• A cargo do dúo ourensán Dedosd2

Ribeira, 24 de abril de 2012.- O Conservatorio Profesional de Música vai dar cabida este venres, día 27 de abril, a partir das 18.30 horas, a un concerto de piano a catro mans ofrecido polo dúo Dedosd2, que deleitará aos asistentes con creacións de Mozart, Dvórak e Barber. A entrada é libre e gratuíta.

Dedosd2 está composto polos pianistas Marta Blanco Pascual e Xoán Iglesias Losada. O Concerto constará do seguinte programa:

I.- Sonata en Do mayor KV 521  de Wolfgang Amadeus Mozart: Allegro, Andante e Allegretto

II.- Leyendas op. 59 de Antonin Dvórak: nº1, en Re menor: Allegretto non troppo, quasi Andantino; nº3, en Sol menor: Allegro giusto; e nº4, en Do mayor: Molto maestoso

III.- Suite de ballet: Souvenirs op. 28 de Samuel Barber: Waltz, Schottische, Pas de deux, Two-Step, Hesitation-Tango e Galop.

Currículos

Marta Blanco Pascual naceu en Ourense no ano 1984. Ingresou no Conservatorio Profesional de Música da súa cidade natal, onde recibiu clases de Xoán Iglesias Losada e rematou os estudos de Grao Medio coas máximas cualificacións. Finalizou o Grao Superior no Conservatorio de Música de Vigo da man de Josefa Estarque Vila, onde obtivo Matrícula de Honra, por unanimidade do tribunal,  no proxecto final de carreira. Acto seguido rematou a súa formación en Barcelona coa catedrática María Jesús Crespo.

Entre os premios que ten logrado ao longo da súa carreira figuran diferentes concursos nacionais e internacionais: Real Club Náutico de Vigo (2003, 1º Premio Categoría Xuvenil), ASGAIM (2006, 1º Premio Categoría Senior), segundo premio no  XI Concurso Peninsular celebrado en 2008  nos salóns do Real Club Náutico de Vigo e Teatro García Barbón; resultou semifinalista no Concurso Internacional de piano “Ciutat de Carlet” (Valencia, 2010) e foi seleccionada para participar no I Premio Internacional Pianístico de Paterna ( Valencia, 2011).

Xoán M. Iglesias Losada naceu en Seixalbo (Ourense) no ano 1974. Iniciouse no mundo da música da man do seu pai e posteriormente comezou os seus estudios de piano no Conservatorio Profesional de Música de Ourense, onde foi alumno de Carlos Iglesias Borrajo. Rematou a súa formación académica no Conservatorio Superior de Música de Vigo onde recibiu clases de Josefa Estarque Vila.  Actualmente continúa a súa formación con Mª Jesús Crespo coa que realizou entre 2008 e 2010 o Curso de Formación Continuada para instrumentos de música clásica e contemporánea na Escola Superior de Música de Cataluña. Desde o ano 2000 é profesor de piano no Conservatorio Profesional de Música de Ourense, centro do que, actualmente, é director.

Funda en 1992 o Coro de Cámara Harmonia Auriensis e dirixe a Coral Ansuíña de Baños de Molgas e, entre os anos 1995 e 2003,  a Coral Agromadas de Seixalbo coa que consegue distintos premios e un grande éxito de crítica e de público. Durante a temporada 2002-2003 forma parte do Coro da Orquestra Sinfónica de Galicia dirixido por Joan Company. Interesado pola composición de música coral participa nos anos 1997 e 1999 na primeira e segunda edicións do Concurso de Composición Coral Galega “Cidade de Vigo”, nas que consegue o 2º (Todas as noites, 1997) e 1º (Sentimentos amorosos, 1999) premios respectivamente.

Tamén, o 27 de abril:

Presentación no Ateneo Valle-Inclán: o 27 de abril, "Héroes de polvo", de B. Manjón

E non te esquezas, este venres 27: vitaminasparaogalego.gl #vitaminasgalego #17vitaminasgalego @vitaminasgalego @gconfidencial @quepasanacosta

— Certo (@Certo) April 24, 2012

Rianxo, 16 de maio de 2011. Este martes 17, Día das Letras Galegas, terá lugar o concerto da Orquestra de Mulleres da Orquestra Sinfónica de Galicia, ás 20:00 horas no Auditorio de Rianxo.

A Orquestra de Mulleres da OSG interpretará obras de Corelli, Mozart, Rossini e Félix Mendelssohn, co programa que se adxunta na imaxe.

Pode que tamén lle interese:

Maio cultural: programa do 14 ao 29 de maio

Letras Galegas: o instituto adícalle dúas semanas a Lois Pereiro

Noia, 12 de maio de 2011. Este venres 13 de maio, no salón de Plenos da Casa do Concello, terá lugar a presentación do Festival Mozart 2011, por parte do concelleiro de Cultura, José Manuel González Canabal, xunto a Franco Orsini, adxunto á dirección de producción deste festival.
O concerto, inserido dentro da programación que o Festival ten por varias sedes en Coruña, terá lugar en Noia o domingo, día 15 de maio, ás 20:00 horas na igrexa de Santa María "A Nova". A entrada ao concerto será  gratuíta.

Programa previsto:

FESTIVAL EXPRESO
domingo, 15 maio 2011
NOIA

Franz Danzi

Quinteto nº 2 en mi menor, op. 67
Quinteto nº 3 en mi bemol maior, op. 67

Quinteto nº 1 en la maior, op. 68
Quinteto nº 3 en re maior, op. 68

QUINTETO DE SOLISTAS DA Orquestra Sinfónica de Galicia
Claudia Walker, frauta
Casey Hill, óboe
Juan Antonio Ferrer, clarinete
Steve Harriswangler, fagot
David Busnell, trompa

Páxina web de referencia:

http://festivalmozart.com/

Rianxo, 28 de outubro de 2010. A asociación cultural Barbantia, en colaboración co Concello de Rianxo, presenta este venres 29 "Ayes de mi país. O cancioneiro de Marcial Valladares", de José Luís do Pico Orjais e Isabel Rei Sanmartim, nun acto que terá lugar ás 20:30 horas no auditorio de Rianxo.

Agárdase a presenza dos coordinadores desta publicación, así como o editor, Javier Jurado; o secretario de Barbantia, Xosé Ricardo Losada; e mais a concelleira de cultura de Rianxo, Mari Carme Figueira.

Isabel Rei Sanmartim é tamén música (especialidade guitarra) e profesora. Integrante da Academia da Lingua Portuguesa. Todo o seu curriculum aquí

Ugía Pedreira tivo que ver coa xestación desta obra. Explícao ben Susi Rial no xornal dixital independente de Arousa, "Na Illa", aquí

Se queres mercar "Ayes de mi pais", telo na lonxa virtual Toupa.net, aquí

Rianxo, 15 de xuño de 2010. O próximo venres 25 de xuño ás 20:30 h no Auditorio de Rianxo terá lugar o concerto 20 Cordas Lixeiras a cargo do Quinteto Cimarrón dentro da programación do Festival Mozart da Coruña.

No concerto interpretaranse obras de Sosa, Cervantes, Lecuona, Cana, Urfé, Carrillo, Roig, López, Almeida e Valdés a cargo do Quinteto Cimarrón que está composto por:

1. Eduardo Coma Vega, violín
2. Lázaro W. Gonzáles P., violín
3. Raymond Arteaga, viola
4. Luis E. Caballero, violonchelo
5. Óscar Rodríguez Calvo, contrabaixo.

A web do Festival Mozart é http://festivalmozart.com

E o Quinteto Cimarrón sona así de ben: