• A portavoz de Pesca do Grupo Parlamentario dos Socialistas de Galicia, Marisol Soneira asegura que a practica totalidade das confrarías de Galicia están nunha situación económica moi delicada, xa que non poden facer fronte aos seus gastos
• Soneira pregunta á Conselleira do Mar “se é consciente da situación económica na que se atopan as confrarías" e que “medidas pensa poñer en marcha para solucionar este problema” 

Santiago de Compostela, 18 de febreiro de 2012. A portavoz de Pesca do Grupo Parlamentario dos Socialistas de Galicia, Marisol Soneira anunciou hoxe que rexistrou unha batería de iniciativas parlamentarias nas que esixe ao Goberno de Feijoo que cumpra os convenios coas cofrarias de Galicia.

Soneira asegura que a practica totalidade das confrarías de Galicia están nunha situación económica moi delicada, xa que non poden facer fronte aos seus gastos.

Advirte que moitas confrarías están facendo fronte ás nóminas asistencias técnicas dos vixiantes, cos seus recursos propios. E denuncia que esta situación “aboca aos positos a unha carencia absoluta de liquidez, ou a recorrer a polizas de crédito, ou incluso a recorrer a recursos dos propios cofrades.

Advirte que “por mor da crise ou pola irresponsabilidade dun numero importante de compradores as lonxas atópanse con atrasos e impagos moi importantes, tanto polo volume dos recursos como polos períodos, cada vez mais longos do atraso no abandono da mercadoría”.

Explica que este fenómeno ten “consecuencias moi graves para a economía das confrarías que actúan, na practica, como un Fondo de Garantía para que os mariñeiros e os armadores cobren por unha captura que algunha veces, non se abona ata pasadas semanas ou meses ou nunca”. 

Soneira pregunta á Conselleira do Mar “se é consciente da situación económica na que se atopan as confrarías" e que “medidas pensa poñer en marcha para solucionar este problema”.

Click here to download:

6 INT impagos confrarias 170212 MARISOL 78267-asinado.pdf (102 KB)

(download)

Click here to download:

6 INT impagos confrarias 170212 MARISOL 78267-asinado.pdf (102 KB)

Click here to download:

9 POP impagos confrarias 170212 MARISOL 78250-asinado.pdf (49 KB)

(download)

Click here to download:

9 POP impagos confrarias 170212 MARISOL 78250-asinado.pdf (49 KB)

Click here to download:

13 POC impagos confrarias 140212 MARISOL 78266-asinado.pdf (104 KB)

(download)

Click here to download:

13 POC impagos confrarias 140212 MARISOL 78266-asinado.pdf (104 KB)

• Os alicerces serían co proxecto que lidera Feiraco na planta de Clesa

• A portavoz  socialista de Medio Rural, Sonia Verdes preguntou polos 5,5 millóns de euros que entregaron a Arzuana, e polos avais cos que o IGAPE avalou as operacións de Alimentos lácteos sen necesidade de garantías, e que  hoxe paga o leite aos gandeiros con pagarés a 3 meses 
• Acusou ao Goberno de Feijóo de defender os mesmos intereses que defenden os administradores concursais que son os dos especuladores 

Santiago de Compostela, 22 de decembro de 2011. A portavoz de Medio Rural do Grupo Parlamentario Socialista Sonia Verdes interviu hoxe no Pleno do Parlamento para defender unha emenda na que reclamou sentar as bases dun Grupo Lácteo, garantindo a participación publica da Xunta de Galicia, achegando a suficiente dotación económica para o apoio e participación económica no proxecto que lidera Feiraco para a xestión da planta de Clesa e que integra ao conxunto de cooperativas galegas. 

A deputada tamén demandou garantir a presencia dun representante da Administración autonómica de xeito que tome parte no Consello de Administración do proxecto que xurda para a xestión da Planta de Clesa, a través da integración cooperativa e o apoio ao proxecto que lidera Feiraco. Ademais pide levar a cabo as accións necesarias para promover un cambio de estratexia para reflotar o proxecto de Alimentos Lácteos que, complemente o proxecto de Clesa para a creación do Grupo Lácteo. A proposta foi rexeitada polo PP. 

Na súa intervención Verdes saudou en primeiro lugar aos traballadores da planta de Clesa que estaban presentes no debate desta iniciativa na Cámara Autonómica. 

Dixo que despois de dous anos de conflictos que o goberno galego debería fortalecer ao sector productor e aportar estabilidade ao sector leiteiro galego, pero lamenta “o Conselleiro do Medio Rural está desaparecido”. E insistiu nas súas criticas “o Goberno de Feijoo estivo desaparecido na vaga de lumes e cando había que resolver o conflicto de Pascual para amañarlle a estratexia a Eugenio de Arzúana e a catro amiguetes do PP”. 

A deputada preguntou polos 5,5 millóns de euros que entregaron a Arzuana, e polos avais cos que o IGAPE avalou as operacións de Alimentos lácteos sen necesidade de garantías, e que  hoxe paga o leite aos gandeiros con pagares a 3 meses. “Onde están señorías os cartos dos galegos/as?”, insistiu. 

A parlamentaria afirma que o Goberno de Feijoo boicoteou o proxecto que lideraba Feiraco e que permitía reunir mais de 500 millóns de litros de leite para eliminar intermediarios e que os gandeiros/as participaran no proceso de transformación do leite que xera maior valor engadido. E advirte o PP decidiu “apostar por 5 pequenas cooperativas con escasa solvencia e graves dificultades financieiras cun único aval, cunha única garantía, que eran do Partido Popular”, espetou. 

90 traballadores 

Verdes reclamou explicacións das actuacións do Goberno de Feijóo neste asunto. “Queremos saber -dixo- se van a seguir apuntalando este fracaso con cartos públicos mentres levan arredor dun ano desaparecidos sen ser quen de resolver o futuro da planta de Clesa en Caldas”, da que lembra saldouse xa co despido, consecuencia dun ERE extintivo, que afecta a 90 traballadores. Sinala que estes traballadores están completamente indefensos diante das decisións da administración concursal, que actúa unicamente por intereses económicos co ánimo de dividir a plantilla escollendo unilateralmente aos que se quedan e librar a planta de cargas salariais, facéndoa mais apetecible para posibles especuladores . 

Por último, acusou ao Goberno de Feijóo de defender os mesmos intereses que defenden os administradores concursais, que son os dos especuladores. 

Click here to download:

emenda clesa.PDF (35 KB)

(download)

Click here to download:

emenda clesa.PDF (35 KB)

Ribeira, 5 de decembro de 2011. Segundo explica o grupo municipal do Psoe ribeirense en nota de prensa, "o pasado día 20 de abril cento vintesete veciños presentaron un escrito no rexistro do Concello, denunciando o lamentable estado da Rúa Romero Ortiz e solicitando unha serie de accións para a mellora do espacio urbán, tales como: iluminación, asfaltado da rùa, pasos peonís, papeleiras e o arranxo das beirarrúas. A data de hoxe, non consta resposta por parte do Concello, pero estanse a realizar obras na rúa, referidas a instalación das tubarías da compañía de gas. Hoxe a preocupación dos veciños, visto as obras e a falla de información por parte do Concello, é se a nova capa de rodadura que con cargo aos orzamentos da Diputación está prevista para a Rúa Romero Ortiz, farase do xeito máis axeitado.

Elevación do nivel da rúa por estratificación de capas asfálticas

Ao longo dos últimos 40 anos, o acondicionamento da Rúa Romero Ortiz fíxose polo sistema de, poderiamos chamar, acumulación asfáltica, de tal maneira que unha capa tras outra, ata un total de tres capas, foron sistematicamente subindo a altura respeto da beirarrúa, provocando en moitos casos a entrada da auga da choiva dentro das vivendas. Hoxe os veciños, ademáis de reclamar a resposta, en dereito, ao escrito, instan o Concelleiro de obras e o Alcalde, como máxima  autoridade, a que prohíba o arranxo da capa asfáltica da Rúa Romero Ortiz sen a previa eliminación das capas anteriores e polo tanto a recuperación do anterior nivel da rúa.

Á vista do exposto: está o Alcalde o tanto do plan de obra da empresa adxudicataria para o arranxo da Rúa Romero Ortiz, obra financiada e adxudicada pola Diputación, e está disposto o Alcalde a supervisar a obra para evitar as inundacións das vivendas e atender as reclamacións dos veciños, presentadas en rexistro con data 20 de abril do ano en curso?".

Antes, en Certo:
As obras en Romero Ortiz comezaron o 22 de setembro

Pode que tamén lle interese:

Día da Infancia: acto este venres 9 de decembro no auditorio

Charla: o 10 de decembro, sobre Cunqueiro e Novoneyra no Ateneo

• O dirixente do PP non falou de suprimir as Deputacións
• Aventurou a estrana cifra de "bastantes menos de 94". Agora son 94.
• Galicia non reduce concellos dende 1967. En 1842 había 326 e en 1900 323. Agora hai 315.

Barbanza-Noia, 18 de outubro de 2011. Vizosísima a nota de prensa da Deputación de hoxe cos comentarios do seu actual presidente, o anterior superdelegado da Xunta polo PP, Diego Calvo.O presidente da Deputación da Coruña falou hoxe da "posibilidade de redistribuír o mapa territorial da provincia contando sempre coa voluntariedade dos concellos" e lanzouse con que "oxalá A Coruña sexa a primeira provincia de España en conseguir reducir o número de concellos"

Nembargantes, o presidente dun organismo que está sendo cada vez máis cuestionado polas súas prácticas caciquís e obsoletas a nivel de toda España, matizou que “non me gusta falar de fusión e non me gusta falar de nada imposto por unha reforma. O que quero é que sexan os propios alcaldes e alcaldesas os e as que propoñan a posibilidade de unirse con outros, sen que xurdan os problemas de ser absorbido ou absorbente”.

Logo deste brinde ao sol, pois ningún partido no goberno nin na oposición se meteu aínda nesta lameira política polos evidentes localismos que sobrancean Galicia enteira, Diego Calvo asegurou que algúns concellos da provincia gobernados por diferentes grupos políticos xa teñen manifestado o seu interese por levar a cabo esta experiencia piloto “que tería moito sentido” se o que se busca é a eficiencia na prestación de servizos. Sobre se hai xa previsto algún número definido de municipios, o presidente provincial dixo que “non teño un número ideal, aínda que me parece que serían bastantes menos de 94”.   

"Non é para aforrar custos do soldo do político"                                                                          

“Non é unha decisión pensada para evitar custos do soldo do político, xa que iso a nivel global non resulta significativo no aforro de custos. Si que resulta importante o aforro na recollida de lixo ou nas vantaxes que poderán ter os concellos que se empeñan, por citar algún exemplo, en ter un centro social cada un”, insistiu Calvo. Mais engánase Calvo nesta cuestión, porque precisamente aforraríanse moitos soldos excesivos ou innecesarios -hai exemplos clamorosos no seu partido, co alcalde que máis cobra de toda Galicia, Carlos Negreira, na Coruña, e tamén non é pingüe o soldo do alcalde de Ribeira, que entre concello e Deputación levanta arredor de 7.000 euros ao mes, segundo desvelou hai escasas datas o Bng de Ribeira-. Se o aplicamos ás bisbarras de Barbanza e Noia, de ter 8 ou 9 concellos, con outros tantos alcaldes e ducias de concelleiros, pasaríase a ter dous, con só dous alcaldes e, se somos consecuentes, un máximo de 27 concelleiros cada un. E no que atinxe a mancomunar, precisamente este tipo de colectivos, as mancomunidades, non son un modelo de xestión no que se viu ata o de agora en Galicia, precisamente por depender de varios concellos con distintas cores políticas e protección ou desleixo de administracións superiores -Deputación, Xunta, Goberno Central- segundo sexa quen goberne en cada intre.

Fixo especial fincapé o presidente provincial en que hai que “andar con tino” nestes asuntos, pois non é cuestión de que haxa “vencedores e vencidos”, senón que o que se busca é mancomunar servizos, aproveitar o persoal existente e, en resumo, camiñar cara unha maior eficiencia na prestación dos servizos á cidadanía.

Por se non fora pouca a lea que se pñode montar coas fusións -impostas xa en países como Grecia ou Italia- , Diego Calvo dixo que “moitas parroquias que pertencen a un concello determinado están máis relacionadas ou teñen máis que ver con outro concello, e iso habería que miralo, porque a proximidade territorial tamén é importante para abaratar custos”.

O presidente da Deputación coruñesa fixo estas declaracións no contexto da súa opinión acerca do debate aberto sobre a necesidade das entidades provinciais e na semana en que celebrará tamén os seus primeiros 100 días ao fronte da institución coruñesa. “O que é básico é non duplicar servizos, e non falo só das deputacións, tamén falo dos concellos e a propia administración autonómica e xeral”, matizou Calvo, que lembrou a importancia de celebrar unha reunión conxunta para “ver dunha vez por todas a que se dedica cada un de nós” e así evitar a duplicidade e, en moitas ocasións, a triplicidade”.

Hai que lembrar que o goberno do PP, que foi o que máis tempo gobernou esta autonomía dende que chegou a democracia, creou varios niveis de administracións que aínda agora están a desmantelar -o das Comarcas aínda está en proceso- e que supuxeron uns custos enormes, sobre todo de persoal, contratado a dedo na maioría dos casos e cuxa función aínda hai que buscala en moitos casos, salvo que fora para empregar a amigos do partido gobernante.

Posición a favor da fusión do alcalde de Noia

O único alcalde que se posicionou publicamente a prol da fusión de concellos nas bisbarras de Barbanza e Noia foi Rafael García Guerrero, xa antes das últimas eleccións municipais. Poden ler o seu posicionamento no seu blog.

O Ateneo Valle-Inclán, pro "Ribeira do Caramiñal"

Medio broma, medio en serio, un dos ateneos con máis actividade cultural de Barbanza, o Ateneo Valle-Inclán, leva pronunciándose hai tempo para que se fusionen Ribeira e A Pobra do Carmiñal e constitúan "Ribeira do Caramiñal". As diferenzas entre ambos concellos e as súas veciñanzas -coas típicas picadas en forma de insultos ou calificativos vexatorios- veñen moi de lonxe. 

Concello do Barbanza e Concello de Muros-Noia, propostas razonadas

Pode que o racional en Barbanza fose a fusión enteira da comarca, con catro concellos agora agrupados alomenos nunha mancomunidade turística -Arousa Norte-. E o nome, levando o da Serra que os coroa a todos, evitaría esas cuestións de que fala Calvo sobre vencedores e vencidos, segundo sexan absorbentes ou absorbidos. A estes catro habería que sumarlles Dodro, Rois ou Lousame, segundo conviñera logo dun estudo que xa debería ter feito no seu día a extinta Sociedade para o Desenvolvemento Comarcal.

Na banda de Muros e Noia, o único concello resultante podería tomar o nome da Ría para evitar suspicacias. Englobaría Porto do Son, Noia, Muros, Outes e podería tomar Lousame, tamén por cuestións históricas e proximidade física.

"Acabáronse as grandes obras faraónicas"

Diego Calvo tamén explicou esta mañá que os orzamentos da Deputación para o próximo ano, en pleno proceso de elaboración, serán “complicados” porque, ademais, estanse redactando “a cegas”. Desta cuestión culpou ao goberno central de elixir “a peor data que se podería para unhas eleccións xerais porque, xa dende o verán, o goberno non realiza o seu traballo, non toma decisións nin concreta o que cada concello recibirá dos orzamentos do Estado”.

“Non o saberemos ata abril do ano que vén, polo menos, e entón haberá que axustar outra vez os orzamentos”, co custo que iso supón.

Con respecto aos orzamentos da Deputación, Calvo confirmou que levarán un recorte aproximado de 20 millóns de euros debido o que hai que devolverlle ao Estado e que incorporarán importantes novidades. “A fundamental é que os concellos que queiran axudas teñen que ter as súas contas ao día, que sexan públicas e que estean presentadas no Consello de Contas”, explicou Diego Calvo, que insistiu en que, ademais, “vanse financiar sobre todo proxectos mancomunados e sostibles”.

“Acabouse a época das grandes obras faraónicas e que ao ano seguinte veñan os concellos á Deputación a pedir axuda porque non poden manter a piscina, ou o polideportivo. E casos así temos varios”, relatou o presidente da Deputación, do mesmo partido que embarcou a Galicia na obra faraónica da Cidade da Cultura, aínda sen rematar e sen saber canto vai custar finalmente.

Por último, e no relativo aos orzamentos, Calvo fixo unha chamada á “corresponsabilidade fiscal” dos concellos. “Non pode ser que unha administración non cobre os servizos básicos de auga, saneamento ou recollida de lixo e veña a pedir a axuda doutra administración para ampliar outros. Iso non ten sentido”, concluíu.

Convenio de colaboración cos Grumir

Diego Calvo asinou tamén durante a mañá os convenios de colaboración cos representantes de 16 concellos da provincia (Arteixo, Arzúa, Betanzos, Boiro, Boqueixón, Brión, Carballo, Cee, Miño, Noia, Ordes, Ortigueira, As Pontes, Ribeira, Santa Comba e Vimianzo) que son base dun Grupo Municipal de Intervención Rápida. 

En total, a Deputación provincial achega un total de 720.000 euros (45.000 por concello) para sufragar gastos de persoal e material funxible destas agrupacións que, en total, dan traballo a 224 persoas.

Ribeira: 50 lumes dos que non se avisou

“O traballo destes grupos é fundamental e vital para o día a día dos concellos coruñeses”, confirmou. E lembrou que, nos últimos días, o rexedor de Ribeira dixo que, dos cincuenta lumes que houbera na súa zona nos últimos meses, o seu Grumir foi o primeiro en chegar a 49. De ningún destes lumes tivemos noticia os medios de prensa, nesta estrana conduta informativa que leva a cabo a Xunta de Galicia co asunto dos lumes.

• A portavoz de Pesca Marisol Soneira quere saber si a Consellería do Mar ten algún estudo sobre a orixe dos salmóns mortos que apareceron aboiados na ría de Muros e Noia
• Tamén pregunta as medidas que vai tomar a Consellería do Mar para evitar episodios desta natureza no futuro

Muros-Noia, 7 de outubro de 2011. A deputada do Grupo Parlamentario dos Socialistas de Galicia, Marisol Soneira anunciou hoxe que rexistrou unha pregunta na Cámara Autonómica na que reclaman explicacións pola aparición de máis de cincocentos salmóns mortos aboiados a todo o longo e ancho na ría de Noia e Muros.

Soneira dixo que este feito é "dunha gravidade tremenda xa que implica unha falta absoluta de control, por parte da Consellaría do Mar, sobre as gaiolas alí instaladas para a cría e engorde destes peixes. A deputada advirte que supón unha absoluta neglixencia por parte da Consellería de Medio Ambiente, Territorio e Infraestruturas que descoñece o trato que a empresa acuícola dá aos peixes mortos, e as consecuencias que estes cadáveres poden ter para o ecosistema da ría".

Por todo esto a portavoz de Pesca quere saber si a Consellería do Mar ten algún estudo sobre a orixe dos salmóns mortos que apareceron aboiados na ría de Muros e Noia e  tamén que medidas tomará para evitar episodios desta natureza no futuro.

Ademais quere coñecer que controis fai, habitualmente, a Consellería do Mar sobre as gaiolas fondeadas na ría de Noia e de Muros para producir salmón en cautividade, e sobre as gaiolas e a súa incidencia no ecosistema da ría.

Click here to download:

56 POC salmóns mortos ria de noia e muros 051011 SONIA 71715-asinado.pdf (89 KB)

(download)

Click here to download:

56 POC salmóns mortos ria de noia e muros 051011 SONIA 71715-asinado.pdf (89 KB)

Antes, en Certo:

• Muros-Noia: que ocorre cos salmóns mortos?, pregunta o Bng

• Autorizan á presidenta do Parlamento a abrir os sobres coas declaracións 
• Abel Losada insta aos demais grupos a apoiar no próximo Pleno a iniciativa socialista para regular a obriga legal de darlle publicidade aos bens e actividades dos altos cargos da Xunta de Galicia e dos parlamentarios autonómicos
• O portavoz da Área Institucional, José Manuel Lage, recórdalle a Feijóo que será o Parlamento o que aprobe a Lei que regula a publicidade de bens e actividades de tódolos altos cargos , “non só dos conselleiros/as e do Presidente”.

Santiago de Compostela, 30 de setembro de 2011. O portavoz do Grupo Socialista, Abel Losada, anunciou hoxe que este Grupo Parlamentario vén de facer público o patrimonio dos seus deputados e deputadas. O portavoz do Grupo, o portavoz da Área Institucional, José Manuel Lage, e a viceportavoz María José Caride, presentaron hoxe unha carta no Rexistro da Cámara na que autorizan á presidenta a abrir as declaracións de bens.

Os socialistas galegos, explicou Losada, toman esta decisión facendo “un exercicio de transparencia e responsabilidade” e instou aos demais grupos parlamentarios a seguir o mesmo exemplo e apoiar a iniciativa socialista para regular legalmente a publicidade dos bens e actividades dos altos cargos da Xunta de Galicia.

Losada sinalou que a medida é o “corolario” da acción política deste grupo e dos socialistas a nivel de España, no goberno do Estado, así como noutras comunidades autónomas para facilitar a apertura ao público dos bens e actividades dos deputados e deputadas, así como dos membros dos executivos.

Explicou que o próximo Pleno do Parlamento incluirá unha iniciativa socialista para regular a publicidade dos bens e actividades dos altos cargos da Xunta de Galicia, así como dos parlamentarios e parlamentarias.

Patrimonios públicos

O portavoz da Área Institucional, José Manuel Lage explicou que “hoxe facemos pública a declaración de bens de tódolos deputados e deputadas do grupo socialista” e engadiu que con esta iniciativa “en media hora a presidenta do Parlamento pode dar a coñecer a tódolos cidadáns e cidadás a nosa declaración de patrimonio”.

Lage Tuñas explicou que “o PSdeG non fará ningún acordo entre bambalinas, será o pleno do Parlamento o escenario onde se poida producir un amplo acordo, non supeditado ao executivo”.

Recordoulle a Núñez Feijóo que “será o parlamento o que aprobe unha lei que regule a publicidade dos bens e actividades dos altos cargos da Xunta de Galicia” e precisou que “é ao poder lexislativo ao que lle corresponde lexislar sobre a administracción autonómica e sobre os seus altos cargos e instou a PP e BNG a “chegar a un acordo na próxima sesión plenaria”.

Lage Tuñas valora “positivamente” que o presidente da Xunta “rectifique as reiteradas negativas do Partido Popular nesta materia” e expuso que “veu arrastrado porque sabe que no vindeiro pleno se vai tramitar a nosa proposta”. Engadiu en alusión ao PP que “os mesmos que consideraban hai pouco que xa había controis abondo sobre os patrimonios, agora xa non ven tan mal a nosa proposta”.

Recordou que Pedro Puy –portavoz do Grupo Popular- ten afirmado tanto en xaneiro como en setembro deste mesmo ano que ” non era necesaria mais publicidade nin transparencia, que as declaracións están perfectamente controladas polo Parlamento e a Xunta”.

Predicar co exemplo

José Manuel Lage instou ao presidente da Xunta a votar a favor da iniciativa socialista no vindeiro pleno “como deputado que é” e así poder regular por lei a obriga de facer pública anualmente a declaración de actividades e bens patrimoniais. Explicou que “transparentar as rendas, as actividades, os bens dos altos cargos da Xunta de Galicia así como dos deputados e deputadas é unha decisión que mellora a calidade democrática do noso País”.

Lage Tuñas pediulle tamén á presidenta da Cámara “que consiga que os outros grupos fagan o mesmo e que se abran os sobres dos bens e patrimonios que tódolos deputados e deputadas temos que presentar cando entramos no Parlamento e cando hai algunha modificación no noso patrimonio” e engadiu que “non creo que ninguén teña nada que ocultar”.

Sinalou que “os socialistas predicamos co exemplo, como fixen eu fai agora oito meses” –en alusión á publicación do seu patrimonio- e considerou “saudable que o PP rectifique” e amosouse “moi contento de que a iniciativa do Grupo Socialista se abra camiño e faga posible mais transparencia na vida pública galega”.

Altos cargos da Xunta

Lembrou que, de acordo co decreto do Goberno de Fraga aprobado en 1995, e coa Lei de Transparencia aprobada no Parlamento na pasada lexislatura, a declaración nos rexistros é obrigatoria para os directores xerais, os secretarios xerais, os altos cargos da administración periférica da Xunta e para os directivos e presidentes das entidades que conforman o sector público autonómico así como para os conselleiros e conselleiras e para o presidente.

Explicou así que “será o Parlamento quen determine cómo hai que facelo, igual que se fixo en Castela A Mancha, Andalucía e Estremadura, e non é Feijóo quen determina cómo hai que facer as declaracións de patrimonio senón que terá que ser regulado por lei”.

Dixo que esta medida “non se resolve vía decreto”, senón que a Cámara “decide qué tipo de declaración hai que facer, quén ten que facela e cantos anos ten que estar un alto cargo dando conta das actualizacións do seu patrimonio logo de pasar pola Xunta”.

Parque Móbil

O portavoz da Área Institucional amosou a súa comprensión de que o presidente da Xunta “estea preocupado e non lle guste aparecer como a persoa que se opón á redución do parque móbil da Xunta”, pero lembrou que “en todo caso foron os votos do PP, incluido o seu, os que propiciaron que na Xunta continúen os mesmos privilexios” ao rexeitar no pasado Pleno do Parlamento a iniciativa socialista de reducción do 80% dos vehículos oficiais da Xunta.

Click here to download:

71421 carta presidenta.PDF (85 KB)

(download)

Click here to download:

71421 carta presidenta.PDF (85 KB)

Antes, en Certo:

• Política: o PP non quere baixarse do 80% dos coches oficiais

 

• "A eliminación do xacemento é un mero trámite administrativo para a Xunta de Galicia, mentres para os noieses e noiesas supón unha enorme perda do noso patrimonio e da nosa historia, ademais de supor a perda dun enorme atractivo turístico", critica o alcalde Rafael García Guerrero
• Os socialistas pediron no Parlamento información e copia dos informes do achado neste enorme poboado de Taramancos Vello, sito no lugar da Espiñeira

Noia, 27 de setembro de 2011. O concello de Noia amosa "a súa preocupacion pola falla de información e transparencia por parte da Consellería de Medio Ambiente no tratamento dos xacementos de Taramancos", comeza nunha nota de prensa o alcalde, o socialista Rafael García Guerrero.

O alcalde engade que "desde a administración municipal noiesa considérase que desde a Xunta de Galicia non están mantendo a necesaria colaboración entre as administracións, sen información e tentando agochar que a decisión de eliminar os restos está tomada desde o primeiro intre que apareceron. Non se buscou en ningún momento alternativas que permitiran as conservación dos restos arqueolóxicos. A eliminación do xacemento é un mero trámite administrativo para a Xunta de Galicia, mentres para os noieses e noiesas supón unha enorme perda do noso patrimonio e da nosa historia, ademais de supor a perda dun enorme atractivo turístico".

Para García Guerrero, "baixo a escusa de escavar baixo as edificacións castrexas e romanas, estase a desmontar todo coa perda irreversible que supón, e só ten sentido se se parte dunha premisa: a eliminación do xacemento".

Desprezo ao patrimonio e ao medioambiente do Goberno Feijóo

O alcalde noiés non dubida en afirmar que "o goberno de Feijóo amosa nas súas políticas un total desprezo da conservación do patrimonio e do medioambiente. Créanse proteción de espazos naturais e do patrimonio, pero á hora da verdade só son de aplicación para os particulares. As administracións, no canto de dar exemplo, empregamos de xeito abusivo o recurso do "interese xeral" para obviar as protecións e amoldalas aos intereses politicos".

E remata: "Para Concellos como o de Noia, onde a propiedade privada está tan afectada por lexislacións sectoriais resulta difícil explicarlle aos veciños e veciñas a razón de que nas súas fincas non poden facer certas cousas e as administracións si. Para os que temos que aplicar un plan especial de proteción dun Casco Histórico, non é doado abrir un expediente sancionador a un veciño porque pinta dunha cor incorrecta unha fiestra, mentres as administracións eliminamos un xacemento arqueolóxico".

A repercusión desta destrución, no portal do Consello da Cultura Galega

"O alcalde de Noia, Rafael García Guerrero, denunciou onte no seu perfil de Facebook a desaparición de parte dos sectores escavados no sitio arqueolóxico de Taramancos, incluíndo unha vivenda completa da Idade do Ferro, polo que se aprecia na fotografía publicada por Guerrero. Tratábase dunha escavación de urxencia debido á aparición de restos antigos no trazado do novo vial de Noia, e que paralizara as obras do vial. Os achados desvelaron a existencia dun poboado moi antigo, da Idade do Ferro, de tipoloxía totalmente inusual en Galicia, xa que non está fortificado, e parece estar vinculado a actividades de explotación do medio mariño. culturagalega.org solicitou información ao respecto á Consellería de Cultura, responsable da liberación da cautela administrativa sobre o sitio arqueolóxico, pero o departamento autonómico non contestou ata o momento".

 
O subliñado é noso.

Noutros blogs:

Que pasa en Noia titula "Hoy tengo ganas de vomitar"

Click here to download:

71093-Artigo 9.-Copia informes aparación restos xacemento arqueolóxico en Taramancos-Noia.pdf (56 KB)

(download)

Click here to download:

71093-Artigo 9.-Copia informes aparación restos xacemento arqueolóxico en Taramancos-Noia.pdf (56 KB)

Onte, en Certo:

• Noia: arrasan o castro de Taramancos ante a pasividade de políticos e veciñanza

• Lage Tuñas cualifica de “indecente” que a Xunta “manteña centos de coches oficiais mentres Feijóo recorta a sanidade e a educación”

• Reclama “rematar cos privilexios que afastan aos representantes públicos da cidadanía” nun momento no que “se lle piden sacrificios a moitos traballadores”

Santiago de Compostela, 27 de setembro de 2011. O portavoz da Área Institucional do Grupo Socialista, José Manuel Lage Tuñas, presentou hoxe unha Proposición non de Lei para a eliminación de mais do 80 por cento dos vehículos destinados ao uso exclusivo dos altos cargos da Xunta. Esta iniciativa foi rexeitado polo PP, co que Lage considerou “indecente” que a Xunta “manteña privilexios mentres Feijóo recorta a sanidade, educación ou dependencia”.

Lage apostou hoxe por “limitar a utilización do coche oficial con condutor única e exclusivamente ao presidente e aos conselleiros e conselleiras” para “rematar cunha serie de privilexios que afastan aos representantes públicos da cidadanía”. Lembrou que o presidente da Xunta “limitouse a facer unha operación cosmética cambiando a marca dos coches, pero segue tendo tantos coches oficiais como o conxunto do Benelux –Holanda, Bélxica e Luxemburgo-.

Dixo que “non estamos por tomarlle o pelo aos cidadáns e si por desenvolver unha política digna” polo que instou ao PP a “non seguir o mal exemplo e a tomadura de pelo que a presidenta do Parlamento perpetrou nesta Cámara”.

O responsable socialista presentou imaxes dun vehículo oficial “un domingo calquera deste verán nunha praia de Galicia”, polo que considerou “indispensable” tomar “medidas reais e efectivas que signifiquen realmente un cambio na cultura política do país”. Sinalou que “resulta difícil de entender para calquera cidadán o mantemento de privilexios na esfera pública como é o uso de vehículos oficiais para o uso persoal de cargos de libre designación do goberno galego”.

Chamou a “tomar medidas edificantes e cambiar a cultura política deste país” reducindo os coches oficiais á mínima expresión”, e retou ao conselleiro de Presidencia, Alfonso Rueda, “aceptar a proposta socialista para limitar o coche oficial ao presidente e aos conselleiros, e eliminar o resto dos vehículos oficiais e de servizo que a Xunta ten asignado a centos de altos cargos e persoal de libre designación”.

O portavoz socialista defendeu que “nun contexto no que se lle piden sacrificios a moitos traballadores, a moitos sectores da nosa sociedade, o que se espera da Xunta son sinais claros de entender que se debe rematar con estes privilexios”. Dixo que cando o PP “está facendo recortes no profesorado e no persoal hospitalario ben poderían comezar por apoiar unha redución do 80 por cento dos centos de coches oficiais do Goberno galego”.

Retou así a Feijóo a “apoiar a mesma proposta que xa puxo en marcha Esperanza Aguirre na Comunidade de Madrid”, así como Extremadura ou Castela – León. Dixo que “si un ministro do goberno de Suecia pode viaxar en tren, transporte público colectivo ou vehículo propio, imaxino que un director xeral do goberno de Galicia tamén poderá facer o mesmo”.

Propuxo tamén “conxelar a adquisición de vehículos por leasing, renting ou compra directa por parte da Xunta no que resta de 2011 e durante o ano 2012 para non incrementar o gasto corrente e optimizar a flota de 2.248 vehículos do goberno”. Apostou así por reducir o gasto corrente no parque móbil do executivo coa ampliación do período de vida útil do parque móbil e propuxo as substitucións “ao superar os 300.000 quilómetros e de maneira xustificada”.

Parque Móbil excesivo

Dixo que esta medida “debera tomarse na Xunta e tamén debera de ampliarse ao resto de institucións estatutarias e ao conxunto da administración paralela” da Xunta de Galicia, que suman 107 vehículos, e dixo que si ben con esta medida “non se van resolver os problemas estruturais de financiamento da sanidade ou da axuda aos dependentes, remataríase cunha serie de privilexios que afastan aos representantes públicos da cidadanía”.

Lembrou que o parque móbil do goberno galego contaba a finais do ano 2010 con 2.228 vehículos, e propuxo reducir os 157 vehículos oficiais a un total de 30, aforrando 1,5 millóns de euros ao ano do total de 2 millóns que custan actualmente. Explicou que o obxectivo é “frear as malas prácticas na administración pública e cambiar a cultura política” para un uso mais eficiente dos recursos públicos.

Tamén defendeu a drástica redución dos 279 coches oficiais denominados de “servizo” e que son utilizados polo persoal de libre designación e altos cargos do goberno galego, sen ningún tipo de control”

Lage Tuñas considerou que “a flota de vehículos oficiais destinados ao transporte persoal dos altos cargos da Xunta e do conxunto da administración institucional de Galicia é moi numerosa e moi custosa e alcanza a directores/as xerais, secretarios/as xerais, delegadas/os territoriais, presidentes/as de empresas, axencias, fundacións e sociedades públicas e demais altos cargos da administración galega”.

Os socialistas defenden a supresión da meirande parte dos coches oficiais e de servizo que hai na Xunta de Galicia e limita o uso punto dun vehículo ou dous por Consellería para as tarefas que precisen realizar os altos cargos, que poderán dispoñer dun vehículo do parque móbil da Xunta –os denominados vehículos de incidencias- “cando sexa necesario para a realización de desprazamentos por razón do seu cargo, pero sen asignación fixa de vehículo”.

Antes, en Certo:

O Psoe reta ao PP a suprimir o 80% dos coches oficiais de altos cargos da Xunta

• O Psoe presenta unha moción neste sentido que podería ser aprobada no vindeiro pleno do Parlamento de Galicia. Deste xeito, só o presidente e os conselleiros terían coche oficial con condutor. 
• A comezos do ano 2009 había 2.248 vehículos no parque móbil da Xunta
• O deputado Lage Tuñas defende "a eliminación dos privilexios dos cargos de libre designación da Xunta" e cre "imprescindible que se acabe o espectáculo da existencia de centos de coches oficiais da Xunta mentres Feijóo realiza severos recortes en Educación e Sanidade"
• O socialista cre que con esta medida enviaríase "unha mensaxe edificante á cidadanía"

Santiago de Compostela, 21 de setembro de 2011. O portavoz da Área Institucional do Grupo Socialista, José Manuel Lage Tuñas, defendeu hoxe a “eliminación de privilexios na Xunta de Galicia” en canto ao uso de centos coches oficiais e de servizo dos que fan uso persoal altos cargos da Xunta e persoal de libre designación.

No vindeiro pleno do Parlamento debatirase unha proposición non de lei dos socialistas galegos destinada “a eliminar o privilexio de contar con coche oficial de centos de altos cargos do goberno de Galicia e das fundacións, sociedades públicas e entes depedentes da Xunta de Galicia”.

Lage Tuñas considera “imprescindible que se acabe co espectáculo da existencia de centos de coches oficiais na Xunta de Galicia mentras Feijóo fai severos recortes na educación e na sanidade”.

“O PP está facendo recortes no profesorado do ensino público, no persoal dos centros hospitalarios, pois mellor sería que comezaran por apoiar a nosa proposta para reducir nun 80% os centos de coches oficiais e de servizo que utiliza o persoal de confianza do goberno galego e os altos cargos da Xunta”.

Por un intre pensamos que Lage ía propoñer bicicletas oficiais. Se en Holanda poden, que tamén chove abondo, por que non en Galicia?

O Grupo Socialista que propón “a redución nun 80% dos vehículos oficiais cos que conta a Xunta de Galicia”, defende que “só os conselleiros/as e o presidente da xunta dispoñan de vehículo oficial con conductor”

Lage Tuñas reta ao Partido Popular a apoiar “unha iniciativa constructiva e edificante” que “persegue rematar cunha maneira de facer política”. O deputado socialista considera “imprescindible cambiar a cultura política e mandar unha mensaxe edificante para os cidadáns que esperan cambios nas formas de facer política por parte dos seus representantes públicos”.

José Manuel Lage considera que “esta medida debería de ampliarse ao resto de institucións estatutarias e ao conxunto da administración paralela” da Xunta de Galicia”.

O parlamentario socialista cree que “é indispensable tomar medidas reais e efectivas que signifiquen realmente un cambio na cultura política deste país, xa que é difícil de entender para calquera cidadán o mantemento de determinados privilexios na esfera pública como pode ser o uso de vehículos oficiais para uso persoal de cargos de libre designación do goberno galego.”

Inmenso parque móbil

O deputado do PSdeG explica que “a Xunta sigue dispoñendo dun inmenso parque móbil destinados ao uso persoal de altos cargos e persoal de libre designación da administracción autonómica, sin que o goberno galego teña posto freo a esta situación.”

Lage Tuñas defende que “nun contexto no que se lle piden sacrificios a moitos traballadores, a moitos sectores da nosa sociedade, o que se espera tamén da Xunta de Galicia é sinais claros de entender que se debe rematar con determinados privilexios dos que dispoñen moitos cargos de libre designación do goberno galego.”

Os socialistas galegos recordan que o parque móbil da Xunta de Galicia contaba a comezo do ano 2009 con 2.248 vehículos segundo se desprende de diferentes informacións da propia Xunta de Galicia.

Dende o PSdeG apúntase que “o goberno galego tense limitado a publicitar un cambio de marca de vehículos como mostra de austeridade, nunha clara maniobra de “marketing” que non aborda a necesaria racionalización do parque móbil da Xunta de Galicia. Quedou todo nunha operación cosmética”.

Despilfarro de 10 millóns de euros en automóbiles

José Manuel Lage recorda que nos dous primeiros anos de goberno, Alberto Núñez Feijóo como Presidente da Xunta de Galicia “gastou máis de 10 millóns de euros na adquisición de vehículos para o parque móbil da Xunta de Galicia a pesares de presumir de austeridade e facer publicidade engañosa de xeito permanente ao redor deste asunto.”

”Sabemos que a cantidade de recursos económicos que se vai aforrar non resolve as dificultades económicas que pode atravesar o País pero sí é un claro sinal de ter entendido o cambio necesario e urxente que demanda a sociedade, a mesma á que se lle pide sacrificios.”

Antes, en Certo:

• Política: Lage Tuñas propón aforrar 50 millóns eliminando chiringuitos da Xunta

• O solar afectado ía destinado a construír unha escola infantil que a Xunta deixou nun caixón
• O Concello pide máis de medio millón de euros fronte aos 126.000 que quere pagar a Xunta

Noia, 16 de setembro de 2011. Como consecuencia das obras de construción da estrada variante de poboación, a parcela de titularidade municipal situada no lugar dos Carballiños-A Barquiña, ficou completamente afectada polo trazado da mesma. A parcela en cuestión conta cunha superficie de 1.553 metros cadrados, sendo o destino da mesma, a nivel urbanístico, o da construción de equipamentos colectivos. No mandato pasado, o Concello de Noia iniciara os trámites para construir no lugar a escola infantil, unha Galescola -agora Galiña Azul- que pasou a "mellor vida" ante o cambio de goberno na Xunta.

As discrepancias manifestadas polo Concello diante da Consellería e do Xurado de Expropiación van en duas direccións, segundo explica o concelleiro nacionalista encargado do departamento de Urbanismo, Bieito González: "A primeira, fai referencia ao xusto prezo ofertado pola administración galega e a segunda, á petición de expropiación da totalidade da parcela en contra da proposta inicial que contemplaba só, a expropiación de 973 metros cuadrados, deixando os 580 metros restantes en poder do Concello, pero que xa non tería utilidade algunha xa que ficarían afectados pola franxa de servidume de protección da futura estrada", aclara.

Prezo desfasado

O prezo ofertado para expropiación de 123,59 €/metro cadrado está "absolutamente desfasado e non argumentado", argumenta Bieito González, e pola súa parte o Concello esixe un valor de 358,27 €/metro cadrado. Iso fai que a Xunta de Galicia só ofreza polas parcelas expropiadas 126.489,56 euros, mentres que o Concello de Noia "na valoración máis prudente" calcula o valor da parcela total en 553.365,92 euros. 

O Concello de Noia, con criterios de prudencia e no ánimo de manter unha correcta colaboración entre administracións asumiu o máis baixo dos criterios dos que dispuña para valorar a finca, "non tentando lucrarse da expropiación", asegura o nacionalista que dirixe a concellería de Urbanismo. A administración municipal baseouse para acadar o valor de 358,37 €/metro cadrado na valoración feita na Xunta de Compensación cando se desenvolveu a Unidade de Actuación nº11. Outros valores moi superiores saían calculalo en base ao convenio urbanístico do Eroski nesa unidade de  actuación onde o Concello vendeu o metro cadrado a 420 euros daquela data, ou calculando a repercusión da urbanización pola edificabilidade total saen cantidades superiores, ou incluso das expropiacións feitas polo Concello na mesma unidade de actuación tamén sairían datos superiores na valoración. 

O Concello de Noia reitera que "está pola colaboración entre administracións, e dada a prudencia nas actuacións municipais non é doado entender a negativa da Xunta de Galicia a atender as demandas plantexadas, tanto no relativo á expropiación total da finca como á valoración que do xusto prezo fan", remata Bieito González.

Click here to download:

11091612470 (plano expropiación parcela municipal).pdf (644 KB)

(download)

Click here to download:

11091612470 (plano expropiación parcela municipal).pdf (644 KB)

Pode que tamén lle interese:

• Noia: reunión co IGVS para facer edificio de promoción pública
• Noia: o atopado en Taramancos é un mero trámite para o Conselleiro de Medio Ambiente

• A portavoz de Pesca do Grupo Parlamentario dos Socialistas de Galicia, Marisol Soneira lembra que Galicia é “a primeira rexión marisqueira europea en canto á producción de bivalvos extraídos de bancos naturais”
• Subliñou que en Galicia hai 100 millóns de m2 adicados a bancos marisqueiros, donde se producen 7 millóns de quilos de ameixas e berberechos, e donde máis de 5000 persoas viven deste sector
• Preguntou por que a Xunta ten paralizado o maior proxecto de producción de semente de bivalvos en Ribeira?  E insistiu: “será para favorecer os intereses da empresa na que traballou o Señor Maneiro Cadillo?”

Ribeira, 8 de setembro de 2011. A portavoz de Pesca do Grupo Parlamentario dos Socialistas de Galicia, Marisol Soneira interviu hoxe na Comisión 8ª do Parlamento para reclamar á Xunta “recuperar e poñer en activo” as instalacións acuícolas destinadas á producción de semente de bivalvos que “como consecuencia da crise ou por causas alleas á súa propia actividade están paradas ou abandonadas”. A proposta foi rexeitada polo PP.

A portavoz de Pesca subliñou que en Galicia hai 100 millóns de m2 adicados a bancos marisqueiros, donde se producen 7 millóns de quilos de ameixas e berberechos, e donde mais de 5000 persoas viven deste sector. E lembra que Galicia é “a primeira rexión marisqueira europea en canto á producción de bivalvos extraídos de bancos naturais” . 

Nese senso a parlamentaria socialista lamentou “o bochornoso esperpento” deste verán sobre as previsións da Xunta para reinstalar e depurar no porto de Morás (Xove), marisco de zonas que superan os niveis de contaminación. Cualificou esta actuación como “unha mala película con moito luceiro e efectos especiais, cun guión de Maneiro Cadillo (Director Xeral de Competividade e Innovación) e baixo a dirección da Conselleira do Mar, Rosa Quintana, que semellaban ao filme “Paseando a Miss Daissy porque aquí paseouse a Miss Batea”, ironizou. Sobre este asunto a deputada criticou o “silencio absoluto” do Partido Popular.

Preguntou: por que a Xunta ten paralizado o maior proxecto de producción de semente de bivalvos en Ribeira? E insistiu en se “será para favorecer os intereses da empresa na que traballou o Señor Maneiro Cadillo?”.

Goletazo

Na súa intervención tamén fixo alusión a s irregularidades detectadas por Portos no proceso da compra das tres lanchas que substituíron á famosa “Goleta” de Feijóo, adxudicada polo anterior presidente de Portos de Galicia e secretario xeral de Organización do PP coruñés, Álvarez-Campana. Dixo que con esta nova revelación constátase o fracaso dos proxectos de recuperación de embarcacións impulsados pola Xunta.

Soneira reclama na iniciativa rexistrada que realizar os estudos necesarios que nos permitan coñecer as  nosas necesidades de semente de bivalvos a curto, medio e longo prazo. Estes estudos terán que estar elaborados antes de que remate o presente ano e as súas conclusións serán remitidas o Parlamento e ao sector. 

Liñas de apoio e subvencións  

Tamén solicita incentivos e liñas de apoio, axudas e subvencións específicas, a proxectos que teñan por finalidade a investigación, producción e cultivo de semente de bivalvos, priorizando as iniciativas promovidas por colectivos, empresas e organismos do propio sector productivo e dos equipos de investigación vinculados ás universidades e dos centros de investigación dependentes da Administración.   

Soneira demanda ademais establecer un programa específico que promova a creación de minicriadoiros, polo menos, en cada unha das rías galegas, dependentes das agrupacións de mariscadores, e coa capacidade suficiente para auto abastecerse de semente de bivalvos con destino ás súas propias concesións e que permitan, potencialmente, vender os excedentes. A Xunta de Galicia asinará convenios para o mantemento económico dos proxectos e a viabilidade técnica.  

Solicita que a Xunta de Galicia incremente os controis e vixilancia para impedir a chegada aos nosos bancos marisqueiros de especies non autorizadas, ou en malas condicións sanitarias ou biolóxicas. 

E por ultimo reclama establecer liñas de subvención e axuda, con carácter de urxencia, que se destinen a recuperar e poñer en activo instalacións acuícolas, que hoxe quedan abandonadas e incluso en estado ruinoso, para destinalas á producción de semente de especies de interese marisqueiro,  ou de proxectos  de investigación relacionados coa mesma finalidade. 

O Goberno de Feijóo descoñece esta actividade 

A portavoz de Pesca advirte que as “carencias” no esforzo da Xunta de cara ao I+D+i destas produccións “que involucran no seu contorno a un número importante de actividades que xeran actividade económica e emprego moi cualificado”. Apunta que o Goberno galego “parece descoñecer que cada euro investido no desenvolvemento desta actividade ten retornos económicos, laborais e científicos que poden supor unha revolución para o futuro da acuicultura”.

Click here to download:

6 PNP semente bivalvos 040711 MARISOL 66743-asinado.pdf (119 KB)

(download)

Click here to download:

6 PNP semente bivalvos 040711 MARISOL 66743-asinado.pdf (119 KB)

• O portavoz da área institucional do Grupo Socialista, José Manuel Lage Tuñas, participou en Cerceda (A Coruña) no III Xantar pola visibilidade Rural LGTB que organiza o Grupo LGTB do PSdeG-PSOE
• Lage di que o modelo de sociedade que defendo o PP "priva de dereitos ás persoas en función da súa orientación sexual e nas eleccións do 20N están en xogo as conquistas dos últimos anos no terreo dos dereitos e liberdades dos cidadáns. O PP opúxose a todas as leis que significaron ampliación de dereitos sociais"

Barbanza-Noia, 5 de setembro de 2011. O grupo de Gais, lesbianas, transexuais e bisexuais do PSdeG-PSOE celebrou o seu "III XANTAR RURAL POLA VISIBILIDADE RURAL LGTB" no concello de Cerceda, na área recreativa de Portobrea, na parroquia de Queixas, a pasada fin de semana.

Con este acto o grupo LGTB do Partido dos Socialistas de Galicia quere tamén dar apoio a todalas mulleres lesbianas, homes gais e transexuais que viven o seu día a día nas aldeas e vilas do rural galego. Este Grupo do PSdeG quere revindicar a loita diaria que fan todas as persoas homosexuais, transexuais e bisexuais que viven no noso rural. En especial ás persoas que son acosadas pola homofobia.

O deputado socialista José Manuel Lage amosoulles o seu apoio “polo gran traballo que están a facer para que as leis e o traballo institucional teña reflexo real na sociedade e poder así superar vellas pantasmas e a rancia homofobia aínda existente en diferentes ámbetos sociais”.

Lage Tuñas durante a súa intervención no citado acto afirmou que “nas vindeiras eleccións do 20-N están en xogo as conquistas dos últimos anos no terreo dos dereitos e liberdades dos cidadáns. E cabe recordar que o PP opúxose a tódalas leis que significaron ampliación de dereitos sociais”

O deputado do PSdeG entende que “o modelo de sociedade que defende o PP priva de dereitos ás persoas en función da súa orientación sexual”. Nesta liña recordou que o actual presidente da Xunta, Alberto Núñez Feijóo “apoia co seu silencio o recurso do PP ante o Tribunal Constitucional contra os matrimonios homosexuais”.

“O Sr. Feijóo e o Sr. Rajoy fixeron oídos xordos ás constantes peticións dos grupos LGTB de todo o estado para que o PP retirase o recurso diante do Tribunal Constitucional contra os matrimonios homosexuais”, explicou José Manuel Lage.

Pasos atrás do PP

Os socialistas galegos tamén foron moi duros coas decisións tomadas no ámbeto parlamentario galego pola maioría absoluta do Partido Popular “coa aprobación de lei como a da REDE MADRE, contraria aos dereitos das mulleres ou coa Lei de Familia, un paso atrás no recoñecemento da sociedade plural e diversa na que vivimos”.

Lage Tuñas recordou na súa intervención no III Xantar pola visibilidade Rural LGTB do PSdeG-PSOE que “en Galicia o Partido Popular aprobou unha lei de familia retrógrada, claramente involucionista, que mereceu a reprobación do Consello Económico e Social, por negar a realidade social e polo seu carácter regresivo e patriarcal, tentando recortar dereitos á muller”.

O dirixente socialista destacou tamén que “nos últimos oito anos en España tense avanzado de xeito importante na ampliación e recoñecemento de dereitos, sempre da man do Partido Socialista”.

Así, destacou “a aprobación en Xuño de 2005 da Ley que modificou o código civil para permitir o matrimonio entre persoas do mesmo sexo e a adopción conxunta. Cabe recordar que máis de 20.000 parellas en España ya exerceron este dereito”.

“Tamén a aprobación da LOE, da asignatura de Educación para a Cidadanía, da Lei de identidade sexual que recoñece a dignidade das persoas transexuais ou a creación de Unidades e Servizos de Referencia para o cambio de sexo se teñen materializado nestes últimos oito anos”, rematou.

Antes, en Certo:

• Política: Lage Tuñas propón aforrar 50 millóns eliminando chiringuitos da Xunta