• Dúas charlas, un combate de airsoft nas inmediacións das minas de San Finx e unha multiactividade con quads, bicis e xantar

Estará adicado ás traballadoras da saúde.

Algún médico enBarbanza ou Noia que teña un blog con escritos así? É necesario! vicentebaos.blogspot.com/2012/02/no-pue… Cada vez máis xente non pode máis

— Certo (@Certo) March 2, 2012

Dodro: o Día da Muller Traballadora incluirá unha homenaxe de catro horas no salón de plenos post.ly/5iiNb

— Certo (@Certo) March 2, 2012

Ribeira: o Día Internacional da Muller Traballadora honrará ás perruqueiras máis veteranas post.ly/5ii4z

— Certo (@Certo) March 2, 2012

Lousame, 16 de febreiro de 2012. O Concello de Lousame organiza un Gran Festival de Entroido o vindeiro sábado 18 de 17.00 a 20.00 horas no Polideportivo Municipal. Haberá o tradicional concurso de disfraces, degustación de balde de orellas e filloas, obradoiro de caretas, maquillaxe e animación.

Pode que tamén lle interese:

IX Concurso Galego de Drag Queens. En Noia, este venres 17. Importantes premios! wp.me/p1KBCH-4K vía @novasdenoia

— Certo (@Certo) February 15, 2012

• Medio Ambiente propicia o acordo entre Ecoembes e a Mancomunidade da Serra do Barbanza para o tratamento de residuos na planta de Lousame
• Ecoembes asumirá o custe de recuperación do 80% do plástico-film seleccionado na planta da Mancomunidade no relativo ao ano 2011, con efecto retroactivo, e 2012, o que suporá unha cantidade equivalente a 907 toneladas de residuos
• Nos vindeiros 2 anos Ecoembes xestionará un máximo de 835 toneladas anuais de residuos e no 2015 un total de 784 toneladas de residuos

Lousame, 2 de febreiro de 2012.- A Consellería de Medio Ambiente, Territorio e Infraestruturas propicia, disque, o acordo entre a Mancomunidade da Serra do Barbanza e a entidade de xestión Ecoembes sobre a xestión dos residuos de envases que permitirá manter o tratamento de residuos da Planta de Tratamento de Lousame, contribuíndo así á normalización do seu funcionamento.

Esta solución adoptouse durante a reunión da Comisión de Seguimento do Convenio asinado pola Xunta e Ecoembes para o período 2011-2015. O acordo é o resultado dos contactos entre as partes mantidos no último ano a iniciativa da Xunta de Galicia co fin de alcanzar un consenso sobre os criterios a aplicar para o establecemento dos custes que o sistema integrado de xestión debe asumir no relativo ao tratamento de determinados residuos plásticos xestionados na planta, como son as bolsas de plástico comerciais dun só uso.

Desde o comezo do conflito, a Consellería de Medio Ambiente, Territorio e Infraestruturas manifestou o seu apoio á Planta de tratamento de residuos de Lousame e valorou os resultados que está a alcanzar en liñas xerais o seu modelo de xestión. Neste sentido, considérase que a instalación da Mancomunidade Serra do Barbanza pode realizar unha importante contribución aos obxectivos de incremento da valorización e redución da eliminación en vertedoiro recollidos no Plan de Xestión de Residuos de Galicia 2010-2020, que sinala a necesidade de xestionar ‘in situ’ determinados residuos a través do tratamento en plantas locais ou comarcais.

Criterios para o próximo período
O novo acordo establece que Ecoembes asumirá o custe da recuperación do 80 por cento do plástico-film seleccionado na planta da Mancomunidade no relativo aos anos 2011, con efecto retroactivo, e 2012, o que supón unha cantidade equivalente de ata 907 toneladas.

Así mesmo, determínanse as cantidades máximas de plástico-film que se xestionarán con cargo aos orzamento de Ecoembes ata a fin do convenio: 835 toneladas anuais no período 2013-2014 e 784 toneladas no ano 2015. Esta redución é acorde coa diminución paulatina dun número de bolsas de plástico no mercado previsto nos vindeiros anos.

Para o establecemento destes criterios, tívose en conta o calendario fixado pola nova Lei estatal de residuos e solo para a redución das bolsas comerciais dun só uso de plástico no biodegradable, que en 2018 deberán estar completamente fóra do mercado.

Posición do alcalde de Noia

A Sogama e Nostián paganlle o 100% do film a Serra do Barbanza o 80%, como se chama esto en dereito?

— rafaelguerrero (@rafaelguerrero) February 2, 2012

Click here to download:

Concerto Nadal 27 decembro.pdf (55 KB)

(download)

Click here to download:

Concerto Nadal 27 decembro.pdf (55 KB)

Pode que tamén lle interese:

Campamentos: para nen@s entre o 26 de decembro e o 5 de xaneiro de 2012

Programación cultural completa de Nadal: do Concello e do Liceo de Noia

• O traxecto deste ano é de Tállara a Guiende
• O belén colócase nun antigo muíño. Ao remate, chocolate con rosca para os participantes

Lousame, 12 de decembro de 2011. Este vindeiro sábado, 17 de Nadal, o concello de Lousame organiza o Belén de Cumes. Faise unha ruta de seis quilómetros desde Tállara a Guiende, onde se colocan as figuras do belén (este ano nun muiño dos máis antigos da zona) e cántanse unhas panxoliñas. Ao remate tómase unha chocolatada con rosca para todos. Este ano como novidade estrearase unha ruta que se compón de 18 quilómetros e que vai de Tállara ao Iroite e volta. 

• O restaurante vaino xestionar o Concello por un mínimo de cinco anos
• A xestión destes restos industriais é cada vez máis errática e semella ter tanta improvisación como as actuacións da Consellería de Cultura na Cidade de Ídem

Lousame, 7 de decembro de 2011. O Consello da Xunta aprobou hoxe a sinatura do convenio de colaboración polo que a Consellería de Cultura e Turismo investirá 256.000 euros no Concello de Lousame para a rehabilitación dunha edificación que se transformará nun café bar e restaurante nas Minas de San Finx. Este lugar é un espazo mineiro de características destacadas en Galicia grazas á excepcional conservación das instalacións e da maquinaria que alí se atopan.

Con esta nova oferta de restauración, asegura a Xunta, "xérase un atractivo complementario á visita ás Minas, ao tempo que é un negocio que dinamizará o espazo, creará postos de emprego e rendibilidade no contorno". Semella que a explotación de novo da mina, anunciada para o verán de 2009, en que contaban con sacar xa 50.000 toneladas de material (principalmente wolfram e estaño), quedou en nada.

As Minas de estaño e volframio de San Finx están inventariadas como Punto de Interese Xeolóxico, que segundo o IXME (Instituto Xeolóxico e Mineiro de España) convén preservar para a investigación e o seu uso turístico. A posta en marcha do restaurante será financiada con fondos FEDER, dentro do programa ‘Axuda á mellora dos servizos turísticos: recuperación arquitectónica de
inmobles para uso turístico’.

A Consellería de Cultura e Turismo realizará esta actuación nas Minas de San Finx "co obxectivo de potenciar o uso turístico deste espazo histórico que contribuirá a dinamizar este municipio". É importante recordar que este lugar é un espazo mineiro de características destacadas en Galicia grazas á excepcional conservación das instalacións e a maquinaria que alí se encontran. Pola súa banda, o Concello de Lousame encargarase da xestión, mantemento e conservación do café bar restaurante, e comprométese a garantir o seu funcionamento por un período mínimo de cinco anos.

As Minas de estaño e volframio de San Finx en Lousame están inventariadas como Punto de Interese Xeolóxico, que figura no inventario Nacional de Puntos de Interese Xeolóxico realizado polo IXME (Instituto Xeolóxico e Mineiro de España) en Galicia nos anos 1980-82. Posteriormente, en 1983 o IXME publicou o libro ‘Puntos de Interese Xeolóxico de Galicia’ onde incluíu as Minas de San Finx. O inventario do IXME é resultado dun proxecto no cal se quixo pór de manifesto aqueles lugares de interese científico, didáctico ou recreativo, que permiten recoñecer, estudar e interpretar a evolución xeolóxica dunha rexión. Trátase dos elementos máis relevantes da xeoloxía de cada rexión que convén preservar para a investigación, o ensino e, en determinados casos, para o seu uso turístico e recreativo.

O IXME está a realizar traballos, en coordinación con Concello de Lousame, para pór en valor elementos xeolóxicos e mineiros (afloramentos xeolóxicos, estruturas mineiras). Estes traballos realízanse no marco do proxecto europeo Atlanterra, que aglutina a nove socios das antigas rexións mineiras de vertente atlántica europea, que desexan conservar mellor o seu patrimonio mineiro co fin de crear novas formas de riqueza, promovendo a posta en valor dalgún dos centros mineiros históricos como foco de atracción turística e cultural. Esta singularidade é a que explica a necesidade da actuación proposta para incidir favorablemente no impacto turístico dunha zona de primeira orde no referido á rama da arqueoloxía industrial.

Motor económico de Lousame grazas á Segunda Guerra Mundial

A historia documentada das Minas de San Finx comeza cando o británico Sir Thomas Burbury chegou á area de Noia na década de 1880 e solicitou unha concesión mineira de estaño que máis tarde doaría ao seu sobriño Sir Henry Winter Burbury. Este xacemento chega a ser o motor económico de Lousame e de toda a comarca nas décadas centrais do século XX. A maior importancia das Minas de San Finx correspóndese coas anos 40 e 50 do século pasado cando comeza tamén a extracción do volframio, un mineral que había en gran cantidade e con moita pureza. A loita entre os nazis e os aliados por conseguir este mineral, que servía para reforzar o aceiro dos canóns e outro material bélico, fixo que o seu prezo subira moitísimo. Nos arredores da infraestrutura mineira, debido ao
gran número de xente que alí traballaba constrúese un poboado para o uso dos traballadores da empresa (o Cuartel Novo, o Cuartel Vello, as Casa Baratas, a Casa do Páramo, etc.). A partir da década dos 60 o prezo dos minerais foi decaendo e con el o progresivo abandono da explotación e dos edificios.

Máis información sobre estas minas: http://minasdesanfinx.es

• Era a primeira vez que participaba neste certame, que vai xa pola quinta edición

Actualización coa nota de César García Traba, director da Banda de Lousame:

Lousame, 29 de novembro de 2011. A Banda Municipal de Música de Lousame participou esta pasada fin de semana no V Certame Galego de Bandas de Música, organizado pola Federación de Bandas de Música de Galicia e a Consellería de Cultura da Xunta de Galicia, que tivo lugar no Auditorio de Galicia.

     A Banda de Lousame acadou o segundo premio na categoría terceira (para bandas de ata 50 músicos) por detras da Banda A Lira de Ribadavia, da que só a separaron 18 puntos (316 Ribadavia frente a 298 Lousame). A Banda de Louame conseguiu tamén o premio á mellor interpretación dunha obra de autoría ou temática galega, coa obra “O demo de Carboeiro” de Manuel Blanco Dosil.

     O certame tivo unha grande calidade nas bandas participantes e unha notable asistencia de público que encheu o Auditorio de Galicia. Destaca o público asistente de Lousame e Noia para apoiar á nosa banda que foi o que máis se deixou notar, o que máis apladeu e que o celebrou por todo o alto cando deron os resultados.

     A directiva da Banda de Lousame quere agradecer a tódalas persoas que nos apoiaron para conseguir este grande éxito, xa que era a primeira vez que participabamos nun evento deste tipo. Agradecemos tamén as numerosas mostras de felicitación recibidas nestes días que nos fan sentirnos moi queridos e con ánimos para seguir traballando na consecución de logros coma este.

Antes, en Certo:

Lousame, 26 de novembro de 2011. Onte pola tarde celebrouse no Auditorio de Galicia a primeira xornada do V Certame Galego de Bandas de Música. O xurado, formado por Juan Durán, Pilar Vañó, Mercedes Padilla e Xosé Carlos Seráns Olveira entregou o primeiro premio, dotado con 1500€, á Banda de Música La Lira de Ribadavia, que interpretou a obra obrigada Monte Medulio de Andrés Álvarez e a obra de elección libre Cabaleiros de Santiago de José Luís Represas, conseguindo un total de 316 puntos. O xurado, que deliberou durante case unha hora, destacou a calidade sonora da banda gañadora.

A Banda Municipal de Música de Lousame acadou a segunda posición, con 298 puntos, e un premio de 1000€. O terceiro lugar recaeu na Agrupación Musical de Belesar, con 233 puntos, que levou un premio de 500€.

A Banda Municipal de Música de Lousame gañou o premio do xurado á mellor interpretación da obra de libre elección de autoría ou temática galega coa obra O Demo de Carboeiro de Manuel Blanco Dosil, cunha dotación económica de 600€.

Aposta pola temática galega

Nesta xornada hai que facer unha mención especial ó feito de que catro das bandas participantes elixiran como obra de libre elección unha de autoría ou temática galega, destacando a estrea da obra O Demo de Carboeiro de Manuel Blanco Dosil, interpretada pola Banda Municipal de Música de Lousame.

As redes sociais tamén foron protagonistas nesta xornada. A través do Facebook e do Twitter e do hashtag #vcertamegalego, os seguidores da Federación Galega de Bandas de Música Populares puideron seguir minuto a minuto o devir do certame. Mañá, as bandas pertencentes á sección segunda competirán por acadar un premio neste V Certame Galego de Bandas de Música. A cita será a partir das 18.00h no Auditorio de Galicia.

Pode que tamén lle interese:

• Noia: a Semana da Música remata este domingo 27

• Entrevista a Antón Alcalde é rianxeiro e compositor  e non para de gañar premios

• Animan aos veciños que o desexen a que os acompañen na viaxe
• O bus sairá da praza do Concello e custará 4 euros ida e volta

Lousame, 14 de novembro de 2011. A Banda Municipal de Música de Lousame participa o día 25 de novembro no V Certame Galego de Bandas de Música, que terá lugar no Auditorio de Galicia de Santiago de Compostela. Este concurso, organizado pola Federación Galega de Bandas de Música Populares e a Consellería de Cultura da Xunta de Galicia, é o máis prestixioso en Galicia no ámbito das bandas de música.

A Banda de Lousame compite por primeira vez neste certame facéndoo na sección terceira que agrupa ás bandas de ata 50 músicos. Xunto coas bandas de Arteixo, Lira de Ribadavia, Belesar e Airiños do Morrazo, a Banda de Lousame aspira a acadar algún dos premios que se darán ás mellores interpretacións.

Con motivo deste encontro o Concello de Lousame pon a disposición de tódolos veciños do concello e arredores un autobús que sairá da Praza do Concello ás 6 da tarde do día 25 para chegar ó comenzo do certame as 8 da tarde, xa que ademáis a Banda de Lousame actúa en primeiro lugar. Os interesados en acompañar á banda e darlle ánimos para acadar un premio deben inscribirse chamando á Casa da Cultura (teléfono: 981 825780). O custo da viaxe é de 4 €.

Programa completo do V Certame Galego de Bandas:

Click here to download:

Programa_VCertame.pdf (174 KB)

(download)

Click here to download:

Programa_VCertame.pdf (174 KB)