(download)

Click here to download:

Poltica_formalizouse_o_partido.zip (9.94 MB)

Outes, 17 de abril de 2012. O pasado sábado, 14 de abril, tivo lugar en Outes a primeira asemblea da Agrupación local de +Galiza para formalizar a constitución do grupo en Outes. Entre os asistentes estaban a maioría dos que xa o facían ata o de agora nas distintas reunións que o grupo nacionalista levaba a cabo con regularidade, xa que o conxunto das persoas que están a traballar segue a ser practicamente o mesmo, pero xa se puido ver algún rostro novo que se uniu á formación de cara a esta nova andaina.

Entre os puntos que se atopaban na orde do día estaban a elección do responsable local da agrupación así coma a do seu portavoz. Foi elixido por unanimidade dos asistentes Xosé Manuel Ramos Caamaño como responsable local e quedou como portavoz Xosé Ramón Riomao.

Dentro duns días a Agrupación Local de +Galiza presentarase diante dos veciños para expoñerlle as novidades da agrupación e os seus proxectos municipais nun acto de carácter participativo no que se lle dará voz á xente, escoitándoa e respondendo ás preguntas que se formulen.

Antes, en Outes:

• Política: "Terra de Outes", preocupada polo posible auxe do fascismo

Click here to download:

BASES_CERTAME_POESIA_2012.pdf (60 KB)

(download)

Click here to download:

BASES_CERTAME_POESIA_2012.pdf (60 KB)

Pode que tamén lle interese:

Ano Añón: comeza coa entrega de premios do deseño do logotipo da efeméride

Outes, 6 de febreiro de 2012. O vindeiror sábado 11 de febreiro, ás 12 da mañá, a asociación Terra de Outes vai levar a cabo a inauguración do Muíño Grabiel, cuxa restauración levou a cabo coa axuda da Deputación da Coruña.

• Francisco Añón Paz naceu hai 200 anos en Boel, Outes, un 9 de outubro
• A alumna gañadora é escolar do colexio da Serra de Outes. Houbo un accésit, que recaeu en Nerea Cambeiro

Outes, 9 de xaneiro de 2012. O pasado sábado, 7 de xaneiro, no transcurso do festival musical que, organizado polo Concello de Outes, se celebrou na Casa da cultura da Serra, tivo lugar a entrega do premios á gañadora do certame convocado polo propio Concello para o deseño dun logotipo destinado a ser a imaxe representativa do Ano de Añón, con motivo da conmemoración neste ano 2012 do 200 aniversario do nacemento do poeta outense Francisco Añón.

O concurso, que estaba dirixido á poboación escolar de Outes, foi gañado por Clara Caamaño, alumna de 6º de Primaria do Colexio da Serra de Outes, a cal recibiu da man do Concelleiro de Cultura, Manuel García, o vale de 200 € canxeables por material escolar ou deportivo, con que estaba galardoado o premio.

No mesmo acto, tamén foi agasallada cun premio de 50 € a alumna do Colexio do Cruceiro de Roo Nerea Cambeiro, gañadora do único accesit concedido polo xurado, formado éste por representantes de todas as asociacións culturais, veciñais e musicais que van participar na celebración de charlas, recitais, concertos e outras actividades que van ter lugar ao longo do presente ano e culminarán no mes de outubro nun acto solemne coa presencia de autoridades municipais, da Xunta de Galicia e da Real Academia Galega.

Informou desta actividade Xoán X. Mariño, presidente da asociación cultural "Terra de Outes" e comisario designado polo Concello de Outes para a organización do Ano Añón.

Quen era e que fixo Francisco Añón Paz?

Consulte na Galipedia, aquí

 

Antes, en Certo:

• Outes: piden que a Cidade da Cultura se chame "Isaac Díaz Pardo"

Certo
O Xornal Dixital de Barbanza e Noia
OLLO!! PÁXINA DE SEAREIROS EN FACEBOOK: http://www.facebook.com/xornalcerto
ÚNETE!!

O prezo da inscrición será de 50 euros por equipo, que disputarán un mínimo de dous partidos na fase previa de grupos. Poderase efectuar a inscrición de forma electrónica solicitando información no correo electronico maratonoutes@gmail.com ou através da páxina web www.maratonoutes.es.tl.

Se o prefiren, o teléfono de contacto é o 616538589. Os premios serán en metálico: para o primeiro clasificado un premio de 450€ mais un trofeo e o segundo clasificado levará 250 €uros. 

Aseguran os organizadores: "Non se trata dun maratón calquera, xa que os beneficios vanse destinar a unha asociación do concello para realizar distintos actos culturais, deportivos ou de ocio. Dende a organización queremos agradecer a todas as empresas do concello que contribuíron a realización de dito campionato.

Outes, 9 de novembro de 2011. Este venres día 11 de novembro a partir dás 22:00 celébrase o Magosto do Freixo. O lugar elixido será o campo de fútbol de Mosteiro.

Outes, 17 de outubro de 2011. A pasada semana celebrouse en Outes a V Muiñada, unhas xornadas de exaltación do patrimonio cultural que a Asociación "Terra de Outes" adicou ao escritor Álvaro Cunqueiro no seu centenario (naceu en 1911 en Mondoñedo, Lugo).

Serafín Marcos é maratonista ademais de performer e actor

O sábado 12, no Centro Social da Serra, o noiés Serafín Marcos fixo un performance sobre dous poemas do escritor mindoniense e, a continuación, o catedrático de Lingua e Literatura Galega, Manuel G. Sendón, deu unha charla a unhas 25 persoas sobre a poesía do citado escritor e, por último, Ramón Blanco, secretario da Asociación, presentou o novo número da revista "Terra de Outes", que inclúe un suplemento adicado a Cunqueiro que asinan o propio Ramón Blanco, Manuel G. Sendón, María Liñeira, lectora na Universidade de Oxford e Sara Gil e Laura López, estudantes de secundaria.

O 15 de outubro, namentres en Outes falaban de Cunqueiro, na terra deste:

• Sociedade: 15O de Indignados en Ribeira, 15O de manipulados en Mondoñedo

Pode que tamén lle interese:

• Muros-Noia: Greenpeace reaviva esperanzas fronte á teimudez da Xunta cos salmóns engaiolados

• Muros-Noia: Greenpeace, contra as gaiolas de salmón

Outes, 13 de outubro de 2011. A asociación cultural “Aquelar” de Outes esta a organizar unha ruta de sendeirismo que terá lugar o vindeiro sábado día 15. O roteiro escollido será a que vai dende Albán (Rates) ata o merendoiro do Monte Tremuzo e que durará aproximadamente unhas 4 horas. A saída está programada para ás 10:00. 

O obxectivo desta andaina é promocionar as rutas de sendeirismo que ten o Concello e que "están sen explotar pola corporación municipal", aseguran dende esta novísima asociación. 

Tamén na reunión que tiveron a pasada semana acordouse un achegamento "a todas as asociacións do Concello coa fin de realizar actividades comúns para así garantir o éxito". Unha delas será o magosto, que aínda está pendente de programar. 

Animan a todo o mundo a que acuda a esta cita, a pasar un día de lecer polo Concello de Outes.

Dende Certo animámolos ese día a cambiar o mundo. Tamén aos de Outes.

Pode que tamén lle interese:

• Cultura: o 15 de outubro, Voltamos a Castelao ou imos á rúa?

• Outes: Cunqueiro, protagonista tamén o  sábado 15

Rianxo

Rianxo e Outes, 11 de outubro de 2011.- A delegada territorial da Xunta, Belén do Campo, asinou esta mañá os documentos de conformidade para a concesión das subvencións destinadas ás obras de reforma levadas a cabo nas casas consistoriais de Rianxo e Outes. Estas actuacións foron cofinanciadas pola Xunta de Galicia, a través da Consellería de Presidencia, Xustiza e Administracións Públicas. En total, o Goberno galego destinou 705.000 euros aos dous proxectos.

Do Campo desprazouse en primeiro lugar ao Concello de Rianxo, onde foi recibida polo alcalde, Adolfo Muíños. A máxima representante do Executivo autonómico supervisou o resultado da actuación, na que a Xunta investiu 255.000 euros, repartidos en catro anualidades. As obras consistiron na construción dun novo edificio administrativo para trasladar varias oficinas municipais debido a falta de espazo detectada na casa consistorial. Ambos inmobles conectáronse a través dun corredor interior, o que tamén permitiu mellorar as condicións de accesibilidade coa instalación dun ascensor.

A delegada territorial tamén se trasladou a Outes. Alí, o proxecto contemplou a renovación das instalacións respectando as antigas fachadas e recuperando un antigo semisoto, o que permitiu duplicar a capacidade do edificio.

A esta acción o Executivo autonómico dedicou 450.000 euros, co obxectivo de protexer o patrimonio arquitectónico da vila á vez que se satisfacían as necesidades do municipio en canto a espazo e modernización dos servizos.

Visita institucional

A delegada aproveitou a súa estancia na localidade para manter un encontro de traballo co rexedor, Carlos López Crespo, e coñecer de primeira man as necesidades dos veciños. O alcalde trasladoulle as demandas do concello, mentres que Do Campo ofreceuse a estudialas e a traballar de maneira intensa para satisfacelas no menor prazo de tempo posible.

No transcurso da reunión, a máxima representante do Goberno galego na provincia destacou o compromiso da Xunta coa creación de emprego e lembrou que o Concello de Outes conta este ano cunha subvención de preto de 192.500 euros para a contratación de 18 persoas desempregadas para a realización de obras e servizos de interese social. A totalidade dos contratos son a xornada completa.

Trátase dos fondos achegados pola Consellería de Traballo e Benestar aos concellos a través do Plan de Cooperación, que este ano incrementou a partida para Outes en máis de 66.600 euros.

A desta mañá foi unha visita institucional enmarcada na rolda de contactos iniciada pola delegada da Xunta na Coruña dende que tomou posesión do seu cargo, momento no que se comprometeu a visitar os 94 municipios da provincia. Do Campo trasladoulle ao rexedor “todo o apoio, diálogo e cooperación do Goberno autonómico para traballar de xeito coordinado á hora de satisfacer as demandas dos veciños”.

Outes, 19 de setembro de 2011. Este sábado día 24 de setembro vaise celebrar na pista polideportiva de Portosiavo, no Freixo, a I Festa da Mocidade. Contarán, explican os organizadores, coa participación do grupo músical MASTER e ademais, para animar a verbena, estará presente unha discoteca móbil que terá entretidos aos máis bailóns ata altas horas da madrugada.

HORARIOS:
O grupo Máster empezará a súa función a partir das 22:30 para logo dar paso á discoteca portátil até as 7:00 da madrugada. Nin que dicir ten que a organización convida a todo o mundo a acudir a esta cita festeira.