Noia, 21 de xullo de 2011. O PP de Noia, partido da oposición, presentou unha moción para reclamar que se volten programar corridas de touros nesta vila. Os conservadores noieses alegan que é unha tradición "antiquísima en toda Galicia". Na súa moción comparan o despotismo ilustrado do mellor alcalde de Madrid, Carlos III, co do actual equipo de goberno, ao que chaman "despotismo menos ilustrado".

Como é habitual en Certo, poñemos o texto íntegro da moción:

"O Grupo Municipal Popular, ao amparo do establecido no artigo 97 do Regulamento de Organización, Funcionamento e Réxime Xurídico das Entidades Locais, formula, para o seu debate e, no seu caso aprobación no Pleno Ordinario a celebrar o vindeiro día 29 a seguinte

                                          MOCIÓN

Exposición de motivos:

Desde o ano 2008 o bipartito local e posteriormente o goberno en minoría do PSOE do mandato anterior decideu suspender a celebración das tradicionais corridas de touros, rachando de xeito arbitrario e sin consenso plenario unha tradición secular e identitaria.

Esta tradición é antiquísima en toda Galicia, e xunto co porto marítimo sitúabanos con Pontevedra como puntos de referencia de Galicia. Moito máis antiga son as soltas que se facían na rúa do Curro que debe precisamente o seu nome aos encerros da época.

En Noia hai mencións da festa dos touros dende o século XVII aínda que segundo Pérez Constanti esta tradición remontaríase ao século XI.

Posteriormente as reais ordenanzas ilustradas de Carlos III foron as responsables da desaparición das corridas de touros na maioría das vilas galegas quedando máis arraigadas noutros puntos da xeografía estatal. Eran os tempos do Despotismo Ilustrado (todo para o pobo pero sen o pobo).

Douscentos anos despois, en Noia, outro despotismo, esta vez menos ilustrado, e froito dunha mentalidade pechada nun corral ideolóxico dogmatizado e que en absoluto se corresponde coa realidade e a demanda social, pretende extirpar unha tradición polo sinxelo feito de non ser do gusto persoal dos nosos dirixentes, sen ter en conta as importantes repercusións que, por exemplo, no sector da hostelería supón a celebración deste evento dentro dos programas de festexos das festas e feira de San Marcos e das festas patronais de San Bartolomeu.

Estes sectores e a cidadanía en xeral teñen os mesmos dereitos que calquera outro a ter unha actividade festiva do seu interés, atendendo á diversidade e complexidade da sociedade aberta na que vivimos, sobre todo tendo en conta que supón un importante polo de atracción de veciños e visitantes que contribúen directamente a paliar os efectos da crise en moitos dos sectores da maltreita economía local e ó mantemento e creación de postos de traballo no sector servicios, hostelería, transporte, alimentación, etc.

Coa supresión dos festexos taurinos deslúcense e devalúanse as nosas festas, e ao final perdemos todos, tanto os que van ós touros como os que non.

Por todo o exposto, o Grupo Municipal do Partido Popular presenta para a súa aprobación se procede, os seguintes

ACORDOS:

1. Incluir no programa de festexos das próximas festas patronais de San Bartolomeu os festexos taurinos, así como nos sucesivos eventos festivos propios da nosa vila.

2. Que se xestione e se promocione estos tradicionais eventos para que teñan a brillantez e calidade de antaño coa dobre finalidade da difusión e promoción da nosa vila e as repercusións económicas nos distintos sectores estratéxicos de Noia.

En Noia, a 21 de xullo de 2011

Pode que tamén lle interese:

Exposición: Chere, no Liceo ata finais de xullo

Rehabilitación: comeza a novena fase, con 22 actuacións

III Xornadas de Cultura Urbana: o 22, 23 e 29 de xullo

Política: o alcalde conxélase o soldo

Galería fotográfica: algunhas imaxes da Feira Medieval 2011

Rúas Vivas: ésta é a programación de 2011

Rianxo, 9 de xullo de 2011. O PP de Rianxo, logo de catro anos sen enviarnos unha soa nota de prensa de interese (a que enviou foi en campaña electoral para propaganda dos seus actos) colounos onte unha na que se pretendía denunciar o mal estado de dúas praias rianxeiras. Adoitamos publicar de boa fe as notas que nos envían os partidos e asociacións e non desconfiamos do seu contido, co que foi publicada tal e como viña. Consultado o alcalde hoxe, dinos que xa non se corresponden coa realidade estas imaxes, que as praias están limpas e non así. Imos mirar os datos exif das imaxes (22 nada menos) e todas foran feitas tres días antes das votacións de maio, o 19. A persoa que nos enviou as fotos di que as tomou o mércores 6 de xullo, así que ou ten mal configurada a cámara co que as fixo ou falta á verdade. Que figure como hora de realización das mesmas as 5:44 fainos pensar que esta persoa non se leva demasiado ben coas novas tecnoloxías, o cal pode crear evidentes malentendidos.

Sen mirar os datos Exif das imaxes publicamos:

(download)

Click here to download:

Rianxo_o_PP_denuncia_o_desleix.zip (18.01 MB)

Rianxo, 8 de xullo de 2011. O PP denuncia e amosa con fotos o desleixo no que se atopan as praias de O Porrón e As Cunchas "que a dous días da segunda fin de semana de xullo, seguen sen limpar nen acondicionar, a pesares de que o señor alcalde fai uns días saíu en prensa dicindo que contratara unha brigada de limpeza para dar solución a estas necesidades".

Porto do Son, 8 de xuño de 2011. Os concelleiros do PP declaráronse hoxe coa verba máis de moda nestes intres: "indignados". O motivo foi que non tiveron a documentación do derradeiro pleno desta lexislatura, "o que volta amosar as maneiras de actuar do defenestrado goberno bipartito do Psoe e Bng", declararon dende o partido conservador, que vai volver tomar as rendas deste concello en colaboración cun antigo socialista, o agora independente Javier Quiñoy, do AVS.

O Grupo Municipal do Partido Popular de Porto do Son manifestou de novo o seu rexeitamento "ás actuacións que o goberno bipartito do PSOE e BNG fixeron durante os derradeiros dezaoito meses desta lexislatura que chega ao seu fin. Na mañá de hoxe celebrouse o derradeiro Pleno Municipal sonense presidido polo goberno do PSOE e BNG na que se trataron a aprobación dos dous últimos Borradores de Actas correspondentes ós Plenos Extraordinarios do 19 de Maio de 2011 e do pasado Luns 6 de Xuño de 2011. A polémica xurdiu a raíz de que os Grupos Políticos Municipais con representación no Pleno da Corporación (PP,AVS e IPS) non recibiron a documentación correspondente do Borrador da Acta do Pleno do pasado Luns 6 de Xuño do presente que foi tratado. Parece incrible que se utilicen este tipo de artimañas ás alturas de final da lexislatura co gallo de que a oposición non poida ter coñecemento e facer as súas respectivas observacións respecto do que se aprobou".

      O Grupo Municipal Popular, encabezado polo seu portavoz, Manuel Tomé Piñeiro, pediu as explicacións oportunas ó bigoberno de Xoán Pastor e Ánxela Franco "sen estes dar ningún tipo de resposta clara e concisa".

Liortas internas xa no PP?

O anecdótico da votación foi que a concelleira Asunción Torres Parada e actual Presidenta da Xestora Local do PP rompeu a disciplina do sentido do voto desta formación e votou en contra argumentando, "con bo criterio", din nembargantes os populares, non aprobala ao non coñecer o seu contido ningún dos membros do equipo conservador. A este derradeiro pleno extraordinario soamente asistiron os concelleiros populares Manuel Tomé, María Jesús Paz,, José Martínez Calvo e Asunción Torres Parada: os restantes "nin deron coñecemento da súa ausencia" (sic).

      Preguntado pola ruptura da disciplina do sentido do voto por parte da actual Presidenta da Xestora Local Asunción Torres, o actual Portavoz Municipal do PP sonense soamente indicou que os concelleiros populares asistentes a dito pleno van  solicitar a intervención do órgano provincial popular para que trate dito tema.

No que respecta á ampliación das instalacións, a nova nave anexa empregarase como almacén de piraguas, ubicado no costado oeste da actual edificación. O ximnasio do clube ampliarase nuns 50 metros cuadrados, de xeito simétrico ao existente. Na zona de vestiarios executaranse melloras como o repicado do pavimento de baldosa existente e o solado de baldosa de gres, alicatado, reforzo da instalación eléctrica, e instalación de novas portas de acceso, tanto aos vestiarios, como aos aseos.

En canto ao interior da nave, tamén verá renovado o solado, con baldosa de gres; colocarase unha porta metálica de peche da zona de instalacións; reforzarase o suministro eléctrico con seis nova luminarias, e instalarase un novo termo eléctrico, entre outras reparacións. Finalmente, no exterior da nave, impermabilizaranse a cuberta e a fachada e acondicionaranse vidros e remates.

Antes, en Certo:

Gasoliñeira do mar: seis meses perdidos

Ribeira, 28 de abril de 2011. O candidato á alcaldía polo Partido Popular, Manuel Ruiz Rivas, comprométese á creación dun Consello Local de Pesca no que estean integrados todos os sectores vinculados directa ou indirectamente á actividade pesqueira en Ribeira, para gañar así peso específico e defender de forma conxunta e coordinada os seus intereses, con máis forza ante as distintas institucións. 

En opinión do candidato, este Consello debe actuar como un verdadeiro lobby que, por unha parte, defenda os intereses da flota de baixura máis importante que hai en Galicia e as súas actividades afíns e, por outra, sirva de órgano asesor para a confección do Plan Estratéxico Portuario de Santa Uxía, que propón Ruiz Rivas co obxecto de definir os usos da infraestrutura portuaria, pero tamén para concretar as fórmulas adecuadas que potencien e poñan en valor o porto no seu conxunto. 

Potencial da Nova Lonxa

A este respecto, Manuel Ruiz argumenta que os 17.000 metros cadrados de superficie da Nova Lonxa, sumados aos equipamentos de tecnoloxía punta de que vai dispor a instalación, van permitir captar novas flotas como a de altura, novas especies e tamén peixes conxelados. E se a isto se engade que cada persoa que traballa na actividade extractiva produce un mínimo de tres empregos indirectos, o candidato avoga polo establecemento de estratexias dirixidas á potenciación da venta en lonxa, co fin de xerar novas economías, novas sinerxías e novos postos de traballo, e con independencia de se as flotas operantes son de Riveira ou non. 

Na defensa da súa proposta, Ruiz Rivas lembra o acontecido nos portos de Celeiro e de Vigo, onde a unión dos axentes propiciou o desenvolvemento de fórmulas de actuación conxunta e única, con óptimos resultados. 

O candidato afirma que no caso de que os veciños lle outorguen a súa confianza o 22 de maio, este Consello Consultivo vai ser presidido directamente polo alcalde, e que a promoción económica do sector pesqueiro será un dos eixos básicos da súa acción de goberno xunto co industrial e o turístico.

Ribeira, 26 de abril de 2011. A venta de entradas para a Comida de Confraternidade Popular que organiza o PP de Ribeira "vai a bo ritmo, e as previsións apuntan a encher o sábado 30 de abril a carpa que para tal ocasión se instalará na esplanada portuaria, a carón do Club Náutico", explican fontes do partido. 

Esta comida, programada para as 14.30 horas do citado sábado día 30, servirá para presentar ante a sociedade ribeirense aos candidatos que acompañarán na lista a Manuel Ruiz Rivas nas súas aspiracións á Alcaldía. 

Está confirmada a presenza na xuntanza de Alberto Núñez Feijóo, así como do presidente do Partido Popular no País Vasco, Antonio Basagoiti. 

Os veciños interesados en participar aínda están a tempo de adquirir as súas entradas na sede do Partido Popular de Riveira (na rúa Pérez Galdós, 14, de Santa Uxía) e nos demais lugares de costume. O prezo é de 10 euros.

Máis de 100 persoas sumáronse ás xuntanzas que o candidato realizou con colectivos culturais, deportivos, xuvenís e de maiores

(download)

Click here to download:

Ribeira_o_alcaldable_do_PP_apo.zip (5.13 MB)

Ruiz Rivas salientou a importancia do asociacionismo na Riveira actual e lembrou que, fai dúas décadas, o número de asociacións constituídas no concello eran tremendamente escaso, pero que a través dos distintos equipos que se sucederon no Goberno Municipal se logrou “impulsar un movemento que hoxe é esencial para dotar de dinamismo á vida municipal”.

Por todo isto, un dos compromisos que quixo transmitir aos colectivos é o de destinar máis proporción de axudas directas ás asociacións, dentro dun proceso de racionalización do investimento municipal que lle confira maiores recursos a estas entidades co obxecto de contribuír á súa sostibilidade económica.

Ademais, no caso de obter o apoio dos veciños o 22 de maio, procurará que todas e cada unha das parroquias do municipio conten cun calendario bastante de actividades socioculturais e deportivas, a fin de dinamizar as infraestruturas públicas existentes nos diversos núcleos.

Canteira

Outros puntos referidos por Manuel Ruiz foron a transcendencia de volcarse dende a Administración coas inquedanzas dos xóvenes e, por outra parte, de “traballar a canteira” para que, como xa aconteceu no pasado con algunhas asociacións e clubs deportivos hoxe desaparecidos, non se perda o legado unhas vez ás persoas que foron as súas principais impulsoras deixan de formar parte da primeira liña. 

Nas xuntanzas houbo tempo de abordar cuestións concretas a peticións dos asistentes, como estudar a viabilidade de acometer melloras na zona exterior do complexo da Fieiteira ou que as casas do mar nas que teñen as súas sedes as asociacións de xubilados pasen a ser de xestión directa municipal, 

Cren que o Concello de Dodro está máis endebedado do que recoñece o equipo de goberno

Dodro, 8 de abril de 2011. O pasado día 1 de abril celebrouse no Concello de Dodro a sesión da comisión de contas para aprobar as contas do ano 2009. Segundo explican os do Grupo Municipal do PP en Dodro en nota de prensa, "unha vez máis o alcalde socialista, Arturo Díaz, e a tenente-alcalde do Bloque, Vitoria Rei, coa colaboración do secretario substituto, ocultaron toda a información posible ós concelleiros do Partido Popular. Se ben a lei marca claramente que a información das contas do Concello deben estar a disposición dos concelleiros 15 días antes, os representantes do Partido Popular a recibiron tan só 10 minutos antes de dar comenzo a reunión da comisión".

Segundo os conservadores dodrenses, "tanto a Rei Mariño como Arturo Díaz deron por boa a reunión a pesar de pisotear unha vez máis o elemental dereito á información, e todo iso coa intención de agochar a dramática situación financeira pola que está a pasar o Concello de Dodro, tal e como vén denunciando dende o Partido Popular. Así, se ben no ano 2008 o déficit foi de -135.000 euros, no ano 2009 o desfase orzamentario foi de -157.000 euros segundo a información facilitada polo propio goberno PSOE-BNG aínda que o Partido Popular ten sospeitas de que en realidade é moi superior. Pero é que ademáis o remanente de tesourería reflicte un déficit de -198.000 euros, o que significa que existe un desfase entre gastos comprometidos e a financiación de máis de 500.000 euros como mínimo".

      Continúan os do PP, na oposición, denunciando que "a situación aínda é máis preocupante, se se ten en conta que os saldos en contas correntes do Concello de Dodro descenderon en máis de 250.000 euros en tan só un ano, e a pesar de que segundo Rei Mariño o noso concello recibira moitas subvencións. O máis grave é que estes datos refírense ó ano 2009, e aínda falta por coñecer a realidade do ano 2010 no que as subvencións e axudas víronse reducidas por causa da crise económica mentres os gastos do goberno PSOE-BNG non deixaron de medrar. O desfase económico a día de hoxe podería acadar o medio millón de euros o que equivale á capacidade de inversión do Concello durante ano e medio".

      Conclúen os populares que "tal e como xa fixo o goberno Touriño-Quintana na Xunta de Galicia, o goberno Díaz-Rei Mariño volve facer o mesmo sen importarlle o máis mínimo os intereses dos nosos veciños e están conducindo ao noso concello a unha situación que requirirá dun enorme sacrificio para poder saír adiante".

(download)

Click here to download:

Ribeira_a_mocidade_de_Novas_Xe.zip (5.84 MB)

Ribeira, 3 de abril de 2011. Onte organizouse unha andaina popular por parte de Novas Xeracións de Ribeira para apoiar nesta precampaña -que está sendo moi rifada, pois non fan máis que convocar actos todos os candidatos como se xa fora campaña- ao alcaldable polo PP, Manuel Ruiz Rivas.

Na camiñata participaron arredor dun cento de persoas que, concentrados na praza de España, tiveron folgos para camiñar ata o parque de San Roque e dende alí ata o CIELGA, no Vilar, onde visualizaron un vídeo sobre o complexo dunar.

A actividade durou unhas tres horas e finalizou de novo na praza de España, onde os participantes puideron disfrutar dun tentempé para repoñer forzas.  Xa pola noite, esta mesma praza foi escenario dun concerto promovido por NNXX con actuación dos grupos locais Entrelíneas e Areavasta.

Ribeira, 1 de abril de 2011. Novas Xeracións  programa para a tarde e a noite deste  sábado, 2 de abril, unha dobre actividade coa que pretende "demostrar que a xuventude en Ribeira non carece de iniciativas dirixidas a facer valer o noso rico patrimonio medioambiental por unha parte e, por outra, salientar o bo momento que vive a música en Ribeira". Baixo o título de “A Xuventude con Manolo Ruiz”, os dous grandes atractivos do evento serán unha andaina popular ata o parque periurbano de San Roque e o CIELGA (centro de interpretación do parque natural de Corrubedo e lagoas), e un concerto no que actuarán dous grupos locais e algún artista invitado. 

“A Xuventude con Manolo Ruiz” comezará mañá ás 17 horas na Praza de España de Santa Uxía. A súa esplanada será o punto de partida dunha andaina na que poderán participar todas aquelas persoas que, independentemente da súa idade, teñan gañas de dar unha boa camiñata. A andaina descorrerá pola senda peonil que une á cidade co parque dende os xulgados e dende alí  ata o complexo dunar, onde se visitará o CIELGA no Vilar. 

As previsións de Novas Xeracións apuntan a que arredor das 20 horas estarán de volta na Praza de España, lugar onde todos os camiñantes poderán disfrutar dun refrixerio. Cómpre sinalar que na praza estará instalada unha zona de reciclaxe porque "tamén estamos comprometidos co medio ambiente e a sostibilidade dos recursos", aseguran na formación conservadora xuvenil. 

Xa pola noite, e tras recuperar forzas, a praza de España acollerá un concerto dende as 23.30 horas. Actuarán os grupos locais Areavasta e Entrelíneas, con cameos, como artistas invitados, de Javi Maneiro e Kuervo, dous compoñentes de Jabón Blue. Novas Xeracións quere dar así "o noso apoio incondicional aos Grupos Locais polo gran esforzo que supón a súa actividade e a calidade do seu traballo". 

Pero a actividade non rematará coa finalización dos concertos, senón que ao longo da noite seguirán promovendo a campaña “Quédate de marcha en Ribeira” polos distintos locais nocturnos da cidade. 

Ademais da participación de Manolo Ruiz, o acto contará entre outros coa participación da futura presidenta nacional de Nuevas Generaciones, Bea Jurado (será nomeada no vindeiro congreso nacional da formación os días 16 e 17 de abril en Zaragoza), e do presidente autonómico Javier Dorado. 

Máis información en: www.nuevasgeneracionesriveira.es

(download)

Click here to download:

Ribeira_o_alcaldable_polo_PP_v.zip (8.29 MB)

Ribeira, 31 de marzo de 2011. O candidato á Alcaldía de Ribeira polo Partido Popular, Manuel Ruiz Rivas, presentou as súas propostas en materia de acción social e discapacidade aos pais da Asociacións Amicos.

Entre as distintas propostas feitas ás familias destaca de maneira importante a súa aposta por un Plan de Acción Social  que se elaborará e contará coa colaboración das distintas entidades de iniciativa social e de xeito destacado coas entidades que traballan a favor das persoas con discapacidade. 

Asemade destacou a súa aposta pola Accesibilidade, non soamente en materia de Urbanismo, senón destacará en materia de vivenda, destacando o compromiso de poñer a disposición das entidades de iniciativa social vivendas tuteladas que sirvan como recurso de integración social das persoas con discapacidade. 

Na área laboral remarcou a súa aposta por poñer en marcha convenios de colaboración coas distintas entidades coa finalidade de facilitar a inserción sociolaboral de persoas en risco de exclusión social en areas como mantemento de espacios urbanos, conserxería e outras.

Asi mesmo remarcou a importancia de incluir nos pregos de contratación pública cláusulas de carácter social que fomenten a integración sociolaboral de persoas en risco de exclusión social ou con discapacidade. 

No aspecto económico, Manuel Ruiz manifestou aos pais a súa intención de incrementar as axudas directas que a Administración Municipal concede as entidades de iniciativa social, ao tempo que aumentará tamén a dotación orzamentaria dedicada aos Servizos Sociais municipais, o que redundará nunha mellora dos servicios e nun incremento da calidade dos mesmos. 

Así mesmo, manifestou o seu apoio as distintas entidades que traballan no ámbito da discapacidade, ás súas familias e particularmente as persoas con discapacidade.