•  O 2 de xuño haberá a mesma charla en Rianxo
  

Ribeira, 15 de maio de 2012.- A Aula Multimedia (paseo do Malecón de Santa Uxía) vai ser escenario o xoves día 31 de maio dunha xornada de promoción das empresas de inserción laboral.

Organizada pola Mancomunidade Arousa Norte, esta acción pretende informar aos asistentes sobre este modelo de empresa e vai dirixida en especial aos seguintes colectivos:

        Técnicos e membros da directiva de Asociacións, Ongs.

        Técnicos de servizos sociais, de xuventude, de emprego e   orientadores laborais dos concellos.

        Orientadores laborais de centros integrados de formación profesional, de formación ocupacional e do Servizo Galego de Colocación.

        Persoas en situación ou en risco de exclusión social.

        Emprendedores.

        Calquera persoa con interese.

A xornada terá lugar de 16 a 20 horas. Ten carácter gratuíto. Os interesados poden inscribirse na oficina de desenvolvemento local do Concello (Casa do Concello, 1ª planta. Tel.: 981835417) ou na Mancomunidade de municipios Arousa Norte (Concello de Boiro)

Na seguinte ligazón pódese atopar máis información ao respecto: http://arousanortemprego.wordpress.com/xornadas-sobre-a-e-i-l/

Ribeira: presentada a IX Carreira Virxe da Guía, que se celebra este xoves 17 de maio post.ly/7HMA8

— Certo (@Certo) May 14, 2012

• Os socialistas desta bisbarra valoran como "moi grave" a situación de desemprego nesta zona ao superarse os dez mil desempregados
• Piden dinamizar os polígonos industriais da comarca (Rianxo, Pobra, Ribeira, Noia e Muros) con naves modulares en aluguer para emprendedores e bonificacións e estímulos económicos aos pequenos e medianos empresarios
• Denuncian que o macropolígono comarcal do Barbanza está paralizado dende a chegada de Feijóo

Boiro, 9 de xaneiro de 2012.-O Portavoz da Área Institucional do Grupo Socialista, José Manuel Lage, reuniuse o pasado sábado cos portavoces municipais e secretarios locais do PSdeG-PSOE da comarca barbanzana para abordar a “grave situación de desemprego que están sufrindo os concellos do Barbanza, ao superar a cifra de 10.000 desempregados”.

Os socialistas do Barbanza ven a cifra de 10.000 desempregados no conxunto do Barbanza "como unha proba da magnitude da crise económica”.

Lage Tuñas apunta “son datos moi negativos. Precísanse respostas e o goberno galego terá tamén que explicar que fixo nestos tres anos de lexislatura, dado que teñen competencias en materia de emprego, con dúas consellerías,na que unha ten fondos para adicar ás políticas activas de emprego e outra, a de industria, conta con instrumentos poderosos como o IGAPE que é preciso saber que fixeron neste tempo”.

”Os socialistas do Barbanza propoñemos que a Xunta de Galicia aprobe un plan de emprego para a reactivación económica da comarca do Barbanza para os anos 2012 e 2013”, explicou Lage Tuñas.

Os dirixentes socialistas advirten que “ata o de agora Feijóo fuxía das súas responsabilidades pero debe respostar das súas competencias para dinamizar a economía”.  Os socialistas do Barbanza ven que ”o IGAPE está paralizado e non atende as demandas dos emprendedores da comarca do Barbanza. Imos pedirlle contas ao goberno galego, teñen competencias en materia de emprego e non sabemos que fixeron nestos tres anos que levan gobernando”.

Lage Tuñas entende que “a Xunta debe explicar a política de incentivos e estímulos económicos” dirixida a fomentar o dinamismo económico e interesarase novamente “polas axudas concedidas a emprendedores e pequenas e medianas empresas do Barbanza para a xeración de riqueza e emprego na bisbarra”.

”Non podemos quedar de brazos cruzados, nin resignarnos a ver como a actividade económica se sigue ralentizando e cada vez hai máis desempregados. A Xunta ten competencias en materia de emprego e cabe pedir un esforzo, máis imaxinación e menos resignación”, argumentou.

Macropolígono paralizado

O deputado socialista destacou que “os socialistas barbanzanos estamos fondamente preocupados porque o Macropolígono Empresarial do Barbanza está paralizado, dende o ano 2009 a Xunta non fixo ningunha xestión, na práctica o proxecto está conxelado”.

“O Partido Popular ten que explicar a razón pola cal o goberno galego non fixo nada nestes 3 anos. Existe demanda de solo industrial en Ribeira e Pobra e a Xunta non dá respostas, non acelera a tramitación e execución do macropolígono empresarial do Barbanza”.

Naves modulares en aluguer nos polígonos

Os socialistas do Barbanza “piden dinamizar os polígonos industriais de Rianxo, Pobra, Ribeira, Noia e Muros, con naves modulares en aluguer para emprendedores e bonificacións e estímulos económicos aos pequenos e medianos empresarios”.

“Non só se trata de ter solo industrial senón tamén que precisamos unha liña clara de axudas aos emprendedores para que poidan instalarse nos polígonos e iso é o que propoñemos e esperamos que se acolla ben a nosa proposta”, explicou Lage Tuñas.

Posición constructiva no Parlamento

"Non é unha crítica demagóxica, é un exercicio de responsabilidade dende a oposición parlamentaria, de querer saber, de preguntarlle a quen ten competencias que foi o que fixo ata o de agora, e de saber como se gastaron os recursos públicos en materia de industria, emprego, incentivos económicos, etc. A situación do desemprego do Barbanza é grave e precisamos respostas”, sinala Lage, quen vai interesarse novamente no Parlamento polas políticas que leva aplicado o goberno Feijóo para dinamizar a economía na comarca do Barbanza.

Os socialistas barbanzanos demandan do goberno galego “unha clara politica de incentivos e estímulos económicos” dirixida a fomentar o dinamismo económico e emprego na bisbarra”.

Pode que tamén lle interese:

• Infraestruturas: un millón para bachear 30 quilómetros da AC-550

Ribeira, 1 de decembro de 2011. O Concello informa de que no BOE de hoxe sae publicado un anuncio correspondente á convocatoria promovida polo Executivo para prover tres prazas na Policía Local.

Convócanse dúas prazas de oposición polo procedemento ordinario e unha de concurso-oposición polo procedemento extraordinario, ao abeiro do disposto nos artigos 20 a 24 e disposición transitoria terceira do Decreto 243/2008, de 16 de outubro, polo que se desenvolve a Lei de Coordinación de Policías Locais de Galicia e anexos I e VI da Orde de 28 de xaneiro de 2009.

As bases que rexen esta convocatoria están publicadas integramente no BOP de A Coruña con data 14 de novembro de 2011. 

20 días de prazo

As solicitudes para tomar parte nos procesos selectivos faranse mediante instancia que se presentará  durante o prazo de vinte días naturais contados a partir da publicación do anuncio no BOE, é dicir, a partir de mañá venres. 

O modelo oficial das instancias estarán a disposición de todos os interesados, ademais das oficinas do rexistro municipal, no sitio web oficial do Concello (www.riveira.com).

• O vindeiro martes 11 comeza o curso de formación para a posta en marcha dunha cooperativa.

Click here to download:

Rianxo Emprende.pdf (237 KB)

(download)

Click here to download:

Rianxo Emprende.pdf (237 KB)

Rianxo, 23 de setembro de 2011. Segundo informa o Concello de Rianxo, o vindeiro mes de outubro realizaranse cursos de formación gratuítos no ámbito da creación de empresas.

Os cursos serán os seguintes:
- Motivación emprendedora: 5, 6 e 7 de outubro
- Formación para a posta en marcha dunha cooperativa: 10, 11, 13, 14, 17, 18 e 19 de Outubro

Máis información:
Servizos Sociais
Tlfn: 981860061
correo-e: servizos.sociais@concelloderianxo.es

Rianxo, 27 de setembro de 2011. O Concello de Rianxo convoca unha praza de Orientador/a Laboral (contratación laboral temporal) para o programa: Información, orientación e búsqueda de emprego.

Bases e solicitudes no Rexistro Xeral e na páxina web do Concello.
Prazo: tres días hábiles contados a partir do seguinte ao da publicación.

• Bases da convocatoria [PDF]
• Instancia de solicitude [PDF]

Web do Concello de Rianxo: http://portelo.rianxo.com

Pode que tamén lle interese:

Cursos: para emprendedores e cooperativistas, en outubro

Festas da Guadalupe: todas as fotos, por Óscar Reboiras

A data da escolla será este venres 10 de xuño

O venres 10 de xuño terá lugar a selección de alumnos nas Aulas de Formación da Rúa Cristobal Colón, s/n (fronte ao tanatorio). Como requisitos para asistir, cómpre ser persoa desempregada, estar apuntado na Oficina de Emprego e ter uns estudos mínimos de ESO ou equivalente e certificado de CELGA 2 ou iniciación de galego. 

As persoas interesadas en participar como alumnos neste curso deben presentarse no lugar antes indicado ás 09.00 horas (deben traer a súa titulación académica e o certificado do nivel de galego).  

Para máis información, poñerse en contacto coa Oficina de Desenvolvemento Local (Casa do Concello, 1ª planta. Tel.: 981 83 54 17).

(download)

Click here to download:

Boiro_inaugurado_o_viveiro_de_.zip (2.74 MB)

Antón Louro salientou que esta actuación conlevou o único galardón para un municipio galego para Boiro como "Ciudad de la Ciencia y la Innovación", e valorou a aposta do equipo de goberno (Bng e Psoe) polo "fomento do emprego, a formación e a competitividade". No seu discurso o delegado lembrou que para construír o viveiro de empresas empregáronse Fondos Locais do Goberno de España (1.371.882 euros), que xestionou o Ministerio de Política Territorial. Construír o edificio supuxo case un millón de euros do primeiro Fondo Estatal de Inversión Local (Feil) do 2009, aos que houbo que engadir 378.000 euros da segunda fase, que se financiou dende o Fondo Estatal para o Emprego e a Sostibilidade (FEESL) do 2010. Ambos fondos permitiron levar adiante nove proxectos en Boiro e contratar a 139 persoas cun orzamento que superou os 5,4 millóns de euros. Entre outras obras e servizos, fixéronse:
                       
- Nave industrial para obradoiros e almacéns de oficio dos servizos municipais.
- Nave destinada a centro de formación e viveiro.
- Proxecto para dotacións deportivas, aparcadoiros e outros usos.
- Segunda fase centro formación e viveiro.
- Segunda fase dotacións deportivas e aparcadoiro.
- Pistas polideportivas descubertas en Barraña.
- Alumeado da zona deportiva.
- Adecuación e mellora do edificio municipal para Emerxencias.

Nota de prensa da Deputación:

Antes anunciamos:

Inauguración: o venres 11, do viveiro de empresas

Podería interesarlle:

Doazón: dun cadro da Virxe en Santiago de Lampón

Esteiro: inaugúrase o centro social este sábado 12

Ribeira, 11 de marzo de 2011. Este sábado 12 de marzo, de 19:30 a 22:30, na rúa do Mendiño, 2 B - Edificio Promiventa, portal 5 B Entpta. (Sede do Partido Socialista de Ribeira) hai unha charla informativa co título "Os dereitos dos traballadores autónomos".

O presidente de Deputación voltará a Boiro para esta inauguración

Boiro, 9 de marzo de 2011. O Concello de Boiro, presidido polo Alcalde, Xosé Deira Triñanes, inaugurará este venres, día 11 de marzo, ás 12.00 horas, o Centro de Formación – Escola de Hostelería – Viveiro de Empresas, situado no Polígono Industrial de Espiñeira, nun acto que contará coa asistencia do Delegado do Goberno en Galicia, D. Antón Louro Goyanes; o Presidente da Deputación da Coruña, D. Salvador Fernández Moreda; o Subdirector de Xestión Económica do Ministerio de Ciencia e Innovación, D. José María Álvarez Pérez; o consejero técnico do Ministerio D. Manuel Constenla Bergueiro; e a Deputada Provincial  Rosana Pérez Fernández, entre outras autoridades.

A construción deste centro é unha aposta do goberno de Boiro para o estímulo do emprego, "pois ten como obxectivo prioritario potenciar, mediante medios técnicos, asesoramento e infraestruturas, as iniciativas de emprego e proxectos empresariais que se poñan en marcha na localidade, sobre todo nos primeiros anos da súa andaina, que son os máis difíciles. Basicamente, é unha estrutura de acollida temporal pensada para ubicar a empresas nos seus primeiros pasos no mercado laboral; prestarlles determinados servizos adaptados ás necesidades de cada proxecto empresarial, co fin de que, mediante unha xestión sen ánimo de lucro, se facilite o desenvolvemento xerminal de iniciativas de interese local", explica o equipo de goberno bipartito.

Cómpre lembrar que este centro valeulle ao Concello de Boiro a concesión do distintivo “Ciudad de la Ciencia y de la Innovación” por parte do Ministerio de Ciencia e Innovación, un premio que ven a reafirmar a aposta do goberno de Boiro polas políticas activas de fomento do emprego, ademais de por de manifesto a oportunidade e acerto do goberno local á hora de decidir investir parte do orzamento do Fondo Estatal para el Empleo y la Sostenibilidad Local.

O centro conta, ademais, cunha escola de cociña, totalmente equipada, para impartir formación a través de programas pensados para a capacitación profesional dos desempregados que pretenden acceder ao mercado laboral, sobre todo en sectores que se consideran máis dinámicos nas comarcas de Barbanza e Noia: hostalería e turismo.

Os espazos básicos cos que contarán as empresas son os seguintes:

• Locais privados ou despachos, equipados con armario de oficina, mesa despacho, caixóns, cadeiras, papeleira e percheiro, así como dotación de infraestruturas de iluminación, electricidade, climatización, teléfono e comunicacións.
• Áreas comúns: recepción, administración, secretaría, aulas, sala de xuntas, fotocopiadora, fax e aparcamento.
• Pequenos almacéns independentes para arquivo.

O Centro de Formación – Escola de Hostelería – Viveiro de Empresas é froito da colaboración entre varias administracións. O desglose de investimento é o seguinte: 

Antes publicamos:

A Deputación aposta polo viveiro empresarial

Premio: o alcalde recolleu o "Cidade da Ciencia e Innovación"

Boiro, 13 de xaneiro de 2011. O Consello da Xunta de Galicia autorizou á Consellería de Economía e Industria a apoiar, mediante a concesión dun aval por importe de 8.123.000 euros, o plan de negocio que prevé impulsar Paquito, S.L., coa finalidade de apoiar o mantemento do emprego na comarca da Barbanza, segundo explica a propia Xunta.

Co apoio do Instituto Galego de Promoción Económica, a empresa poderá acceder a préstamos bancarios que suman 16.660.095 euros para desenvolver o citado plan de negocio, centrado no mantemento do emprego. A empresa, asentada na comarca da Barbanza, dispón dun cadro de persoal integrado por mais de 200 traballadores. A Xunta de Galicia valorou a importancia deste proxecto no tecido económico da comarca, que se atopa nun sector industrial de grande importancia para a zona, como é o de manipulación, transformación, preparación e distribución de produtos do mar.

Esta compañía procesa en Galicia miles de toneladas anuais de mexillón (10.407 t no 2008), que chegan á factoría en camións procedentes das rías galegas. Con máis de 50 anos de experiencia no sector de procesado e distribución de produtos do mar, a empresa desenvolve a actividade de cocción, transformación e elaboración de diferentes produtos, incluíndo a preparación de precociñados, así como a súa conxelación e comercialización.

A factoría posúe viveiros de cultivo de mexillón fondeados na Ría de Arousa e, desde 1997 participa maioritariamente en dúas sociedades que operan en Chile: Sociedad Huimar Limitada e Galaico Chilena de Pescados y Mariscos. Ademais, a compañía ten unha forte orientación internacional e está presente en practicamente todos os mercados europeos, sendo os principais España, Francia, Italia, Portugal, Grecia, Turquía, Alemaña, Bélxica, Suíza, Reino Unido, Holanda, Dinamarca e Rusia, e ten establecidos vínculos comerciais con moitas cadeas maioristas e de distribución, onde compite en prezo. O 60% do seu produto
comercializado vai destinado á exportación.

Podería estar relacionada:
Polémica: a Xunta subvenciona unha empresa dun armador ao que acusan de pirata pesqueiro