Barbanza-Noia, 28 de marzo de 2012. Segundo explica a Federación Galega de Enfermidades Raras e Crónicas (FEGEREC), "coa crise e os recortes actuais, as ONG estamos sufrindo moito e as persoas ás que atendemos, moito máis, producíndose un deterioro na súa calidade de vida engadido á falta de saúde".

Barbanza-Noia, 22 de xullo de 2011. Desde a súa primeira aparición pública, durante a pasada edición do Achegarte na cidade da Coruña, o proxecto de xestión cultural Tinta de Lura leva percorridos xa varios centos de quilómetros para amosar os seus produtos e explicar o seu proxecto en canto encontro cultural se celebra en Galicia nestas datas.

Agora preséntanse tamén na rede, no enderezo www.tintadelura.com, sitio no que se diferencia por unha banda a tenda en liña e por outra o espazo de dinamización cultural.

Deste último espazo, os promotores salientan primeiro o apartado dedicado aos escritores e escritoras que colaboran con eles no que de momento é o seu produto estrela, as camisolas literarias, unhas prendas que ademais de deseños locen como lenda os versos de poetas galegos de todos os tempos. Tinta de Lura recorda que un dos obxectivos dese produto é axudar á visibilización da literatura galega, polo que a ideaba ficaba incompleta mentres non aparecese na rede o espazo que lle dedican a eses autores colaboradores no que elaboran un breve perfil da súa obra e achegan todo tipo de información que axude a difundir as súas creacións.

Oportunidades para creadoras e creadores

Ademais deste espazo, destaca tamén a axenda cultural, destinada a promover fundamentalmente a oferta cultural proveniente do asociacionismo e de todo tipo de pequenas entidades, como salas ou mesmo bares, iniciativas que loitan duro para ofrecer boas programacións ao público e oportunidades para os creadores e creadoras. Desde este sector lévase a cabo un enorme esforzo cuxos resultados polo xeral merecen transcender os ámbitos locais aos que decote se ven restrinxidos. Neste espazo, serán as propias entidades quen inclúan as diferentes actividades na propia axenda. O único que deberán facer para isto é contactar co equipo de Tinta de Lura que lles entregará unhas breves instrucións para subir a información na páxina. Desde Tinta de Lura cren que visibilizar toda esa actividade, sobre a que polo xeral se deita unha visión moi fragmentaria, pode axudar tamén a resituar a impresión sobre unha sociedade civil galega moito máis creativa e dinámica do que ás veces pode parecer.

Precisamente con ese enfoque nace a primeira categoría do blog, que é o terceiro pé  deste espazo de dinamización cultural. Baixo o lema de Xira da Lura Moinante, os membros da iniciativa irán dando novas cada fin de semana das actividades que visitan, co que pretenden que no remate do verán ter completado un bo tapiz das iniciativas que sobre todo neste tempo se estenden pola xeografía galega.

Este blog inaugúrase ademais cunha entrevista á cantante é compositora Sés, en vésperas da aparición do seu primeiro disco.

(download)

Click here to download:

Ribeira_un_curso_de_novas_tecn.zip (5.96 MB)

Ribeira, 30 de xuño de 2011. Corenta maiores de Ribeira estiveron a participar dende o pasado 13 de xuño nun Obradoiro de Alfabetización Dixital (Iniciación á Internet) incardinado dentro do Programa de Dinamización e Promoción Social dos Maiores que organizan os Servizos Sociais.

Para proceder á  clausura da iniciativa, déronse cita na Aula Multimedia de Santa Uxía (lugar onde se celebraron os cursos) os concelleiros delegados de Servizos Sociais, Promoción Social, Sanidade e Consumo, Vicente Mariño, e de Enerxía e Novas Tecnoloxías, Emilio Pérez; así como o axente TIC que se encargou de impartir as clases, Abel Alonso.

Os tres intervintes dirixíronse aos maiores congregados co desexo de que esta iniciativa lles resultara útil e informaron de que o Concello está traballando xa en ver de levar estes cursos de alfabetización dixital ás parroquias, para contribuír a diminuír a fenda dixital que existe, por unha banda, entre diversas franxas de idade, e pola outra, entre o rural e o entorno urbano. O acto rematou coa entrega dos diplomas acreditativos aos participantes.

Noia, 20 de maio de 2011. Xa funciona a web municipal do Concello de Noia case a pleno rendemento. Antes só estaba activo o "Perfil do contratante" pero agora está toda a interfaz en marcha. O alcalde de Noia, Rafael García Guerrero, pediu a través de Facebook colaboración cidadá para corrixila, mellorala e completala. Unha petición que tamén realiza dende a propia web, no apartado "Saúda do alcalde":

"Agradeceremos todas as suxerencias que se fagan para completala, pois unha web, igual que a realidade, é sempre algo en permanente mellora e construción. Buscaremos dende o Concello ser o máis interactivos posibles e dar resposta ás necesidades informativas da veciñanza e de todos aqueles que nos escollan como destino da súa viaxe. Temos ante nós un novo e apaixoante reto: modernizar a administración municipal e conseguir unha democracia máis participativa e directa. Iso só será posible coa túa colaboración, a cal agradezo dende agora", explica.

E a colaboración, coa instantaneidade que ofrece Facebook, non se fixo agardar. Aos poucos segundos chegou a primeira crítica -constructiva iso si- sobre a web: "Muy buen diseño. Cero en usabilidad". Dende A Subela xa pediron que se complete o listado de asociacións: "Non está mal, quizáis poderiades engadir en cultura asociacións que hai en Noia, coma o Liceo, Mar de Noia, Amas de casa". Un usuario de Iphone advirte: "Miraa nun ipod/iphone/ipad. Vaise todo ó c***llo", ao que o alcalde resposta: "Ben, ben diso se trata de rebentala, e detectar todos os erros. Nunha semana a versión definitiva".
Á lista de recomendacións para mellorala súmanse todas estas: mellorar os menús, engadir unha sección de anuncios onde se dea conta de actos, actividades, cursos e demais; corrixir a ligazón dos trámites para descargalos; facer unha sección con noieses destacados; incluír algunha farmacia que falta e poñer as de garda e colgar todas as ordenanzas para non ter que ir ao Concello a pedilas. Para ser o primeiro día en funcionamento, non está nada mal. Outra cousa non sabemos, pero apatía aos internautas noieses non se lles pode achacar.

Ribeira, 29 de abril de 2011.- Pensada para xente de todas as idades pero especialmente concibido para que os colectivos non familiarizados con Internet (como maiores ou inmigrantes) poidan sacar rendemento das súas vantaxes buscando a mellora da calidade de vida, a Concellería de Igualdade, Acción Social, Maiores e Dependencia vén de sacar a luz pública “O Terceiro I”. Trátase dun proxecto interxeneracional de intervención socioeducativa comunitaria a través da Rede que foi presentado hoxe na Aula Multimedia, ante medio cento de persoas e potenciais usuarias.

A concelleira Esther Patiño, a xefa de servizo dos Servizos Sociais Francisca Vidal e o coordinador do proxecto, Santiago Páramo, explicaron polo miúdo o obxectivo e contidos da web www.oterceiroi.com. En palabras da edil, esta páxina “pretende servir de canle e ferramenta que axude á cohesión social e á construción do coñecemento compartido sobre a nosa contorna e do noso pasado e presente”. 

Dende Servizos Sociais quérese procurar unha ampla participación en especial das persoas pertencentes a colectivos ou grupos de idade aínda pouco familiarizados co uso das novas tecnoloxías, especialmente os maiores, buscando así unha maior motivación e implicación na súa aprendizaxe e no seu uso, dadas as posibilidades que presenta para a mellora da calidade de vida en distintos ámbitos (información e formación, relacións sociais, lecer...).

Mediante microvídeos, fotos comentadas, gravacións en audio, xogos on line, reproducións de documentos antigos, etc... se irá enriquecendo un banco de coñecementos, propostas e creación aportados polos ribeirenses, que serán os auténticos protagonistas da web.
 

“O Terceiro I” está dividido nos seguintes apartados: “Inicio” (informa das novidades da web), “Nós” (persoas que están fóra por traballo ou lecer contarannos as súas experiencias nese lugar e se recollerán semblanzas de persoas finadas que foran socialmente coñecidas), “Ideas” (actividades para a mellora da calidade de vida protagonizadas polos propios veciños), “Inspiracións” (aportacións no ámbito da creación literaria, escénica, musical, plástica), “Instantes” (para a construción da memoria local: fotos antigas, testemuñas gravadas...), “Iniciativas” (divulgación de actividades de participación interxerenacional, intercultural, igualdade de xénero...), “Participa” (un espazo para orientar ao usuario sobre como pode participar na aportación de contidos”.

Ademais, no lateral da web hai catro subapartados que subdividen as propostas de Ideas: “Obradoiro da memoria” (actividades e xogos de ximnasia mental”, “Movida” (actividades para manter en forma o corpo), “Sabor a ti” (actividades gastronómicas, afeccións saudables...), “Estando contigo” (actividades para a educación emocional.

Antes, en Certo:

Ribeira, 28 de abril de 2011.  A Aula Multimedia será escenario mañá venres 29 de abril, ás 12 do mediodía, da presentación do proxecto interxeracional de intervención socieducativa comunitaria a través de Internet, “O terceiro í” (www.oterceiroi.com) promovido e coordinado polo Departamento de Servizos Sociais da Concellería de Igualdade, Acción Social, Maiores e Dependencia.

O acto contará coa participación de Esther Patiño, concelleira de Acción Social; Francisca Vidal, xefa de servizo do Departamento de Servizos Sociais; e Santiago Páramo, coordinador do proxecto.

Porto do Son, 26 de abril de 2011. O Candidato a Alcaldía do AVS (Asociación Veciñal de Porto do Son), Javier Quiñoy Taboada, presentou páxina web da súa candidatura cara os vindeiros comicios electorais do 22 maio de 2011.

Con esta ferramenta TIC, o Partido AVS "busca unha nova canle de comunicación coa veciñanza sonense co gallo de escoitar e valorar o que consideran prioritario para este concello", aseguran dende esa formación política. Na páxina web encontraranse catro apartados e tamén un enlace á rede social Facebook. A páxina está en galego e castelán.

Nesta páxina atopase un teléfono de contacto e un correo electrónico info@avsportodoson.org onde os veciños sonenses e internautas en especial, poden plantexar, presentar ou suxerir propostas que consideren importantes para a súa parroquia ou en xeral para o Concello.

Será na aula da Rede Cemit, de Noia

Noia, 26 de abril de 2011. O luns 2  e o mércores 4 de maio celebraranse na aula Multimedia CeMIT de Noia unhas xornadas sobre o networking e as redes sociais profesionais, impartidas por David Saavedra Pino e Juan José Romero Crusat.

Finalidade:

Coñecer a potencialidade do NETWORKING e das REDES SOCIALES PROFESIONALES na búsqueda de emprego.

Programa:

• ¿Que é O NETWORKING?
• ¿Como facer NETWORKING?
• A importancia da tarxeta de visita.
• O “discurso do ascensor”
• Uso das redes sociais.
• A identidade dixital. Monitorización da identidade 2.0.
• Donde buscar traballo nas redes sociais.
• A teoría dos 6 grados de separación.
• Xestión da rede de contactos.
• Redes sociais profesionais: XING, LINKEDIN, VIADEO,…
• Creación dun perfil profesional.
• Xestión do perfil profesional: datos de contacto.
• Xestión do perfil profesional: datos académicos e laborais.
• Xestión do perfil profesional: Busco e ofrezco.
• Participación nos grupos e foros de trabajo.
• Define a túa estrategia o NETWORKING PLAN.

Ponentes:

• David Saavedra Pino. Co-moderador do Grupo de Traballo Social de XING. Community Manager Profesional. Membro da Asociación de Responsables de Comunidades on-line.
• Juan José Romero Crusat. Profesor de habilidades directivas en Social Business School e Director de Marketing en Identia Coaching&Formación. Autor do blog www.silosenovendo.com

Duración:

• 2 horas.

Días:

• 2 e 4 de maio de 2011. Horario: 16:30 a 18:30 h.

Información e inscripcións:

• 609.82.31.34;
• networking.socialmedia@gmail.com

Vía

A lexislación e o tribunal de defensa da competencia non o permiten na maior parte de España, polas reticencias das operadoras de telefonía. Na imaxe, wifi privada nunha praza de Ribeira

Ribeira, 25 de marzo de 2011. O candidato á alcaldía polo Partido Popular, Manuel Ruiz Rivas, quérese comprometer publicamente a instaurar unha rede WIMAX de uso gratuíto nas prazas e espazos públicos do municipio. Así o manifestou en resposta a unha das suxestións recibidas durante o Taller de Ideas que o candidato desenvolveu fai uns días en Santa Uxía.

“Fixen as indagacións oportunas e sei que o actual equipo de Goberno do Concello está dando pasos neste sentido, pero se ao finalizar a lexislatura non é unha realidade, eu me comprometo a poñer en marcha este servizo nos primeiros meses do meu mandato”, expresou.

O sistema WIMAX (acrónimo de Worldwide Interoperability for Microwave Access) proporciona entre outras vantaxes a de poder conectarse a Internet sen necesidade de cables a través de distintos dispositivos: portátiles, PDAs, teléfonos móbiles... Esta tecnoloxía, máis avanzada e segura que o tradicional WIFI, é capaz de soportar centos de usuarios cun gran ancho de banda.

Zonas de sombra

Asemade, a instalación  do sistema WIMAX permitiría acceder á Rede aos internautas de certos lugares que agora mesmo teñen dificultades para conectarse por estar en “zonas de sombra”, como é o caso de certos puntos de Oleiros.

 “Quero que todos os meus veciños estean en igualdade de condicións á hora de disfrutar das vantaxes da Sociedade da Información”, declarou Ruiz Rivas, quen salientou os beneficios de que se poden aproveitar os usuarios, como, por exemplo, o de facer xestións coas Administracións sen ter que desprazarse fisicamente á sede oportuna.

O candidato popular matizou que a posta en práctica deste servizo levará aparelladas as correspondentes medidas de seguridade que eviten un uso delictivo ou fraudulento da rede. Por último, Manuel Ruiz agradeceu á cidadanía as numerosas e interesantes propostas que está a recibir, tanto durante o Taller de Ideas e os seus encontros veciñais nas parroquias como a través da Rede.

Problemas en toda España

A actual lexislación restrictiva en España, con regulamentos aplicados pola Comisión de Telecomunicacións (CMT) non permite unha wimax axeitada. A que se pode poñer sería de moi pouca potencia e limitadísimo ancho de banda, para ver o correo electrónico, ler xornais dixitais e pouco máis. Estamos a falar de velocidades entre 3,7 mbps e 5 mbps como máximo a repartir entre todos os usuarios, cando hoxe un usuario de adsl básico acada os 6 mbps só para el, sen partillalo con ninguén. Hai experiencias como a que propón o candidato á alcaldía polo PP en moitos concellos, e cada unha delas tivo problemas cos Tribunais da Competencia (as operadoras, loxicamente, rexeitan que se dea de balde, ou perden o seu negocio).

Trátase de http://www.manueltomepineiro.org

Namentres, o blog do candidato segue sen actualizar dende o 27 de decembro de 2010.

Dende hoxe xa é posible agregarse ás contas do Concello en facebook, tuenti, twitter, youtube e flickr. Tamén se habilita un programa chamado "Entérate!" de alertas por correo electrónico

(download)

Click here to download:

Ribeira_o_Concello_abre_contas.zip (5.04 MB)

Ribeira, 3 de marzo de 2011.- Co propósito de  chegar de maneira máis eficaz, cómoda e rápida á veciñanza de Ribeira, o Concello acaba de dar inicio no día de hoxe a un novo proxecto no que se fai uso das novas tecnoloxías e redes sociais para ofrecer información das actividades culturais, festivas e xuvenís organizadas por esta Administración. Trátase do programa ENTÉRATE!, que foi presentado hoxe polos concelleiros de Cultura e Festexos e de Xuventude e Turismo, Luciano Fernández e Vicente García. 

Un dos aspectos máis atractivos deste novo servizo reside na posibilidade, xa dende hoxe mesmo, de agregar como amigo ao Concello nas redes sociais  das redes sociais facebook, tuenti, twitter, ademais dos enlaces de servizos para publicación de fotos e vídeos youtube e flickr.  

Por outra parte, os interesados poderán ter a posibilidade de recibir no seu e-mail as novas do Concello en tempo real, simplemente inscribíndose nun apartado destinado ao efecto na páxina www.riveira.es (un banner de ENTÉRATE!). Para iso hai que rexistrarse no formulario poñendo o nome, email e localidade ou parroquia. Cada vez que haxa unha novidade os inscritos recibirán un correo coa información respectiva. 

Luciano Fernández informou de que o Concello vai enviar 10.000 cartas nas que se recolle toda a información necesaria para aproveitarse dos beneficios deste novo servizo.

Podes engancharte aos diversos perfís premendo nos logotipos: