Ribeira, 19 de abril de 2012. O sábado 5 de maio, a partires das 22:30 horas, o Bar Brétema de Ribeira convertirase -disque- nun templo do humor. O polifacético Cándido Pazó deleitará co seu humor e garante que fará rir a esgall, a todas aquelas persoas que se pasen por alí.

• O prazo para anotarse vai ata o día que sae "La Vos de Jalisia" dorneira, ou sexa, o 28 de decembro
• Hai que destacar o novidoso do torneo, por ser o único 3x3 de fútbol da comarca, realizarse en herba artificial e alongarse ata altas horas da madrugada.

Ribeira, 26 de setembro de 2011.A Asociación Xuvenil e Cultural Flor de Toxo pon en marcha unha escola de música tradicional, e organiza para este curso os seguintes cursos:

Ribeira, 21 de agosto de 2011. A Asociación Xuvenil e Cultural Flor de Toxo ten o pracer de presentar o II Festival Solidario "Bailando Entre os Toxos", que terá lugar no Parque Periurbano de San Roque, durante o día 27 de agosto. "A pesares da situación económica este ano fíxosenos moi moi difícil poder sacar adiante esta actividade, pero non por iso vai ser menos divertida, coa ilusión e o traballo da mocidade conseguiremos una boa festa", explicaron dende a directiva.

O Festival dará comezo ás 21 horas cunha Sardiñada gratuíta a cargo da entidade organizadora. Xa ás 22 darán comezo as actuacións musicais con:

-Kallaikoi
-Belfastt
-Os Sosios
-Dj Masc (kruce´s house mafia)
-Brais Aka Sepulkro(kruce´s house mafia)
-Marcos Debug
-Fernando Beatrate
-Electric Storm
-Yago FM e Dj Bluebeach

O 100% do donativo destinarase á Cruz Vermella, para colaborar en paliar a crise de fame no Corno de África (http://www.cruzroja.es/portal/page?_pageid=619,12283552&_dad=portal30&_schema=PORTAL30&P_Codigo=10582

Pode que tamén lle interese:

Maxia na Fiestra da Cultura: o venres 26, "Meigallo"

Rutas cicloturísticas novas: a primeira, o domingo 28 de agosto

Ribeira, 28 de xuño de 2011. No encontro mantido no día de onte entre colectivos xuvenís (representados pola asociación Flor de Toxo) e diversas ANPA (representadas pola do colexio de Aguiño) co alcalde de Ribeira, Manuel Ruíz Rivas, abordáronse os seguintes asuntos:

Ribeira, 7 de marzo de 2011. A asociación "Flor de Toxo" de Ribeira explica hoxe en nota de prensa que durante as pasadas semanas, unha serie de asociacións do municipio viñeron mantendo encontros nos que trataron diversas propostas en materia educativa e xuvenil a reclamarlle ao concello. Para o día de hoxe aseguran que tiñan solicitado, mediante escrito e debidamente rexistrado no rexistro de entrada do concello, un encontro co Alcalde, co concelleiro de Xuventude e coa concelleira de Educación.

"Ás 10:30 horas do día, unha delegación composta por representantes das A.N.P.A.S dos colexios C.E.I.P. de Aguiño, C.E.I.P. Pedra do Corniño de Carreira, I.E.S. Leliadoura, I.E.S. Nº1 e C.E.I.P. O grupo, asemade como membros da Asociación Xuvenil Flor de Toxo, Galiza Nova, Xuventudes Socialistas e AA.VV. de Abesadas e Cubeliños entraron polas portas da Casa Consistorial e dirixíronse á Alcaldía, onde a secretaria particular do alcalde, Purificación Cores, persoa vinculada ao Partido Popular, nos atendeu cuns aires chulescos e de prepotencia informándonos de que non se realizaría ningunha reunión cos membros de equipo de goberno que se solicitara. Foi logo Juana Ermitas Crujeiras, Concelleira de Educación a que nos reiterou que ese encontro non ía ter lugar. Unha vez máis demóstrase o pasotismo e o acomodamento do equipo de goberno ribeirense. Cabe resaltar que as reunións previas convocouse ás Novas Xeracións do PP ribeirenses e non apareceron nin mostraron interese", explicaron.

Propostas recollidas polas asociacións

1. -Control nos pasos de peatóns da cidade por parte dos membros de Protección Civil nas horas de entrada e saída dos colexios. Hai que ter en conta o número de atropelos que hai na actualidade.  
2. -Apertura inmediata e posta en funcionamento da Casa da Xuventude, e que se conte coas asociacións xuvenís, culturais e anpa´s do municipio para a súa xestión.  
3. -Creación dun Consello Local da Xuventude e un Consello Escolar Municipal.  
4. -Creación dun novo centro de Formación Profesional, levamos 20 anos coa mesma oferta educativa.   
5. -Apertura en fins de semana das pistas deportivas dos colexios: os mozos non teñen por que saltar murallas, non son delincuentes.  
6. -Construción dunha gran área deportiva e céntrica con pistas de baloncesto, fútbol, tenis, etcétera.
7. -Oferta de actividades para os xóvenes e nenos do concello, que sexa continua e ao longo de todo o ano.  
8. -Achegar actividades de ocio infantil ás parroquias.  
9. -Creación dun plan de emprego, que sexa real e non un monte de papel, para xóvenes do municipio cualificados. Estamos perdendo poboación moza porque saen da universidade ou de F.P e aquí non atopan traballo.  
10. -Creación de locais públicos para o uso das asociacións.  
11. -Achegar a cultura galega aos colexios, clases de gaita, charlas sobre o mar. Modernidade e tradición non teñen por que ser palabras opostas.

Ribeira, 12 de xaneiro de 2011. A asociación cultural xuvenil Flor de Toxo organiza un curso de monitor de ocio e tempo libre que dará comezo o 12 de marzo deste ano. A súa data de remate está prevista para finais de maio ou comezos de xuño. Ten un custe de 250 euros e para obter máis información é necesario poñerse en contacto cos medios que figuran no cartel adxunto.

Podería interesar:

Obradoiro de escultura: comeza este mes en Carreira. Anótate!

Premio de novela: admisión de orixinais ata marzo de 2011

Casa da Xuventude: Flor de Toxo protesta

Viaxe á neve: "Flor de Toxo" organiza un a León

Ribeira, 4 de xaneiro de 2011. "O día 3 de xaneiro do presente ano, a Casa da Xuventude de Ribeira sufriu unha nova inundación debido aos defectos na construción do edificio, é por iso polo que nos vemos na obriga de reclamar o inmediato amaño e apertura do citado edificio", reivindica a asociación cultural ribeirense Flor de Toxo.

Para este colectivo, "non é tolerable que despois dun ano de ser inaugurada siga pechada ao público. O concello non pode excusarse eternamente na empresa construtora, no arquitecto, nas filtracións, nos actos vandálicos…  É certo e comprendemos que houbo unha serie de imprevistos que fixeron que se demorase esta obra, pero o concello mostra unha actitude de falta de interese e pasotismo polas infraestruturas e política xuvenil en xeral".

Flor de Toxo sinala que "a día de hoxe a mocidade deste municipio non dispón dun lugar onde reunirse, onde levar a cabo ideas, onde darlle forma a proxectos.  É unha vergoña que se inaugure un edificio e un ano despois siga sen funcionar, que se faga en febreiro de 2010 unha reunión con entidades do municipio e se nos prometese unha segunda reunión no prazo de 15 días e a día de hoxe seguimos agardando por ese segundo encontro. Hai que ter en conta que é  unha instalación que o goberno municipal se empeñou en facer ao seu xeito, sen ter en conta recomendacións de colectivos culturais e xuvenís ou grupos políticos da oposición, polo tanto agora deben roer co que hai".

"Se non vemos avances e segue a falta de interese pola Casa da Xuventude verémonos na obriga de convocar protestas e manifestacións para presionar ao goberno do concello. Aproveitamos a ocasión para reclamar que se debe crear un Consello Local da Xuventude, para que o concello saiba o que a mocidade quer e como o quer", rematan os integrantes de Flor de Toxo.

Máis información en Certo sobre a Casa da Xuventude, aquí e aquí

Relacionada:

Viaxe á neve: "Flor de Toxo" organiza un. Anótate! Prazo ata 10 de xaneiro