• O da Pobra, primeiro peirao en Europa en recibir a distinción ambiental "EMAS"
• Portos de Galicia agarda resultados dunha auditoría que revelarán o grao de efectividade das medidas de conservación ambiental implantadas na franxa entre Ribadeo e Ares

 

 

 

A Pobra, 23 de febreiro de 2012. Portos de Galicia está a realizar os trámites necesarios para solicitar a certificación ambiental EMAS para os 22 peiraos da costa cantábrica coincidentes coa demarcación administrativa da Zona Norte do ente público. O organismo que preside José Juan Durán está a implantar un sistema de xestión sostible seguindo os parámetros desta distinción internacional co obxectivo de desenvolver unha actividade portuaria eficiente e respectuosa co entorno.

O proxecto parte da satisfactoria experiencia desenvolvida no porto da Pobra do Caramiñal, o primeiro en Europa en recibir esta distinción para o global da súa actividade. Co coñecemento adquirido nesta iniciativa, preténdese extender a proposta, de xeito gradual, ao resto do litoral galego, comezando polos portos da Zona Norte, en base a criterios técnicos.

Nos últimos meses, Portos de Galicia realizou xa a maior parte dos trámites preceptivos para a obtención da certificación. Comezouse coa avaliación ambiental da actividade portuaria que derivou na diagnose dos aspectos base a recoller no novo modelo de xestión. A partir deste coñecemento elaborouse a documentación necesaria para definir o sistema de xestión ambiental, plasmando as directrices a aplicar polo conxunto da comunidade portuaria para cumprir cos requisitos EMAS. Unha vez establecidas as bases da xestión procedeuse á implantación práctica das instruccións teóricas. Deste xeito impuxéronse medidas como o control do consumo de auga e electricidade, o axeitado tratamento dos residuos portuarios, con especial atención á distinción entre os perigosos e non perigosos, ou a instalación de dispositivos de eficiencia enerxética. Así mesmo, desenvolvéronse xornadas de sensibilización do persoal de Portos e membros relevantes da comunidade portuaria. Finalmente, elaborouse a información medioambiental que require a normativa europea que regula as certificacións EMAS.

Grafitti reivindicativo na Pobra

A día de hoxe, o ente público está á espera dos resultados dunha auditoria interna sobre o funcionamento das novas medidas implantadas. Este estudio revelará o grao de efectividade do sistema implantado e detectará os posibles erros a subsanar de cara á solicitude dunha verificación externa, por parte dalgún dos organismos de certificación acreditados. Unha vez obtida a verificación externa, a Consellería de Medio Ambiente é a encargada da  verificación oficial da certificación de ámbito europeo.

A Pobra: asinan un acordo cos empresarios para fomentar a eficiencia enerxética post.ly/5XzWV

— Certo (@Certo) February 23, 2012

A Pobra: actividades do Liceo Pueblense para estes meses post.ly/5Xwcy

— Certo (@Certo) February 23, 2012

Música: convocan "Airiños de Rock&Roll", certame para novos grupos musicais post.ly/5XwLO

— Certo (@Certo) February 23, 2012

Manuel Domínguez: El abismo. Certo publica a autores cos que non está nada de acordo, pero publícaos. certo.es/index.php?page…

— Certo (@Certo) February 23, 2012

Bieito Lobeira, portavoz de Pesca do Bng no Parlamento informou disto xunto co BNG de Ribeira, o cal presentará esta mesma iniciativa no Concello para que o Goberno Municipal demande da Xunta de Galicia e do Estado a subsanaciòn das carencias (que se indican no texto adxunto embaixo desta información) do Distrito Marítimo de Ribeira, que está adscrito á Capitanía Marítima de Vilagarcía, e do Servizo Médico do ISM.

Bieito Lobeira tamén reclamou que a Xunta abone o diñeiro dos Convenios subscritos coas confrarías de Ribeira, Palmeira e Aguiño para labores de vixiancia e asesoramento técnico, os cales están sen pagar desde hai meses.

Click here to download:

2012-01-Iniciativa Distrito Maritimo de Ribeira(Bieito).pdf (149 KB)

(download)

Click here to download:

2012-01-Iniciativa Distrito Maritimo de Ribeira(Bieito).pdf (149 KB)

O alcalde, Adolfo Muíños, á esquerda, e o presidente de Portos, Durán, no medio

Rianxo, 22 de novembro de 2011.- Portos de Galicia vén de rematar a obra de reparación urxente da cuberta da lonxa de Rianxo, así como a reforma do espigón do peirao antigo. Así o comunicou esta mañá o presidente do ente público, nunha visita á zona para comprobar os traballos executados polo seu departamento. O organismo portuario investiu máis de 40.000 euros en ambas actuacións.

A reparación da cuberta da lonxa iniciouse o 24 de outubro, como resposta inmediata aos danos producidos polo temporal de choiva e vento desa fin de semana. Os traballos executáronse por vía de urxencia para repoñer a seguridade no edificio e minimizar os riscos para os usuarios do porto.

Portos de Galicia retirou os restos das placas de material metálico que voaron da estrutura da cuberta da lonxa e repuxo as pezas, dunhas dimensións aproximadas de 2,5 metros por 80 centímetros. Tamén se reparou un báculo de iluminación con tres luminarias, que fora levantado naquel trebón. Ambas actuacións requeriron un investimento de 20.000 euros.

Finalmente, Portos de Galicia reparou tamén o espigón do peirao antigo do porto de Rianxo, deteriorado polo paso do tempo e os sucesivos temporais. Esta infraestrutura abriga o peirao antigo, especialmente a zona de mexilloeiros do temporal do oeste e do oeste-norte, os peores neste porto. Reparáronse tamén os pasos de escaleiras, nunha actuación global que supuxo un investimento de 21.984 euros.

Pode que tamén lle interese:

Teatro: venres 25 e sábado 26 no auditorio

Premios: o compositor Antón Alcalde gáñaos a pares

• O deputado do BNG Bieito Lobeira afirma que Portos de Galicia está a incumprir o cronograma de actuacións previsto para a ampliación e abrigo do Porto de Cabo da Cruz  mentres as melloras dos espazos destinados á náutica recreativa foron rematadas 

Boiro, 17 de novembro de 2011. O BNG leva ao Parlamento galego o retraso das obras de ampliación e melloras do porto do Cabo da Cruz que está a provocar, segundo os nacionalistas, "graves prexuízos aos sectores produtivos".

O deputado do BNG Bieito Lobeira rexistra diversas iniciativas ao fin de coñecer as razóns do que cualifica “retraso escandaloso” das obras do Porto do Cabo da Cruz comprometidas por Portos de Galicia.

O parlamentario considera que, “non é de recibo” que estas obras padezan un grande retraso mentres as melloras dos espazos para a náutica recreativa xa están rematadas e reclama a posta en marcha de medidas urxentes para a execución das obras do porto destinadas ao sector pesqueiro.

Lobeira explica que a ampliación e mellora de abrigo deste porto é unha vella reivindicación do sector pesqueiro, marisqueiro e mexilloeiro que opera dende esta  dársena e que despois de catorce anos de estudos e retrasos, finalmente foi redactado un proxecto que resolvía os problemas das instalacións portuarias.

Asemade, unha presión política e social constante e unha Comisión de seguimento das obras impulsada polo concello de Boiro cando contaba coa alcaldía nacionalista, acadaron mellorar algúns aspectos construtivos do porto.

Na actualidade, as obras de ampliación e mellora de abrigo foron retrasadas e non cumprirán co calendario aprobado que fixaba o mes de decembro de 2011 como prazo de remate das instalacións da 3ª e 4ª lista.

Lobeira preguntará  na Cámara galega que motivos xustifican o retraso destas obras, “fundamentais para a economía e emprego no Cabo da Cruz para Boiro e a súa comarca”.

Click here to download:

Pregunta Oral Porto Cabo de Cruz.pdf (111 KB)

(download)

Click here to download:

Pregunta Oral Porto Cabo de Cruz.pdf (111 KB)

Pode que tamén lle interese:

• Boiro: este xoves 17, aulas de teatro; venres 18, cata de viños e sábado 19, festa hortera

Ribeira, 12 de outubro de 2011.- Portos de Galicia vén de iniciar o proceso de retirada e e despece da embarcación Vianto III, abandoada e con perigo de afundimento no porto de Ribeira. O ente público investirá 26.904 euros nesta actuación, en aras da seguridade para o resto da flota e os usuarios. Os gastos serán repercutidos ao propietario da embarcación.

Portos de Galicia toma esta decisión despois de máis dun ano de abandono da embarcación, nun estado de notable deterioro e tras os preceptivos avisos ao armador para evitar esta retirada forzosa e o despece do barco.

O 26 de xaneiro deste ano foille dada á firma armadora orde de retirada inmediata da embarcación, reservándose Portos de Galicia o dereito de retirala forzosamente, pasándolle posteriormente os gastos á empresa. Ante a falta de resposta do propietario, o ente público solicitou inspección e informe técnico da situación da embarcación en materia de seguridade á Capitanía Marítima de Vilagarcía. A resposta desta entidade establece un “moi alto risco” de dano ás persoas, medio ambiente e dominio público.

Con estes datos técnicos reitérase a orde de retirada urxente, que de novo non é atendida polo armador. É esta a situación que obriga a Portos de Galicia a facerse cargo da actuación, para preservar a seguridade e operatividade dos usuarios do porto de Ribeira. A embarcación será, por tanto, despezada nos astaleiros Aguiño, segundo informou hoxe a Xunta.

Pode que tamén lle interese:

Libro: este sábado 15, "50 lugares mágicos de Galicia"

Mobilizacións para faenar en Sálvora: este sábado 15, de Aguiño a Vigo

Pádel: "están trabajando en ellouu" en Ribeira. Medio millón para catro pistas

• Ribeira: Renacer programa a súa cea benéfica o 28 de outubro

• José Juan Durán visitou o municipio e informou de que xa está contratada a redacción do proxecto que dará resposta ás necesidades do sector profesional
• O ente público encargará, ademais, un estudo dos posibles beneficios para os bancos marisqueiros da apertura de canles entre o peirao comercial e a praia de Raposiños

A Pobra, 7 de outubro de 2011.- Portos de Galicia executará melloras nas instalacións do sector profesional do porto da Pobra do Caramiñal e desenvolverá estudios para favorecer a actividade pesqueira e mariñeira na zona. Así o anunciou onte o novo presidente do ente público, José Juan Durán, que substitúe a Álvarez-Campana, nunha visita ao municipio.

Durán informou de que o seu departamento xa ten contratada a redacción do proxecto de mellora da lonxa da localidade e o seu entorno. Deste xeito o organismo portuario pretende dar resposta ás necesidades do sector profesional pobrense, trasladadas polos representantes do Concello, a confraría e o colectivo de mexilloeiros, nunha recente reunión co presidente do ente en Santiago. 

Asemade, Portos de Galicia continuará a avanzar na tramitación da petición de apertura de canles para as correntes entre o peirao comercial e a praia de Raposiños. O ente público elaborara xa un estudio técnico da obra e agora encargará un estudio de biolóxico e ambiental para coñecer os posibles beneficios desta actuación para os bancos marisqueiros existentes na zona. 

Pode que tamén lle interese:

• A Pobra: exposición "Comedias bárbaras" e outras imaxes das xornadas de Valle

• A Pobra: o Río Morto fede de novo (pero vén de vello, din os da Devesa)

• A Pobra: homenaxe a Valle, todo outubro. Programa

• Valle-Inclán: tarde, mal e a rastro

• A Pobra: curso de voluntariado, o 6, 8 e 10 de outubro

• A Pobra: denuncian que andan a envelenar cans e gaivotas nas praias

• Habería alí instalacións para vela, surf, remo e piragüismo, segundo lle propuxo hoxe o presidente de Portos ao alcalde
• Sería a enclavada na zona norte, xunto á entrada ao porto pola beira do Club Náutico

Ribeira, 12 de xullo de 2011.- O alcalde, Manuel Ruiz Rivas, e o presidente de Portos de Galicia, José Manuel Álvarez-Campana Gallo, mantiveron esta tarde unha primeira toma de contacto institucional na casa consistorial do municipio barbanzano para analizar os temas de interese común existentes entre ambas institucións en relación aos portos do concello. 

Unha das cuestións máis importantes das abordadas na xuntanza foi a que fai alusión á redefinición das relacións entre o porto de Ribeira e a cidade de Santa Uxía. A este respecto, Álvarez-Campana anunciou que para comezar a dar pasos neste obxectivo, unha das dársenas existentes (concretamente, a enclavada na zona norte, xunto á entrada ao porto pola beira do Club Náutico) vai estar especializada nos deportes náuticos, e a tal efecto albergará instalacións e actividades asociadas ao remo, o piragüismo, a vela ou o surf. 

Concello e Portos colaborarán na cristalización deste proxecto para a dársena norte, que fará que o porto quede dividido en tres zonas perfectamente delimitadas en función do uso:  a deportiva, a pesqueira e a de uso comercial. 

Abundando tamén no tema do entronque marítimo e urbano  ribeirenses, Manuel Ruiz Rivas fixo fincapé tamén noutras actuacións encamiñadas nesa mesma dirección que se enmarcan dentro do plan Ribeira Atlántica 2015 e quixo convidar ao presidente de Portos a formar parte do comité de seguemento deste proxecto ante os intereses comúns existentes ao respecto, que afectan a lugares da cidade como a avenida do Malecón, o paseo das Carolinas ou o paseo que vai cara O Touro,. 

Nova lonxa

Outro dos asuntos tratados na reunión de hoxe foi o do edificio da nova lonxa. Segundo informou o presidente de Portos, actualmente se está traballando segundo as previsións na redacción do proxecto construtivo e anunciou a posta en marcha dunha comisión de seguimento liderada polo Concello e na que terán participación tamén os futuros usuarios e os técnicos de Portos. 

Cabe lembrar que proxecto e obra foron adxudicados conxuntamente o pasado marzo á empresa Acciona, cun importe de 17 millóns de euros e un prazo de execución de 36 meses contado a partir do momento da firma do contrato. 

Outros temas relacionados co porto de Santa Uxía abordados esta tarde foron o estudo de ampliación do peirao comercial (que está en fase de estudo e séguese avanzando no mesmo) ou a próxima licitación mediante concesión dun foso e un travel na zona pesqueira en resposta as demandas da confraría de Ribeira.

Con relación ao porto de Aguiño, Álvarez-Campana manifestou que se está traballando na modificación das ramplas e na optimización do espazo portuario, e que pronto se sacará a concurso unha estación de subministro de combustible para a flota que opera nesta parroquia. 

En canto ao porto de Palmeira estase a traballar con proxectos específicos como son a modificación da rampa e a preparación de casetas para os usuarios, que se enmarcan noutro máis xeral.

O deputado do BNG Bieito Lobeira considera que dentro das obras previstas por Portos de Galicia en diversos portos galegos é posible a instalación de surtidores de gasolina profesional á metade de prezo para mariñeiros e pequenos armadores

Rianxo, 26 de maio de 2011. No transcurso dunha pregunta parlamentaria ao Goberno sobre as previsións de instalación dun  surtidor de combustible no porto de Rianxo o deputado do BNG, Bieito Lobeira fixo extensible esta petición para  os portos galegos ao fin de subministrar gasolina profesional, a metade de prezo, a mariñeiros e pequenos armadores.

Lobeira considerou que así como para o uso agrario hai gasolina profesional no caso da pesca tamén o gasóleo é profesional e a gasolina pode selo na mesma medida "pero lamentablemente, non é así, quizais –asegurou- para evitar picaresca e utilizar esta gasolina para outros usos que non sexa o profesional".

Neste sentido, dixo que existen métodos para controlar o destino deste combustible como xa ocorre no porto de A Coruña e lembrou que no Parlamento galego foi aprobada unha Proposición non de lei para poñer  en marcha un proceso de negociación para a instalacións destes surtidores.

Lobeira afirmou que no caso de Rianxo é “unha verdadeira necesidade” este servizo, por mor do volume de embarcación pequenas que utilizan o porto e polo momento de crise económica.

Marcado químico custoso

Pola súa parte, o director de Portos de Galicia explicou que o problema crítico da gasolina bonificada é o custoso marcado químico que precisa  para evitar problemas de fraude e afirmou que o Goberno galego segue  traballando  co provedor para garantir o subministro  que con toda probabilidade será viable este ano.

Antes, en Certo:

Gasoliñeira do mar: seis meses perdidos

Así llo confirmou Portos de Galicia ao Bng nunha resposta parlamentaria. Bieito Lobeira cuestionou este anuncio ao non estar aínda redactado o proxecto da lonxa de Ribeira, circunstancia que provocará –na súa opinión- “un importante retraso” 

Ribeira, 26 de maio de 2011. No transcurso dunha pregunta parlamentaria ao Goberno relativa ás previsións de mellora do porto de Ribeira formulada polo portavoz de pesca do BNG, Bieito Lobeira, o director de Portos de Galicia confirmou que “as obras darán comezo tralo verán”.

En relación ao anuncio da posta en marcha, no ano 2013, da nova lonxa de Ribeira, Lobeira asegurou que “o proxecto aínda non está redactado” o que producirá “un importante retraso” no seu funcionamento no ano previsto.

Asemade, o deputado tamén se interesou pola mellora dos pantaláns de embarcacións menores que debido o seu deterioro provocaron varios accidentes de usuarios. Neste sentido, o director de Portos de Galicia afirmou que as obras estarán rematadas despois do verán. Para o deputado do BNG, que o porto de Ribeira estea considerado o primeiro porto de baixura  de Europa non se corresponde coa vontade do Executivo galego de “actuar e respectar os prazos previstos nas súas melloras”.

Lobeira criticou a redución orzamentaria destinada a dotar de infraestruturas básicas ao sistema produtivo do mar e dedicar máis partidas para a “mellora  do atractivo do litoral galego” como evidencian orzamentos que manexa Portos de Galiza. A este respecto engadiu que, o “BNG non é antiturismo” pero considerou que a prioridade é a mellora das condicións que permitan o potenciamento dun sector fundamental para a economía galega como son a pesca e o marisqueo.

O parlamentario nacionalista concluíu a súa intervención preguntando pola data de entrada en funcionamento do paradoiro para embarcacións menores” de pequeno porto.

Barbanza, 24 de maio de 2011.- Portos de Galicia achegará as historias dos Bolechas aos máis pequenos a través dos parques infantís que están instalados no dominio portuario de Escarabote (Boiro) e Ribeira, entre outros portos.

O ente público está a instalar paneis de grandes dimensións arredor dos recintos de xogo, para que os nenos poidan disfrutar do conto tamén neste novo formato. Esta nova iniciativa poderá extenderse posteriormente a outras zonas portuarias que cumplan coas características axeitadas. Enmárcase na liña de traballo do organismo autonómico que dirixe José Manuel Álvarez-Campana, centrada na integración entre o porto e a cidade e o desenvolvemento de actividades que beneficien aos usuarios dos portos e ao global da cidadanía.

Os paneis que se instalarán nos parques relatarán en viñetas as historias dos Bolechas, grazas tamén á colaboración do autor e debuxante da serie, Pepe Carreiro, que tamén é famoso nesta bisbarra por facer a serie de cómics "Os Barbanzóns", ambientada no Castro de Baroña de Porto do Son. Para maior protección deste traballo, os paneis estarán recubertos cun líquido aislante, para inmunizalos ante posibles actos vandálicos. Esta non é a primeira experiencia de carácter educativo promovida pola Consellería do Mar a través de Portos de Galicia. O pasado ano, presentouse o libro Os Bolechas queren saber como é un porto, editado polo departamento autonómico de Rosa Quintana, a través de Portos e que se presentou co obxectivo de que os pequenos coñezan a realidade portuaria, a súa actividade e tomen conciencia do valor que tén para a cultura e o patrimonio galego.

Local para Cáritas en Rianxo

Por outra banda, Portos de Galicia vén de resolver favorablemente a solicitude presentada por Cáritas Diocesanas para a ocupación dun departamento de usuarios no porto de Rianxo. O ente público autorizou esta cesión temporal destinada a almacenaxe, garda e organización do material recabado pola entidade a través de doazóns. Concretamente Cáritas ocupará o departamento número 57, en réxime de ocupación temporal de superficie, suxeita á tarifa portuaria E-2. A súa actividade convivirá coa habitual do edificio de departamentos, posto ao servizo dos profesionais e usuarios do porto para unha maior comodidade e operatividade.

A Pobra, 28 de abril de 2011.- O Diario Oficial de Galicia (DOG) recolle o 26 de abril o anuncio da licitación da concesión para a instalación dunha estación surtidora de combustible para embarcacións e vehículos no porto coruñés da Pobra do Caramiñal. O concurso aberto derivará na elección da mellor oferta para a construción e explotación desta instalación.

O prazo da concesión é de 25 anos prorrogables ata 30 e a presentación de ofertas por parte dos licitadores rematará transcurridos 30 días hábiles dende mañá. Pese a que este tipo de dotación e actividade non requiren a súa tramitación como procedemento aberto, Portos de Galicia opta pola convocatoria dun concurso público a fin de posibilitar a presentación do maior número de ofertas, de xeito que se garanta unha maior transparencia e calidade das propostas.

O surtidor de combustible instalarase nunha zona ata o momento residual, que agora se porá en valor grazas a esta actividade, que prestará servizo aos usuarios do porto. No lugar elixido para a instalación prolongouse a escollera en dirección ao peirao actual, regularizando unha explanada que xa existía e baixo a que non se atopaba lámina de auga, senón escollera.

Sen noticias do surtidor de Rianxo (será que goberna o Psoe?):

Gasoliñeira do mar: seis meses perdidos