• A alcaldesa socialista quere nomear fillos predilectos da vila ao recentemente finado Domingos Dosil, nacionalista, xunto con outros tres alcaldes da época da ditadura
• A proposta ten que ser aprobada polos dous tercios da corporación para saír adiante, polo que dependerá do PSOE e PP

Muros, 14 de febreiro de 2012. O proceso só está iniciado, agora hai que constituir unha comisión que emitirá ditame e se este é favorable a proposta irá a pleno onde terá que recibir os votos favorables dos dous tercios da corporación como mínimo.

"Os nacionalistas non imos consentir tratar conxuntamente aos catro alcaldes, pois consideramos que a proposta feita pola alcaldesa socialista Caridad González para declarar fillos predilectos da vila de Muros aos alcaldes da vila durante a etapa franquista está totalmente fóra de lugar e ten como único propósito diluir e empañar a figura de Domigos Dosil", explican hoxe en nota de prensa dende a formación recentemente escindida. O Bng de Muros votará en contra da proposta da alcaldía tanto no seo da comisión como no pleno posterior se ha lugar.

Que se pronuncie a "familia socialista"

Os nacionalistas de Muros cuestiónanse: "Se a intención da alcaldesa é proclamar fillos predilectos da vila a todos os alcaldes de Muros, por que se limita aos tres da época franquista se anteriormente houbo outros alcaldes? Está claro que isto non é máis que unha homenaxe ao réxime franquista feito por unha alcaldesa socialista, algo que probablemente vulnera a lei da memoria histórica e sobre o que a “familia socialista” debería pronunciarse".

Tamén, en Certo:

• Muros: o Camiño Real de Esteiro parece outro

Antes, en QPC:

Muros estrémecese polo pasamento de Domingo Dosil

6 Febreiro 2012 - 13:42 | Un Comentario

Non só a súa labor á fronte do Concello, se non que os seus moitos anos como activista social e fundador da COGAMI, fixeron de Domingo Dosil unha personaxe que pasará a historia da comarca de Muros. Tan só un ano despois de deixar o seu posto como alcalde, e tras unha insperada enfermidade, o [...]

Ler a entrada completa »

Ribeira, 9 de febreiro de 2012. A próxima actividade da asociación Pedra de Pidre terá lugar mañá, venres 10 de febreiro, como se indica no cartaz desta información.

Pode que tamén lle interese:

• Ribeira: regularán actuacións musicais e programan obras de Riveira Atlántica

• Ribeira: este venres 10, fútbol sala de alto nivel (amistoso)

• Sanidade: intentan reanimar a sanidade pública cunha iniciativa lexislativa popular

• Ribeira: os do ceip "Sagrado Corazón" de Castiñeiras coñecerán o Parque das Illas Atlánticas o 16

• Lage Tuñas denunciou hoxe no Parlamento que a Xunta vulnera de xeito flagrante a Lei 52/2007 da Memoria Histórica ao negarse a cooperar co Goberno de España na axuda aos familiares que descoñecen onde están soterrados os seus seres queridos
• Desvelouse que a Xunta de Galicia se negou a participar no convenio marco do Goberno de España coas CC.AA e coa FEMP para o deseño do Mapa integrado dos lugares de inhumación, facilitando así que familias e particulares poidan localizar os restos mortais dos seus seres queridos

• "Non pode ser que no noso país sigan existindo rúas con nomes de asasinos e fascistas ao mesmo tempo que a Xunta se nega a colaborar coas familias para a localización e recuperación dos restos mortais de moitas persoas que foron asasinadas e tiradas á cuneta por parte do réxime franquista”, argumentou o deputado José Manuel Lage.

 

Aínda que a propaganda franquista e postfranquista di que Galicia foi un lugar con poucos represaliados, houbo de todo, ata campos de concentración

Santiago. 9 de decembro de 2011. O Portavoz da área Institucional do Grupo Socialista; José Manuel Lage interesouse hoxe na Comisión 1ª do Parlamento polo grao de cumprimento da lei 52/2007 de recuperación da memoria histórica por parte da Administracción pública galega.

O Director Xeral de Relacións Institucionais da Xunta respondeu á iniciativa socialista descalificando a pregunta e culpando ao Partido Socialista de reabrir vellas feridas, ademais de explicar que “hai que ocuparse de cousas máis importantes”.

Lage Tuñas denunciou que “a administracción galega é unha das poucas comunidades que incumple a lei 52/2007 da memoria histórica ao negarse a cooperar co goberno de España na axuda aos familiares que descoñecen onde están enterrados os seus seres queridos”.

O deputado do PSdeG dixo que lle constaba que “a Xunta negouse a asinar o convenio marco do ministerio da presidencia coas cc.aa e coa femp para a localización de persoas desaparecidas e asasinadas polo réxime franquista”

José Manuel Lage explicou que o artigo 12.2 da lei di textualmente: “Las Administraciones públicas elaborarán y pondrán a disposición de todos los interesados, dentro de su respectivo ámbito territorial, mapas en los que consten los terrenos en que se localicen los restos de las personas a que se refiere el artículo anterior, incluyendo toda la información complementaria disponible sobre los mismos.”

O deputado socialista recordou que o convenio marco de colaboración para o cumprimento efectivo do artigo 12.2 da lei foi asinado por unha parte moi importante de comunidades autónomas co Goberno de España, entre outras as de Castilla-La Mancha, Aragón, País Vasco, Canarias, Andalucía, Extremadura ou a Cidade Autónoma de Melilla.

O Mapa Integrado dos Lugares de Inhumación é un documento unificado que integra a información de tódalas administraccións públicas, e que contén a localización xeográfica, características e outros datos relevantes dos lugares de inhumación.

É unha iniciativa do Goberno de España para dar cumprimento efectivo á lei 52/2007, a través da colaboración de tódalas administraccións públicas tal e como recollen os artigos 11 e 12.2 da citada norma. “Galicia negouse a colaborar, e agora vemos como o goberno por medio dun director xeral di que hai cousas máis importantes das que preocuparse” sinala o deputado do PSdeG.

Lage Tuñas dixo que “só pedimos que se lles facilite ás familias e particulares que poidan localizar os restos mortais dos seus seres queridos. E só estamos pedindo que a Xunta cumpra a lei e colabore.”

Engadiu que “non pode ser que no noso país sigan existindo rúas con nomes de asesinos e fascistas ao mesmo tempo que a Xunta se nega a colaborar coas familias para a localización e recuperación dos restos mortais de moitas persoas que foron asesinadas e tiradas á cuneta por parte do réxime franquista” explicou o deputado José Manuel Lage.

Os socialistas galegos demandan que a administracción galega cumpra a lei e retire toda a simboloxía fascista, predemocrática e franquista de tódolos edificios públicos.

Lage Tuñas sinala que “non hai outro país en Europa onde se produza un esperpento tan grande coma éste, non é de recibo que se lle poñan trabas ás familias dos asasinados polo réxime franquista, que só queren saber onde teñen enterrrados aos seus familiares”.

Click here to download:

68598 poc lage memoria hca.PDF (35 KB)

(download)

Click here to download:

68598 poc lage memoria hca.PDF (35 KB)

Relacionado:

O pequeniño do Incio, por Xurxo Ayán

 

Vídeo elaborado por Paco do Martelo, un dos promotores deste acto de memoria histórica, onde se explica o que aconteceu, uns feitos tan graves que mesmo Castelao se fixera eco deles anos despois:

O primeiro coa lenda "Na lembranza dos mortos de Nebra 1916-2001", foi erixido por iniciativa popular co gallo do 85 cabodano. O segundo este ano polo Concello, a iniciativa do seu alcalde, D. Manuel Tomé Piñeiro.

In memoriam: Francisca Carou, Ramona Suárez, Antonio Sobrado, Generosa Vidal e Rosa Cadórniga.

Na mañá do xoves 12 de outubro de 1916, os veciños do resto das aldeas da parroquia de Nebra concentráronse nesta, nun número aproximado duns trescentos, co gallo de loitar contra imposición dun novo tributo municipal, que segundo entendían, as autoridades habían creado por haber malversados fondos e así, podían saldala débeda contraida coa Deputación.
O recadador asinado para tal cometido chegaba para proceder ao embargo polo impago dun veciño desta aldea, atopándose acompañado duns cincuenta gardas civís.
Uns intercambios de palabras, principalmente coas mulleres que ían por diante da manifestación, pasouse o ruído dos mausser e igualmente aos primeiro laios.
Unha segunda descarga, tinxe a ponte de vermello con cinco veciños mortos en riba da ponte.
Sirvan estes monolitos na súa lembranza.

Máis información:
http://pacodomartelo.blogspot.com

Pode que tamén lle interese:

Arqueoloxía:  "El legado celta" preséntase o 14 e 15 de outubro

Exposición no Centro de Interpretación de Baroña: Pepe Agra ata o 30

Castro de Baroña: xa sae no DOG que é BIC

Antes, en Certo, anunciamos:

Arousa Norte, 5 de abril de 2011. Aínda que non informamos sobre Vilagarcía de Arousa, polo seu interese, e porque escribimos no seu día do interesante labor que desenvolve esta asociación para recuperar a memoria visual, histórica e paisaxística da Ría de Arousa, procedemos a publicar íntegra a carta que nos remiten:

  Vexa aquí a entrevista

Todas as imaxes no blogue de Aturuxo!

Antes publicamos:

Rianxo: o acto de homenaxe do Bng a Castelao polo seu cabodano convírtese de novo nun mitin preelectoral

Actualización 7 de xaneiro. 16:00 horas. Nota do Bng

O ano pasado fora un mitin de Anxo Quintana ante as eleccións do 1 de marzo, que poden aínda ler aquí. Desta volta, a proximidade do 22 de maio, data das eleccións municipais, convertiu de novo a homenaxe ao rianxeiro máis universal nun discurso cargado de mensaxes políticas e apenas ningunha lembranza para o fillo do pescador Manuel Rodríguez Dios e da ama de casa Joaquina Castelao Genme. Daniel Rodríguez Castelao non foi só político: era médico, escritor, debuxante e pintor. Como de cote, poñémoslles a nota íntegra do Bng: 

Guillerme Vázquez, líder dos nacionalistas galegos, asegura que "o éxito do Bng nas municipais é a chave do fracaso do PP"

Rianxo, 7 de xaneiro de 2011. O portavoz nacional do BNG, Guillerme Vázquez, participou esta mañá en Rianxo no acto en homenaxe a Castelao en Rianxo, no ano en que se cumpren 125 anos do seu nacemento. Neste acto, o líder nacionalista lembrou que en maio deste ano se celebran eleccións municipais e asegurou que o BNG “é a garantía fronte ao PP, o éxito do BNG é a chave o fracaso do PP” e por iso convidou a todos e todas a participar na campaña electoral que se aproxima.

Foi nun acto na Casa da Cultura de Rianxo no que estiveron presentes cargos orgánicos e institucionais do BNG. Ante unha sala chea, o portavoz nacional advertiu de que os populares “pretenden levar aos concellos o fracaso da Xunta” e criticou as “ilexítimas mocións de censura” presentadas polo PP e a súa intención de “incluír tránsfugas nas súas listas”.

O número un do nacionalismo galego apostou por convertir os concellos en elementos de dinamización da economía da man de goberno do BNG que demostrarán tamén a súa preocupación pola lingua e a cultura propias.

Medidas antisociais

Guillerme apelou “á conciencia dos deputados e senadores do PP e PSOE” e perguntouse “como poderán durmir tranquilos apoiando as medidas antisociais que está a levar adiante o goberno galego e estatal”.

O número do Bloque criticou duramente a política “de dereitas” que se está a levar adiante, tanto dende o goberno galego, coma dende o estatal e acusou a Núñez Feijóo de demostrar “tanta impotencia como incompetencia”.

“Se non poden facer nada para loitar contra a crise”, continou o portavoz nacional, “para que están no goberno?”, ao tempo que ironizou co “tan cacarexado efecto Xacobeo”, porque, tal e como indicou, “aos santos pódenselle pedir moitas cousas, pero non que agoche a incapacidade dun goberno”.

Guillerme lembrou que “o señor Núñez Feijóo comprometérase a resolver a crise en 45 días  e o resultado é un incremento do paro, cun cifra de 14.000 desempregados máis en novembro e decembro, 4.500 empresas pecharon nos anos 2009 e 2010 e rexistráronse 100.000 afiliados menos na Seguridade Social, estas cifras son a evidencia do fracaso do goberno do PP”.

Chamamento á mobilización

Tal e como afirmou o portavoz nacional, “malia as dificultades hai esperanza”, polo que fixo un chamamento á mobilización social para lle plantar cara a esta situación e animou a participar nas mobilizacións convocadas polo sindicalismo nacionalista.

O portavoz nacional reivindicou a figura de Castelao e o seu ideario nun momento en que “nos atopamos ante retos difíceis, pero vencíbeis” e por iso indicou que “hoxe aquí selamos e reafirmamos o noso compromiso con Galiza, cos intereses da maioría social”.

“O FMI e a Comisión Europea dictaron a política económica a seguir e os gobernos limítanse a aplicala. Fabrican o ambiente social que leva aos cidadáns e cidadás a aceptar como inevitábeis os recurtes como fórmula única para garantir os beneficios dos amos do universo”, criticou Guillerme Vázquez.

Neste sentido, o portavoz nacional cargou contra medidas postas en marcha polo goberno do Estado, como a reforma das pensións “ou a privatización de todo o que queda por privatizar” e indicou que, contra o que afirman “hai outras vías porque é posíbel aumentar ingresos pola vía da reforma fiscal, é posíbel controlar a fraude, é posíbel rematar cos paraísos fiscais e que a banca pública favoreza o crédito aos empresarios”.

Así, apuntou á  “redución do gasto militar, por exemplo, retirando as tropas de Afganistán, que lle pregunten á xente que prefire: que diminúan as pensións ou o gasto militar”, ao tempo que suxeriu a eliminación das Deputacións, como outro camiño para aforrar cartos públicos.

Actualización 7 de xaneiro. 15:00 horas

Relacionado:

Castelao: así falaba e se movía o rianxeiro máis universal

Podería interesar:

Manuel Antonio, no "Ceo das Letras" en Santiago

Antes anunciamos:

A noticia no blog do Bng rianxeiro:

"Como é xa tradición, o 7 de xaneiro o BNG celebra en Rianxo o cabodano de Castelao. Este ano ademais van 125 anos do seu nacemento. Unha ocasión especial para reafirmarnos na posta en valor do seu legado político e a vixencia e vitalidade do seu pensamento.

Como era previsíbel, diante dos intentos do grupo parlamentar do BNG de declarar o 2011 Ano Castelao, topou coa empresa de Derrubos Núñez Feijoó para evitar e destruír todo o que arrecenda a galego e galeguismo. Non importa, gozaremos outros e outras de Rianxo!

Actos previstos Día 7 de xaneiro

11,30h.- Acto público (Casa da Cultura-Cuartel Vello).
Interveñen:
- Adolfo Muíños. Responsábel local do BNG.
- Guillerme Vázquez. Portavoz Nacional do BNG.

12,00h.- Ofrenda floral (Monumento a Castelao no Paseo da Ribeira). Interpretación do hino galego.

14, 30 h. Xantar de confraternidade organizado para as 14.30 h no Restaurante Brisas do Mar en Tanxil cun prezo de 20€. (Reservas antes do xoves no 654.697.768".

Relacionada:

Aturuxo!: actos do cabodano de Castelao, 7 de xaneiro

A exposición, de carácter itinerante, está organizada pola Deputación da Coruña e acaba de estar en Boiro

Porto do Son, 9 de novembro de 2010. Preto dun centenar de imaxes, na súa maioría inéditas, sobre a Guerra Civil española, realizadas polos fotógrafos integrados no colectivo Irmáns Maio exhíbense dende hoxe, martes 9 de novembro, no Centro de Interpretación de Baroña.

“Irmáns Maio. A Guerra Civil Española” é unha iniciativa da Deputación da Coruña, que conta coa colaboración do Ministerio de Cultura e que está a percorrer diversos municipios da provincia. A mostra está conformada por preto de cen fotografías da Guerra Civil captadas, coas súas cámaras Leika, polos cinco representantes dos colectivo Irmáns Maio, que durante máis de sete décadas permaneceron nos arquivos da Biblioteca Nacional. Son imaxes, en branco e negro, dos combatentes da 43 División, dos presos republicanos no cárcere de Carabanchel, das trincheiras do Ebro, da fronte de Guadalaxara e de Madrid, e outras que reflicten a realidade social dun país en guerra que foron recuperadas para ser expostas en distintos concellos da provincia.

Quenes eran os "Irmáns Maio"? Mire na Wikipedia

Esta mostra estivo no Festival Olladas de 2008, do que teñen un vídeo en Youtube:

A Pobra do Caramiñal, 18 de outubro de 2010. Este venres 22 de outubro, ás seis da tarde, terá lugar a inauguración da remodelación da praza adicada ao heroe de guerra Benigno Dávila Pérez, laureado no seu día coa Cruz de San Fernando, máximo galardón militar de entón que aparellaba pensión de 100 pesetas mensuais.

Na inauguración, ademais das autoridades locais co alcalde Isaac Maceiras en cabeza, estará o subdelegado do Goberno, José Manuel Pose Mesura, e o almirante xefe do Arsenal militar de Ferrol, Santiago Bolívar. Amenizará coa súa música a Banda Militar do Tercio Norte.

Fillo de Serafín Dávila e Modesta Pérez, nado en A Pobra do Caramiñal (parroquia de Postmarcos) o 1 de xullo de 1888. Comezou a súa carreira na Marina aos 16 anos e aos 21 acadou a máis alta condecoración, a Cruz Laureada de San Fernando, a raíz duns feitos de 1909 cando prestaba servizo como Cabo de Mar no cruceiro "Reina Regente" e o "Numancia". A medalla supoñía unha pensión de cen pesetas mensuais, unha cantidade que daquela era unha fortuna.

Benigno Dávila, en compaña do mariñeiro de primeira Melchor Uso, conseguiu nas proximidades de Alhucemas que, ao romperse o cabo que arrastraba un bote cargado de víveres, este non chegara a mans inimigas (combatía España daquela aos marroquinos, tamén chamados mouros, na campaña de Melilla de 1909). Segundo conta a prensa da época (xornal "La Correspondencia de España"), aquel 4 de setembro, "arroxáronse á auga en medio dunha chuvia de balas inimigas, impedindo, tras grandes esforzos, que o bote chegara á costa inimiga arrastrado pola corrente". A medalla foi entregada en San Fernando (Cádiz) ao final dun acto de xura de bandeira por parte dun novo reemprazo dos buques "Numancia" (onde prestaba servizo tamén o pobrense) e "Princesa de Asturias". Mais Benigno Dávila non puido asistir, por estar embarcado xa noutro barco, o "Nautilus" (e non era o do capitán Nemo de Xullo Verne).

Carreira de Benigno Dávila:

Como aprendiz de mariñeiro estivo en 1906 no gardacostas "Numancia". En 1908, no acorazado "Pelayo", no torpedeiro "Terror" e no gardacostas "Numancia". En 1909, na corbeta "Nautilus" e no cruceiro "Reina Regente". En 1910, no "Reina Regente" e na corbeta "Villa de Bilbao", así como no torpedeiro "Halcón".

Entre os ascensos que obtivo, foi pasando de aprendiz a mariñeiro de 2ª, de 1ª, de primeira a preferente e logo cabo de mar en 1908. Contramaestre no torpedeiro número un do "Halcón".

Na súa valoración académica (Instrucción elemental), asinada polo marqués de Magaz, como Cabo de Mar, atopamos:

Doctrina cristiana : Aprobada.
Lectura : Distinguido.
Aritmética : Distinguido.
Xeometria : Distinguido.
Xeografía : Aprobado.
Instrución militar : Distinguido.
Regras de disciplina militar : Distinguido.
Exercicios de carabina : Distinguido.
Coñecementos militares e artilleiros: Aprobado.
Exercicios de cañón, revólver e sable : Aprobado.
Instrución marítima : Distinguido.

Disciplina : Bo.
Conduta : Moi bo.
Aplicación : Moi bo.
Aproveitamento : Moi bo.
Aptitud profesional : Moi bo.

Clasificación definitiva : Distinguido.

Casou con Emilia Gómez Nuñez.

Fonte: “España en sus héroes”. Madrid 1969 pág. 334. (vía)

Benigno Dávila faleceu en Ferrol (entón El Ferrol del Caudillo) aos 68 anos de idade, no ano 1956.

Cando se lle adicou a praza que leva o seu nome?

Copia literal Acta Plenaria del 14 de mayo de 1986:

“ 4º.-PROPUESTAS VARIAS DE LA ALCALDIA SOBRE NOMBRES DE CALLES Y PLAZAS: Se da lectura a las siguientes propuestas:1ª.- “Entre los laureados de España, ostenta la gran Cruz Militar Orden de San Fernando, el pueblense D. BENIGNO DAVILA PEREZ, hijo de Serafín Davila y Modesta Pérez, naturales de Conchido, de este término municipal.

Este preciado galardón le fue concedido el día 4 de septiembre de 1909 y la narración de los hechos que dieron lugar a ello, son los siguientes:

El 4 de septiembre de 1909 el cabo D. BENIGNO DAVILA PEREZ, perteneciente a la dotación de “La Numancia”, patroneaba en las inmediaciones de Alhucemas, un bote a vapor que remolcaba a otro de víveres. Al producirse una avería en el primero, que impidió el remolque por haberse enredado el chicote en la hélice, impidiendo el movimiento de la máquina, emprezaron a irse las dos embarcaciones a la costa rifeña, arrolladas por la mar, corriendo gran peligro. Para evitarlo, el cabo davila Pérez, pidió autorización al Oficial que dirigía la operación y se lanzó al agua, seguido del marinero D. Melchor Uso Márquez, consiguiendo entre los dos zafar el chicote y dejar libre la hélice, efectuándolo todo bajo el nutrido fuego del enemigo y con gran riesgo de sus vidas.

La gran cruz laureada de San Fernando, es la máxima recompensa Militar y el que se debe suponer un motivo de orgullo y satisfacción para todos sus vecinos, entendiendo esta Alcaldía que debe dejarse constancia de ello para conocimiento general, tanto de las generaciones actuales como de las venideras.

Por lo expuesto esta Alcaldía, a la consideración del Ayuntamiento Pleno propone la adopción del siguiente acuerdo:

Que teniendo en cuenta que el referido vecino era natural de la parroquia de Postmarcos, que la actual Plaza de Angustia se denomine “PLAZA DEL CABALLERO LAUREADO BENIGNO DAVILA PEREZ” y que el descubrimiento de la placa correspondiente se efectúe coincidiendo con un acto de relieve oficial.

Puebla del Caramiñal, 14 de mayo de 1986 El alcalde, firmado

En uso de la palabra el Sr. Ouviña manifiesta que se halla de acuerdo con la propuesta de la Alcaldía, si bien quisiera preguntar porque se esperó tantos años a tomar esta decisión.Más bien a él le parece que se trata de un acto electoralista.

La Presidencia responde al referido concejal y aún cuando no le extrañan sus manifestaciones, debe decirle que no se trata de ningún acto electoralista y que si no se ha adoptado anteriormente este acuerdo, es algo que tenía que preguntarle a a las personas que le antecedieron en el cargo de Alcalde, que la Presidencia, desde que está desempeñado tal cargo, no había tenido conocimiento hasta hace poco tiempo en que se ha editado por la Excma. Diputación un libro con los laureados gallegos del siglo XX, por lo que se le ha ocurrido formular la propuesta que les ha sido leída, por enetender que se debía honrar el recuerdo de un gallego y sobre todo puéblense, distinguido con la máxima Orden Militar que es la gran Cruz Laureada de San Fernando.

Sometida a votación la propuesta, es aprobada por unanimidad de los asistentes”.

Click here to download:

INVITACION Praza Angustia.doc (4.13 MB)

(download)

Click here to download:

INVITACION Praza Angustia.doc (4.13 MB)