• Custará facelo máis de 750.000 euros

(download)

Click here to download:

Noia_construirn_un_novo_tanato.zip (849 KB)

Equipamento previsto

O edificio consta de tres plantas: soto, planta baixa e primeiro andar. Na planta baixa o tanatorio pretende dar uso simultáneo ás cinco salas de velorio coa súa correspondente cámara de exposición de cadáveres. No primeiro andar deseñáronse dúas salas para a celebración, tanto de actos relixiosos como civís, así como un espazo destinado a área administrativa. 

A planta soto estará dividida nunha zona de garaxe, a sala de tanatopraxia, un almacén de féretros e vestiarios para o persoal de servizo. O programa de distribución do tanatorio diferencia claramente dous percorridos ou espazos de funcionamento diferenciado: o do difunto coa súa preparación con persoal especializado, situado na planta soto e parte traseira da planta baixa e a do público en xeral que en ningún momento interrelacionan nin entran en contacto visual salvo nas cámaras de exposición. O inmoble contará con dous vestíbulos cunha superficie total de 175 metros cadrados.  

O aparcamento ocupa o resto da parcela cunha capacidade de 35 vehículos, incluíndo prazas adaptadas a minusválidos e prazas para autobuses.  

 Cabe salientar que a empresa promotora cede un total de 466 metros cadrados para adaptar as instalacións ás alineacións establecidas pola actual normativa urbanística municipal, ao tempo que está obrigada á súa urbanización.

Pode que tamén lle interese:

• Noia: o martes 31 de xaneiro, asemblea de socios do Liceo

forodaterragalega.com/galego_del_ano… Un noiés, "Galego do Ano" para Foro da Terra Galega en Catalunya

— Certo (@Certo) January 28, 2012

Barbanza: os concellos de Arousa Norte acordan poñer en marcha un programa cultural conxunto post.ly/52GVk

— Certo (@Certo) January 30, 2012

Noia: o Concello busca incrementar ingresos coas novas taxas para caixeiros automáticos e antenas de telefonía post.ly/52GS7

— Certo (@Certo) January 30, 2012

Natureza: Adega pide o cesamento de García-Borregón pola desfeita da lagoa da Frouxeira post.ly/52HTD

— Certo (@Certo) January 30, 2012

Noia, 18 de xaneiro de 2012. A concelleira de Medio Rural noiesa, Marisol Villar Ageitos, informou hoxe que o concello de Noia destinará o orzamento do PEIM (Plan Estratéxico de Infraestruturas Municipais) a diversas melloras no lugar de A Igrexa en Argalo. 

      Marisol Villar Ageitos considera que "debemos ir completando os servizos do noso rural, e cun orzamento de 43.176,73 € do PEIM o concello de Noia poderá dotar de novos servizos municipais á aldea de A Igrexa, renovando as instalacións e adoquinando zonas viarias que neste momento se atopan nun estado moi deteriorado". 

      Estas obras permitirán ir completando outras intervencións no lugar de A Igrexa, algunhas  xa rematadas, como o urbanizado diante da igrexa parroquial  cun orzamento de 72 mil euros a través do mesmo plan PEIM financiado pola consellería de Medio Rural e polo MARM e que permitiu adoquinar a zona, ou como as obras que se están realizando de mellora do acceso á aldea cun orzamento de 75 mil euros (financiado pola Deputación Provincial de A Coruña) e que neste intre está en execución e que permitirá anchear a estrada de acceso ao lugar de A Igrexa e dotala de servizos.

Campo de herba artificial

Por outra banda, o alcalde informou de que tamén deu comezo a parte que atinxe ao saneamento para preparar o campo de herba artificial que se vai construír ao pé do outro en San Lázaro.

Pode que tamén lle interese:

• Noia: "Sen mirar atrás", expo de cómic ata o 22 de xaneiro

• Solidaridade:  o festival solidario pro Paula recadou 5.560 euros. Fotos e vídeos do inicio

• Noia: "Libros para habitar", por Baldo Ramos, no Liceo
  

• Noia: este luns 16 de xaneiro abre prazo para o programa "Vacacións en paz"

• Afecta entre o punto quilométrico 73+250 e o 103+500 e mellorarase o estado do firme
• A Xunta di que beneficia aos preto de 63.000 veciños dos concellos de Noia, Porto do Son, Ribeira e Pobra do Caramiñal

Barbanza e Noia, 4 de xaneiro de 2012.- A Consellería de Medio Ambiente, Territorio e Infraestruturas licitou onte por 1.347.821,84 euros as obras de rehabilitación do firme da estrada Cee-Ribeira (AC-550), ao longo de 30 quilómetros.

O obxectivo destas obras será mellorar as condicións de comodidade e seguridade da estrada mediante a reparación do firme, debido ao elevado desgaste do mesmo. As obras levaranse a cabo entre os puntos quilométricos 73+250 e 103+500; coa fin do conseguir unha execución mais áxil dividíronse as actuacións en dous subtreitos: desde o PK 73+250 (Noia) ao 84+000 (intersección coa CP-7101 a Nebra), cun orzamento de 657.302 euros, e do PK 84+000 ao 103+500 (Ribeira), cun investimento de 690.519 euros.

A reposición da capa de rodadura permitirá mellorar as condicións de conservación do vial. A actuación complementarase coa reposición das marcas viarias horizontais e de sinais verticais.

A Xunta analizou o estado do pavimento en cada un dos treitos, e concluíuse que nas zonas de travesía a capa de rodadura atópase moi deteriorada, polo que non será posible selar o pavimento e será necesario realizar un fresado e eliminar a capa de rodadura de todo o carril de circulación, para posteriormente repoñer o firme eliminado estendendo unha nova capa de mestura bituminosa.

Fora das travesías, realizarase un fresado e reforzo do firme das zonas agretadas, e estenderase posteriormente un microaglomerado en frío para mellorar as características superficiais do firme. O fresado aplicarase en anchos mínimos de 1,5 metros para asegurar unha compactación óptima.

Ribeira, 4 de xaneiro de 2012.- O Concello informa de que esta semana deu inicio a actuación pola cal a estrada de Deán Grande, situada na cidade ribeirense, vai ver renovados os seus servizos urbanos de saneamento. O importe da actuación ascende a un total de 121.630,80 euros e o prazo de execución é de tres meses. A empresa Río Sieira, S.L., é a encargada de executar as obras. 

Na actualidade, na estrada a Deán Grande existe xa unha liña de saneamento pero cunha profundidade que resulta insuficiente para que as acometidas das vivendas fagan a súa función todo o ben que deberían. Por tal motivo, o Executivo Local propúxose instalar unha nova rede de saneamento a maior profundidade, de tal xeito que se lle podan dar maior desnivel ás acometidas e o sistema de saneamento funcione con total corrección. 

A tubaxe que se situará  na zona de actuación contará cunha lonxitude de 200 metros e estará feita de PVC compacto. O pavimento afectado pola execución das obras serán reposto mediante a extensión dunha base de 25 centímetros de formigón en masa, sobre o que se aplicará unha mestura bituminosa de 8 centímetros de espesor.

Certo
O Xornal Dixital de Barbanza e Noia
OLLO!! PÁXINA DE SEAREIROS EN FACEBOOK: http://www.facebook.com/xornalcerto
Xa hai máis de 5.600 lectores. ÚNETE!!

Ribeira, 22 de decembro de 2011- A empresa concesionaria do servizo municipal de limpeza, Urbaser, comunica que os vindeiros días sábado 24 e sábado 31 de decembro, con motivo da celebración da Noiteboa e Nadal, o horario de recollida de lixo na cidade de Santa Uxía de Ribeira terá lugar entre as 14 e as 19 horas. 

Doutra banda, o Punto Limpo permanecerá pechado nas tardes dos dous días indicados.

Apertura provisional de Cristóbal Colón ata pasados os Reis

A Coruña, 8 de decembro de 2011.- A delegada territorial da Xunta na provincia, Belén do Campo, e o alcalde de Porto do Son, Luís Oujo, asinaron o documento de conformidade para a concesión da subvención destinada á realización de varias actuacións para a mellora do sistema de abastecemento de auga do municipio, co fin de evitar problemas de subministro nas épocas de maior incremento da poboación.

Os traballos foron financiados integramente polo Goberno galego, a través da Consellería de Presidencia, Administracións Públicas e Xustiza. Do Campo comprobou o resultado das obras, para as que o Executivo autonómico aportou 127.421 euros a través do Fondo de Compensación Ambiental.

O proxecto consistiu na modificación das instalacións da Estación de Tratamento de Auga Potable (ETAP) e no acondicionamento do depósito regulador. Para iso, levouse a cabo a instalación de tres grupos motobombas, substituíndo os existentes, como aceleradores do caudal afluente do depósito regulador da auga bruta. Ademais, acometéronse labores de mantemento do depósito, coa renovación de filtros e válvulas en mal estado.

Do Campo destacou o apoio do Goberno autonómico aos Concellos e, no caso de Porto do Son, agradeceu a colaboración do rexedor, que permitiu levar a cabo diversos proxectos para mellorar a calidade de vida dos veciños e veciñas. A delegada territorial expresou a súa disposición a manter “todo o diálogo e cooperación” co Executivo local para seguir incrementando o benestar dos cidadáns.

Pode que tamén lle interese:

Obradoiro de compostaxe: o sábado 10 de decembro en Muro

Antes, en Certo:

Campaña: o punto limpo, "vendido" dúas veces en 8 días

• Trátase de Aguiño, Castiñeiras e Corrubedo

Aguiño

Ribeira, 1 de decembro de 2011. O Concello adxudicou esta semana tres importantes actuacións dirixidas á humanización e recuperación dos núcleos  históricos das parroquias de Aguiño, Castiñeiras e Corrubedo. Concretamente, as obras que se van afrontar son a pavimentación e renovación de servizos na praza da Igrexa de Aguiño e rúa adxacente; pavimentación e renovación de servizos na rúa do Alto do Rial e na rúa do Alto da Fonte (ambas situadas na parroquia de Castiñeiras); e pavimentación, saneamento e renovación de pluviais nas rúas do Torreiro, Bandiarrego, Fonte Nova e transversal a Fonte Nova en Corrubedo. 

Todas estas actuacións están enmarcadas no Plan Provincial de Obras e Servizos 2011 da Deputación de A Coruña, cuxo orzamento ascende a 573.834,34 euros. O montante resultante das tres accións, que se incardinan no POS principal, é de 387.068,32 euros, e dado que se acadou unha rebaixa substancial de practicamente 186.000 euros no proceso de licitación, o Executivo conta cun amplo marxe de manobra para o POS complementario. 

Aguiño

No que respecta á  actuación localizada en Aguiño, a praza da Igrexa presenta actualmente un pavimento de formigón e no caso da rúa adxacente, presenta pavimento asfáltico na calzada e pavimento de formigón nas beirarrúas, bastante deterioradas polo paso do tempo.  

Coa actuación preténdese mellorar o aspecto e humanizar a zona en cuestión, proporcionando un acabado de pedra acorde co entorno. Para alcanzar este obxectivo, pavimentarase con lousas de granito abuxardado e adoquín de granito a zona de actuación, ademais de substituír as tubaxes de saneamento de auga existente por outras de polietileno de alta densidade, instalar un novo colector para fecais de PVC e dispoñer un colector de PVC de pluviais. Tamén se cambiará toda a rede aérea de alumeado público por canalización soterrada a fin de lograr un menor impacto visual. 

O orzamento final da actuación é de 114.052,90 euros e o prazo de execución é de 3 meses. Realizaraa Nemesio Ordóñez, S.A. 

Castiñeiras

En canto á acción prevista en Castiñeiras, cabe salientar que o núcleo urbano desta parroquia está formado por un conxunto de rúas de trazado irregular e anchura variable. A actuación céntrase en dúas destas rúas: Alto do Rial e Alto da Fonte, bastante estreitas e cun pavimento de formigón deteriorado. Ademais, a rede de abastecemento é de fibrocemento e non existe rede separativa de alcantarillado. 

Así e logo, as obras que se van realizar pretenden continuar coa recuperación do centro histórico da parroquia e a renovación dos servizos existentes. Deste xeito, pavimentaranse as dúas vías con lousas de granito combinadas con adoquíns de granito abuxardado. Substituiranse as tubaxes de abastecemento de auga existentes por outras de polietileno de alta densidade, colocaranse colectores de PVC liso para os residuos fecais e colectores de PVC corrugado para as augas pluviais. Tamén se cambiará a rede aérea de alumeado público por canalización soterrada. 

O orzamento é de 151.976,90 euros e o prazo de execución é de 4 meses. Serinfra S.A. será a encargada de acometer a obra. 

Corrubedo

No relativo a Corrubedo, as rúas do Torreiro, Bandiarrego, Fonte Nova e transversal a Fonte Boca son vías que posúen numerosas vivendas nas súas marxes e rexistran unha grande afluencia de peóns para acceder ás praias da zona. O firme das rúas está formado por pavimento de formigón, bastante deteriorado nalgúns puntos. Non existe rede separativa, descorrendo as augas fecais e pluviais por un único colector.  

Co fin de adecuar e humanizar a zona de actuación, vaise demoler o pavimento existente e colocar lousas de granito combinadas con adoquíns de granito abuxardado. Ademais, disporanse colectores de PVC compacto para residuos fecais e colectores de PVC corrugado para augas pluviais.

O orzamento desta actuación ascende a 121.038,90 euros e o prazo de execución é de 4 meses. Faraa a empresa Nemesio Ordóñez.

Read the rest of this post »

Ribeira, 22 de novembro de 2011.- O Concello asegura que vai investir 89.144,40 euros no saneamento dun camiño de conexión dos lugares de Ameixida e O Touro. 

Con esta obxectivo, técnicos do Concello xa elaboraron o correspondente proxecto co obxecto de sacalos de inmediato a concurso público. O prazo de execución é de tres meses. 

Actualmente o citado camiño presenta unha traza bastante irregular, con pavimento de formigón nalgún tramo e de terra noutro. En toda a zona de actuación, os colectores de pluviais e fecais están moi deteriorados e están feitos nun material que apenas se emprega na actualidade para este tipo de instalacións. Asemade, a tubaxe de abastecemento de auga é de fibrocemento. 

O obxectivo fundamental perseguida coa actuación é a renovación dos servizos urbanos de auga potable, saneamento e pluviais, utilizando materiais que si se usan a día de hoxe, tales como tubaxes de PVC para fecais e pluviais e tubaxes de polietileno de alta densidade para auga potable. 

Unha vez realizada a demolición dos pavimentos existentes, rematarase o camiño cun pavimento de mestura bituminosa en quente no tramo con máis pendente, e zahorra artificial compactada no resto da vía, que se corresponde co tramo máis estreito e con menos pendente, harmonizando así co entorno no que se actúa. En gran parte do camiño existen masas rochosas que é preciso demoler en parte para a aplicación do novo pavimento. 

A actuación será  acometida con cargo ao canon de saneamento derivado da adxudicación do servizo municipal de augas.

Lixó e Gándara

Ribeira, 16 de novembro de 2011. O Concello informou hoxe do vindeiro investimentos de  280.000 euros para establecer saneamento en dous lugares situados na parroquia de Oleiros: concretamente os núcleos de Gándara e Lixó, que actualmente carecen deste servizo. 

Con esta obxectivo, técnicos do Concello xa elaboraron os correspondentes proxectos co obxecto de sacalos de inmediato a concurso público. 

Polo que respecta ao lugar de Lixó, a actuación prevista ascende a un montante de 171.015,37 euros e ten un prazo de execución de catro meses.  

Instalarase unha tubaxe de 1.166 metros de lonxitude de PVC compacto ademais de 36 pozos de rexistro, dos cales 30 irán a 1,70 metros de profundidade e 6 a 2,50 metros. 

En canto a Gándara, o importe da obra é de 108.506,99 euros e ten un prazo de execución de dous meses.  

A tubaxe que será  instalada (tamén de PVC compacto) terá unha lonxitude de 474 metros e colocaranse 16 pozos de rexistro, 7 a unha profundidade de 1,70 metros e 9 a 2,50 metros. 

Ambas actuacións están feitas con cargo ao canon de saneamento derivado da adxudicación do servizo municipal de augas.

Pode que tamén lle interese:

Tráfico: o alcalde pide seguridade na estrada de Oleiros

Airoas: o obradoiro de emprego cumpre mellor ca os políticos

Obradoiro: dores neuropáticas e fibromialxia. O mércores 23

Xuntos polo Nadal: prazo para anotarse ata o 30 de novembro