• Haberá dous grupos de vinte e comezarán o luns vindeiro

Ribeira, 25 de febreiro de 2012. O Concello vai ofrecer dentro do Programa de Dinamización dos Nosos Maiores, dependente da Concellería de Servizos Sociais e Promoción Social, un novo obradoiro de iniciación ao inglés que comezará a ser ofrecido a partir do luns da vindeira semana. 

Na acción participarán 40 maiores de Ribeira distribuídos en dous grupos de 20 persoas cada un. Cunha hora de duración, as clases desenvolveranse todos os luns, de 10 a 11 e de 11.15 a 12.15 horas (segundo o grupo que sexa) nas aulas da Casa do Mar de Ribeira. O taller finalizará a finais de maio. 

Esta nova iniciativa será impartida por persoas do Voluntariado Social e pretende que servir para que os maiores do concello poidan adquirir unhas nocións básicas sobre o idioma máis implantado nas relacións internacionais.

Ribeira: orde do día do pleno do luns 27 de febreiro post.ly/5aGPA

— Certo (@Certo) February 25, 2012

Ribeira: crónica e fotos oficiais da VII Gala do Deporte post.ly/5a9Vh

— Certo (@Certo) February 25, 2012

Ribeira: van duplicar a superficie da escola infantil ao tempo da súa reforma post.ly/5a8Oh

— Certo (@Certo) February 25, 2012

• Terá lugar o 16 de setembro. Custa 27,30 euros

Ribeira, 5 de setembro de 2011. O Concello informa de que hoxe abriu o prazo para inscribirse na saída cultural para maiores con destino a Santo Andrés de Teixido que organiza a Concellería de Servizos Sociais e Promoción Social.  

A viaxe (última das programadas para este ano) terá lugar o 16 de setembro e o prezo por  participar é de 27,30 euros, incluíndo desprazamento en autocar, comidas, guía  e seguro de viaxe. 

Os interesados en anotarse poden facelo ata o día 9 de setembro nos Servizos Sociais.  Ademais da propia capela de Santo Andrés de Teixido, durante o itinerario realizaranse visitas breves a Pontedeume e Ortigueira e tamén a Vixía e Herbeira, que son os cantís máis altos de Europa, na Serra da Capelada.

Pode que tamén lle interese:

Irmandamento: visitas e agasallos entre Adeje e Ribeira

• Ribeira: 257 participantes na IX Andaina Popular. Vídeo, crónica e fotos

(download)

Click here to download:

Ribeira_medio_cento_de_maiores.zip (554 KB)

Ribeira, 20 de xullo de 2011. Medio cento de maiores do municipio participaron o pasado venres na saída cultural que con destino ás Illas Cíes  promoveu a Concellería de Promoción Social, Servizos Sociais, Mercados e Consumo do Concello de Ribeira.

A viaxe incluíu unha visita previa á cidade de Vigo (con percorrido por monte de O Castro e polo mercado da Pedra), excursión en barco ata as illas Cíes e, tralo xantar, regreso á cidade olívica e posterior visita ao mosteiro de Poio. 

Próximo destino: A Mariña

A iniciativa estivo organizada polo Departamento de Servizos Sociais, que xa a está a traballar na próxima saída: unha ruta pola Mariña Lucense que se desenvolverá do 8 ao 12 de agosto.

• Abre xa o prazo de inscrición para os dous

(download)

Click here to download:

Ribeira_obradoiros_interxenera.zip (5.03 MB)

Para falar destas dúas iniciativas déronse cita na Casa Consistorial o concelleiro de Servizos Sociais, Promoción Social, Sanidade e Consumo do Concello, Vicente Mariño; e a xefa de servizo do Departamento de Servizos Sociais, Francisca Vidal.

O obradoiro de Coñecemento Interxeneracional constará dun total de oito sesións de 90 minutos de duración nas que, guiados por un monitor, nenos e maiores haberán de compartir todo tipo de experiencias e valores como medio para acadar unha mellor comprensión e relación co seu entorno social máis próximo.

A actividade está  dirixida a nenos e nenas de 5 a 9 anos, e homes e mulleres maiores de 60. Haberá un total de 20 prazas, 10 para o grupo de nenos e nenas e as outras 10 para o grupo de maiores. 

A metodoloxía das sesións farán referencia á práctica de habilidades de intelixencia emocional mediante distintas técnicas socioafectivas, como dinámicas individuais e grupais, charlas expositivas, xogos de rol, choiva de ideas, adestramento en solución de problemas e exercicios de rexistro.

Entre os contidos que se van abordar, figuran as tradicións e costumes da zona, os xogos tradicionais e actuais, os contos populares e debuxos animados, o cine de antes e de agora, e a Internet para todos.

O taller principiará  o día 15 de xullo e estenderase ata o 15 de setembro, a razón dunha sesión semanal. Hoxe mesmo comeza o prazo de inscrición. Os interesados en anotarse poden facelo no Departamento de Servizos Sociais, sito na rúa Correos.

Risoterapia

Por outra parte, o obradoiro de Risoterapia busca que os participantes adquiran unha actitude positiva mediante a recuperación da risa espontánea que as persoas traen consigo ao nacer, pero que pouco a pouco acostúmase a ir perdendo.

Está dirixido ás persoas maiores de 60 anos, que tamén poden apuntarse nos Servizos Sociais dende hoxe. A acción principiará o 15 de xullo e rematará o 15 de setembro. Tamén serán oito sesións e 20 prazas.

Entre os contidos da actividade, figuran unhas nocións básicas sobre risoterapia, a risa como actitude, habilidades sociais e achegamento interpersonal, desenvolvemento ludo-dinámico a nivel grupal, o xogo e o desenvolvemento psicolóxico e a ximnasia da risa.

Antes, en Certo:

Internet: rematou o curso para maiores organizado por asociacións e Cultura

Obradoiros para maiores: clausura do de reforzo educativo

Saídas culturais: viaxe ás Cíes

• Custa case 40 euros, todo incluído. Pódense anotar ata este venres 8
• A viaxe é o venres 15 de xullo

Ribeira, 5 de xullo de 2011. O Concello anuncia que xa abriu o prazo de inscrición para a viaxe que, con destino ás illas Cíes, está programado para o vindeiro 15 de xullo e se incardina na programación de saídas culturais para maiores que organiza a Concellería de Promoción Social, Servizos Sociais, Mercados e Consumo que dirixe Vicente Mariño de Bricio. 

O devandito prazo estará  aberto ata o venres 8 de xullo e os interesados en anotarse poden facelo presentando as súas correspondentes solicitudes no Departamento de Servizos Sociais, sita na rúa Correos nº5 de Santa Uxía (horario para inscribirse: de 12 a 13.30 horas). 

O prezo por participar é de 39.20 euros, incluíndo desprazamento en autocar, comidas, guía  e seguro de viaxe. 

Antes, en Certo:

Saídas culturais: 46 de viaxe ás Médulas

Pode que tamén lle interese:

Verán cultural: vexa toda a programación de 2011

(download)

Click here to download:

Ribeira_un_curso_de_novas_tecn.zip (5.96 MB)

Ribeira, 30 de xuño de 2011. Corenta maiores de Ribeira estiveron a participar dende o pasado 13 de xuño nun Obradoiro de Alfabetización Dixital (Iniciación á Internet) incardinado dentro do Programa de Dinamización e Promoción Social dos Maiores que organizan os Servizos Sociais.

Para proceder á  clausura da iniciativa, déronse cita na Aula Multimedia de Santa Uxía (lugar onde se celebraron os cursos) os concelleiros delegados de Servizos Sociais, Promoción Social, Sanidade e Consumo, Vicente Mariño, e de Enerxía e Novas Tecnoloxías, Emilio Pérez; así como o axente TIC que se encargou de impartir as clases, Abel Alonso.

Os tres intervintes dirixíronse aos maiores congregados co desexo de que esta iniciativa lles resultara útil e informaron de que o Concello está traballando xa en ver de levar estes cursos de alfabetización dixital ás parroquias, para contribuír a diminuír a fenda dixital que existe, por unha banda, entre diversas franxas de idade, e pola outra, entre o rural e o entorno urbano. O acto rematou coa entrega dos diplomas acreditativos aos participantes.

A excursión desenvolverase entre os días 21 e 23 de maio. Tamén irán a Batalha, ao mosteiro da imaxe (onde está o túmulo de Joao I e Filipa de Lancaster)

Ribeira, 3 de maio de 2010.- O Departamento de Servizo Sociais de Ribeira informa de que este luns, día 3 de maio, iniciouse o prazo de inscrición para participar na terceira das Saídas Culturais para Maiores que organiza a Concellería de Igualdade, Acción Social, Maiores e Dependencia, e que terá como punto de destino a localidade portuguesa de Fátima.

Basílica de Fátima. Foto de Diego Romero

Esta excursión desenvolverase entre os días 21 e 23 de maio. O evento arrancará 7.30 horas do 21 de maio coa saída desde Ribeira. Pola tarde visitarase unha bodega e a continuación chegarase a Fátima, onde os que o desexen poderán acudir á procesión das antorchas. 

A segunda xornada estará dedicada a visitar algunhas poboacións do entorno, como Óbidos, Caldas da Rainha e Nazaret, así como o mosteiro de Batalla. O último día servirá para percorrer diferentes puntos situados en Fátima, como o Aljustrel, as Covas de Moeda e a Nova Basílica da Explanada. 

O prezo por participar é de 67 euros por persoa. Os maiores interesados en tomar parte nesta excursión, a primeira das seis que integran as Saídas Culturais 2010, deben presentar as súas solicitudes no Departamento de Servizos Sociais, sito na rúa de Correos nº5 de Santa Uxía (números de teléfono 981 874 131 e 981 873 409). 

Maiores en ruta: fotos de Coruña e Betanzos