores locais parten a Sicilia, ao Campionato Mundial de Artes Marciais

(download)

Click here to download:

Ribeira_oito_loitadores_locais.zip (5.44 MB)

O alcalde, José Luis Torres Colomer, así como a primeira tenente de alcalde, María Dolores Elorduy Callón, e o concelleiro de Deportes, Miguel Ángel Vidal Tomé, saudaron e desexaron moita sorte a estes combatentes, unha selección dos cales acudiron esta mañá á Casa Consistorial en compañía dos dous adestradores que viaxarán con eles, Iván Parada Novo e Miguel Pérez Paz.

No torneo concorrerán arredor de 1.000 loitadores de multitude de países, practicantes de diferentes estilos (kempo, kung-fu, kick-boxing, sandá, full contact, light contact, semi contact, defensa persoal, formas creativas musicais, armas e rompementos).

Os oito rapaces participantes son: Juan Carlos Fandiño Casais, Aitor Sampedro Ares, Míriam Santiago Armental, Carolina Rey Pérez, Miguel Rey Pérez, Rubén Novo Ruiz, Adrián Gude Gude e Laura Laíño Vidal. As disciplinas nas que van participar son: catas creativas, catas con armas, catas solo, catas por equipos, light contact e semi contact.

O Concello concede unha subvención nominal a cada loitador, consistente no financiamento do 50% dos gastos derivados do desprazamento, aloxamento, manutención, inscrición e demais. Da importancia do Campionato dá fe o feito de que será retransmitido pola cadea pública da televisión italiana RAI Sport, segundo o Concello. Todo o recadado no evento será doado integramente a UNICEF.

(download)

Click here to download:

Ribeira_o_cuarto_curso_intensi.zip (7.74 MB)

O curso terá lugar no local da Sociedade Fillos de Palmeira e vai constar en principio de clases de autodefensa feminina. "Nesta ocasión faremos especial fincapé no traballo para defenderse ante violacións ou agresións sexuais. Tamén impartirei recursos de loita na rúa e outras cousas máis, sempre interesantes", explica Juan Hombre. Como actividades complementarias farán pequenas marchas polo Barbanza, durmindo unha noite ao raso en plan supervivencia e completándoo con xogos populares galegos "para animar un pouco", asegura o karateka ribeirense.