• A presentación en Noia será o vindeiro venres 9 de marzo

Noia, 22 de febreiro, enterro da sardiña, de 2012. A editorial rexentada polo poeta de Noia e membro do Colectivo Literario Sacou,  Manuel L. Rodrigues, vén de dar a coñecer a saída a librarías do número 2 da súa colección de poesía. Acha Escrava porá á venda o poemario "Diáspora". Trátase da última obra da poeta estradense e residente en Vigo María N. Soutelo, a cal foi gañadora, na edición de 2007, con "Código poético", do XX Premio de Poesía Eusebio Lorenzo Baleirón, convocado polo Concello de Dodro. 

A prologuista do libro é a tamén poeta Rosa Enríquez. 

As tres primeiras presentacións do libro serán as seguintes: 

- 27 de Febreiro ás 19:00:  Santiago de Compostela, na Biblioteca Anxel Casal

- 5 de Marzo ás 20:00:  A Estrada, no edificio MOME (Museo do Moble e a Madeira da Estrada)

- 9 de Marzo ás 20:00: Noia, na Casa da Cultura Antón Avilés de Taramancos 

Quen é María N. Soutelo? 

María N. Soutelo, nada en Pontevedra en 1982, é licenciada en Historia pola USC. Participou no proxecto literario "AugasVerso", folla voandeira de poesía do Concello de A Estrada, e na coletánea Poesía Contemporánea Tabeirós-Terra (Edicións Fervenza, 2005). No ano 2008, veu a luz o seu primeiro poemario Código Poético (XX Premio de Poesía "Eusebio Lorenzo Baleirón", Concello de Dodro ), da man da editorial Sotelo Blanco 

Información sobre "Acha Escrava": http://achaescrava.blogspot.com

Noia: Cruz Vermella organiza varios cursos relacionados co sector sanitario post.ly/5n3lY

— Certo (@Certo) March 5, 2012

Noia: Cruz Vermella organiza varios cursos relacionados co sector sanitario post.ly/5n3lY

— Certo (@Certo) March 5, 2012

Se a obra de Rosalia de Castro fose divulgada no seu tempo, hoxe, no canto de marxistas-leninistas, seriamos marxistas-rosalistas #auuu

— Paco Rodríguez ☭★ (@pacoupg) February 24, 2012

Literatura: prazo ata o 9 de abril para presentarse ao certame poético "Francisco Añón" de Outes post.ly/5WOma

— Certo (@Certo) February 22, 2012

Click here to download:

BASES_CERTAME_POESIA_2012.pdf (60 KB)

(download)

Click here to download:

BASES_CERTAME_POESIA_2012.pdf (60 KB)

Pode que tamén lle interese:

Ano Añón: comeza coa entrega de premios do deseño do logotipo da efeméride

Noia, 27 de xaneiro de 2012.  Este domingo 29 de xaneiro representarase o happening "liberación" na praza do Cantón de Noia de 12 do mediodía a unha e media da tarde.
 

(download)

Click here to download:

Dodro_Isaac_Xubn_gaa_o_premio_.zip (4.42 MB)

Logo do fallo do premio houbo a tradicional ofrenda floral na tumba do poeta dodrense

Dodro, 10 de decembro de 2011. Hoxe tivo lugar o fallo do XXIV Premio de Poesía Eusebio Lorenzo Baleirón.O xurado outorga o premio por unanimidade á obra "Con gume de folla húmida" ao autor Isaac Xubín (Isaac Fernández Fernández, nado en 1.978 e natural de A Coruña).

Quen é Isaac Xubín?

Natural de A Coruña, o seu heterónimo procede de Xubín, aldea do concello de Oleiros, onde naceu súa nai. Filólogo de formación (xa traduciu para Xerais o libro "Bilbao-New York-Bilbao", de Kirmen Uribe), o seu primeiro poemario foi "Elementos de matemática" e o segundo "Lisboa". Gañou xa dous premios literarios convocados pola Universidade de Vigo e, este ano mesmo, un de relato curto en galego ("Os Viaductos").

Como anécdota podemos contar que se enfrontou en xullo deste mesmo ano nun combate lírico-humorístico ´(o VI "A Hostia en Verso") a un dos anteriores gañadores do premio Eusebio Lorenzo Baleirón, Xabier Xil Xardón. En Certo agardamos que non nos faga como este último, pois seguimos agardando o cuestionario para entrevista que lle enviamos EN 2008!!!

Nota de prensa:

Click here to download:

Fallo XXIV edicion Premio Eusebio Lorenzo Baleirón.pdf (1.67 MB)

(download)

Click here to download:

Fallo XXIV edicion Premio Eusebio Lorenzo Baleirón.pdf (1.67 MB)

Ribeira, 29 de setembro de 2011. A Asociación Xuvenil e Cultural "Flor de Toxo" organiza este sábado 1 de outubro o "II Recital de Poesía Galega", no que mozos da comarca poñerán voz ás verbas dos autores galegos máis coñecidos.

O Recital correrá a cargo de

Click here to download:

bases premio de poesia.odt (65 KB)

(download)

Click here to download:

bases premio de poesia.odt (65 KB)

Antes, en Certo:

Cultura: querían as Letras Galegas de 2011 para Eusebio Lorenzo Baleirón

Ribeira, 11 de abril de 2011. Onte, domingo 10 de abril de 2011, tivo lugar en Lekunberri (Navarra) a entrega do premio "Ángel Urrutia Iturbe" de poesía ao gañador desta XV Edición, o ribeirense Antonio Piñeiro, a quen lle foi concedido polo seu poemario "Niños en la lluvia".

Noia, 21 de marzo de 2011. Con motivo do Día Mundial da Poesía, mañá, 22 de marzo, a Fundación Rosalía de Castro celebrará un recital poético teatral a cargo dos compoñentes da tertulia literaria Tapal de Noia. Seguidamente proxectarase unha serie de mulleres que pasaron pola casa padronesa, continuando coa conferencia “Poesía e poétca”, a cargo do poeta noiés Xan Leiceaga Baltar.
Será na Casa da Matanza de Padrón, a casa museo da Nai das Letras Galegas. Comeza ás oito da tarde e está aberta, gratuitamente, a todos os públicos.

A concelleira de Educación de Compostela, Mercedes Rosón, deu a coñecer o nome dos gañadores do XV Premio Literario Ánxel Casal. Afonso Francisco Traficante Fernández, Brais Lamela Gómez e Lara Porto Mato foron os gañadores, respectivamente, nas modalidades de poesía, conto e teatro. En total, presentáronse 56 traballos. Afonso Francisco Traficante Fernández, alumno do IES Nº 1 de Ordes (A Coruña), con tan só 14 anos, foi o gañador do premio de poesía por Nós corredizos, unha obra que a escritora Dores Tembrás Campos, integrante do xurado, considerou "extraordinaria e dunha brillantez e madurez poética pouco habitual". Recordou Marcos Sánchez Calveiro, tamén escritor e membro do xurado, que se trataba do poemario máis amplo a concurso e que se presentou como "obra conceptual pechada".

Foi tanta a calidade dos traballos presentados na categoría de poesía –indicou a concelleira- que o xurado considerou oportuno facer tamén unha mención a Jesús Castro Yáñez, de 18 anos, do IES Pedregal de Irimia (Lugo), que concursou coa obra Paxarotempos.

Tamén estivo na rolda de prensa o director xeral de Edicións Xerais de Galicia, Manuel Bragado, quen tamén se declarou "abraiado" pola calidade dos traballos presentados ao Concurso. A esta editorial encargarase de publicar un libro no que se recollerán os traballos premiados. A entrega dos galardóns aos premiados celebrarase o 16 de decembro, ás 12:00 horas, nun acto no Salón Vermello de Raxoi. Este acto, dixo Sánchez Calveiro, "recordarase dentro duns anos como o primeiro premio que recolleron estes escritores", porque prognosticou que "algún vai ser un escritor importante das nosas letras".

O nome do galardón é un recoñecemento ao insigne galeguista Ánxel Casal, que fora alcalde da cidade de Santiago de Compostela, ademais de fundador das Irmandades da Fala, pedagogo, coeditor da Colección Lar, impresor de A Nosa Terra, da revista Nós e editor de tantas outras publicacións en galego.

Dodro, 17 de novembro de 2010. A Concellaría de Cultura de Dodro, dirixida polo novo concelleiro do BNG Abel Tarrío, manifesta a súa "satisfacción polo éxito da convocatoria da XXIIIª edición do Premio de Poesía Eusebio Lorenzo Baleirón, correspondente a este ano 2010".
O pasado sábado, día 13 de novembro, remataba o prazo de recepción para poemarios inéditos e orixinais que nesta edición ampliou notablemente o seu eco entre as/os creadoras/es galegas/os, "co cal reafírmase de novo Dodro como un lugar dos máis sobranceiros do Parnaso galego. En concreto o Concello rexistrou entrada de 45 obras; todas elas pasarán agora a seren valoradas polo xurado para obteren o nome da obra gañadora, un resultado que xa aventuramos laborioso e difícil", explica o Concello.

Conforme estipula a base oitava do premio Eusebio Lorenzo Baleirón, chegou o momento de dar a coñecer ao xurado desta edición tras de rematar o prazo de admisión. Está composto por Daniel Costas, gañador da última edición; o tamén poeta Modesto Fraga Moure; a profesora de Literatura, poeta e tradutora de Eusebio Lorenzo
Baleirón, Ánxeles Penas e Dolores Vilavedra, profesora da USC e crítica literaria de longa traxectoria.

A decisión do xurado farase pública o día 11 de decembro, ao que seguirá o acto de entrega do Premio á obra galardoada días despois nun acto revestido da maior relevancia cultural que está xa está a preparar, como todos os anos, o Concello de Dodro. O concelleiro nacionalista quere agradecer a todas as persoas que axudan a difundir este galardón e, moi especialmente ás/aos participantes, "que nos dan o privilexio de coñecer a súa obra inédita e poder colaborar no sostemento e promoción da lingua do noso País, neste momento tan delicado no que hai quen pon en duda a súa valía, un produto intelectual universal e froito da sensibilidade dos nosos artistas, que nos axuda a todas e todos a vivir nun mundo máis rico". Abel Tarrío tamén agradece a colaboración da Deputación da Coruña, que financia a organización deste premio.

• 2009: Daniel Costas, Conservas
• 2008: Xabier Xil Xardón, Cando menos, a derrota
• 2007: Nieves Soutelo, Código poético
• 2006: Rafa Villar, Escoración dos días
• 2005: Mariña Pérez Rei, Fanerógama
• 2004: Lupe Gómez, Azul estranxeira
• 2003: María Comesaña Besteiros, Zoonose
• 2002: Eduardo Estévez, Caderno apócrifo da pequena defunta
• 2001: Xosé Lois Rúa, O tránsito da auga
• 2000: Carlos Penela, Acaso o inverno
• 1999: Emma Pedreira, Grimorio
• 1998: Estevo Creus, Teoría do lugar
• 1997: Emma Couceiro, As entrañas horas
• 1996: Isidro Novo, Dende unha nada núa
• 1995: Xosé Miranda, Amantes e viaxeiros
• 1994: Xosé M. Millán Picouto, As palabras no espello
• 1993: Xabier Cordal, Fruto do teixo
• 1992: Palmira González Boullosa, Asoladamente, o teu nome
• 1991: Helena Villar Janeiro, Nas hedras da clepsidra
• 1990: Xavier Rodríguez Barrio, Alborada no muro
• 1989: Gonzalo Navaza, Fábrica íntima
• 1988: Xosé López Gómez, O matiz esmeralda na sombra

Relacionada:
Pediron o Día das Letras Galegas de 2011 para Eusebio Lorenzo Baleirón