• Vanse entregar bolsas separativas aos veciños que se acheguen ao acto
• Imparte a charla Protección Civil

 

Ribeira, 10 de maio de 2012.- En liña co anunciado o pasado o luns en canto á implantación no municipio de Ribeira dun programa de compostaxe doméstica da man de Sogama, mañá venres ás 21 horas terá lugar a primeira das charlas informativas previstas para divulgar entre os veciños as vantaxes da práctica da compostaxe, así como os beneficios da separación de residuos.

 

Esta primeira charla terá lugar na Casa de Cultura da parroquia de Carreira e será impartida por membros de Protección Civil de Ribeira, os cales previamente recibiron un curso específico de formación a fin de contar cos coñecementos necesarios.

 

O acto é público e gratuíto para quen queira asistir. Os veciños que acudan ao citado centro cultural recibirán, en sintonía co contido da actividade, bolsas de cores de 20 litros de capacidade que teñen por finalidade facer máis cómoda a segregación de refugallos en orixe (amarelas para depositar os envases de plástico, latas e briks; azuis, para o papel e cartón; e verdes para o vidro).

 

Composteiros

Ademais, os que así o desexen poderán aspirar a recibir un dos 50 composteiros de 360 litros de capacidade, fabricados a partir de material reciclado, que Sogama entregou ao Concello nesta primeira fase do programa, co fin de seren distribuídos entre vivendas rurais e outorgarlles así a posibilidade aos seus ocupantes de transformar a materia orgánica xerada nun abono con excelentes propiedades para o solo.

 

Dende o Concello se tomará nota de todos os veciños interesados en percibir un destes composteiros, tanto na charla de mañá como no resto de charlas que se sucederán proximamente. No caso de que a demanda excedese á oferta, estes recipientes serían entregados priorizando a aqueles peticionarios que cumprisen unha serie de requisitos (como criar animais nas súas casas, etc...).

Esta portada de Time va a dar mucho más que hablar que la de La Razón. ti.me/3tbtNb

— Pablo Rodriguez (@Suanzes) May 10, 2012

Antes, en Certo:

• Compostaxe doméstica: só para o rural, 50 composteiros

• Sábado 12: "Kontos de akí e acolá", con M. Irimia

• Música: a conexión ribeirense do ensemble galego de saxofón

• Leliadoura: a banda sonora da vida

• Orzamentos: os de este ano renegan da crise

• Só no entorno rural "como medida de aforro económico e beneficio ambiental", disque
• Tan só medio cento de vivendas recibirán composteiros domésticos e repartirán cen lotes de bolsas para separar lixo
• Namentres, segundo denuncia Adega, Sogama leva "chuchados" xa 61 millóns de euros este ano no seu complexo ineficiente de Cerdeda
  

No obradoiro Illote Noro tamén se promocionou a compostaxe

Ribeira, 7 de maio de 2012.- O Concello, da man de Sogama, decidiu implantar un programa de compostaxe doméstica en medio cento de vivendas rurais, co que se busca transformar a materia orgánica xerada nun abono con excelentes propiedades para o solo, un costume que sempre houbo nas casas da aldea, onde nada se desbotaba, pero que se foi perdendo cos usos urbanitas.

Así o anunciaron esta mesma mañá o alcalde da localidade, Manuel Ruíz, e o presidente de Sogama, Luís Lamas, nun acto público que tivo lugar na propia Casa Consistorial e no que tamén compareceron os concelleiros de Benestar Comunitario e Medio Ambiente, Jesús Freire e Elvira Pereira.  O obxectivo desta iniciativa "non é outro que o de alcanzar os beneficios ambientais, económicos e sociais que este sistema trae consigo", sinala en nota de prensa o Concello. Disque ademais de contribuír a reducir a produción de refugallos en orixe, pechando o ciclo de reciclaxe da materia orgánica nos propios fogares, posibilita o menor depósito de desperdicios nos contedores convencionais, permitindo diminuír a súa frecuencia de recollida, así como o importe da factura que mensualmente o ente local debe pagar a Sogama pola xestión e tratamento do lixo convencional, un sistema que cada día ten máis detractores pola súa baixa eficiencia e polos problemas que xera coa incineración de residuos.

Dado que a separación de orgánicos no medio rural, ben para alimento do gando, ben para fabricación de abono, é unha práctica tradicional en Galicia, "non supón maior trastorno para as familias participantes, coa particularidade de que, seguindo a técnica recomendada, o compost resultante adoita reunir as máximas condicións de calidade, podendo ser empregado, en sustitución dos fertilizantes químicos, nas propias hortas, xardíns e terras de cultivo particulares", aseguran.

Primeira fase, 50 composteiros para os solicitantes

Nunha primeira fase deste programa, Sogama subministrou ao concello 50 composteiros de 360 litros de capacidade, fabricados a partir de material reciclado e reciclable, que serán distribuídos entre os fogares que voluntariamente decidan adscribirse a este proxecto. Así mesmo, dotaráselles cunha serie de manuais de apoio nos que se explican os pormenores a seguir no proceso caseiro de elaboración de compost, dando resposta ás preguntas máis frecuentes e erros máis comúns.

Mestres composteiros: o xoves en Carreira

A fin de garantir o éxito do programa, contarase coa figura dos denominados “mestres composteiros”, é dicir, persoas ao servizo do concello, entre estes os membros de Protección Civil, que se encargarán tanto de impartir charlas informativas nas distintas parroquias (a primeira será este xoves en Carreira) como de visitar periodicamente “casa por casa” para comprobar o funcionamento do sistema, resolver dúbidas e facer un seguimento de todos os pormenores que afecten ao seu bo discorrer.

Para isto, os mestres composteiros recibiron un curso específico de formación a fin de que conten cos coñecementos necesarios que lles permitan levar a cabo unha tarefa de asesoramento ás familias incorporadas a esta iniciativa e se encarguen de vixiar a evolución da experiencia de cara a garantir os seus bos resultados.

Por outra banda, e co obxectivo de intensificar a concienciación cidadá en torno á axeitada separación de residuos e posterior depósito nos diferentes contedores habilitados na vía pública, o goberno municipal procederá ao reparto de 100 lotes de bolsas de cores, de 20 litros de capacidade cada unha, coa finalidade de facer máis cómoda a segregación de refugallos en orixe. Cada lote está conformado por unha de cor amarela, na que depositar os envases de plástico, latas e briks, outra azul, para o papel e cartón, e unha terceira, de cor verde, para o vidro.

Así, coa práctica da autocompostaxe e a correcta recollida selectiva, o concello non só entregará menor cantidade de lixo a Sogama, o que suporá un importante aforro de custos, senón que incrementará en gran medida a porcentaxe de reciclado de cada material, recibindo máis ingresos por parte dos Sistemas Integrados de Xestión.

"Pero para beneficiarse desta medida precisa da activa implicación do conxunto da veciñanza, que pretende conseguir a través da información e a formación, a transparencia e o contacto permanente cos distintos colectivos, incentivando a súa colaboración e corrixindo as malas prácticas", sinalan dende o Concello.

Punto limpo

O alcalde tamén lembra que dende o Concello se está a promover unha campaña informativa sobre o punto limpo situado no polígono de Xarás, con cumprida información á que se pode acceder dende a páxina web do Concello: www.riveira.com

O despilfarro de Sogama: 253 millóns en 2011

E mentras Sogama intenta vender unha cara amable e austera en Ribeira, e pedirlle aos veciños que fagan o que debían facer eles, que para iso cobran dos impostos de todos, segundo denuncia hoxe mesmo a asociación ecoloxista Adega, "a crise semella que non existe para os residuos. Da pregoada austeridade que a Xunta aplica a servizos e dereitos públicos queda fóra SOGAMA. A empresa leva chuchado no que vai de ano 61.636.644,46€ (sen IVE e sen contar salarios do persoal e directivos), dos cales 42.580.033€ (case o 70%) "investíronse" en manter e ampliar o monstroso vertedoiro da Areosa. A máis recente inxección de cartos públicos, 38.074.033€, foi aprobada por Feijóo no último consello da Xunta para "xestionar" a primeira fase da ampliación do vertedoiro e contar con "espazo suficiente para procesar 1.260.000 toneladas de lixo". Para ADEGA isto vén a refrendar novamente o fracaso do modelo SOGAMA baseado na incineración, un buraco negro ambiental e económico que en 2011 xa devorou 253 millóns de € e este ano leva camiño de bater este récord. Este é o "horizonte tranquilo e despexado" ao que se referíu Feijóo para vender esta medida.

Consulta os contratos de SOGAMA nesta ligazón.

Esta nova ampliación confirma tamén o éxito das mobilizacións contra a incineradora do Sur, prevista inicialmente no concello do Irixo, e que polo de agora parece ficar sine loci. Ante a práctica imposibilidade de executar esta instalación para o 2015, "a Xunta continúa unha fuxida cara adiante irracional e insustentábel, hipertrofiando o macrovertedoiro para seguir acumulando lixo e de paso enriquecer ás eléctricas e baleirar as arcas públicas", sinala Adega.

Case medio millón en xardíns para as instalacións de Sogama

Como datos curiosos, sinala Adega que entre os contratos licitados esta ano por SOGAMA, figuran 432.000€ para "Servicio de jardinería y mantenimiento de zonas verdes del complejo medioabiental de Cerceda" (sic), así como outros 50.000€ para un "Servicio de programa de prevención de imputaciones delictivas" (sic) este último polo procedemento negociado sen publicidade. Terá isto último algo que ver co asunto das analíticas falsificadas para ocultar a contaminación do vertedoiro durante anos?", pregúntanse os ecoloxistas galegos.

 

Buscándose un "postiño" Feijóo e Hernández

"Ao igual que os 253 millóns gastados pola Xunta en 2011, Feijóo e Hernández poden argumentar que están a facer investimentos "de futuro" para garantir a capacidade de "tratamento" de SOGAMA. Esta por ver se ese "futuro" pasa tamén polo consello de administración dunha multinacional enerxética como aconteceu con Aznar (Endesa) e González (Gas Natural-Fenosa)", rematan os de Adega.

Ribeira: vinte cativos aprenderon os segredos de ser escritora post.ly/7B8fZ

— Certo (@Certo) May 7, 2012

"Haré cualquier cosa aunque dijera que no la iba a hacer" ha dicho #RajoyenOndaCero #HolaDictadura Son unos delincuentes.

— Ramón Espinar (@RamonEspinar) May 7, 2012

Ribeira: aparcamentos ao límite no peirao. Imaxe de hai uns minutos. twitter.com/Certo/status/1…

— Certo (@Certo) May 7, 2012

Ribeira: medio cento de asociacións poderían sumarse ao "Xuño da Cultura e as Artes" post.ly/7BDJw

— Certo (@Certo) May 7, 2012