Sorprenden as présas do equipo de goberno do PP, comandado por Isaac Maceiras, para dispor dun terreo -segundo punto- para a construción dun centro de saúde cando a Xunta de Galicia, do tamén popular Núñez Feijóo, non dispón de partida orzamentaria e cando o presidente do Goberno, Mariano Rajoy, tamén do PP, acaba de recortar 10.000 millóns en Sanidade e Educacións, uns cartos que lle virán moi ben para amañar a desfeita en Bankia do seu amigo e ex alto cargo do PP Rodrigo Rato. Dá a sensación, por todo isto e polas recentes inauguracións nestas bisbarras, de que se achegan eleccións anticipadas en Galicia.

Antes, en Certo:

• Política: oito anos prometendo a mesma gardería

• Desfachatez electoralista: non podemos pasar sen as comidas dos vellos?

• Sanidade: os veciños pagan os gastos do centro de saúde polo desleixo e submisión do equipo de goberno á Xunta
  

• Segundo denuncia o Psoe, o equipo do popular Isaac Maceiras adícase a facer estes anuncios en comidas-mitin no canto de facelo no pleno, diante dos representantes lexítimos dos veciños
• Sospeitan que, de facerse no lugar que indica o goberno popular, unha asociación veciñal veríase desaloxada do local concedido

A gardería que leva Maceiras prometendo dende 2004 podería ubicarse no Camiño Ancho

A Pobra, 7 de maio de 2012. O Psoe da Pobra denuncia hoxe en nota de prensa "as promesas incumpridas de Isaac Maceiras, que emprega un acto pagado cos cartos de todos os pobrenses para facer propaganda unha vez máis", en referencia á comida da terceira idade do pasado venres 4 de maio.

"Logo de 8 anos sen facer a gardería, e de prometela no Nadal de 2004 como se fora un agasallo de Papá Noel, volve agora á carga, cando non dá xestionado un Concello que ten na creba e que ten que ir a plan de axuste e pasa o tempo e gasta os cartos en actos, como a comida do venres, totalmente superflua e só para saír na foto", explican os socialistas pobrenses.

"O concello da Pobra tivo necesariamente que acudir ao Plan da axuste, (endebedamento para pagar ós provedores) por un importe de 1.554.091,49 euros. Entre estes figuran as empresas de catering e demais establecementos de hostalería onde o equipo de goberno acude para organizar os convites, tales como celebracións da bandeira azul, ágapes desta mesma bandeira, inauguracións varias ou o mesmo xantar da terceira idade", proseguen dende o Psoe da Pobra.

Onde está a gardería prometida en 2004?

"O señor Maceiras debíase adicar a buscar os cartos para pagar as débedas destas cuchipandas e dos seus fastuosos actos de inauguración e deixar de prometer o que non vai facer... Pode que pense o señor alcalde que os pobrenses temos pouca memoria, pero a hemeroteca é terca e o día 25 de Nadal de 2004 saíu con que ía facer unha gardería para cen nenos: onde está, oito anos despois? É este o gran xestor da Pobra? Ben se ve: estamos afogados pola súa mala xestión", critican os socialistas.

"Ademais, segundo conta a prensa, o mandatario xa mostrou os planos de situación desa hipotética gardería ao invitado que trouxo á festa  dos vellos do pasado venres. Por qué non llos ensina aos lexítimos representantes dos veciños na Corporación? Será porque unha vez máis ten pensado desaloxar a unha asociación de veciños do local que ten concedido. Isto é: un colectivo máis silenciado", rematan dende o Psoe da Pobra do Caramiñal.

Se en vez de gastar en comidas-mitin para vellos coidaran do patrimonio e do ambiente, outro galo! nebra-nebra.blogspot.com/2012/05/cornud… vía @pacodomartelo

— Certo (@Certo) May 6, 2012

A conselleira de Mar e Medio Rural (non daba levado ben un e danlle outro de agasallo), Rosa Quintana, inaugura parques con algún xornalista

— Certo (@Certo) May 6, 2012

A Pobra: o equipo de Goberno sométese á Xunta e faille pagar os gastos do centro de saúde aos veciños post.ly/7BEjW

— Certo (@Certo) May 7, 2012

xornalistas.com/novidades/nova… Xornalistas que escollen non ser sumisos aos gobernantes de turno. Xornalistas con todas as letras. Non paniaugados.

— Certo (@Certo) May 7, 2012

Herdeiros pola Forza: edición esgotada en menos dun mes dlvr.it/1X7cmj

— magago (@magago) May 6, 2012

Sinalan dende o Bng de Dodro que "ata o de agora pensabamos que a súa definición máis acaída era mintireiros pero agora vemos que por enriba de todo son uns malos xestores. O Plan de Saneamento presentado por tódolos concellos ao Ministerio para poder solicitar o crédito de pagamento a proveedores foi aprobado na maioría dos casos con contadísimas excepcións, e unha delas foi o noso concello, coa peculiaridade de que o alcalde contratou unha asesora económica como persoal de confianza, que previamente estivera como secretaria sustituta no concello, cobrando 40.000 €, argumentando a súa especialización (mentras a seis traballadores/as do concello lles reducía a xornada e o salario). Deste xeito foi o único concello que con 3.000 habitantes fixo o Plan contando cunha asesora económica, e polo que vemos agora non mostra gran competencia a pesar do salario que lle puxo o alcalde. Curiosamente dannos a coñecer a non aprobación do Plan de Axuste ao mesmo tempo que a marcha da “asesora”, co cal non podemos deixar de relacionar os dous acontecementos. Certamente o axuste proposto era incoherente cando se contrataba a unha persoa nova por 40.000 €. Hoxe mesmo solicitamos ao alcalde por rexistro copia da comunicación do Ministerio para saber cales son as causas de este suspenso, pois unha vez máis non nos fiamos das súas palabras á prensa. O que está claro é que a este goberno non lle interesa o concello de Dodro nin a súa xente máis que para utilizalo como plataforma para outros intereses".

Concello sumido no caos

Ademais, os nacionalistas dodrenses aseguran que nesta ocasión "non van poder mirar atrás para culpar ao bipartito unha vez máis, porque:

1. Na relación de facturas certificadas para pedir o crédito 175 son de catro anos de xestión do bipartito e 287 de medio ano de goberno do PP.
2. O Plan elaborárono na súa integridade eles seguindo as directrices do PP no gobernocentral e contando con persoal da súa confianza.
3. Agora a persoa que o elaborou baixo a responsabilidade do alcalde márchase".

E conclúen sinalando que o PP de Dodro "non ten ningún proxecto para o presente e o futuro do concello de Dodro, non fan máis que tomar medidas improvisadas en moitos casos tan só para desfacer o que fixo o anterior goberno, e facerlle favores as súas amistades e teñen ao concello sumido no caos".

Relacionada:

• Dodro: o Psoe sinala que o alcalde minte sobre a secretaria

Dodro: programación cultural de maio, co gallo das Letras Galegas post.ly/7BBws

— Certo (@Certo) May 7, 2012

• A versión do equipo de goberno é ben outra

Dodro, 5 de maio de 2012. Dende o PSdeG-PSOE de Dodro, manifestan en nota de prensa, "o noso abraio e, sobre todo o noso malestar ante unha mentira máis do Alcalde Sr. Alfonsín Somoza. Según publica o venres 4 de maio de 2012 algún medio de comunicación escrito, o goberno do PP de Dodro extingue o contrato da asesora económica pola incorporación da Secretaria-Interventora “titular” despois dun largo período de baixa. Dende o grupo municipal do PSOE só podemos dicir que é MENTIRA".

Incompetencia da secretaria titular

Segundo explican os socialistas dodrenses, "a data de incorporación da Secretaria titular no concello foi o día 9 de febreiro de
2012. Como este grupo municipal dixo no Pleno Extraordinario convocado única e exclusivamente para a “creación dun posto de traballo eventual no cadro de persoal municipal”, é unha casualidade que coincidan as datas da Providencia da Alcaldía solicitando o asesor e a incorporación da Secretaria titular. Dende o PSdeG-PSOE de Dodro temos claro o motivo (e así o manifestamos no citado Pleno): a incompetencia da citada Secretaria Titular para desempeñar o seu posto de traballo fai necesaria a contratación dunha asesora".

Enchufes do alcalde

Por outra banda, afirman dende o Psoe que "a persoa de confianza posta “a dedo” por Alfonsín incorpórase a traballar o luns 19 de febreiro de 2012, tres días despois da celebración do Pleno e dez días despois da incorporación da Secretaria titular. Outro dato a ter en conta e que desmonta totalmente o argumento do Sr. Alfonsín é que o informe de Secretaría-Intervención onde se avala a modificación do cadro de persoal para a creación dunha praza, está asinado por Dona Mercedes Fondevila Jaraiz, Secretaria
titular do concello de Dodro, daquela, esta persoa, NON ESTABA DE BAIXA. Agora, ¿Qué pasa, que Dodro xa non precisa do asesoramento económico que tanta falla facía hai tres meses? Pois si que lle saiu caro a Dodro o citado asesoramento. Ou será que xa hai outra persoa “enchufada “ polo propio Alfonsín para o sitio???".

Hemeroteca de adorno

Rematan os socialistas sinalando que "o Sr. Alfonsín debe pensar que a xente de Dodro e, sobre todo a oposición socialista, non ten memoria e non lembramos o que ocorreu no pasado Pleno Extraordinario do 16 de febreiro de 2012, onde nos dicía que a contratación da asesora como unha solución para Dodro, e mais agora que o Ministerio de Hacienda valora desfavorablemente o Plan de Axuste presentado polo concello e elaborado por esa “asesora”. Sobre todo, o que máis nos sorprende é que haxa medios de comunicación escritos que, a pesares de estar presentes no Pleno do 16 de febreiro, a pesares de contar no seu poder coa documentación e as intervencións deste grupo municipal Socialista, teñan a osadía de publicar este tipo de novas, e dar por boa a información dun grupo político sen preocuparse, nin tan sequera de consultar a súa propia hemeroteca e saber que o que están dicindo é verdade ou e ABSOLUTAMENTE FALSO".

Versión do goberno do PP:

Segundo a nota de prensa remitida polo equipo de goberno do PP, "con motivo da incorporación da secretaria-interventora titular da praza no Concello de Dodro o pasado febreiro tras un largo período de baixa, este Concello creou unha praza de persoal eventual de asesoramento xurídico-económico que ata a data de hoxe foi desempeñada pola habilitada que desempeñou provisionalmente a secretaría. Esta persoa contratada para asesoramento ocupouse da confección do Plan de Saneamento do Concello, da liquidación e conta do ano 2010, dos presupostos do 2012 e da liquidación do ano 2011, entre outros. Por entender que os motivos estruturais que xustificaban esta contratación se cumpriron na súa parte máis esencial, e coincidindo coa oferta realizada á nosa asesora por outro concello para ocupar unha intervención, decideuse por fin á relación laboral existente".

Plan de axuste: non están dacordo e bótanlle a culpa aos de antes

Por outra banda, a Secretaría General de Coordinación Autonómica y Local del Ministerio de Hacienda y Administraciones Públicas valorou desfavorablemente o Plan de Axuste do Concello de Dodro.  Entre os motivos alegados cítase que “Las previsiones de ingresos corrientes que contiene no son consistentes con la evolución de los ingresos efectivamente obtenidos por la respectiva entidad local en los ejercicios 2009 a 2011”, así como el “período medio de pago a proveedores es superior al legalmente establecido”.

"O equipo de goberno considera que as motivacións alegadas carecen de fundamento se temos en conta as medidas adoptadas por este equipo de goberno en materia de incremento dos ingresos correntes (subida do IBI, taxa do lixo, Impostos municipais e outras taxas), á vez que se consignaron exclusivamente aquelas previsións que se consideraban realmente sostibles, evitando así unhas previsións infladas como viña ocurrindo en exercicios anteriores. E proba de elo, é que as previsións de ingresos consignados para o ano 2012 e seguintes, pese ás mencionadas medidas de incremento adoptadas, vense reducidas nuns 300.000 € aproximadamente respeto do 2011. De todo esto podemos deducir que todo esto é a consecuencia da irresponsable xestión do goberno anterior", sinalan.

Ante a decepcionante noticia, o equipo de goberno iniciou actuacións encamiñadas á posible modificación do sentido negativo do informe.

En tanto non se obteña unha resposta definitiva non nos queda outra opción máis que esperar ao que o Ministerio finalmente determine.

Noia, 2 de abril -na semana de paixón na que arderon as Fragas do Eume- de 2012. Máis de medio cento de persoas asistiron o pasado venres día 30 de marzo á presentación de +Galiza en Noia. O acto foi presentado porLola Caramés, ex-concelleira de Cultura de Noia que recentemente foi elixida tamén como responsable comarcal do novo partido para a comarca de Muros e Noia. Lola Caramés indicou que +G pretende ser un partido dereferencia tanto en Noia como na comarca, onde xa conta con presenza en todas e cada unha das localidades.

Noia, 28 de marzo de 2012. Este venres, 30 de marzo, ás 20:30, no novo edificio
administrativo do Espírito Santo preséntase o novo partido Máis Galiza, un dos escindidos do Bng.
 

Será a primeira localidade da comarca no que se constitúa publicamente. Intervirán no acto a responsable comarcal, Lola Caramés; Manolo González como membro da executiva nacional de + Galiza; José Manuel Barreiro, responsable local de Máis Galiza na localidade de Noia e Xoán Bascuas, secretario xeral de Máis Galiza.

"Queremos facer un chamamento á cidadanía para que nos veña a coñecer e lle poidamos transmitir o nosos compromisos coa localidade e o traballo que vamos desenvolver a curto-medio prazo. Na última xuntanza na que se deseñou o acto, a militancia da localidade mostra neste novo proxecto unha ilusión enorme e moitas gañas de traballar", explican os organizadores.

Noia: orde do día do pleno do venres 30 de marzo post.ly/6KXcy

— Certo (@Certo) March 28, 2012

Antes, en Certo:

Manuel González: entrevista a un membro da executiva de +Galiza

Política: Lola Caramés, responsable comarcal de +Galiza

• Noia: vídeos da homenaxe a Avilés de Taramancos, por Paco do Martelo

• Noia: o PP rexeita pedir responsabilidades pola chapuza de 1994

• Noia: programación cultural ata maio

• O líder dos socialistas galegos emprazou a Núñez Feijoo a atopar novos recursos para financiar a sanidade “mediante os impostos á banca como se fai en Extremadura ou Andalucía”
• Presentarán propostas no Parlamento Galego, nas Deputacións e nos Concellos de Galicia "para rexeitar que se pague un euro por receita”

Catoira, 24 de marzo de 2012.- Pachi Vázquez, actual dirixente máximo dos socialistas galegos, anunciou hoxe que o PSde-PSOE impulsara unha campaña por toda Galicia para rexeitar o copago sanitario na nosa Comunidade. Dixo que presentarán propostas no Parlamento Galego, nas Deputacións e nos Concellos de Galicia para “facer unha proposta clara na que se rexeite que se pague un euro por receita”.Criticou ademais as declaracións da Conselleira de Sanidade e de Feijóo sobre este tema: “os dous din que lles parece ben pero para iso estamos os socialistas galegos, nós dicimos que non o vamos a tolerar”.

O líder dos socialistas galegos fixo esta declaración na vila pontevedresa de Catoira donde participou nas na VIII Festa Socialista da Rosa. Vázquez emprazou a Núñez Feijóo a atopar novos recursos para financiar a sanidade “mediante os impostos á banca, como se fai en Extremadura ou Andalucía”. Sinala ademais que con este imposto poderíanse recadar 60 millóns de euros “que é moito mais do que recadarían cobrándolle aos nosos enfermos e pensionistas”, xa que advirte que “o 80% das receitas son consumidas por pensionistas, os cales teñen como ingresos unha media de 745 por mes, e agora queren cobrar un euro por receita cada vez que van ao medico”.

Preguntado polos xornalistas sobre o acordo da Xunta de Galicia coa empresa Brenntag, por mor do verquido ocorrido en Caldas de Reis cualificou de “escándalo” que “lle regalen a unha multinacional alamana 5 millóns de euros”. Lembrou que a Xunta de Galicia investiu naquela catástrofe 9 millóns de euros, “que non son danos hipotéticos, son facturas que pagou o pobo galego e os cidadáns deste país, e agora vén o goberno de Feijóo e decide que lle perdoa a metade”, resumiu.

Antes, en Certo:

• Folga xeral: 29SinMiedo denuncia presións de Jealsa para que non se faga folga o xoves

• Política: agocha Feijóo facturas dende hai 7 meses nos caixóns?

• O Portavoz da Área Institucional do Grupo Socialista, José Manuel Lage interpelou ao goberno galego, na sesión ordinaria da comisión 1ª do Parlamento, para reivindicar diante da Xunta de Galicia a execución dun edificio destinado a albergar as dependencias do xuzgado de primeira instancia do partido xudicial de Muros. Os socialistas recordan que na actualidade ocupa un espacio dentro da casa consistorial muradana

• Lage Tuñas recordou que “o goberno socialista de Pérez Touriño redactou o proxecto e adxudicouno. Cando chegou Feijóo á presidencia da Xunta, o seu goberno anulou a adxudicación e tivo que indemnizar á empresa afectada”

Muros, 23 de marzo de 2012. O responsable da Área Institucional do Grupo Socialista, José Manuel Lage, advertiu que a Xunta de Galicia “non ten intención” de construír o novo edificio para o xulgado de Muros, que fora deseñado, orzamentado e adxudicado na pasada lexislatura. Así o dixo no debate dunha pregunta oral o pasado mércores que presentou na Comisión Institucional do Parlamento sobre a paralización desta obra.

Recordou que “esta demanda vén de vello e foi atendida na pasada lexislatura cun goberno socialista na Xunta de Galicia”. Dixo que “sempre entendimos que a sede xudicial de Muros ubicada dentro da casa do Concello estaba alí de forma temporal e que o propio era dotar ao Partido Xudicial cun edificio propio onde se ubicaría o xulgado de primeira instancia, entre outros servizos”.

O responsable socialista criticou que o Goberno galego teña paralizado esta construción dende a chegada de Feijóo á presidencia da Xunta, hai tres anos, porque malia “vangloriarse dun suposto investimento sen precedentes en infraestruturas xudiciais e alardean de compromiso coa mellora de servizos xudiciais, o que sabemos é que non consideran unha prioridade ao xulgado de Muros e a proba está aquí”.

Lembrou que na pasada lexislatura, baixo goberno socialista, foron dados “pasos ben relevantes” para executar este proxecto, pero que a chegada do PP á Xunta supuxo tres anos de parálise desta iniciativa.

Lage Tuñas recordou que “o goberno socialista de Pérez Touriño redactou o proxecto e adxudicouno. Cando chegou Feijóo á presidencia da Xunta, o seu goberno anulou a adxudicación e tivo que indemnizar á empresa afectada.  Despois de tres anos o que pedimos é un compromiso firme para que se dote a Muros cun edificio propio para o Partido Xudicial. E cabe recordar que o concello xa cedeu unha parcela e existe un proxecto redactado, agora só falta a vontade da Xunta de materializalo”.

Na súa nota de prensa, o Psoe non se pronuncia sobre as recentes noticias de diálogo entre Bng e PP para desaloxar a Caridade González da alcaldía.

Click here to download:

76867-POC Xulgado de Muros obra pendente de executar.pdf (39 KB)

(download)

Click here to download:

76867-POC Xulgado de Muros obra pendente de executar.pdf (39 KB)

Antes, en Certo:

• Política: Lola Caramés, responsable comarcal de +Galiza para Muros e Noia

• Así o revalidou a asemblea do BNG, namentres incorpora a Santos Saborido Chouza como vicerresponsable

Boiro, 19 de marzo de 2012. A asemblea local do BNG de Boiro, reunida o pasado sábado 17 de marzo, vén de renovar os seus órganos. Re-escolleu a Carlos Branco Ansoar como responsable local, que repite de novo no cargo e incorporou a Santos Saborido Chouza como vice-responsable local. Estas designacións enmárcanse dentro da renovación habitual das responsabilidades orgánicas do BNG despois da celebración da XIII Asemblea nacional. Ambas as propostas contaron co referendo unánime do conxunto da militancia de Boiro.

A propia asemblea marcou "como obxectivos inmediatos recuperar a tensión militante para combater as políticas regresivas do PP, polo que quer amosar o seu apoio e convida á cidadanía a participar das seguintes iniciativas:

-Iniciativa lexislativa popular promovida pola Plataforma en Defensa da Sanidade Pública, que recollerá sinaturas na comarca esta semana

-Folga Xeral do 29/03/2012 en contra da reforma laboral promovida polo Partido Popular", segundo explicaron en nota de prensa.

Relacionada:

• Política: Bng de Ribeira, quen o viu e quen o ve agora!

• Etnografía: Ramón Laíño, o Xocas boirense, fala de cubertos, apeiros e aldeas

• Literatura: V edición do "Ramón Martínez López". Ata 4 de maio para presentarse

• Cinema: Toño Chouza gaña un novo premio cinematográfico

Somos iguais ante a Lei? Xosé Antón Díaz reflexiona sobre o asunto. Vai ser que non... certo.es/index.php?page…

— Certo (@Certo) March 19, 2012

…rsarioiespraiabarrana.blogspot.com.es/2012/03/cubert… Impagable artigo de Ramón Laíño (O Xocas de Boiro) sobre apeiros, cubertos e aldeas... Ilustradísimo ademais! #dágloria

— Certo (@Certo) March 18, 2012

Pérez Varelapropuxo a Fraga o sepulcro máis grande e soleado do cemiterio. cabaretvoltaire.canalblog.com/archives/2012/…

— S. jaureguizar (@Jaureguizar) March 18, 2012

Actualizado 20 de marzo:

O alcalde da Pobra respóstalle ao Psoe no seu blog apobra.org/blog/xeral/dec…

— Certo (@Certo) March 20, 2012

Un día antes:

• Consideran os socialistas que se está a discriminar ao municipio dentro da planificación de servizos públicos da Xunta de Galicia
• O Portavoz da Área Institucional do Grupo Socialista, José Manuel Lage Tuñas, ofreceu hoxe unha rolda de prensa na Pobra do Caramiñal xunto á voceira socialista Teresa García, para presentar unha proposición non de lei do Grupo Socialista no parlamento coa que se pretende correxir  “a discriminación da Pobra do Caramiñal ao deixar fóra a este concello na clasificación de subcabeceiras do sistema urbano intermedio de Galicia”.
• “O PP terá que explicar cal é o motivo polo que relegaron á Pobra do Caramiñal, xa que por servizos, poboación e ubicación debería ter a consideración de subcabeceira e coa norma aprobada en febreiro de 2011 desaparece do mapa de servizos da comunidade autónoma a medio e longo prazo”, explican.

A Pobra, 19 de marzo de 2012. -Segundo o Psoe, "as directrices de ordenación do territorio son un instrumento básico de planificación e nese contexto é onde se pretende consolidar unha rede de vilas e de pequenas cidades capaces de dotar dunha adecuada base urbana e de servizos ao conxunto do territorio galego e aí é onde A Pobra do Caramiñal se ve completamente relegada”. Así o explicaba esta mañá o deputado socialista José Manuel Lage, quen asegura que a normativa aprobada polo goberno galego "esquece á Pobra do Caramiñal como concello e déixao relegado e nunha posición completamente secundaria afastada da súa relevancia no plano territorial e económico”.

Tamén asegura o parlamentario socialista que "houbo moito oscurantismo na definición das cabeceiras e subcabeceiras do sistema urbano intermedio, non se lle dou información á poboación e os dirixentes dalgúns concellos, como no caso da Pobra, preferiron tapar os ollos e non enfrontarse cos seus xefes políticos, que son os mesmos que dirixen a Xunta de Galicia”. Para Lage, "neste caso vese que preferiron deixar ao seu concello, A Pobra do Caramiñal, relegado e non defenderon os seus intereses e o dos seus veciños, senón que se plegaron á proposta do PP de Galicia sen rechistar”.

O Psoe da Pobra presentará unha moción ao respecto no vindeiro pleno.

Click here to download:

77763-PNP Modificación puntual do decreto 19-2011 A Pobra.pdf (164 KB)

(download)

Click here to download:

77763-PNP Modificación puntual do decreto 19-2011 A Pobra.pdf (164 KB)

Click here to download:

directrices.pdf (192 KB)

(download)

Click here to download:

directrices.pdf (192 KB)

Click here to download:

Moción Modificación das DOT.docx (50 KB)

(download)

Click here to download:

Moción Modificación das DOT.docx (50 KB)

Noia, 19 de marzo de 2012. Onte, domingo 18 de marzo, tivo lugar a primeira reunión entre a militancia de Máis Galiza na comarca de Muros- Noia. Nela escolleron aos responsables locais, xunto coas responsabilidades comarcais, ademáis de definir o rumbo da organización da comarca.

Rumbo a curto prazo

Segundo explicaron en nota de prensa, ao longo deste mes de marzo irán contituindo publicamente as localidades dos concellos de Porto do Son, Noia, Outes, Mazaricos e Muros.Ademais, iniciarase unha rolda de contactos con todas aquelas persoas que queiran unirse ao proxecto que representan. "Temos moito traballo por facer e moito camiño por andar, pero hoxe todos mostramos un especial entusiasmo polo novo proxecto", aseguran.

Responsabilidades comarcais

Foron elixidos por unanimidade os referentes comarcais que guiarán o novo partido da comarca: Lola Caramés como responsable comarcal e Manolo Seijas como vicerresponsable. Ambos estaban antes no Bng de Noia.  

Contouse ademais coa presenza de Manuel Gónzalez, membro da executiva de +G, que foi o encargado de guiar a xuntanza.

Relacionada:

• Entrevista a Manuel González, da executiva do novo partido +Galiza

Noia: a Banda Crebinsky actuará polas festas de San Marcos post.ly/66PPI

— Certo (@Certo) March 19, 2012

Noia: o Liceo organiza unha charla médica, un concerto de jazz e un baile estes últimos días de marzo post.ly/66PF1

— Certo (@Certo) March 19, 2012