• Eugenia Santos, Jontxu Argibay e Gonzalo Sarasquete amosan as súas pezas no Centro Español-La Nacional

• A Fundación Centro Galego da Artesanía e do Deseño colabora na organización da exposición colectiva “Encontros” coa que se pretende promover a divulgación da arte e da cultura galega nos Estados Unidos

• Na mostra, que se amosa no Centro Español – La Nacional ata o 18 de decembro, participan ademais Iria Rodríguez, Verónica Pérez, Nacho Porto, Cuqui Piñeiro, Rosa Méndez, Suso Dobao e Marcos Escudero

Fotos de Silvia Outeiral no seu Facebook

Ribeira, 14 de decembro de 2011. A Consellería de Economía e Industria, a través da Fundación Centro Galego da Artesanía e do Deseño, promove a divulgación da arte e da artesanía galega nos Estados Unidos, a través do seu apoio á exposición colectiva “Encontros”, que estará aberta ao público no Centro Español – La Nacional, de Nova York, entre o 14 e o 18 de decembro, e na que participan un total de trece artistas galegos, nove deles profesionais acreditados coa carta de artesán que outorga a Xunta de Galicia.

 <p>Gonzalo Sarasquete - Sculptor from Artesania de Galicia on Vimeo.</p>

Os artistas galegos que conforman a exposición colectiva “Encontros” están especializados no traballo con diferentes materiais como a pedra, o bronce, o vidro ou a cerámica. Entre os participantes atópanse os obradoiros artesanais de Iria Rodríguez, Nacho Porto, Rosa Méndez, Suso Dobao e Marcos Escudero e os artesáns Verónica Pérez, Cuqui Piñeiro, Jontxu Argibay e Eugenia Santos, estes dous últimos de Ribeira. Ademais tamén participan os artistas Teresa Añón, Gonzalo Sarasquete (de Ribeira pero residenciado en Baleares), Manuel Teira e José Caamaño.

<p>Eugenia Santos sculptural jeweller from Artesania de Galicia on Vimeo.</p>

Ademais dunha excelente plataforma de promoción internacional para os artistas galegos e un punto de intercambio cultural no que se dean a coñecer as novas tendencias da creatividade galega, a mostra “Encontros” pretende funcionar tamén como unha canle de enlace con Galicia, que sirva para proxectar a imaxe da nosa comunidade autónoma no exterior, da nosa cultura e do noso turismo.

<p>Jontxu Argibay - Sculptor from Artesania de Galicia on Vimeo.</p>

Neste sentido, cómpre destacar que como complemento á exposición os visitantes poderán gozar de proxeccións en vídeo que lles permitirán coñecer o entorno de traballo dos artistas participantes. Así mesmo, estará á disposición dos asistentes un vídeo catálogo con entrevistas e explicacións dos artistas sobre a súa obra, que se poderá levar non só como recordo senón tamén como tarxeta de presentación e contacto que lles poderá abrir o camiño aos participantes galegos nos ámbitos máis diversos.

• Á promoción turística, cultural e empresarial de Galicia
• Na gala tamén foron homenaxeados o xornalista Fernando Ónega, a conserveira Frinsa e o grupo musical Los Chiky´s polo seu cincuentenario profesional

 

Boiro, 27 de novembro de 2011. O grupo empresarial Gadisa, a Asociación Artesana e Etnográfica O Faiado-2 de Boiro e o presidente da Coalición de Sociedades Españolas en EEUU "Xacobeo USA", Anselmo Millán Castelo, recibiron na noite do sábado en Boiro os Premios Exxpopress-2011 á promoción turística, cultural e empresarial de Galicia, que concede o Club Exxpopress de Xornalistas de Galicia.

O secretario xeral de Medios da Xunta de Galicia, Alfonso Cabaleiro, presidiu a primeira Gala Anual do Club, na que se rindeu tamén homenaxe ó xornalista Fernando Ónega López, á conserveira Frinsa de Ribeira e ó grupo musical Los Chiky´s de A Estrada ó cumplirse o cincuentenario das súas respectivas traxectorias profesionais. Os galardoados recibiron unha escultura de deseño exclusivo do artista Jontxu Argibay.

Ó acto, que tivo lugar nos salóns do restaurante Chicolino de Boiro, asistiron máis dun cento de persoas, entre elas, o deputado provincial e alcalde de Ribeira, Manuel Ruiz; o alcalde de Boiro, Juan José Dieste; o deputado autonómico José Manuel Lage; os presidentes das patronais de A Pobra, Boiro e Rianxo; patróns maiores, empresarios, concelleiros, xornalistas e representantes de diversas entidades e colectivos sectoriais.

Os tres homenaxeados polo cincuentenario profesional foron nomeados tamén Socios de Honra do Club e recibiron a Insignia de Prata da entidade, ó igual que a Asociación de Empresarios Turísticos de Arousa-Norte. 
O Club Exxpopress de Xornalistas de Galicia é unha entidade sociocultural, de ámbito autonómico (Galicia) e sin ánimo de lucro, creada e promovida por xornalistas de prensa, radio e televisión, pero aberta a toda a sociedade. Está apadriñada polo xornalista e presentador José María Iñigo e presidida polo xornalista Jesús Souto Rodríguez. Os obxectivos fundamentais do Club son a promoción cultural, turística e empresarial de Galicia e a organización de actividades relacionadas co xornalismo.

ANSELMO MILLÁN CASTELO

Anselmo Millán Castelo, nado en Pontevedra en 1946, pero palmeirense de adopción, emigrou a EEUU con 25 anos e afincouse en Harrison (New Jersey), donde pronto empezou a levar a cabo unha intensa actividade política, abandeirando a defensa dos dereitos e intereses da comunidade galega en EEUU e xogando un importante papel na política dese país.

Foi o primeiro concelleiro de fala hispana en Harrison, cargo que desempeñou durante unha década ó frente de diversas áreas de goberno. En 1996 foi o primeiro español designado como delegado estatal na convención nacional de Chicago para elexir ó candidato á presidencia dos EEUU.

En 1999 consigueu aglutinar a 14 centros españois de EEUU fundando a Coalición de Sociedades Españolas Xacobeo USA, na que están representadas tamén diversas administracións e institucións galegas e norteamericanas. Ese ano, por primeira vez na historia e gracias á iniciativa de Anselmo Millán, un congresista dirixeuse no Capitolio á sesión conxunta do Congreso e do Senado para proclamar e promocionar o acontecemento do Ano Santo Xacobeo en Galicia.

Tras unha breve etapa retirado da política activa, en novembro de 2010 voltou ser elexido concelleiro en Harrison, esta vez como responsable da área de Saúde e Servizos Humanos. Anselmo Millán Castelo é na actualidade unha das persoas máis influíntes da comunidade galega en EEUU, en cuxo nome exerce de excelente anfitrión.

ASOCIACIÓN ARTESANA E ETNOGRÁFICA "O FAIADO-2"

María Luísa López Otero, presidenta de O Faiado 2, agradece o premio

A Asociación Artesana e Etnográfica O Faiado-2 xerminou en febreiro de 1998 no taller de restauración O Faiado, en Boiro, da man dunha muller inquieta que pronto soubo contaxiar ó seu entorno a súa paixón por protexer, investigar e divulgar a herdanza cultural legada polos nosos ancestros: María Luisa López Otero.

Alí, entre vellas xoias etnográficas, empeza a coller xeito a idea de concienciar ás persoas da importancia do seu patrimonio, de cómo conservalo e de cómo difundilo.

María Luísa López Otero recolle o galardón

Aquela idea materializouse o 10 de abril de 2002 coa constitución da asociación O Faiado-2, que nacía co obxectivo de estimular, promover e apoiar a creación artesanal e artística a través do intercambio de experiencias e coñecementos e a conservación e promoción do patrimonio.

Dende entón, a súa prolífica traxectoria está repleta de actividade: xornadas etnográficas, roteiros, traballos de investigación, publicacións, conferencias, exposicións, cursos...

Foto de familia de O Faiado 2

Na actualidade, O Faiado-2 é unha das asociacións máis dinámicas e prolíficas no eido da cultura, non só do Concello de Boiro, senó da comarca do Barbanza.

GADISA

 

Gallega de Distribuciones de Alimentación SA (GADISA) é unha empresa galega líder de distribución no Noroeste Peninsular. Fundada en 1986 e con sede en Betanzos, acadou no ano do seu 25 aniversario unha rede de 200 supermercados Gadis en Galicia e Castela-León, ademáis de 10 centros Haley, 12 Cash&Carry IFA e 180 supermercados Claudio franquiciados.

GADISA concede unha gran importancia ó seu Programa de Responsabilidade Social Corporativa, que o ano pasado desenvolveu 981 iniciativas e que está basado en cinco áreas estratéxicas: recursos humanos; medio ambiente; apoio a entidades sociais, ONG´s e colectivos de desfavorecidos; colaboracións institucionais e mellora da calidade de vida da sociedade.

O seu compromiso de mecenazgo non é só cos grandes acontecementos sociais, culturais e deportivos, senón tamén cos colectivos e entidades máis modestas.

O spot publicitario “Maloserá”, da campaña “Vivamos como galegos” acadou un dos premios convocados pola Asociación Española de Anunciantes e foi distinguido como o mellor anuncio de televisión polo Consello Asesor da CRTVG e de RTVE en Galicia.

Pode que tamén lle interese:

Ribeira: Grelo de Ouro para o presidente de Frinsa, Ramiro Carregal

Alumnas e alumnos de Jontxu Argibay no obradoiro de escultura para adultos que se está a impartir nos locais de O Faiado 2:

Pode que tamén lle interese:

Moción do Psoe: para que Portos cumpra en Cabo de Cruz

Exposición: sobre o Camiño de Santiago no Concello

Programación cultural outubro: algunhas das actividades previstas

Homenaxe: a Ónega, Frinsa e Los Chiky´s o 26 de novembro

Roteiro: O Faiado 2 andivo por asentamentos de cabanas en Barbanza

A inauguración é este venres 16 na mesma casa de cultura de Carreira.

Relacionada:

Obradoiro de escultura en Boiro con Jontxu Argibay: comeza en outubro. Vaite anotando!

• Organiza O Faiado 2
• Ten un custo de 35 euros ao mes e da comezo en outubro
• Todo este mes de setembro para preinscribirse. As clases serán mércores e venres, de 16:30 a 18:00 horas
• Máis información en arteleira.blogspot.com

Imaxe da presentación, con Argibay á esquerda e María Luísa López Otero (presidenta de O Faiado 2) no centro.

Click here to download:

Invitacion_expo_jontxu_28042011.doc (149 KB)

(download)

Click here to download:

Invitacion_expo_jontxu_28042011.doc (149 KB)

Click here to download:

CARTEL ESCULTURA AAVV.pdf (401 KB)

(download)

Click here to download:

CARTEL ESCULTURA AAVV.pdf (401 KB)

Ribeira, 10 de xaneiro de 2011. Este mes comeza na parroquia ribeirense de Carreira un obradoiro de escultura que durará todo o ano e que será impartido polo escultor Jontxu Argibay. A frecuencia das clases será de dous días á semana, cunha hora e media cada día.

Poden participar todos os interesados maiores de 18 anos. Os materiais necesarios para levalo a cabo van ser indicados na primeira clase formativa. Participar neste interesante obradoiro é ben barato: 25 euros para os veciños asociados e 28 para os non asociados. Organiza a asociación de veciños de Carreira.

Relacionado:

Obradoiro: Jontxu Argibay iniciou a pequenos na escultura