A Coruña, 26 de xaneiro de 2012. O presidente da Deputación da Coruña, Diego Calvo, presentou esta mañá o percorrido da Volta a España 2012 pola provincia da Coruña, que este ano pasará por 35 concellos coruñeses.

Na presentación, ademais dos alcaldes de Boiro (Juan José Dieste), Dumbría (José Manuel Pequeño), A Laracha (José Manuel López Varela) e Culleredo (Julio Sacristán de Diego), tamén estivo presente o director xeral da Volta, Javier Guillén Bugayo, quen realizou unha exposición técnica sobre o percorrido e sobre as razóns que levaron á organización a escoller ese itinerario.

“Despois de cinco anos, A Volta volve á Coruña, pero coas chegadas e as saídas desta edición a provincia recupera o protagonismo que non ten nesta competición desde fai case vinte anos”, lembrou Diego Calvo. E é que a última ocasión na que a provincia foi escenario deste circuíto foi no 2007, cunha etapa que uniu Allariz con Santiago de Compostela. Pero esta cidade, todo un clásico no campionato que cumpre 76 anos e que foi sede en sete ocasiones, leva sen acoller unha saída desde hai 25 anos. Ademais, Ferrol non é chegada desde 1993".

“A Coruña vai achegar lugares nunca vistos nos 67 anos de historia da Volta, como o Miradoiro do Ézaro. Unha chegada en costa que está a levantar moita expectación entre os corredores e os espectadores”, explicou o titular provincial, que insistiu na importancia que supón que o pelotón percorra 35 concellos da provincia nunhas datas tan turísticas como son o 30 e o 31 de agosto. “Gustaríame tamén resaltar que, a pesar de que este é un deporte de elite, é gratuíto e moitos veciños da Coruña poderán velo desde a porta das súas casas. É importante tamén que coa Volta móvese a afección e ao seu paso, ademais, crea máis”, matizou Calvo.

En total, os ciclistas percorrerán un total de 330 quilómetros na provincia, por lugares nunca vistos nos 67 anos de historia da Volta, como é o Miradoiro de Ézaro. Ademais, tal e como insistiu o presidente provincial, “veremos ao pelotón na costa do Barbanza, o sur da Costa da Morte, as Mariñas coruñesas e, ademais, as tres grandes cidades da provincia”.

Diego Calvo tamén recalcou que a provincia ofrece escenarios con moitos alicientes no aspecto deportivo aínda que, matizou, “A Volta é moito máis que un deporte”. “O ciclismo é un deporte ligado á natureza e non se entende sen os desafíos que esta propón ao ciclista no camiño. Os desafíos que lles imos propor na Coruña serán, sen dúbida, moi interesantes”, concluíu o presidente.

Javier Guillén Bugallo, ademais de explicar o percorrido que realizarán os ciclistas, insistiu en que a deste ano é unha “volta moi galega que non vai a quedar nunha mera anécdota” e aludiu a que toda a organización estaba moi interesada en repetir visita a Galicia “pola excelente acollida que temos cada vez que vimos”. Quixo ademais destacar a innovación que supón a “chegada explosiva” a Ézaro e adiantou que “non será a última vez que se faga” para referirse finalmente ás etapas coruñesas como “unha viaxe de paisaxes”.

Finalmente, agradeceu a Diego Calvo o seu “esforzo e traballo” para conseguir que o percorrido da Volta pasase polo maior número de municipios coruñeses posible.

Repercusión mediática, segundo os organizadores

A Volta ciclista a España é retransmitida en 143 países do mundo e cada sede (tanto de chegada  como de saída) ten unha presenza media en televisión superior aos 10 minutos, segundo datos -complicados de contrastar- dos organizadores.

Durante A Volta 2011, a etapa máis vista foi seguida polo 18,9% da xente que estaba a ver a televisión neses momentos, é dicir, por 2.277.000 espectadores. A media de espectadores da Volta foi máis vista que a semifinal da Copa Davis ou a liga Eurobasket, disque. Ademais, máis de 6.000 noticias en radio, prensa e televisión fixeron seguimento de cada xornada durante o 2011, o que supuxo un incremento do 6,24% de seguimento con respecto ao ano anterior.

O gran seguimento desta competición tamén se pode medir polo 1.765.000 persoas que asistiu o ano pasado como público a esta etapa, polos máis de 6 millóns que visitaron a páxina oficial nesa mesma edición e polos seguidores que acumulan nas redes sociais e as  227.500 visualizacións da Volta que se realizaron na canle oficial de Youtube.

Por tanto, tanto o seguimento mediático como a retransmisión de imaxes supón unha presenza nos medios que no mercado estaría valorada por riba dos 300.000 euros, aseguran sen complexos nun evidente panorama de recesión da publicidade e do seu custo económico.

Activación da hostalería e o consumo

“Un dos poucos sectores nos que se prevé crecemento a curto prazo é o do turismo. Por iso a Deputación da Coruña non vai deixar o seu esforzo por potenciar esa panca da economía nos momentos que estamos a vivir”, explicou o titular provincial despois de que Javier Guillén se explicase  A iso hai que sumar o aloxamento de preto de 1.500 persoas que xestiona directamente Unipublic (referido por televisións, medios de seguridade, a oficina permanente, organización, patrocinadores, prensa e produción das etapas, entre outros) que supón un gasto en cada sede de 200.000 euros.

A activación da economía na zona pola que pasa A Volta aumenta ademais ao ocorrer o evento nas mesmas rúas da cidade. A organización calcula que o incremento de gasto en consumo dunha xornada co paso dos ciclistas con respecto a unha ordinaria é de 60.000 euros para a cidade. En total, o retorno medio da sede calculado polos organizadores da volta supera os 560.000 euros, mais en ningún momento ofrecen cifras do que aporta a Deputación, ou sexa, os impostos dos galegos.

Antes, en Certo:

• Deportes: La Vuelta a España pasará por Barbanza e Noia

A marcha, con moitos Dorneiros, serviu en varios puntos para reivindicar esta festa ribeirense que cada ano suma máis seareiros

Antes, anunciamos:

Barbanza, 14 de setembro de 2011. O Club Ciclista Ácido Láctico e Peña Saltamontes desexan invitar a todos os afeccionados ao deporte da bicicleta da zona a que se sumen á segunda edición da Marcha Santiago – Fisterra que organizan estas dúas entidades. 

Esta actividade levarase a cabo o sábado 1 de Outubro, e será de  dificultade media alta. 

A inscrición, que se realizará por orde de chegada das solicitudes, será do 15 o 29 de setembro. Os interesados poderán anotarse en Garauto Riveira (Avenida da Coruña 85) ou no Bar Betanzos (Vilar 8, Palmeira).  

O prezo da inscrición será de 20 €, e inclúe traslado e bus a Santiago de Fisterra e de Fisterra a Ribeira, así como comida en Fisterra. 

O número de prazas dispoñibles son 50. Na actividade colaboran o Concello de Ribeira e un establecemento comercial relacionado co ciclismo.

• Ollo: pecha a rúa Principal de Boiro toda a mañá do 17 (de 9 a 15 horas)

Por mor da Volta Ciclista ó Barbanza, informa o Concello que a rúa Principal vai permanecer pechada ó tráfico dende as 9 ata as 15 horas. Recomendan que as liñas de transporte e os usuarios utilicen as paradas habilitadas na avenida da Constitución e pregan saiban despulpar as molestias que puidera ocasionarlles este peche.

O perfil da proba é o que segue:

Click here to download:

Volta_Barbanza_2011.pdf (1.96 MB)

(download)

Click here to download:

Volta_Barbanza_2011.pdf (1.96 MB)

Lousame, 8 de abril de 2011. O club de BTT "O Treito", de Lousame, en colaboración co Concello, organizan a "II Marcha Cicloturista Btt Concello de Lousame" que terá lugar o Sábado 30 de Abril de 2011 pola tarde. A ruta será de dificultade técnica e física de nivel alto e terá unha distancia aproximada de 40 km dos cales 2 serán por estrada asfaltada (a maioría o comezo) e o resto por sendeiros, trialeiras e pistas de terra. Realizarase un avituallamento líquido sen paradas e un segundo líquido e sólido aproximadamente no km 20 na ermida de San Cristovo (Ces), ao remate poderán disfrutar duns petiscos e algunha sorpresa máis (en especial para as mozas que se apunten) no Polideportivo Municipal.

A entrega de dorsais e firma de estatutos realizarase a partir das 15:00h ata as 15:45h no "Polideportivo Municipal Pilar Barreiro Senra" que se sitúa a 1 km do Concello de Lousame. Saída ás 16:00 h.

Para apuntarse poden chamar ó teléfono 981 820 494 (de Luns a Venres de 9:00 a 14:00) ou ben na dirección de correo electrónico deporteslousame@gmail.com indicándonos nome e apelidos, d.n.i., teléfono e lugar de procedencia con data límite o 27 de abril. O límite de inscrición será de 300 participantes e a cota de inscrición terá un módico prezo de 5 euros (federados e non federados) a ingresar no número de conta 2091 0381 71 3040003248 do noso Club "BTT O TREITO LOUSAME" en NovaCaixaGalicia ou ben o mesmo día da marcha a un prezo de 7 euros.

NOTA: O RESGARDO DEBE LEVARSE PARA ENTREGAR NA RECOLLIDA DE DORSAIS.

A inscrición da dereito á participación, a un regalo, servizo de lavado de bicicletas e duchas, servizo de recollida de bicicleta en caso de avaría, ambulancia e varios sorteos que se farán na organización ao finalizar a proba.

1. O Concello de Lousame e o clube btt O Treito, organizan a II Marcha BTT Concello de Lousame que terá lugar o sábado 30 de abril, cun percorrido de 40 km. de dificultade técnica e física alta. A mesma será de carácter non competitivo. A saída terá lugar ás 16:00 horas no “Polideportivo municipal Pilar Barreiro Senra” en Lousame, situado a 1 km da Casa do Concello .
2. Poderán participar na ruta todas aquelas persoas que realizaran axeitadamente o proceso de inscrición.
3. O prazo de inscrición finalizará o día 27 de abril ás 14:00 horas, ou una vez inscritos 300 participantes. A inscrición farase efectiva mediante chamada telefónica ó número 981 820494, ou ben enviando un correo electrónico a deporteslousame@gmail.com onde figurarán o nome e apelidos, data de nacemento e DNI dos participantes. A cota de inscrición, será de 5 € a ingresar na conta do Clube btt O Treito en novacaixagalicia 2091 03081 71 3040003248. No caso de pagar en man o mesmo día da proba o prezo será de 7€

A inscrición dará dereito á participación na proba, e incluirá os avituallamentos, un agasallo, servizo de lavado de bicicletas, servicio de ambulancia, e servicio de recollida no caso de avería. Só serán considerados participantes aqueles que realizaran a inscrición correctamente e leven o dorsal visible en todo momento. O devandito dorsal será facilitado pola organización.
4. A concentración e entrega de dorsais terá lugar a partir das 15:00 horas, do sábado 30 de abril de 2011 no Polideportivo Municipal Pilar Barreiro Senra. A saída efectuarase ás 16:00 horas. A recollida de dorsais farase de xeito individual, presentando DNI.
5. O emprego do casco é obrigatorio, e non levalo implica a retirada do dorsal e da marcha. O Clube btt O Treito non se fai responsable dos accidentes, nos que puidera ser causa, a neglixencia dos participantes, así como os danos que estes puideran ocasionar durante a realización da marcha.
6. O percorrido da proba transcorre na súa maior parte por camiños rurais e forestais do Concello de Lousame, existindo cruces con tramos de estradas, que se atopan abertos ao tráfico para outros usuarios polo que se deberá extremar a precaución por parte dos participantes, respectando as normas de circulación contidas na Lei de Seguridade Vial e no Regulamento Xeral de Circulación.
7. Todos os participantes deben respectar o entorno por onde transcorre a proba, quedando terminantemente prohibido tirar lixo en todo o recorrido a excepción dos contedores situados nos puntos de avituallamento.
8. En todo momento respetaranse e acataranse as ordes e directrices do director da marcha, non sobrepasando en ningún momento ó vehículo que abre a mesma, o cal será obxecto de descalificación inmediata.
9. A Organización contará con servizo de ambulancia, a disposición dos participantes, ao igual que dun Seguro de Responsabilidade Civil, non facéndose responsable de ningún accidente nin gastos fora desta cobertura, debendo entenderse que os participantes inscritos asumen e coñecen os riscos do BTT.
10. A organización resérvase o dereito a modificar a presente normativa, así como a modificación do percorrido, quilometraxe e data da proba.
11. O feito de inscribirse na proba, supón a aceptación total do presente regulamento.

Araño (Rianxo), 28 de marzo de 2011. El Club Ciclista Barbanza (CCB) y la empresa de distribución Distribunosa, con sede en Araño (Rianxo), han alcanzado un acuerdo por el que la compañía que dirige Manuel Castaño Ces pasa a patrocinar a la veterana y laureada entidad deportiva. El empresario y el presidente del CCB firmaron el acuerdo que llevará de la mano a ambas organizaciones durante la temporada del deporte del pedal este año.

El Club Ciclista Barbanza cumplió en octubre 26 años. Ricardo Riveiro está al frente del colectivo, después de que tomara el relevo del malogrado Luis Resúa Somoza, que fue el auténtico alma máter. Decenas de chavales se han forjado en las filas de una entidad que se resiste a desaparecer, como ocurrió con otras que se fundaron en la zona. En este sentido, Ricardo Riveiro destacó que para sobrevivir es necesaria la implicación de empresas, a través de patrocinios y ayudas, ya que el ciclismo es un deporte por el que no se paga entrada, lo que limita la recaudación de fondos. «Los patrocinadores merecen el reconocimiento no solo de los clubes a los que ayudan, sino de los padres y familiares de los niños y niñas que a través de las escuelas deportivas, competiciones y otras actividades desarrollan el compañerismo, la competitividad, su físico, la autoestima y otros muchos estímulos, para que en un futuro formen parte activa en una sociedad que necesita de esos valores», apuntó Riveiro.

El presidente del CCB ha recordado que, desde la fundación de la entidad, han contado con el inestimable patrocinio oficial de empresas como La Onza de Oro, Muebles Rial, Hadasa, Restaurante O Galeón, Redesyl y Natisan, a los que se suma ahora Distribunosa, y también han colaborado, pero sin patrocinio, Jealsa-Rianxeira y J.J Chicolino: «A todos ellos, en nombre del propio club y de toda persona relacionada con este deporte, un billón de gracias». «Ahora le ha llegado el momento a  Distribunosa, que ya venía colaborando cada vez más, de coger las riendas del patrocinio oficial, de la misma forma que viene prestando apoyo, colaboración y patrocinio a otras entidades y personas implicadas en actividades deportivas y culturales», explicó Riveiro.

Distribunosa, por su parte, ha sido galardonada en numerosos aspectos empresariales, por su dilatada experiencia y excelente trayectoria desde su fundación. Manuel Castaño Ces no solo es conocido por su talla de empresario, sino por haberse volcado e involucrado con el deporte: «Esperamos que los éxitos deportivos del Club Ciclista Barbanza ayuden a dar a conocer un poco más, si cabe, por toda Galicia a esta empresa, y ambos nos demos prestigio mutuo. No en vano la entidad pasa a denominarse Club Ciclista Distribunosa-Barbanza», concluyó Ricardo Riveiro.

Ribeira, 25 de xaneiro de 2011. O pasado domingo tivo lugar a presentación da nova tempada do club ciclista Ácido Láctico. Os obxectivos que se marca para este ano son, por unha banda, a continuación da Marcha de Santiago a Fisterra, que chegará así á súa segunda edición. Por outra banda, seguirá a colaborar na organización das Escolas Municipais de Ciclismo que organiza o Concello de Ribeira e tamén organizará roteiros cicloturistas e ciclistas para os seus socios durante a fin de semana.

Na presentación agradeceron o apoio dos seus patrocinadores, así como á xente que lles bota unha man, con especial referencia a Lolo, Ventura, Manolo e Chento "polo seu tempo e dedicación para a boa marcha do club".

Ribeira, 3 de xaneiro de 2011. O Concello ribeirense coorganiza, xunto ás peñas ciclistas Tahume e ÁcidoLáctico e á Asociación As Miñoteiras, a primeira Ruta de Bicicletas de Montaña de Nadal, que terá lugar este domingo día 9 de xaneiro. O edil municipal de Deportes Miguel Ángel Vidal, o presidente da peña Tahume, Manuel Tarrío, e o vicepresidente de ÁcidoLáctico, Lolo Paisal, foron encargados de presentar os detalles desta marcha con 65 quilómetros de esixente percorrido.

A marcha, que ten carácter cicloturístico (non é unha competición) partirá do polideportivo de Coroso ás 9 horas e constará do seguinte percorrido: subida a San Alberto e Moldes, baixada a Lobeiras, subida ao Castelo de Burleu polos picotos ata a base Grallal e Esperoi, saída por Raña e subida a Monte Barbanza, baixada a San Isidro, Entrerríos e volta pola beira da autovía ata o polideportivo. Está previsto que a marcha finalice en torno ás 15 horas. 

50 prazas cunha cota de 10 euros

Hai 50 prazas convocadas e o prezo de inscrición é de 10 euros, que se efectuará  mediante un ingreso no número de conta 2091 0339 78 3000030804 (Caixa Galicia). O prazo para anotarse remata ás 12 horas do 7 de xaneiro, debendo realizarse nas oficinas da Concellería de Deportes. 

Todos os participantes deberán situarse por detrás dos vehículos ou compoñentes da organización, non podendo sobrepasalos en ningún caso, salvo nun tramo libre de 10 quilómetros delimitado na ruta. 

Haberá catro puntos de avituallamiento (con froita e barras enerxéticas por cortesía dun centro comercial da Centenaria) e un pincho-degustación ao rematar.

Ollo aos usuarios da estrada de Boiro a Escarabote: corte de tráfico de nove da mañá a dúas da tarde

Boiro, 5 de decembro de 2010. Mañá, luns 6 de decembro, disputarase a proba ciclista Trofeo Ciclocross Concello de Boiro, que este ano cumpre a súa XXIII edición. A proba será para as categorías cadetes, féminas, xuvenís, senior, máster-30, máster-40, veteráns-50, sub-23 e elite, e as previsións de participación son de 140 corredores de toda Galicia e a posible participación de corredores do pais veciño, Portugal.

Os horarios das probas son: - Cadetes e féminas: 10:15 h.  - Xuvenís, senior, máster e veteráns: 11:00 h. - Sub-23 e elite: 12:00

Premios que recibiran os primeiros clasificados: premios en cartos para os tres primeiros clasificados e trofeo; premios en cartos do 4º ao 10º clasificado e pago de dietas do 11º ao 25º clasificado.

Dende a organización anímase ao público en xeral a presenciar esta proba, moi vistosa e con corredores de moita calidade.

Comunícase aos usuarios da estrada que une Boiro con Escarabote polo paseo marítimo, en especial á liña de transporte que realiza esta ruta, que o vindeiro luns 6 de decembro de 2010 (día da Constitución, e polo tanto festivo) realizarase un corte de tráfico entre as 09:00 h e as 14:00 h con motivo da disputa desta proba ciclista. A organización lamenta os problemas que isto pode ocasionar e solicítalle os interesados que utilizen a estrada que pasa pola Madalena para acceder de Boiro a Escarabote.

A actividade está organizada polo Club Ciclista Barbanza coa colaboración do Concello de Boiro

Boiro, 30 de setembro de 2010. Este sábado, día 02 de outubro, disputarase en Boiro a proba ciclista para as categorías de escolas, cadetes e féminas “XXII Promoción do Ciclismo Boiro 2010”, organizada polo Club Ciclista Barbanza coa colaboración do Concello de Boiro. Está previsto que participen entre 120 e 150 deportistas, de idades comprendidas entre os 6 e os 16 anos.

A saída terá  lugar ás 16.30 horas na Avenida da Constitución. Para realizar a proba será preciso cortar o tráfico no tramo comprendido entre a rotonda da confluencia coa avenida de Compostela e a rúa Borobó, entre as 14.30 e as 19.30 horas. O tramo inhabilitado á circulación, así como o desvío alternativo, serán sinalizados convenientemente. O Alcalde, Xosé Deira Triñanes, e a concelleira de Deportes, Dores Torrado Ares, realizarán a entrega de trofeos aos gañadores ás sete da tarde.

(download)

Click here to download:

Ribeira_41_participantes_na_ru.zip (4.05 MB)

Ribeira, 22 de setembro de 2010. Un total de 41 persoas tomaron parte o pasado sábado na marcha cicloturista que, coa escusa de honrar o Xacobeo, se levou a cabo entre Santiago de Compostela e Fisterra. A iniciativa estivo organizada polo Club Ciclista Ácidoláctico, a Peña Ciclista Tahúme, unha tenda de bicicletas e o Concello de Ribeira.

A organización viu cumpridas as súas expectativas e o percorrido, con 98 quilómetros de distancia, foi completado nun tempo aproximado de 6 horas (entre as 9 e as 15  horas): circunstancia á que axudou as magníficas condicións meteorolóxicas existentes na mañá do sábado. O itinerario descorreu sen apenas incidencias (tan só houbo unha caída sen demasiada consideración) e un 80% dos ciclistas participantes lograron culminar este reto. 

Unha vez chegados á meta (houbo previamente un punto de avituallamento en Dumbría), todos os participantes puideron asearse no albergue por cortesía do Concello de Fisterra. Este municipio foi escenario dunha comida na que cada un dos participantes recibiu unha medalla conmemorativa. Ademais, concedéronse sendos trofeos ao Club Ciclista Ácidoláctico e á Peña Ciclista Tahúme, e sorteáronse diversos regalos.

A peregrinación serviu tamén para obter a certificación oficial da Fisterrana.