Barbanza, 30 de abril de 2012. Onte tivo lugar en A Estrada (Pontevedra) o VIII certame de baile tradicional Tequexetéldere, que acubillou no Teatro Principal a uns oitocentos bailaríns -repartidos en 31 grupos- aos que foron ver demasiada xente, tanta que non había sitio no recinto.

Na categoría máxima, a D, para bailador@s de 16 en diante, levouse o primeiro premio o grupo de baile tradicional "Tahúme" de Ribeira. Segundo foi a Escola Cantigas e Agarimos de Santiago e terceira a Asociación Cultural Mar de Arousa de Bamio.

Na categoría C (de 12 a 16 anos), os que se levaron o gato á auga en primeiro lugar foron as de Nove Ferreñas, de Rianxo, da asociación "Vai de Roda". De segundos irían "Tras do Eo", de Teo, e terceiros "Os Xeitosos" de Trazo.

Ademais,  na categoría B tamén gañou "Sete Ferreñas", de Vai de Roda de Rianxo. En segundo lugar quedaría O Muiño da Retorta de A Ponte Vella de Teo e de terceiros, Os Trazantes de Tenorio.

Accésits 

Por se fora pouca a colleita dos rianxeiros, o xurado deste certame de nome case impronunciable, Tequexetéldere, outorgou accésits ao mellor grupo de acompañamento a Sete Ferreñas de Vai de Roda (en categorías A e B). 

O grupo anfitrión, Tequexetéldere de A Estrada, actuou fóra de concurso, xesto que o honra.

Os resultados completos deste certame, na web de Tequexetéldere, aquí

Cultura: poetas e músicos déronlle "Vitaminas para o galego" nun festival en Compostela post.ly/73zXJ

— Certo (@Certo) April 29, 2012

Cultura: un exemplo de divulgación do Patrimonio na Mariña de Lugo para todo o país post.ly/73vvV

— Certo (@Certo) April 29, 2012

modo @masaenfurecida O DA HISTORIA DE AMOR NO INSTITUTO DE BOIRO É UNHA CORTINA DE FUME DO PP PARA QUE NON FALE A PRENSA DAS PRIVATIZACIÓNS

— Certo (@Certo) April 29, 2012

Bases

Click here to download:

Bases Concurso Baile Riveira.pdf (932 KB)

(download)

Click here to download:

Bases Concurso Baile Riveira.pdf (932 KB)

Pode que tamén lle interese:

Andaina popular: o sábado 3 de setembro

Caricaturas de Pepe Núñez: ata o 15 de outubro no auditorio

• O venres 19 de agosto, concerto de "Nordestinas" nas "Noites Folc"

Rianxo, 15 de agosto de 2011. O próximo sábado 20 de agosto a A.S.C. FOGO FATUO organiza o IX CERTAME DE BAILE E MÚSICA TRADICIONAL ALEIVOSÍA a partir das 21h na Praza Castelao de Rianxo. Durante unha hora os que asistan poden gozar dos bailes e cancións tradicionais interpretadas por tódolos grupos de baile, pandeireta e gaita do grupo Aleivosía e do grupo de baile convidado da Asociación Cultural Queiroga de Paiosaco (A Laracha).

A Pobra, 22 de xullo de 2011. Este sábado 23 de xullo, ás 21:30 horas, na Praza Alcalde Segundo Durán, terá lugar o Festival de Baile Batudance. Está organizado pola Asociación BATUDANCE, formada pola súa presidenta Patricia Parada Vidal e a entrenadora Mónica Sanlés Rodríguez. Na presentación, esta semana na Pobra, estiveron presentes dous dos rapaces que forman parte do grupo de baile: Nagay Lijó Sanlés e Paula Castro Ares.

Haberá exhibición de bailes de salsa, batuka, bailes de salón e baile moderno. E tamén un espectáculo con voz en directo. Para máis información a asociación ten este perfil de facebook (de onde procede a foto da información) e o correo batudancepobra@hotmail.com

Pode que tamén lle interese:

Festas: en Teaio e en Bexo, do 15 ao 17 de xullo

Premio "Eusebio Lorenzo Baleirón" de poesía: bases 2011

Ribeira, 8 de xullo de 2011. Organizada pola Concellería de Cultura, mañá sábado 9 de xullo, o auditorio acubillará ás 20.30 horas á celebración da Mostra de Música Tradicional de Ribeira. 

Cinco grupos participarán na actividade: o Grupo Tradicional Tahume de Olveira (que figurará coas seccións infantil e adulto), O Rueiro dos Fillos de Palmeira, o Grupo de Gaitas O Pichote de Palmeira, O Grupo de Pandereteiras Tanxedoira de Palmeira e o Grupo de Canto A Gandaina de Palmeira. 

A Mostra durará  en torno a unha hora e media e incluirá tres pezas infantís de Tahume, 5 pezas do Rueiro, 2 pezas do Pichote, 2 de Tanxedoira, 2 dos cantareiros da Gandaina e 3 de Tahume adultos.  

Entrada gratuíta

O acceso é de balde ata encher aforo. As entradas poderán ser retiradas media hora antes de comezar o espectáculo.  

Ao remate do mesmo, a concelleira de Cultura, Elvira Pisos, agasallará a cada grupo participante cunha figura conmemorativa da Mostra para agradecer a súa participación.

O mesmo día en Ribeira:

Festa da Dorna: derradeira asemblea, este sábado 9 de xullo

Concerto de saxo: este sábado 9 de xullo na igrexa de Sta Uxía

Arousa Norte: este sábado, xornada por un litoral sostible

Nesta ligazón pódese ver unha galería de fotos do certame no que resultaron premiados.

Rianxo, 31 de maio de 2011. Dous grupos da Asociación de Música e Baile Tradicional Vai de Roda de Rianxo veñen de colleitar novamente diferentes premios na edición do XXII Concurso de Baile Tradicional de Xacarandaina, celebrado nesta fin de semana no Coliseum coruñés.

Igualan deste xeito os postos acadados na Estrada neste mesmo ano. Foi o de Xacarandaina un certame con moita participación de agrupacións e colectivos culturais con escolas de baile tradicional das provincias de Pontevedra e A Coruña, algunha delas das máis prestixiosas como Cantigas e Agarimos, Xacarandaina, Fiadeiro, Donaire, A Pontevella ou Os Xeitosos de Trazo, o que dá idea da competencia e o bon nivel do concurso.

Na categoría dos máis novos, menores de 9 anos, venceu o grupo O Muiño da Retorta, do colectivo Pontevella de Teo, por diante do grupo Sete Ferreñas de Vai de Roda, de Rianxo que quedou segundo, e Xacarandaina terceiro, competindo 7 grupos.

Na categoría de 9 a 12 anos venceu o grupo Nove Ferreñas, de Vai de Roda de Rianxo, por diante da Escola de Folclore de Betanzos e Tras do EO da CC. A Ponte Vella. Neste caso foron doce os grupos participantes.

Vindeiro serán: o sábado 18 de xuño, Serán do Mar

Vai de Roda amosa a súa satisfacción polo que isto supón de recoñecemento dun traballo e dun esforzo de nenos e nenas, das familias e do profesorado. Aproveita tamén para ir anunciando o sábado 18 de xuño á noite a celebración no Campo de Arriba de Rianxo do VI serán do Mar.

PARTICIPANTES CATEGORÍA A: ata 8 anos inclusive

- “B” da Escola Municipal de Folclore -Betanzos............................................Muiñeira

- “Donairiño” da A.C. Donaire..........................Muiñeira de Cubelo (Moraña)

- “O muiño da Retorta” do C.C. A Ponte Vella–Teo........Muiñeira de Boudañeira (Dumbría)

- “Rebuldeiros” da A. C. Xacarandaina................Muiñeira de Truebe (Sta. Comba)

- Casa Galega – Hospitalet.....................................Muiñeira de Leira

- “C” da Escola Municipal de Folclore -Betanzos.........Muiñeira de Sofán (Carballo)

- “Sete ferreñas” “Vai de Roda”-Rianxo.......Muiñeira de Codeseda(A Estrada)

CATEGORÍA B: de 9 A 12 anos inclusive

- “Fungueirazos” da A. C. Donaire..................Punteada do Rieiro (Cabana de Bergantiños)

- “A” da A.C. Os Xeitosos –Trazo..............................Xota de Benza (Trazo)

- “E” da Escola Municipal de Folclore -Betanzos.......Xota e muiñeira de Berdoias (Vimianzo)

- “O Rodicio” da A.C. Xacarandaina................................Punteada de Cerqueda

- “C” da Escola de Muiñeira Cantigas e Agarimos........Jota e muiñeira de Murias

- “Ferreiros” da A.C. Adro-Baio............................Maneo e muiñeira de Rodís (Cerceda)

- “D” da Escola Municipal de Folclore -Betanzos...............Muiñeira de Trasmonte (Ames)

- “Tras do Eo” do C.C. A Ponte Vella........................................ Muiñeira de Liñares (Avión)

- “Barullo” da A. F. Santiaguiños -Boimorto......Muiñeira de Vilar (Remonde –Palas de Reis)

- “Fusos e rocas” da A. C. F. O Fiadeiro............................Muiñeira vella de Malpica

- “Nove ferreñas” Vai de Roda-Rianxo............Muiñeira de San Campio (Serra de Outes)

- “Teirón” da A. R. C. e D. San Martín –Razo.....................Muiñeira do Viso (Laracha)

Onte publicamos:

Rianxo, 30 de maio de 2011. O grupo de baile "Vai de Roda" non para de colleitar premios. Onte, reunido o Xurado do XXXII Concurso de Baile Tradicional Xacarandaina da Coruña, composto por Chelo Cheda Pérez, Miguel Sotelo Vidal e María José Martínez Pérez acordaron:

CATEGORÍA A: Ata os 8 anos inclusive

1º Premio: O Muíño da Retorta do CC A Ponte Vella de Teo

2º Premio: Sete Ferreñas da A de MBT "Vai de Roda"  de Rianxo

3º Premio: Rebuldeiros da AC Xacarandaina

CATEGORÍA B: De 9 a 12 anos inclusive

1º Premio: Nove Ferreñas  da A de MBT "Vai de Roda" de Rianxo

2º Premio: E da Escola de Folclore de Betanzos

3º Premio:Tras do EO da CC  A Ponte Vella

CATEGORÍA C: De 13 a 16 anos inclusive

1º Premio: Garagao da AC Xacarandaina de A Coruña

2º Premio: Grupo "B" da AC "Os Xeitosos" de Trazo

3º Premio: Pedravíxía da AC Adro de Baio

CATEGORÍA D: Maiores de 17 anos

 1º Premio: "Repinicoque" da AX Xiradela de Arteixo

2º Premio: Escola Municipal Tequexetéldere de A Estrada

3º Premio: Centro Cultural A Ponte Vella de Teo

Vía http://www.xacarandaina.com

Blog de Vai de Roda: http://www.blogoteca.com/vaideroda

Antes, en Certo:

Baile: Vai de Roda premiada na Estrada

A asociación Borobó e as Xuventudes Socialistas de Boiro organizan un campionato de Just Dance, un xogo de emulación de baile para wii

O gañador levarase como premio unha videoconsola Wii

Boiro, 31 de outubro de 2010. A Asociación Cultural Borobó conxuntamente coas Xuventudes Socialistas de Boiro teñen preparado para a vindeira fin de semana, concretamente para o venres día 5, unha nova xornada de entretemento no Pub Ese / A Pousada das Ánimas. Durante esta noite, o colectivo levará a cabo o I Campionato de Just Dance, é decir, un campionato de baile a través dun coñecido videoxogo da Wii que xa vai pola súa segunda parte.

Os concursantes terán que amosar as súas destrezas na pista de baile e baterse en reto para conseguir o premio: unha videoconsola Wii de Nintendo. A concesión deste premio é posible grazas aos patrocinadores. O evento comezará a partires das 23:00 horas, primeiro coa actuación de mago Joan –chegado dende Barcelona- e, tras o concurso, un concerto a cargo do grupo boirense, integrado só por rapazas, Agoraphobia. Con esta actividade estas dúas entidades queren apoiar este tipo de videoxogos que favorecen o deporte e a mobilidade de todos, e non só dos máis pequenos. Xogos sinxelos que se basean no movemento. Os interesados aínda están a tempo de apuntarse para este concurso. Poden facelo no pub Ese.

Just Dance tamén é o título desta canción de Lady Gaga:

O mesmo día, na Pousada das Ánimas:

Cafés científicos: venres 5 de novembro, último

As bailadoras de Aroña, nunha foto do seu Facebook

Boiro, 9 de agosto de 2010. Como todos os anos, o grupo de baile Aroña de Escarabote (Boiro) organiza o seu festival. Nesta edición contan coa participación de Airiños da Lagoa (Baiña- Baiona), Pandereteiras Nunca é tarde e Vai de Roda (Rianxo) entre outros.

Saen ás 19:30 do Pontellón, cun enxebre pasarrúas polo pobo ata chegar ao porto de Escarabote. "Estades todos convidados!
NON FALTEDES!!", din dende a organización.