Ribeira, 23 de abril de 2012.- Co gallo da conmemoración este domingo 29 do Día Internacional da Danza, a Escola Municipal de Ballet quere recordar e conmemorar esta efeméride a través dunha xornada de portas abertas dos nais e pais dos alumnos que, con idades comprendidas entre os 7 e os 10 anos, están a estudar na modalidade de danza clásica.

A devandita xornada terá lugar este xoves, día 26 de abril, ás 18.30 horas, na aula de Ballet situada no Conservatorio de Música Profesional. No acto estará presente a concelleira de Cultura, Elvira Pisos, e a profesora da danza clásica, Cristina Riveira.

Libro: o 27 de abril, "Héroes de polvo", de B. Manjón, no Ateneo Valle-Inclán

Barbanza e Noia: a Federación Rural Galega alerta das fumigacións con flufenoxuron nestas bisbarras is.gd/mERQYA

— Certo (@Certo) April 23, 2012

Ribeira: clausurados os cursos de alfabetización dixital de seis parroquias is.gd/Ni9B6Z

— Certo (@Certo) April 23, 2012

Ribeira: comezan as obras da rúa Celeiráns de Aguiño, que supoñen un investimento de 51.000 euros is.gd/gOdzlr

— Certo (@Certo) April 23, 2012

Ribeira, 1 de setembro de 2011. A Concellería de Cultura informa de que mañá venres día 2 de setembro ábrese o prazo de inscrición na modalidade de Iniciación á Danza e Danza Contemporánea pertencente á Escola Municipal de Danza. 

Esta iniciativa foi creada coa idea de difundir o estilo da compañía Nova Galega de Danza baseada na danza contemporánea e a danza tradicional de Galicia, co desexo de que os alumnos e alumnas interesados poidan ter a oportunidade de ter unha opción de traballo en futuras producións da compañía. 

As clases serán impartidas polo profesor Vicente Colomer. O prazo de inscrición finaliza o 30 de setembro. Os interesados poden apuntarse no Auditorio Municipal, de luns a venres de 9 a 13 horas. 

O prazo para formalizar a matrícula terá lugar do 1 ao 31 de outubro. As clases comezarán o 5 de outubro e terán lugar os mércores e os venres. O prezo é  de 125,50 euros. 

No que respecta ao prazo de preinscripción en Danza Clásica, terá lugar a partir do 1 de outubro.

Pode que tamén lle interese:

Sálvora C.F.: este sábado 3 presentan as categorías inferiores

Novo posto para o alcalde: no Consello de Portos de Galicia

Festas de Santa Uxía: o luns 12 de setembro, concurso de baile

Aguiño: os da AFLM, encantados co novo párroco nomeado

Cambio dos sindicatos: principio de acordo, disque

Andaina popular: o sábado 3 de setembro

Caricaturas de Pepe Núñez: ata o 15 de outubro no auditorio

Ribeira, 11 de agosto de 2011. A Praza de España de Santa Uxía vai dar cabida este sábado á Mostra de Danza de Ribeira: unha actividade enmarcada na programación da Fiestra da Cultura organizada dende a Concellería de Cultura, que reunirá a seis grupos do municipio para exhibir o seu talento e bo facer. 

Esta actuación terá  lugar ás 20.30 horas e os elencos participantes son Aires da Dorna, o Grupo Tahume de Olveira, a Asociación de Amas de Casa; a Asociación Haveira, a Escola El Tomasón e a Asociación Alfaia. 

Ondacinema

Por outra parte, a Concellería de Cultura desexa lembrar que hoxe ás 20.30 horas na Aula Multimedia terá lugar outra sesión do ciclo audiovisual Ondacinema, integrado dentro da programación do Verán Cultural. O filme proxectado será “O Soño dunha Noite de San Xoán”, de Ángel de la Cruz e Manolo Gómez. 

É unha película para todos os públicos e a entrada será libre e de balde ata encher o aforo de 50 prazas. 

Colabora na iniciativa a Axencia Audiovisual Galega.

Antes, en Certo:

Mostra de Música Tradicional: estiveron 5 grupos no auditorio

Pode que lle interese:

Programación "Fiestra da Cultura": Amancio Prada e moito máis

Feira das oportunidades: do 13 ao 15 de agosto no Malecón

Ribeira, 28 de xuño de 2011.- As 24 alumnas que, con idades comprendidas entre os 6 e os 20 anos, están a asistir á Escola de Danza Contemporánea despregarán a súa arte no Festival de Fin de Curso que, por partida dobre, vai ter lugar esta fin de semana no Auditorio Municipal. Para falar do espectáculo déronse cita nesta instalación a nova concelleira de Cultura, Elvira Pisos, e o director da Escola, Vicente Colomer Busoms. O festival vai ter lugar os días 2 e 3 de xullo, a partir das 20 horas, e a entrada será totalmente gratuíta como é costume. 

A edil Pisos Arnoso recordou que o grupo local de danza contemporánea xurdiu como resposta á forte demanda existente entra a cidadanía neste senso e aproveitou para agradecer o labor realizado polo seu antecesor, Luciano Fernández Martínez, así como por todos os integrantes da delegación de Cultura. 

Sobre a traxectoria de Colomer Busoms, “un ribeirense que conseguiu facer da súa paixón unha forma de vida” resaltou a súa formación na Escola de Danza e Música de Galicia, no Conservatorio Profesional de Danza de Madrid e na Universidade Menéndez Pelayo, con Carmen Roche, Peter Stamm e Juan Bosco. Formou parte como primeiro bailarín de Ballet Galego Rey de Viana e é fundador da compañía Nova Galega de Danza. 

Pola súa parte, Vicente Colomer explicou que este é o terceiro ano que se fai o evento e recalcou que os beneficios da danza van máis aló da disciplina artística, ao transmitir entre os rapaces valores tan importantes como o compromiso e o traballo en equipo. 

Base tradicional

En canto ao programación do festival, avanzou que as coreografías sustentaranse no estilo da Nova Galega de Danza, que se caracteriza por ser unha danza contemporánea que bebe da danza tradicional galega, do mesmo xeito que a danza contemporánea norteamericana bebeu da afroamericana. 

Como consecuencia disto, a maior parte das coreografías xirarán en torno a músicas tradicionais, pero por petición das alumnas tamén haberá tempo para algunha actuación máis libre, entre elas unha sobre a base dun tango de Astor Piazzola. Este venres, 1 de xullo, pola tarde, haberá un ensaio xeral.

O repertorio estivo composto por  composicións orixinais de Leroy Anderson (“El gato valseador”, Césare Pugni (“La vivandière, pas de six”), Orchester Kindersinfonie (“Sinfonía), Johan Strauss (“Marcha”), e Dulce Pontes e Andrea Bocelli (“O mar e tu”). Ademais, o espectáculo rematou coa posta en escena do tema “Flores en la Carretera”, dos riveirenses Jabon Blue na súa versión arranxada por Luis Cobos, con coreografía realizada expresamente por Cristina Riveiro. Con esta adaptación, a Escola Municipal de Ballet quixo aportar o seu particular grao de area á Campaña Libre de Alcol, Libre de Preocupacións, promovida pola Xunta de Galicia a través da Dirección Xeral de Xuventude.  

Adeus, Luciano, adeus

Unha vez rematadas as actuacións, o concelleiro Luciano Fernández Martínez despediuse como edil dos participantes e espectadores presentes no Auditorio. Acto seguido, tivo lugar a entrega de diplomas a todos os alumnos da escola.

(download)

Click here to download:

Ribeira_alumnos_de_danza_conte.zip (4.6 MB)

No festival participarán alumnos da devandita Escola Municipal de Danza Contemporánea ribeirense e estudantes da Escola Municipal Anduriña de Porto do Son. Segundo Vicente Colomer, propíciase así a posibilidade de que convivan e se coñezan os alumnos dun e doutro centro, ademais de permitirlles un achegamento máis directo ás táboas, de tal xeito que non haxa que esperar a rematar o curso para comprobar o traballo desenvolvido ao longo de todo o ano. 

Todas as coreografías son orixinais das escolas e están asinadas por Vicente Colomer e pola Nova Galega de Danza, grupo do que é cofundador. Será un repertorio onde se amose un estilo de danza tradicional pasado polo tamiz da danza contemporánea. 

Luciano Fernández fixo fincapé no excelente labor que están a despregar as dúas Escolas Municipais de Danza existentes en Ribeira (a de Danza Contemporánea e a da de Danza Clásica, que contan en conxunto con máis de 100 alumnos)  para divulgar esta disciplina artística entre a sociedade do municipio. 

A entrada será gratuíta e libre ata cubrir aforo.

Rianxo, 2 de novembro de 2010. O próximo sábado 6 de novembro terá lugar no Auditorio de Rianxo, ás 20.30 h, o espectáculo "En la cuenca de tus ojos" a cargo da compañía de danza profesional Entremans.

Entremans é unha compañía residente en Galicia, de pequeno formato e con cinco anos de traxectoria nos que foron premiados en diferentes ocasións e participaron en distintos festivais nacionais e internacionais.
As pezas de Entremans realízanse xeralmente cunha dirección artística colectiva, o que fai que non poida definirse como unha compañía ao uso, cun director artístico permanente, se non máis ben como un colectivo de artistas que se reúnen para a creación dunha nova peza, asumindo conxuntamente a dirección ou, nalgunha ocasión, sinalando un director específico para unha nova creación.

Entremans nace en 2005 da man dos cubanos afincados en Galicia, Armando Marten, Ana Beatriz Pérez, Alexis Fernández e Kirenia Martínez, baixo a produción da galega Estefanía Vázquez. Neste ano estrean "En la cuenca de tus ojos", dirixida e interpretada por eles catro, primeira peza da compañía coa que conseguen o 1º premio do Certame Coreográfico de Burgos-New York (2006) e o 1º premio do Certame de Creación Coreográfica de Galicia (2006).

Blog da compañía Entremans
http://ciaentremans.blogspot.com

a) CLÁSICA 

b) INICIACIÓN Á DANZA E DANZA CONTEMPORÁNEA 

Cómpre salientar como novidade que este ano é posible que os interesados/as poidan asistir a ambas modalidades.  

A escola está destinado a nenos/as a partir de 4 anos de idade e impártese na Aula de Danza sita no Conservatorio Municipal de Música de Riveira.  

O prezo da matrícula é de 125,50 euros por curso completo.  

Todos os interesados/as poden recoller o impreso da matrícula nas oficinas do AUDITORIO MUNICIPAL en horario de 9.00-14.00 h.  

Ribeira, 1 de agosto de 2010. Como complemento á programación das Festas de Verán, a praza do Concello de Ribeira vai acoller o vindeiro luns día 9 de agosto, a partir das nove da noite, a actividade Camiños en Danza. Ethéria sae o teu paso. Trátase dun espectáculo impulsado polo Centro Coreográfico Galego coa finalidade de promocionar a danza entre distintos concellos do Camiño de Santiago: ademais de Ribeira, Santiago de Compostela, Fisterra, Muxía, Vilagarcía e O Cebreiro.

Camiños en Danza. Ethéria sae o teu paso é unha variación do espectáculo Ethéria. A viaxe soñada. A viaxe de Ethèria é unha historia fascinante que traza un percorrido de unión entre os grandes centros de peregrinación cristiá. Ao mesmo tempo, é unha historia incompleta: nos datos da viaxe, xa que non se conservan todas as follas do manuscrito que a relata; e no seu remate, ao perderse a pista de Ethèria e non confirmar se efectivamente regresou a Galicia. O espectáculo ten unha duración de 25 minutos e un elenco formado por seis bailaríns e un percusionista. Está organizado por AGADIC coa colaboración do Xacobeo e da Concellería de Cultura e Festexos de Ribeira.

O novo espectáculo do Centro Coreográfico Galego parte do suposto de que esa viaxe foi posible, dende Xerusalén ata Compostela; e amosaránola a través da música, a imaxe e a danza, evocando sentimentos e sensacións en cada un dos lugares polos que transcorre. 

Toda a información da obra orixinal na web do Centro Coreográfico Galego, aquí

Tamén en Rianxo

Relacionada:

Festas do Verán: do 4 ao 9 de agosto. Programa aquí