Hoxe ás 11,00 h. tivo lugar no Espazo Xove de Noia unha Xornada de información xuvenil , dentro da campaña que a Axencia de Europa de Información e Asesoramento para os Mozos (ERYCA), lanza sobre o Dereito á Información Xuvenil 2012
Noia, 18 de abril de 2012. A Dirección Xeral de Xuventude e Voluntariado, dependente da Consellería de Traballo e Benestar, uniuse á campaña ‘O Dereito a Información Xuvenil’ con motivo do Día Europeo deste eido, coa posta en marcha de seminarios e xornadas dirixidas á visualización da información especializada e á figura do informador xuvenil. Na Xornada de hoxe no Espazo Xove de Noia participaron ao redor de 55 mozos e mozas de 16 a 30 anos. Participaron Jesús Antelo García, director do Centro coordinador de información xuvenil de Galicia, os responsables dos Espazos Xove de Betanzos, María Doporto Sabín, Curtis, Eduardo Vázquez Sánchez e Pontedeume, Maria Isabel Pena Gregorio, todos eles moderados pola directora da Casa da Xuventude de Noia, Almudena Suárez Torrado.
Estas xornadas, que xa tiveron o seu inicio onte no Centro Coordinador de Información Xuvenil de Santiago, celebrouse hoxe no Espazo Xove da Rede Galega de centros xuvenís de Noia, que está destinada a mozos e mozas de 16 a 30 anos, co obxecto de darlles a coñecer os seus dereitos sobre a información xuvenil e as actuacións que se levan a cabo desde a Dirección Xeral de Xuventude e Voluntariado, e desde o propio Espazo Xove (Casa da Xuventude) de Noia .
A campaña, posta en marcha pola axencia europea ERYCA en colaboración co Consello de Europa, pretende sensibilizar á mocidade e aos medios de comunicación sobre o papel especial da información para os mozos e mozas con respecto ao acceso destes aos seus dereitos. Tamén se pretende sensibilizar sobre o acceso á información como un dereito en si mesmo para toda a xuventude. Así mesmo e como requisito previo, establécese o respecto á democracia, aos dereitos humanos e as liberdades fundamentais, así como o dereito a que todos os mozos e mozas teñan acceso a unha información completa, obxectiva, comprensible e fiable sobre todas as súas dúbidas e necesidades.
Sanidade: a asociación SOS Sanidade Pública advertiu onte dos recortes e copagos que o PP anunciou hoxe is.gd/qdD7zi
En Noia tivo lugar un seminario hoxe mesmo sobre este asunto (a imaxe é de hoxe).
Noia, 10 de abril de 2012. A Dirección Xeral de Xuventude e Voluntariado únese a Campaña: “O Dereito a Información Xuvenil” con motivo do Dia Europeo da Información xuvenil que pon en marcha ERYICA en colaboración co Consello de Europa o vindeiro día 17. A campaña pretende sensibilizar á mocidade e aos medios de comunicación sobre o papel especial da información para os mozos e mozas con respecto ao acceso destes aos seus dereitos. Asi mesmo tamén se pretende sensibilizar sobre acceso á información como un dereito en si mesmo para toda a Xuventude.
Como requisito previo establécese o respecto á democracia, aos dereitos humanos e as liberdades fundamentais, así como o dereito a que todos os mozos e mozas teñan acceso a unha información completa, obxectiva, comprensible e fiable sobre todas as súas dúbidas e necesidades.
Os obxectivos xerais da campaña son os seguintes:
1. Dar a coñecer aos mozos e mozas o dereito á información.
2. Dar a coñecer aos mozos e mozas os Servizos de información Xuvenil onde poderán facer uso do seu dereito e atopar aquilo que buscan para desenvolver os seus proxectos.
3.Sensibilizar á clase política da importancia da información xuvenil.
Con este motivo a Dirección Xeral de Xuventude e Voluntariado organizou un seminario sobre “A información e dinamización xuvenil desde os Espazos Xove da Rede Galega de Centros de Xuventude”. No mencionado Seminario participaron responsables de distintos Espazos Xove da Comunidade Autónoma de Galicia e da Comunidade Foral de Navarra, no que diseñaron un programa dirixido a mocidade para levar a cabo nalgúns dos Espazos Xove galegos, con motivo do Dia Europeo da Información Xuvenil: O Dereito a información xuvenil.
Noia: bases do V Certame de pintura ao aire libre "Juan Fernández Leiceaga", que se celebra o sábado 21 de abril post.ly/6fSy0
A Casa da Xuventude de Noia foi reinaugurada o 24 de marzo de 2011
Noia, 4 de abril de 2012. O Espazo Xove de Noia informa da apertura do prazo para a inscrición no Curso Básico de Información Xuvenil ata o 16 de abril . O curso terá unha duración de 40 horas e realizarase a distancia contando cun exame final nunha sesión presencial no Espazo Xove de Noia o día 31 de maio ás 19.00 horas.
Os destinatarios do curso son aqueles mozos e mozas de 18 a 30 anos, estudantes e titulados en TASOC, estudantes universitarios do ámbito xurídico-social, humanístico e psicoloxía interesados na temática da información xuvenil e a selección realizarase por rigoroso orde de inscrición.
As solicitudes realizaranse a través da paxina www.xuventude.net ou chamando ao Espazo Xove de Noia en horario de tarde ó teléfono 981823802, segundo informou Almudena Suárez, directora da Casa da Xuventude de Noia.
Ribeira, 5 de marzo de 2012.- Continúan as actuacións encamiñadas a renovar o barrio de Abesadas: o Concello acaba de adxudicar unha nova actuación consistente na instalación e mellora de servizos de saneamento e pavimentación no entorno da Casa da Xuventude.
Concretamente, a zona de actuación está delimitada polo camiño (actualmente de terra) que separa o mencionado inmoble de titularidade municipal do Colexio Galaxia e, un pouco máis adiante, descorre entre este centro educativo e o edificio no que está enclavada unha coñecida cadea de supermercados, para desembocar finalmente no parque de Abesadas.
O proxecto abrangue a instalación dunha nova rede de pluviais e o reforzo da rede de auga potable xa existente. Ademais, construirase un pavimento de formigón impreso para mellorar o tránsito peonil.
A obra foi adxudicada a Obras y Viales de Galicia, S.L. (Oviga) por un prezo de 46.604 euros. Adscríbese ao canon de saneamento derivado da adxudicación do servizo municipal de augas.
Ribeira: mesa redonda este venres 9 de marzo baixo o epígrafe "A muller no século XXI" post.ly/5n2mn
Organizado pola asociación Sálvora, será impartido na Casa da Xuventude dende a vindeira semana
Moncho Sampedro é un ribeirense que gañou trofeos nesta especialidade
Ribeira, 26 de xaneiro de 2011.- A Casa da Xuventude vai ser escenario dende a próxima semana do Primeiro Curso de Iniciación á Orientación Deportiva “Oriéntate”, organizado pola Asociación Cultural e Deportiva Sálvora / Riveira Trek-aventura, coa colaboración de Tradistudios e o Concello de Ribeira (Áreas de Xuventude e Deportes).
O obxectivo da acción é facilitar o acceso a todos aqueles que deseñen acceder a unha disciplina deportiva tan completa como descoñecida en permanente contacto coa natureza e adquirir os coñecementos necesarios para participar en probas de orientación e raid.
A actividade comprenderá catro sesións teóricas (os días 4, 11, 18 e 25 de febreiro, en horario de 10 a 13 horas) e, a continuación, tres sesións prácticas que se desenvolverán os días 3, 10 e 17 de marzo na praia da Barra, na lagoa de Castiñeiras e na Serra da Barbanza.
A inscrición inclúe a participación nunha proba da liga galega de orientación.
O prezo é de 10 euros para socios da Asociación Sálvora e de 15 euros para os non socios. Inclúe material didáctico e técnico máis avituallamento. Ao remate farase entrega dun certificado de aproveitamento.
Para inscricións e información adicional, pórse en contacto coa Asociación Sálvora a través das contas de facebook ou tuenti de riveiratrekaventura. Tamén chamando ao número 600 341 825 ou no correo electrónico riveitratrekaventura@gmail.com.
Data límite de inscrición: 1 de febreiro. Prazas limitadas.
Ribeira: as andainas do ciclo "Ponte a andar" voltan este domingo 29 cun roteiro á Fervenza da Madanela en Porto do Son post.ly/4zbSi
O prazo para anotarse vai ata o día que sae "La Vos de Jalisia" dorneira, ou sexa, o 28 de decembro
Hai que destacar o novidoso do torneo, por ser o único 3x3 de fútbol da comarca, realizarse en herba artificial e alongarse ata altas horas da madrugada.
Ribeira, 8 de decembro de 2011. A Asociación Xuvenil e Cultural Flor de Toxo, de Ribeira, organiza unha nova actividade que bautiza baixo o nome de 3x3 de Fútbol "A Ras de Chan". Terá lugar durante os días 6 e 7 de xaneiro, na pista de herba artificial da Casa da Xuventude (actualmente en construción) polo que con esta actividade inaugurarase oficialmente. Está dirixida ás categorías xuvenil, senior e veterán. O prezo de inscrición é de 15€ por equipo, o que fai que cada xogador estará debidamente asegurado contra lesións e accidentes que poida sofrir.O prazo de inscrición estará aberto ata o día 28 de decembro, e poden facelo no correo electronico asociacionflordetoxo@gmail.com ou no telf 669 999 302, existe un número de prazas limitadas.O torneo realizarase en modo de fase previa (grupos) e logo por eliminatorias. Dan comezo os partidos de xuvenís na mañá do venres 6, os senior e veteráns darán comezo contra a noitiña dese mesmo día para non interromper as súas obrigas laborais e xóganse durante todo o día do sábado 7 as fases eliminatorias e finais.
Noia, 21 de novembro de 2011. A Dirección Xeral de Xuventude e Voluntariado a través dos Centros Quérote+ convoca un curso de Formación en intervención afectivo-sexual na Casa da Xuventude de Noia
Destinatarios/as:
Persoal da Rede Galega de Información e Documentación Xuvenil e da Dirección Xeral de Xuventude e Voluntariado, e peroas maiores de idade que traballen o sexan voluntarios en acción con mocidade
Nº de horas: 20
Nº de edicións: 1
Nº de prazas: 25
Contidos:
Presentación dos Servizos dos Centros Quérote+.
Conceptos Sexolóxicos
Educación afectivo -sexual formal e non formal
Educación afectivo- sexual para país/nais
Edución afectivo -sexual e diversidade funcional
Métodos de protección, Infeccións de Trasmisión Sexual, probas rápidas de detección de VIH
Recursos da Comunidade autonómica
Modalidade: Semipresencial
Lugar de impartición: Espazo Xove (Casa da Xuventude) de Noia
Data de realización: 13 e 15 de decembro de 2011 de 9:00 a 14:00 e de 16:00 a 19:00 e un traballo a distancia de 4 horas
Información:
Teléfono Casa da Xuventude de Noia 981823802de luns a venres de 16:00 a 21:00 ou no mail cxnoia.traballo@xunta.es
Teléfono Centro Quérote+ 981223913 de luns a venres de 9:00 a 14:00 e de 16:30 a 19:30, ou no mail paula.rico@querote.org
Ribeira, 14 de outubro de 2011. Os primeiros participantes en Uxíanet 1.1 xa ocuparon os seus postos na Casa da Xuventude para tomar parte neste evento polo Concello de Riveira, se ben o groso dos asistentes a esta lan party acudirán máis ben polo serán, unha vez conclúan os horarios lectivos e laborais.
Os concelleiros municipais de Xuventude (Aroa Fernández Cadórniga) e Novas Tecnoloxías (Emilio Pérez Outeiral) quixeron visitar as instalacións para darlles a benvida aos primeiros chegados. Durante este acto, Fernández Cadórniga manifestou a súa satisfacción porque con este iniciativa se da o pistoletazo de saída á programación de eventos que dende a súa Área Municipal está previsto desenvolver no inmoble, en colaboración con outros departamentos como Cultura, Deportes ou Educación.
Segundo manifestou Gonzalo Llovo, responsable da empresa PHR Software Factory SL que ostenta a dirección técnica da lan party, espéranse a medio centenar de participantes chegados das catro provincias galegas, que terán a oportunidade de beneficiarse das posibilidades que ofrece unha conexión de case 200 megas de velocidade e disfrutar dun variado programa de actividades, no que se inclúen dende concursos de videoxogos (os gañadores serán agraciados con material tecnolóxico) ata accións tan curiosas como un lanzamentos de CDs.
Llovo lembrou que a programación de Uxíanet inclúe tamén actividades abertas ao público en xeral. Hoxe ás 20 horas haberá unha conferencia sobre o xogo on line Krynea (o único creado en Galicia ao 100%) que correrá a cargo dos seus deseñadores. O sábado haberá tres ponencias: unha sobre Airsoft impartida pola Asociación Mercenarios do Barbanza (18 horas), outra sobre a introdución á liña de comandos (20 horas) e unha última sobre mellora de equipos informáticos (21.30 horas). O domingo terá lugar unha conferencia sobre a evolución da documentación informática (17 horas).
A lan party estará aberta ata as 19 horas do domingo.
Horarios
Venres:
10:00 abren portas para os que máis madruguen 20:00 Charla dos creadores de Kryneawww.Krynea.com
22:30 Parada técnica para cear 23:00 Torneo de TrackMania
Sábado:
Dende as 11:00, eliminatorias do Pro Evolution 12:30 Torneo de Combat Flight Simulation 14:00 Parada para xantar, o que queira. Ofertas especiais de Telepizza 18:00 Presentacion da asociación Mercenarios del Barbanza Club de Airsoft
20:00 Presentación: Introdución á liña de comandos 21:30 Presentación: Mellora de equipos informáticos 23:00 Torneo COD MWF 24:00 Torneo Quake
Domingo:
Pola mañá: Continuación eliminatorias de Pro 16:00 Final do Pro, 2 xogadores en pantalla xigante 17:00 Presentación: Evolución da documentación informática 18:00 Entrega de premios
Ribeira, 12 de outubro de 2011.- Todo está practicamente a punto para a lan party Uxíanet 1.1. Medio cento de afeccionados ás novas tecnoloxías xa confirmaron a súa asistencia a esta segunda edición, que terá lugar durante esta fin de semana na Casa da Xuventude de Riveira. Tendo en conta que o máximo de capacidade da instalación é de 55 persoas, quedan dispoñibles moi poucas prazas, que a organización (formada polo Concello coa asistencia técnica da empresa PHR Software Factory SL) confía en encher totalmente coa venda de entradas en taquilla.
O evento desenvolverase ao longo case 60 horas ininterrompidas (dende as 10 horas do venres 14 de outubro ata as 19 horas do domingo 16) e contará cun nutrido de actividades complementarias.
Por exemplo, no apartado de charlas, que estarán abertas a todo o público e non unicamente aos inscritos na party, o venres ás 20 horas haberá unha conferencia sobre o xogo on line Krynea (o único creado en Galicia ao 100%) que correrá a cargo dos seus deseñadores. O sábado haberá tres ponencias: unha sobre Airsoft impartida pola Asociación Mercenarios do Barbanza (18 horas), outra sobre a introdución á liña de comandos (20 horas) e unha última sobre mellora de equipos informáticos (21.30 horas). O domingo terá lugar unha conferencia sobre a evolución da documentación informática (17 horas).
Doutra banda, ademais de compartir arquivos e coñecementos e xogar en rede, as persoas que esteab apuntadas a Uxianet terán a ocasión de competir en multitude de torneos planificados pola organización: entre eles, TrackManía, Pro Evolution Soccer, Combat Flight Simulation ou Quake, así como outros que serán unha sorpresa para os participantes.
Cabe recordar que os inscritos aproveitarán ao máximo o potencial da Casa da Xuventude ata o punto de poder durmir na parte do inmoble dedicado a albergue, con medio centenar de liteiras.
Ribeira, 16 de setembro de 2011.- A casa da Xuventude de Ribeira iniciará -e agardamos que non haxa marcha atrás, como outras veces- no mes de outubro a súa andadura pública, e vaino facer coa segunda edición da lan party Uxíanet 1.1, unha actividade na que os anotados poderán partillar arquivos a maior velocidade que á que lle deixan na súa casa as operadoras oligopólicas deste país e coñecementos sobre informática e novas tecnoloxías.
Para falar desta convocatoria, déronse cita a concelleira de Xuventude e Igualdade do Concello, Aroa Fernández; o técnico municipal Mario Vidal; e Adrián Lorenzo e Fernando Ferro no nome de PHP Software Factory, que se encarga da coordinación técnica da actividade.
Uxíanet 1.1 terá lugar durante case 60 horas ininterrompidas: dende as 10 horas do venres 14 de outubro ata en torno ás 18 ou 19 horas do domingo 16. Hai 55 prazas convocadas e os interesados poden facer a súa preinscrición na páxina web www.uxianet.com.
Esta festa informática está dividida en dúas áreas diferenciadas: por unha parte será intranet, é dicir, a zona na que as persoas anotadas disporán dunha alta velocidade de conexión para compartir arquivos ou xogar en rede a través dos seus ordenadores, entre moitas outras posibilidades; e por outra parte haberá un espazo de libre acceso denominado extranet no que terán lugar charlas sobre tecnoloxía e informática, unha exposición sobre a historia da informática, etc... O programa definitivo será dado a coñecer proximamente.
Con esta actividade vanse aproveitar "ao completo" as instalacións da Casa da Xuventude, ata o punto de que os participantes teñen a oportunidade de durmir no sector do inmoble dedicado a albergue (dispón de 50 liteiras).
O desenvolvemento da lan party Uxianet 1.1 marcará o inicio do funcionamento regular da Casa da Xuventude e, ao fío disto, e segundo informou Aroa Fernández, pronto se darán a coñecer outras actividades que se están ultimando co fin de dinamizar este espazo tan importante e aínda sen usar polos mozos e mozas do municipio, logo de varios anos de estar rematada.
Un programa anual de actividades dinamizará as instalacións
No exterior haberá xogos de mesa e unha pista polideportiva
Copiarase o funcionamento doutras casas da xuventude que traballan ben en Galicia
Bótanlle a culpa de que non funcione aos túzaros que levan danado parte do inmoble
Imaxe de setembro de 2009. A Casa da Xuventude xa estaba lista. Estamos en agosto de 2011 e só valeu para facer catro reunións mal contadas
Ribeira, 16 de agosto de 2011. – O Goberno Municipal "está decidido a activar de forma definitiva a entrada en servizo da Casa da Xuventude". Acaba de adoptar unha serie de medidas encamiñadas a que este espazo municipal estea xa en funcionamento co inicio do outono e que "como moi tarde no Nadal" opere a pleno rendemento. Unha das principais trabas con que se está atopando o Executivo Local son os actos violentos que con relativa frecuencia están a ter o inmoble como destinataria. Sen ir máis lonxe, nos últimos quince días producíronse diversos episodios de creba de cristais, inundacións ou pechaduras atrancadas que xa foron denunciados na Comisaría. Grumir de noite, con carácter disuasorio para cazurros
Por esta razón, e con independencia do labor propio das forzas de seguridade, o Concello dispuxo que a patrulla nocturna do Grumir cambie provisionalmente a súa sede dende os baixos da Casa Consistorial ata a Casa da Xuventude. Efectivos do Grupo Municipal de Intervención Rápida están a durmir na residencia do inmoble, que a teñen como base de operacións para que a súa presenza sirva de factor disuasorio contra a produción de ataques dos túzaros. Por outra parte, os pasados días comezouse coa limpeza do exterior e o arranxo dos desperfectos e non se descarta a contratación temporal de seguridade privada mentres as instalacións non estean en funcionamento. Outra das principais medidas adoptadas polo Executivo é a confección dun programa de actividades dirixidas a mocidade co obxectivo de sacar dinamizar o edificio durante todo o ano. Serían accións de índole cultural, musical, social, educativa, etc... razón pola cal a programación está sendo elaborada de forma coordinada por distintos Departamentos. Está previsto que o calendario de eventos inicie a súa andadura a comezos da estación outonal. Doutro lado, o Equipo de Goberno vai acometer o acondicionamento da recinto exterior para darlle máis utilidade. Neste sentido, construírase unha pista deportiva multiusos (instalación moi demandada polos veciños ante a escaseza deste tipo de recintos no casco urbano) e habilitarase un espazo para a práctica de actividades recreativas tales como ping pong ou xogos do mesa. Un dos patios interiores será cuberto para acondicionalo como sala multiusos. Espazos polivalentes
O Concello pretende o máximo aproveitamento dos espazos en que se distribúe o inmoble, conferíndolle a cada un dos mesmos carácter polivalente sempre que sexa posible. Por poñer un exemplo, un mesmo espazo podería ser empregado como comedor pero tamén como aula de estudo dependendo das necesidades puntuais de cada momento. O Concello está a recibir asesoramento de responsables de Casas da Xuventude que están funcionando noutras localidades galegas.
O edificio da Casa da Xuventude foi unha enorme chapuza dende os cimentos. Rivas agarda tela en funcionamento -pero efectivo- en setembro ou outubro Ribeira, 28 de xuño de 2011. No encontro mantido no día de onte entre colectivos xuvenís (representados pola asociación Flor de Toxo) e diversas ANPA (representadas pola do colexio de Aguiño) co alcalde de Ribeira, Manuel Ruíz Rivas, abordáronse os seguintes asuntos:
A posta en funcionamento da Casa da Xuventude, coa que Ruíz se comprometeu a poñer en marcha en setembro ou outubro e sinalou que xa se está traballando nas filtracións de auga.
A creación dunhas pistas deportivas no centro da cidade, ante o que sinalou a complicación desta infraestrutura "por non dispoñer o concello de parcelas axeitadas na capital do municipio".
O control, por persoal do concello, nos pasos de peóns ás saídas e entradas do colexio para evitar atropelos. Indicando que se intentará, polo menos nos de máis importancia, xa que non se dispón dos suficientes traballadores.
A apertura das pistas dos colexios públicos, durante as fins de semana. Explicou Ruiz Rivas que xestionará esta petición coas direccións dos distintos centros.
Pronunciamento sobre o conflito do Coroso Os colectivos xuvenís e de pais e nais de alumnos, "agardamos que se traballe e se dea solución a estas peticións o antes posible e aproveitamos para expresar o noso malestar co peche do I.E.S. Coroso, pois cremos necesario e apoiamos a construción un Centro Integrado de Formación Profesional neste concello, pero non a conta de prazas de Bacharelato e ESO, xa que non se garante que tódolos alumnos teñan praza, e sería unha situación caótica porque se atoparían alumnos sen transporte escolar, nin gratuíto nin subvencionado pola Xunta, ata o seu centro de estudos. É por iso polo que solicitamos que se replantee o proxecto, porque Ribeira ten que gañar infraestruturas e non perder unhas a conta de outras", manifestaron.Relacionadas:
Dar a coñecer os recursos da Dirección Xeral de Xuventude, os programas a través dun xogo de xeocaptura.
Ofrecer ferramentas a asociacións e grupos informais para financiar proxectos.
Obxetivos específicos
Dar a coñecer o programa de axudas “Iniciativa Xove” aos mozos e mozas.
Dar unha alternativa de ocio saudable.
Fomentar espazos e momentos de convivencia entre os mozos e mozas da zona.
Facilitar o acceso aos programas e información da Dirección Xeral de Xuventude e Voluntariado.
Data e lugar:
Lugar: Casa da Xuventude de Noia
Horario: 11.00 a 13.30h
Data: 18 de Xuño de 2011
Destinatarios:
Mozas e mozos entre os 14 e os 35 anos.
Asociaciónsxuvenísou prestadoras de servicios a mocidade.
Grupos musicais da zona
Estrutura:
A primeira fase constarádunha presentación do Director Xeral de Xuventude por parte da Directora do EspazoXove de Noia.
Aproveitaremos este primeiro momento para presentar unha exposición dunha rapaza de Noia que se mostrará no EspazoXove e tamén para que as asociacións se presenten ao Director Xeral Ovidio Rodeiro.
Na segunda fase organizan os grupos para o xogo de xeobuscapor Noia, onde os participantes terán que atopar uns cofres que conteñen os distintos programas da Dirección Xeral de Xuventude e Voluntariado. Ao rematar a xeobusca Rogelio Rivas fará una exposición sobre os recursos en materia de axudas por parte da Dirección Xeral de Xuventude.
Ás 21:30, na Casa de Cultura, "Cunqueiradas" (45’), por Cándido Pazó. Desde a súa longa e recoñecida experiencia, o narrador oral Cándido Pazó reúne neste espectáculo cómico algunhas das súas historias e lerias inspiradas nos contos do xenial mindoniense. Dentro da programación cultural de maio e xuño de Noia.
A noiesa é unha das primeiras casas da xuventude galega reformadas, cun investimento de 115.000 euros. Na inauguración estiveron representantes de todos os grupos políticos que agora conforman a Corporación. No centro haberá espazos específicos de vivenda, fomento do espírito emprendedor e difusión de recursos en materia laboral, ao tempo que prestará asesoramento nas temáticas relacionadas co servizo Quérote +
Noia, 24 de marzo de 2010.- O director xeral de Xuventude e Voluntariado, Ovidio Rodeiro, inaugurou hoxe a reforma da Casa da Xuventude de Noia, que prestará a partir de agora máis servizos á mocidade da comarca. Esta obra, na que se investiron preto de 115.000 euros, responde á integración destas instalacións na rede territorial de centros “Espazo Xove”. A remodelación que se levou acabo foi integral, xa que contaba cunha infraestrutura de máis de 20 anos.
Para coñecer o resultado destas obras, Rodeiro Tato desprazouse hoxe ata as súas instalacións. Durante a súa visita, destacou que a de Noia foi unha “das primeiras obras de casas da Xuventude que a Consellería abordou en Galicia, xunto coa de Betanzos, Pontedeume, Lalín e Curtis”. Para a modernización de todos estes centros no seu conxunto, o Goberno galego destinou uns 514.000.
Grazas a este remodelación do centro, os mozos e mozas de Noia e a súa comarca contarán a partir de agora con mellores e máis modernos recursos. De feito, un dos principais obxectivos da creación desta rede de “Espazo xove” é ofrecer nos centros temáticas transversais dentro dunha mesma área xeográfica, de xeito que se amplía o carácter máis local que tiñan ata agora as casas da xuventude.
De feito, para afondar neste liña, os centros desta rede, no que se inclúe Noia, coordinaranse cos distintos concellos do seu territorio, incrementando así a súa colaboración coas entidades locais, e coas entidades xuvenís de cada zona. Ademais, a rede territorial contará co apoio dun equipo de dinamizadores encargado de contactar co colectivo xuvenil.
No que se refire propiamente á organización deste centros, o director xeral de Xuventude salientou que todos eles contarán con espazos específicos destinados á vivenda, ao fomento do espírito emprendedor e á difusión de recursos en materia laboral. Tamén prestarán asesoramento nas temáticas relacionadas co servizo Quérote +, un abano de asuntos que o Goberno galego ten aumentado e que agora abrangue tamén, entre outros temas, trastornos alimenticios, sexualidade, saúde e drogas e condución responsable.
Ademais, estes centros servirán tamén de espazos de encontro, creatividade e formación a través de vías non formais. Así, a xuventude galega disporá nesta rede de salas de exposicións e zonas para actividades formativas.
O responsable da área autonómica apuntou que a reformulación destes centros de xuventude busca “respostar ás novas inquedanzas da xuventude galega, actualizar a nosa oferta de cara eles e, moi importante, escoitar cales son as demandas dos propios mozos e mozas para poder satisfacer as súas necesidades”.
Encontro territorial
Ademais de visitar as novas instalacións, o director xeral de Xuventude presidiu o encontro territorial de informadores xuvenís.
Rodeiro explicou que este novo modelo de encontros cos técnicos das Oficinas Municipais de Información Xuvenil (OMIX) permite traballar en “grupos pequenos” que favorecen unha “maior participación”, así como promove a posibilidade de debater os problemas máis próximos á realidade dos participantes. Ata o de agora, os encontros que se viñan mantendo eran de carácter provincial.
Durante a xuntanza, os responsables da área autonómica de Xuventude, dependente da Consellería de Traballo e Benestar, deron a coñecer a “Estratexia de Xuventude 2013”. Trátase dun documento de utilidade, que debe servir como referencia para o traballo diario dos informadores e que define o programa a seguir en materia de mocidade durante os próximos catro anos.
Comentarios [0]