Certo.gl, o xornal dixital de Barbanza e Noia

April 18, 2012

Ribeira: preto de corenta participantes no roteiro polos montes do Vilar

Ribeira, 18 de abril de 2012. Xente de tódalas idades participou no roteiro de sendeirismo polos montes do Vilar, que organizou o pasado domingo a Asociación de Veciños de Carreira, presidida por Marivén Sampedro.

Segundo a organización, foi "unha ruta cortiña, de apenas 12 quilómetros, que descorría por paraxes espectaculares que resultaron do agrado dos perto de 40 participantes". Entre os asistentes, carreirenses coñecidos como José Manuel Pena, Jaime López, Pachicho Reiriz ou a anterior presidenta da asociación veciñal, Ana Gómez Hermo, que disfrutaron tanto do percorrido como das curiosas e personais explicacións do guía, Moncho Sampedro.

Ribeira: convocan manifestación o sábado 28 de abril contra as matanzas de lobos is.gd/nhi1jN
— Certo (@Certo) April 18, 2012

Ribeira: Francisco Antonio Vidal fala nos Xoves Literarios sobre festas e fastos is.gd/yzsnKH
— Certo (@Certo) April 18, 2012

Ribeira: recepción aos participantes do "Free Minds, Open Hearts", que veñen de sete países distintos is.gd/7aTNa4
— Certo (@Certo) April 18, 2012

Sanidade: a asociación SOS Sanidade Pública advertiu onte dos recortes e copagos que o PP anunciou hoxe is.gd/qdD7zi
— Certo (@Certo) April 18, 2012

Filed under // Carreira Ribeira asociacionismo roteiros sendeirismo

Comentarios [0]

April 10, 2012

Ribeira: veciños de Carreira estiveron de excursión polo norte da Coruña

Ribeira, 10 de abril de 2012. Dentro da filosofía da Asociación de Veciños de Carreira de dar a coñecer o patrimonio natural e cultural de Galicia, un grupo de máis de 50 personas adicouse a visitar as terras do norte da provincia de A Coruña estes pasados días.

Visitaron lugares como o casco antigo de Pontedeume, onde coincidiron coa multitudinaria procesión do Domingo de Ramos, que alí chaman “a procesión da Borriquiña”. As fermosas paisaxes de Cedeira foron o seguinte punto de interese da excursión, que tivo o punto álxido nun dos lugares máis lendarios de Galicia: San Andrés de Teixido. Un numeroso grupo atreveuse co derradeiro tramo peregrino do Camiño de San Andrés que os levou ata a mesma igrexa de Santo André.

Os viaxeiros non puideron ver a marabilla dos cantís da Capelada pola néboa

A única mágoa que trouxeron foi non poder divisar as panorámicas dos acantilados máis altos da Europa Occidental, A Vixía da Herbeira, xa que a espesa néboa que cubría a Serra da Capelada impediu tal visión. Con todo, a actividade resultou todo un éxito quedando á espera da vindeira saída, que posiblemente leve ós membros da Asociación presidida por Marivén Sampedro, a coñecer diversos paraxes da provincia de Pontevedra.

Ribeira: este domingo 15 de abril, ruta de sendeirismo polo Vilar post.ly/6fSHK
— Certo (@Certo) April 10, 2012

Ribeira: presentan o venres 27 de abril un libro da xornalista Beatriz Manjón [pic] ff.im/Ut8HU
— Certo (@Certo) April 10, 2012

Filed under // Carreira Ribeira asociacionismo viaxe

Comentarios [0]

April 10, 2012

Ribeira: este domingo 15 de abril, ruta de sendeirismo polo Vilar

Ribeira, 10 de abril de 2012. O vindeiro domingo, 15 de abril, a asociación veciñal de Carreira organiza un roteiro de sendeirismo polos montes do Vilar. Será unha ruta de 12 quilómetros, a ritmo lento e cunha duración aproximada de 4 horas.

A saída será da capela da Guía ás 10:00 horas. Non fai falta inscribirse pero nin que dicir ten que se prega puntualidade.

Ribeira: veciños de Carreira estiveron de excursión polo norte da Coruña post.ly/6fSXh
— Certo (@Certo) April 10, 2012

Ribeira: o servizo de limpeza de edificios públicos será adxudicado en breve a unha das sete empresas presentadas post.ly/6fVQX
— Certo (@Certo) April 10, 2012

Ribeira: Ámbar acada o certificado de calidade ISO 9001 para o seu centro de día post.ly/6fX9q
— Certo (@Certo) April 10, 2012

Filed under // Carreira Ribeira andaina asociacionismo

Comentarios [0]

March 22, 2012

Ribeira: charla sobre a prevención do alcoholismo en Carreira o venres 30 de marzo

Ribeira, 22 de marzo de 2012. A AAVV de Carreira organiza a charla "Prevención do Alcoholismo" o venres 30 marzo ás 21:00 na Casa de Cultura de Carreira.

23 DE MARZO, 21:30 H, GARCÍA BAYÓN: CONCERTOS DA MOCIDADE "RIVEIRA EN MARCHA" A BENEFICIO DE UNICEF! ENTRADA DE BALDE! twitter.com/enterateriveir…
— enterateriveira (@enterateriveira) March 22, 2012

Ribeira: un experto aposta por concellos a dous niveis administrativos, onde unha parte teña servizos supralocais post.ly/6AgNf
— Certo (@Certo) March 22, 2012

Galician´s Wikileaks: Matar al mensajero @gconfidencial wp.me/p1QZ3q-47 vía @Tornarratos #ánimoGC #jueveslaico
— Certo (@Certo) March 22, 2012

Ribeira: o instituto Leliadoura, escollido para elaborar o Informe PISA 2012 que avalía aos estudantes españois post.ly/6Akly
— Certo (@Certo) March 22, 2012

Ribeira: queren converter xuño nun mes de cultura con récord e todo

Filed under // Carreira Ribeira asociacionismo charla informativa

Comentarios [0]

February 28, 2012

Ribeira: "Flor de Toxo" participou no Entroido e organizou unha viaxe á neve

Ribeira, 28 de febreiro de 2012. "De éxito rotundo" cualifican na asociación cultural "Flor de Toxo" a viaxe organizada á estación invernal de San Isidro, en León, durante a pasada fin de semana (25 e 26 de febreiro). Nela participaron unha trintena de mozos e mozas da comarca. Os participantes puideron desfrutar da mellor fin de semana da tempada na estación leonesa. De regreso, a expedición retomou forzas cun descanso no mítico restaurante "O Rei das Tartas" de Mondoñedo.

Na semana pasada, o martes de Entroido, compoñentes de flor de Toxo participaron no Festival de Murgas e Comparsas, organizado polo concello de Ribeira, aínda que non obtiveron ningún premio neste certame, os participantes compartiron unha tarde de risas, sátira e entroido.

Ultimamente a actividade da entidade está sendo frenética: no que vai de ano xa participaron ademais de nestas actividades, na Cabalgata de Reis e organizouse o III Nadal Musical.

Xa se está traballando na organización da II Acampada da Mocidade que o ano pasado tivo lugar no Campo de fútbol de Neixón (Cespón-Boiro) e este ano xa se pensa en Porto do Son ou Rianxo como probables lugares para a ubicación da acampada.

Todas aquelas persoas que o desexen poden poñerse en contacto con esta asociación deben facelo no correo electrónico asociacionflordetoxo@gmail.com

FOTO DE FAMILIA dos PREMIADOS NA GALA DO DEPORTE DE RIBEIRA. A foto máis vista hoxe no noso flickr flic.kr/p/bkknRd
— Certo (@Certo) February 27, 2012

Primeira Regata de Inverno Lajareu 2012. Vaia espectáculo as dornas pola ría! flic.kr/s/aHsjySDLnp
— Certo (@Certo) February 27, 2012

Ribeira: o Tribunal Superior de Xustiza de Galicia tumba a piscifactoría de Laxe Brava, ás portas de Corrubedo post.ly/5cSf3
— Certo (@Certo) February 27, 2012

O blogue do Carlos Callón: A Mesa convoca o premio Abertos ao Galego carloscallon.com/2012/02/mesa-c…
— Certo (@Certo) February 27, 2012

Filed under // Flor de Toxo Ribeira asociacionismo

Comentarios [0]

December 22, 2011

Política: agroma unha nova asociación estudantil da man de Converxencia XXI

Chámase Asociación Liberal do Estudantado Galego (Alega)

Obra de Antón Mouzo

Barbanza-Noia, 22 de Nadal de 2011. Converxencia XXI pretende dar un paso máis na súa expansión coa creación da Asociación Liberal do Estudantado Galego (ALEGa), "que será un medio máis para acadar o fin último que sempre foi, é e será servir á sociedade galega", segundo explican en nota de prensa dende ese partido.

A Asociación Liberal do Estudantado Galego pretende ser unha ferramenta de utilidade para que tódolos estudantes galeg@s que o desexen poidan participar na promoción e defensa dos ideais de liberdade e galeguismo no eido da Universidade a través das diferentes actividades que desenvolverá a asociación.

A Asociación Liberal do Estudantado Galego intégrase, por tanto, na familia liberal galega que actualmente conforman a Asociación Galega pola Liberdade e a Democracia, membro do European Liberal Forum, e Converxencia XXI.

"ALEGa, como asociación autónoma, liberal e aperturista que é, busca a participación de tódolos estudantes galegos que compartan as nosas ilusións por traballar en prol do espallamento das ideas liberais e galeguistas na sociedade galega e dende Converxencia XXI faise un chamamento a tódolos estudantes a traballar nesta liña", conclúen.

Filed under // Converxencia XXI asociacionismo política

Comentarios [0]

September 26, 2011

Ribeira: "Flor de Toxo" pon en marcha unha escola de música tradicional para a que xa abriu o prazo de matrícula

Ribeira, 26 de setembro de 2011.A Asociación Xuvenil e Cultural Flor de Toxo pon en marcha unha escola de música tradicional, e organiza para este curso os seguintes cursos:

Gaita Perfeccionamento
Gaita Iniciación
Percusión
Clases Individuais

Para máis información ou inscrición no número 669 999 302 ou no correo asociacionflordetoxo@gmail.com

Filed under // Flor de Toxo Ribeira asociacionismo

Comentarios [0]

September 7, 2011

Outes: este venres 9 de setembro preséntase "Aquelar", nova asociación cultural

Outes, 7 de setembro de 2011. Este venres, 9 de setembro, a partires das 21:30 terá lugar a presentación oficial da Asociación Cultural “ Aquelar”, que terá como principal foco de acción o concello de Outes.

O obxectivo principal desta organización é "marcar a axenda local no eido cultural, deportivo, músical e xuvenil en Outes", sinalan os responsables. Este sábado presentan a directiva, a cal será a encargada de
materializar todas aquelas ideas que xurden dentro da asociación cultural.

O acto de presentacións consistirá nunha foliada e ademáis os asistentes darán boa conta dunha churrascada de balde namentres soa música ambiental. O lugar elixido é o antigo Bar “ O Baixo”.

Antes, en Outes:

Arqueoloxía: "Terra de Outes" pronúnciase a prol da conservación completa do atopado en Taramancos Vello

Memoria histórica: quen era Luis Barrena?

Xardín da memoria: onde asasinaron a Barrena

Filed under // Aquelar Outes asociacionismo

Comentarios [0]

July 7, 2011

Ribeira: veciños de Carreira continuaron descubrindo a Costa da Morte

Ribeira, San Fermín de 2011. Dentro das liñas de actuación en materia de difusión do patrimonio de Galicia, a Asociación de Veciños de Carreira, vén de organizar unha nova saída lúdico-cultural que levou por título “Misterios da Costa da Morte 2” na que se visitaron lugares tan emblemáticos como o cabo Vilán, Camariñas, Camelle, Castelo de Vimianzo, Laxe, as Torres de Mens ou o porto de Malpica de Bergantiños.

Cincuenta viaxeiros desfrutaron desta excursión que completaba a realizada unhas semanas antes por Fisterra e Muxía, e na que puderon coñecer de primeira man a artesanía da zona, monumentos medievales, paisaxes espectaculares, e todo elo, aderezado por continuos relatos da rica tradición oral da bisbarra: afundimentos do Adelaida e do Serpent, trazos da historia de Man, o alemán de Camelle ou o misterio das torres de Mens”.

Antes, en Certo:

Veciños de Carreira achéganse aos misterios da Costa da Morte

Filed under // Carreira Ribeira asociacionismo viaxe

Comentarios [0]

July 6, 2011

Ribeira: este xoves 7, no auditorio, presentan o borrador da Lei de Xuventude de Galicia, ao que se poden facer aportacións

Agardamos que a reunión de mañá sirva para algo máis que a que houbo na aínda non aberta Casa da Xuventude de Ribeira

Ribeira, 6 de xullo de 2011. O Concello avisa de que a Consellería de Traballo e Benestar, a través da Dirección Xeral de Xuventude e Voluntariado, está a traballar na elaboración do borrador de Anteproxecto de Lei de Xuventude.

Co obxecto de informar do mesmo e recoller as propostas ao respecto dos mozos e mozas de Riveira e dos colectivos e entidades afectados, mañá xoves día 7 de xullo levarase a cabo a presentación do borrador de Lei de Xuventude de Galicia no Auditorio Municipal ás 20.00 horas, nun acto que contará coa participación de técnicos responsables da referida Dirección Xeral.

Esta actividade está organizada pola Concellería de Xuventude do Concello, a través da Oficina Municipal de Información Xuvenil, e á mesma están convidados todos os mozos e colectivos que desexen asistir, sen necesidade de inscrición previa.

Por outra parte, cómpre informar de que o referido borrador pódese consultar na páxina web www.xuventude.net, que deixa aberta a posibilidade de facer aportacións ao mesmo vía internet.

Pode que lle interese:

Dorna: derradeira asemblea antes da Festa, este sábado 9 de xullo

Concerto de saxo: este sábado 9 de xullo na igrexa de Sta Uxía

Saídas culturais: viaxe ás Cíes. Anótate ata o venres 8 de xullo!

Filed under // Ribeira Xunta de Galicia asociacionismo xuventude

Comentarios [0]

June 30, 2011

Ribeira: rematou o curso de alfabetización dixital partillado entre Cultura e tres asociacións

Ribeira, 30 de xuño de 2011. O alcalde de Ribeira, Manuel Ruiz Rivas, e os concelleiros de Enerxía e Novas Tecnoloxías, Emilio Pérez Outeiral; e de Cultura, Elvira Pisos Arnoso, estiveron onte á noite na Aula Multimedia de Ribeira para proceder á clausura do Curso de Alfabetización Dixital promovido coa Concellería de Cultura en colaboración con tres asociacións do Concello: a Asociación de Amas de Casa, o Club de Pensionistas e Xubilados de Aguiño e Carreira e a Asociación Francisco Lorenzo Mariño.

(download)

Recibiron os seus correspondentes diplomas un total de 58 asistentes (membros das asociacións citadas e tamén veciños en xeral) que estiveron asistindo a este curso dende principios de abril, ben na Aula Multimedia de Santa Uxía ou ben na Aula Multimedia de Aguiño.

O alcalde lembrou que o éxito desta iniciativa provén do traballo desenvolvido polo anterior Executivo, e destacou tanto a figura do anterior rexedor, José Luis Torres Colomer, como do antigo edil de Cultura, Luciano Fernández Martínez.

Pola súa parte, Elvira Pisos Arnoso destacou o papel das asociacións como referentes culturais que dende o Concello se debe alentar, promover, apoiar e difundir; en tanto que Emilio Pérez Outeiral avanzou que a intención do Goberno Local é estender esta mesma iniciativa ás parroquias.

Relacionadas:

Redución da fenda dixital entre maiores

Internet: o Concello abre perfís nas Redes Sociais

Filed under // Ribeira asociacionismo novas tecnoloxías obradoiros

Comentarios [0]

June 28, 2011

Ribeira: Flor de Toxo e asociacións de pais e nais foron recibidas polo alcalde para abordar diversas cuestións

O edificio da Casa da Xuventude foi unha enorme chapuza dende os cimentos. Rivas agarda tela en funcionamento -pero efectivo- en setembro ou outubro

Ribeira, 28 de xuño de 2011. No encontro mantido no día de onte entre colectivos xuvenís (representados pola asociación Flor de Toxo) e diversas ANPA (representadas pola do colexio de Aguiño) co alcalde de Ribeira, Manuel Ruíz Rivas, abordáronse os seguintes asuntos:

A posta en funcionamento da Casa da Xuventude, coa que Ruíz se comprometeu a poñer en marcha en setembro ou outubro e sinalou que xa se está traballando nas filtracións de auga.
A creación dunhas pistas deportivas no centro da cidade, ante o que sinalou a complicación desta infraestrutura "por non dispoñer o concello de parcelas axeitadas na capital do municipio".
O control, por persoal do concello, nos pasos de peóns ás saídas e entradas do colexio para evitar atropelos. Indicando que se intentará, polo menos nos de máis importancia, xa que non se dispón dos suficientes traballadores.
A apertura das pistas dos colexios públicos, durante as fins de semana. Explicou Ruiz Rivas que xestionará esta petición coas direccións dos distintos centros.

Pronunciamento sobre o conflito do Coroso

Os colectivos xuvenís e de pais e nais de alumnos, "agardamos que se traballe e se dea solución a estas peticións o antes posible e aproveitamos para expresar o noso malestar co peche do I.E.S. Coroso, pois cremos necesario e apoiamos a construción un Centro Integrado de Formación Profesional neste concello, pero non a conta de prazas de Bacharelato e ESO, xa que non se garante que tódolos alumnos teñan praza, e sería unha situación caótica porque se atoparían alumnos sen transporte escolar, nin gratuíto nin subvencionado pola Xunta, ata o seu centro de estudos. É por iso polo que solicitamos que se replantee o proxecto, porque Ribeira ten que gañar infraestruturas e non perder unhas a conta de outras", manifestaron.

Relacionadas: