• O certame tivo lugar esta fin de semana en Vilagarcía de Arousa

(download)

Click here to download:

musica-o-ribeirense-amaro-sampedro-primeiro-premio-de-saxofon-na-mostra-musical-do-eixo-atlantico-tBgsEprgGsvGAglpgCfd.zip (3.03 MB)

Ribeira, 14 de maio de 2012.- Na pasada fin de semana tivo lugar no Auditorio Municipal de Vilagarcía de Arousa a terceira edición da Mostra Musical do Eixo Atlántico, na que concorreron máis de 200 artistas noveis procedentes de toda Galicia e da zona norte de Portugal.  En representación do Concello de Ribeira, acudiron catro alumnos que están a cursar a súa formación no Conservatorio Profesional de Música de Riveira: Manuel Jesús Montero González (Piano – Grupo A), Amaro Sampedro López (Saxofón – Grupo C), Lois Pimentel Iglesias (Trompeta . Grupo B) e Michelle Pena González (Piano – Grupo B).

Scaramouche

Hai que salientar que o saxofonista Amaro Sampedro acadou o primeiro premio na súa categoría, coa interpretación da obra Scaramouche de Darius Milhaud, acompañado ao piano polo profesor do Conservatorio ribeirense Luís Ignacio Blanco Picos.

Acompañando en todo momento ao novos intérpretes (e compartindo os seus nervios e alegrías) estivo o director do centro musical ribeirense dependente da Concellería de Educación, Álvaro López González, ademais dos mestres tutores Juan Carlos Ledo González, Teresa Lojo Cores e o mentado Luis Ignacio Blanco Picos.

Ribeira: a andaina máis especial e desexada do ano é o 10 de xuño, ás Illas Cíes post.ly/7HV2G

— Certo (@Certo) May 14, 2012

Ribeira: presentada a IX Carreira Virxe da Guía, que se celebra este xoves 17 de maio post.ly/7HMA8

— Certo (@Certo) May 14, 2012

youtu.be/kWomwZUSz8c #17vitaminas @vitaminasgalego Dende o máis fondo de Galicia, a Cova do Rei Cintolo, piden Vitaminas para o galego

— Certo (@Certo) May 14, 2012

Barbanza, 30 de abril de 2012. Onte tivo lugar en A Estrada (Pontevedra) o VIII certame de baile tradicional Tequexetéldere, que acubillou no Teatro Principal a uns oitocentos bailaríns -repartidos en 31 grupos- aos que foron ver demasiada xente, tanta que non había sitio no recinto.

Na categoría máxima, a D, para bailador@s de 16 en diante, levouse o primeiro premio o grupo de baile tradicional "Tahúme" de Ribeira. Segundo foi a Escola Cantigas e Agarimos de Santiago e terceira a Asociación Cultural Mar de Arousa de Bamio.

Na categoría C (de 12 a 16 anos), os que se levaron o gato á auga en primeiro lugar foron as de Nove Ferreñas, de Rianxo, da asociación "Vai de Roda". De segundos irían "Tras do Eo", de Teo, e terceiros "Os Xeitosos" de Trazo.

Ademais,  na categoría B tamén gañou "Sete Ferreñas", de Vai de Roda de Rianxo. En segundo lugar quedaría O Muiño da Retorta de A Ponte Vella de Teo e de terceiros, Os Trazantes de Tenorio.

Accésits 

Por se fora pouca a colleita dos rianxeiros, o xurado deste certame de nome case impronunciable, Tequexetéldere, outorgou accésits ao mellor grupo de acompañamento a Sete Ferreñas de Vai de Roda (en categorías A e B). 

O grupo anfitrión, Tequexetéldere de A Estrada, actuou fóra de concurso, xesto que o honra.

Os resultados completos deste certame, na web de Tequexetéldere, aquí

Cultura: poetas e músicos déronlle "Vitaminas para o galego" nun festival en Compostela post.ly/73zXJ

— Certo (@Certo) April 29, 2012

Cultura: un exemplo de divulgación do Patrimonio na Mariña de Lugo para todo o país post.ly/73vvV

— Certo (@Certo) April 29, 2012

modo @masaenfurecida O DA HISTORIA DE AMOR NO INSTITUTO DE BOIRO É UNHA CORTINA DE FUME DO PP PARA QUE NON FALE A PRENSA DAS PRIVATIZACIÓNS

— Certo (@Certo) April 29, 2012

• O prestixioso investigador recibiu esta tarde o  I Premio Internacional de Investigación Oncolóxica Ramiro Carregal-Fundación La Rosaleda, que patrocina o dono da empresa ribeirense Frinsa cunha contía de 12.000 euros

• A Xunta pasa de puntiñas na súa nota de prensa sobre os dardos que lle lanzou o científico, ante a onda de recortes do PP en todos os eidos da investigación, e hoxe mesmo, os que acordan subir as taxas universitarias un 66%

(download)

Click here to download:

Sociedade_Mariano_Barbacid_rec.zip (1.73 MB)

Ribeira, 19 de abril de 2012. Premiado, pero nunca calado nin conforme. Así reaxiu hoxe o prestixioso científico na investigación do cancro, Mariano Barbacid, na recollida do  I Premio Internacional de Investigación Oncolóxica Ramiro Carregal-Fundación La Rosaleda en Santiago.

Estas verbas foron dinamita pura para o presidente do executivo galego, que saíu ao paso con escusas como boamente puido: "este premio me anima a seguir trabajando y demuestra que no toda la sociedad vive de espaldas a la ciencia y que hay personas con la suficiente sensibilidade como para reconocer el esfuerzo", sinalou Mariano Barbacid. Con exceso de campechanía borbónica, Feijóo animouno a seguir sendo rebelde, logo de tragar varios sapos verbais do eminente investigador.

Nota da Fundación La Rosaleda:

Mariano Barbacid recogió el I Premio de Investigación Oncológica Ramiro Carregal – Fundación La Rosaleda

 

       El Dr. Barbacid asegura que el premio le anima a seguir trabajando y demuestra que no toda la sociedad “vive de espaldas a la ciencia y que hay personas con la suficiente sensibilidad como para reconocer el esfuerzo” que hacen los investigadores.

 

Santiago de Compostela, 19 de abril de 2012.- El Dr. Mariano Barbacid recogió esta tarde en Santiago de Compostela el Premio Internacional de Investigación Oncológica Científica y Técnica Ramiro Carregal – Fundación La Rosaleda. Lo hizo en el Hostal dos Reis Católico ante el presidente de la Xunta de Galicia, Alberto Núñez Feijóo, que presidió el acto, en el que también participaron el presidente ejecutivo del Jurado, el Dr. Rafael López, y los presidentes del Grupo Frinsa y la Fundación la Rosaleda, Ramiro Carregal y Gerardo Fernández Albor, respectivamente, y el alcalde de Santiago, Ángel Currás, en el que fue su primer acto público tras tomar posesión de su cargo.

 

Además ocuparon las primeras filas de la Capilla Real los miembros del Jurado del Premio: Francisco González García, catedrático de Medicina y vicerrector de Investigación e Innovación de la USC; Juan Gestal Otero, decano de la Facultad de Medicina y Odontología de la Universidad de Santiago; Manuel Freire-Garabal, catedrático en Farmacología, Juan Jesús Cruz, catedrático y presidente de la Sociedad Española de Oncología Médica (SEOM) y Rafael Silva Agregán, director gerente del hospital La Rosaleda de Santiago.

 

Pero también estuvieron presentes en el acto destacados miembros de la comunidad científica, médica y política nacional, como el presidente del Consejo de Estado, José Manuel Romay Beccaría; el rector de la Universidad de Santiago, Juan Casares Long; el gerente del Hospital la conselleira de Sanidade de la Xunta, Rocío Mosquera; la gerente del Sergas, Nieves Domínguez, el director del Hospital Clínico Universitario de Santiago, Luis Verde Remeseiro, y diversos diputados autonómicos y provinciales, además de miembros de las corporaciones locales de Santiago y Ribeira y personalidades de la vida económica y cultural de la ciudad.

 

El presidente de honor del Jurado, Ramiro Carregal, fue el encargado de entregar el Premio al Dr. Barbacid de quien destacó su “dedicación durante más de 30 años” a la investigación de una enfermedad cada día menos letal, gracias a personas como el premiado. También felicitó a los candidatos que se presentaron y no resultaron elegidos, pero recordó que habrá próximas ocasiones puesto que el premio “nace con vocación de continuidad”. También el presidente de La Rosaleda resaltó el gran trabajo del Dr. Barbacid, especialmente importante para nuestro país por ser el impulsor del Centro Nacional de Investigaciones Oncológicas (CNIO) que dirigió durante casi una década y en el que sigue frente al grupo de Oncología Experimental.

 

Este hecho fue, precisamente, uno de los que destacó el Jurado en su elección del candidato, como recordó su presidente ejecutivo, en la lectura del acta. Rafael López destacó los múltiples premios recibidos por el galardonado “al que se une ahora este”.

 

Por su parte el Dr. Barbacid ha asegurado que “resulta agradable que se reconozca la labor investigadora de los científicos” puesto que se trata de una profesión “dura”. Y agradeció especialmente la presencia del presidente de la Xunta y del presidente del Consejo de Estado porque ambos fueron decisivos en la creación del CNIO cuando eran director del Insalud y ministro de Sanidad, respectivamente. Por ello asegura que “valora y aprecia” premios como este, que además de animarle a seguir trabajando, demuestran que no toda la sociedad “vive de espaldas a la ciencia y que hay personas con la suficiente sensibilidad como para reconocer el esfuerzo” que hacen los investigadores.

 

Premio Internacional

El Premio Internacional de Investigación Oncológica Científica y Técnica Ramiro Carregal – Fundación La Rosaleda pretende reconocer el trabajo destinado a afrontar el enorme desafío que supone encontrar soluciones a uno de los grandes males de la humanidad y premiar el esfuerzo y la trayectoria científica en el área de la investigación oncológica, objetivo que el premiado cumple sobradamente. Mariano Barbacid lleva más de 30 años dedicado a la investigación oncológica, primero en Estados Unidos –donde trabajó en el Instituto Nacional del Cáncer (Maryland) y en el Instituto de Investigaciones Farmacéuticas de Bristol-Myers Squibb en Pinceton–, y después en España, adonde volvió en el año 1998 para crear el CNIO que dirigió hasta el pasado año y donde actualmente dirige el grupo de Oncología Experimental.

 

Pese a su gran labor en el campo de la investigación, el Dr. Barbacid cuenta hasta la fecha con un total de 260 publicaciones científicas y su Índice h (balance entre  número de publicaciones y las citas a estas) es de 94, otro de los datos destacados por el Jurado en su elección.

 

El premio está dotado con doce mil euros y un galardón acreditativo consistente en una pieza de Artesanía de Galicia creada en exclusiva para la edición de este premio, en la que piedra y acero se alian y crean un conjunto ideado para premiar el esfuerzo y compromiso con la investigación oncológica. Las siluetas de la letras R y C, iniciales del nombre del premio, hacen que los dos materiales se unan en una pieza única. El aspecto irregular del bloque pétreo le confiere el carácter de obra inacabada, un símil con el motivo del premio y la necesidad de seguir avanzando y trabajando en el estudio del cáncer, sus causas y tratamientos.

Nota da Xunta:

Feijóo: “O feito de que as distintas administracións estudemos por fin, conxuntamente, decisións para garantir que a sanidade pública teña presente e futuro demostra que España é e seguirá sendo un dos poucos países cunha sanidade pública e universal”

En lugar de trasladar a idea de que a solución é non facer nada, destaca a aposta “por ser inconformistas e estudar fórmulas que permitan blindar a esencia da Sanidade pública en España, que é a asistencia sanitaria sen custe adicional”

Afirma que se cometería un grave erro se non entendésemos que abordar as medidas necesarias para blindar a sanidade pública deixou de ser unha opción para converterse nunha obriga urxente

Apela ao permanente espírito de superación que caracteriza ao premiado, o doutor Barbacid, “para non caer nin na inercia que se deixa levar polos acontecementos nin na resignación que aparca a busca de solucións”

Santiago, 19 de abril de 2012.- O presidente do Goberno galego, Alberto Núñez Feijóo, afirmou hoxe, que “o feito de que as distintas administracións estudemos por fin, conxuntamente, decisións para garantir que a Sanidade pública que outros construíron no pasado, teña presente e futuro demostra que España é e seguirá sendo un dos poucos países do mundo cunha sanidade pública e universal”.

Durante o acto de entrega do I Premio Internacional de Investigación Oncolóxica Ramiro Carregal-Fundación La Rosaleda, Feijóo salientou que, se ben é certo que se podería seguir trasladando a idea de que a solución é non facer nada, a situación actual demostra que esa tentación conduce a tensións económicas que comprometen seriamente o sistema sanitario. “E, en lugar diso, -aseverou- apostamos por ser inconformistas e estudar fórmulas que permitan blindar a esencia da Sanidade pública en España, que é a asistencia sanitaria sen custe adicional”.

Deste xeito, o responsable do Goberno autonómico apelou ao permanente espírito de superación que caracteriza ao premiado, o doutor Barbacid, para insistir en que nestes tempos tan difíciles “debemos ser, inconformistas”.

“O doutor Barbacid é moito máis que un referente da investigación a nivel internacional. É tamén un referente doméstico, que nos receita un continuo inconformismo para afrontar as adversidades de calquera orden. Sigamos o exemplo do noso premiado para non caer nin na inercia que se deixa levar polos acontecementos nin na resignación que aparca a busca de solucións”, afirmou, ao que engadiu que se cometería un grave erro se non entendésemos que abordar as medidas necesarias para blindar a sanidade pública deixou de ser unha opción para converterse nunha obriga urxente.

Logo de recoñecer que a “sa rebeldía” que acompaña desde fai tantos anos a Barbacid, “é estímulo para todos nós”, pediu ao doutor que siga sendo inconformista durante moitos anos máis para seguir obtendo éxitos e avanzando na investigación traslacional, que trata de que o coñecemento xerado nos laboratorios de investigación básica teña unha rápida repercusión biosanitaria.

Por último, Feijóo concluíu a súa intervención trasladando o compromiso da Xunta coa investigación, “e sobre todo coa investigación sanitaria”. “No ámbito da investigación, priorizala é darlle un tratamento especial en cada presuposto da Xunta e reservar o máximo nivel de recursos posible para que mulleres e homes como o doutor Barbacid podan seguir indagando con éxito. Grazas a moitos deles, Galicia tamén ten un papel destacado na investigación internacional”.

Unhas verbas de Feijóo, estas últimas, que son todo o contrario á realidade que contan os científicos, por exemplo, aquí

• Nas categorías Traballo Ben Feito, Cultura e Traballo Desinteresado, na XIV Edición destes premios

(download)

Click here to download:

Ribeira_danlle_os_premios_Conc.zip (5.26 MB)

Ruiz Rivas trazou un breve resumo da traxectoria destas distincións, que xa vai pola décimo cuarta edición e comezaron como Premios Onza de Oro da man de Román Padín Montenegro, coa colaboración da Asociación de Amas de Casa, e que retomou logo o Concello proseguindo a implicación da institución que preside Bringas Miralles.

Entre os insignes persoeiros que foron agasallados con este galardón, figuran o que fora cronista oficial de Ribeira Carlos García Bayón, Gonzalo Torrente Ballester, Emilio Rodríguez López Erolo, Alfredo Conde, Fernando Ónega, Francisco Lorenzo Mariño, o propio Román Padín ou o presidente de Pescanova Manuel Fernández de Sousa-Faro. Ademais foron distinguidas entidades como a Cidade dos Muchachos, o Proxecto Home, Protección Civil de Ribeira, o Programa de RTVE Saber Vivir, a Asociación Aige para a igualdade de xénero, Cáritas Ribeira ou a Asociación da Loita contra o Cancro.

Ruiz Rivas resaltou a dimensión internacional do tres premiados, mentres que Magdalena Bringas expresou o seu orgullo de que o Concello “recollese a testemuña” e decidise reimpulsar estes premios, que nas súas últimas convocatorias están simbolizados nunha creación obra do escultor Miguel Couto.

Cruz Bermella

Respecto ao Traballo Desinteresado, o alcalde manifestou a importancia dunha organización na que “multitude de xente ofrece o seu esforzo e o seu tempo sen esperar nada a cambio”. Cruz Bermella en Ribeira está presidida por Ángeles Cores Amigo (coñecida como a Nena) e nas súas orixes  o seu labor no municipio estivo enfocado enfocado principalmente á atender ás incidencias no mar. A principios deste século diversificou as súas accións, promovendo ademais outro tipo de actividades en terra dirixidas a axudar a algúns dos colectivos máis febles na sociedade, como persoas en risco de exclusión social, inmigrantes, maiores,  discapacitados, nenos e mulleres.

Actualmente conta con máis de 1.000 socios en Ribeira e o seu corpo de voluntarios está composto de 18 persoas que prestan a súa colaboración en actividades mariñas (principalmente accións de rescate) e outra vintena de membros que actúan en terra. Juan Pérez e Manuel Cartea foron outros dirixentes da institución.

Quico Cadaval

Nado en Ribeira en 1960, é un artista con innumerables facetas: actor, director, adaptador teatral, contacontos, guionista... Tal e como lembrou o alcalde, principiou a súa vocación na taberna familiar de A Carreirana. A finais dos setenta comezou no mundo da interpretación no Centro Dramático Galego, e xa nos oitenta fundou a súa propia compañía: "O Moucho Clerc". Traballou en diferentes producións da TVG, así como en curtametraxes e longametraxes, e recibiu diferentes premios polo seu traballo no teatro. Foi profesor de interpretación da Operación Triunfo portuguesa no ano 2003.

En 2011 recibiu o Premio Cultura Galega das Artes Escénicas que outorga a Xunta de Galicia.

Entre os seus innumerables traballos figuran: Matías, juez de línea (actor), Cabeza de boi (actor), Amor Serrano (actor), Apaga a luz (guionista), A rosa de pedra (actor), Entre bateas (actor), A miña sogra e mais eu (dirección), Máxima audiencia (actor), As dunas (director), Shakespeare para ignorantes (dirección e interpretación), Un cranio furado (director) ou A ópera dos tres reás, que vén de ser nominada a 8 premios no certame de teatro "María Casares" (director).

David Chipperfield

Sir David Chipperfield é un arquitecto británico nacido en Londres en 1953. Estudou arquitectura na Architectural Association School of Architecture de Londres. Entre 1974 e 1984 traballou con arquitectos da talla de Douglas Stephen, Richard Rogers e Norman Foster. En 1984 estableceu o seu propio estudo, que conta con oficinas en Londres, Berlín, Milán e Shanghai.

Ruiz Rivas lembrou os “entrañables lazos” que unen a este arquitecto británico con Ribeira, quen conta cunha residencia en Corrubedo que ten atraído a “algúns dos máis importantes persoeiros no mundo da arquitectura ou da fotografía”. Ademais expresou a súa satisfacción por que unha persoa que ten as máis altas distincións de gobernos como o británico e o alemán aceptase recibir este premio.

Ten gañado multitude de premios e distincións. Entre os mesmos: a Medalla de Ouro Heinrich Tessenow en 1999; foi nomeado Comendador da Orde do Imperio Británico en 2004; recibiu o Premio Stirling de Alemaña polo Museo  de Literatura Moderna de Marbachou en 2007; en 2009 foi premiado coa Orde do Mérito da República de Alemaña; en 2010 recibiu o Wolf Prize de Israel; en 2011 recibiu a Medalla de Ouro Real do Instituto Real de Arquitectos Británicos; tamén en 2011 recibiu o Premio Mies Van der Rohe pola restauración do Neues Museum de Berlín. E, neste mesmo ano, foi escollido como director da prestixiosa Bienal de Arquitectura de Venecia.

Entre as súas obras máis relevantes figuran a Cidade da Xustiza de Barcelona, o Pavillón de Visitantes de Valencia con motivo da Copa América de Vela ou Museo de Arte de Davenport (Iowa, EEUU) ou a ampliación do Cemiterio de San Michele en Venecia.

Relacionada:
Opinión: "Diséñenoslo, Mr. Chipperfiel", por Gonzalo Sarasquete

Ribeira: esta tarde abre ao tráfico de vehículos o tramo da avenida de Ferrol, un dos accesos principais á cidade. Esta mañá aglomeran

— Certo (@Certo) March 9, 2012

Ribeira: o luns 12 de marzo comezan obras de saneamento no lugar de Lixó, en Oleiros. 160.000 €. Posible caos de tráfico. 4 meses execución

— Certo (@Certo) March 9, 2012

• O Xurado amerita a súa longa traxectoria e o seu importante labor no campo da oncoloxía molecular

• O premio está dotado con 12.000 euros e é un dos mellor dotados na súa categoría. Os cartos apórtaos o empresario ribeirense Ramiro Carregal, que coñece de preto o cancro
  

 
Compostela, 1 de marzo de 2012.- O Xurado do I Premio Internacional de Investigación Oncolóxica Científica e Técnica Ramiro Carregal – Fundación La Rosaleda, acordou outorgar o galardón desta primera edición ao Dr. Mariano Barbacid, un dos investigadores “máis relevantes do mundo” nesta especialidade médica. Así o destacou o presidente executivo deste xurado, o tamén médico Rafael López, tras coñecerse o nome do premiado, de quen destacou “o seu gran labor no campo da oncoloxía molecular e a investigación traslacional do cancro”.

Falaba de xenes do cancro cando ninguén o plantexara

“O doutor Barbacid comezou a falar de xenes cando ninguén se plantexara esa vía”, explicaron os membros do xurado, composto por Juan Gestal Otero, decano da Facultade de Medicina e Odontoloxía da Universidade de Santiago; Manuel Freire-Garabal, catedrático en Farmacoloxía; Francisco González García, catedrático de Medicina e vicerrector de Investigación e Innovación da USC, ademais dos presidentes de Frinsa e La Rosaleda, Ramiro Carregal e Gerardo Fernández Albor, e o propio Rafael López, xefe de Oncoloxía Médica do Complexo Hospitalario Universitario de Santiago, en quen delegou o seu voto Juan Jesús Cruz, presidente da Sociedad Española de Oncología Médica (SEOM), que non puido asistir á deliberación.

Obxectivos do premio

Preténdese recoñecer o traballo destinado a afrontar o enorme desafío que supón atopar solucións a un dos máis grandes males de Humanidade e premiar o esforzo e a traxectoria científica na área da investigación oncolóxica, obxectivos que o premiado cumpre abondo.  Mariano Barbacid leva máis de 30 anos adicado á investigación oncolóxica, primeiro en Estados Unidos –onde traballou no Instituto Nacional do Cacncro (Maryland) e no Instituto de Investigacións Farmacéuticas de Bristol-Myers Squibb en Princeton–, e logo en España, a onde volvtou en 1998 para crear o Centro Nacional de Investigaciones Oncológicas (CNIO) que dirixiu ata o pasado ano e onde actualmente dirixe o grupo de Oncología Experimental.

 A entrega,  nos vindeiros días

O I Premio de Investigación Oncolóxica Científica e Técnica Ramiro Carregal – Fundación La Rosaleda, está dotado con doce mil euros (coas súas correspondentes retencións fiscais) e vaise entregar en Santiago nos próximos días nun acto solemne ao que asistirá o propio gañador así como personalidades do ámbito político, social, académico e científico de todo o país.

Xunto co premio en metálico, Barbacid recibirá un galardón acreditativo consistente nunha peza de Artesanía de Galicia creada en exclusiva para a edición deste premio en peedra emperador con incrustacións en metal e prata e con emblemas esculpidos na propia pedra.

Click here to download:

breve biografia Barbacid.doc (47 KB)

(download)

Click here to download:

breve biografia Barbacid.doc (47 KB)

Click here to download:

BASES_CERTAME_POESIA_2012.pdf (60 KB)

(download)

Click here to download:

BASES_CERTAME_POESIA_2012.pdf (60 KB)

Pode que tamén lle interese:

Ano Añón: comeza coa entrega de premios do deseño do logotipo da efeméride

• A entrega dos V premios Solidarios Once Galicia, tivo lugar o xoves 2 de febreiro nun hotel da Coruña.

Barbanza, 3 de febreiro de 2012. Estes Premios Solidarios ONCE-Galicia recoñecen a labor, as iniciativas e as accións de persoas, institucións e entidades que se distinguiron polo seu esforzo a favor da igualdade, a integración social e a accesibilidade universal das persoas cegas ou con outras discapacidades e tamén dos máis desfavorecidos.

Os paquetes de turismo accesible para persoas con discapacidade visual  da Mancomunidade Arousa Norte recibiron o galardón  na categoría de Accesibilidade e Igualdade.

Á entrega asistiron, entre outros,  o actual presidente da Mancomunidade de Municipios Arousa Norte e alcalde do Concello de Ribeira, Manuel Ruiz Rivas; o alcalde do Concello de Rianxo, Adolfo Muíños Sánchez;  o alcalde do Concello da Pobra do Caramiñal, Isaac Maceiras Rivas; o alcalde do Concello de Boiro, Juan José Dieste Ortigueira; en representación da xerencia da Mancomunidade, Pablo López Pérez; en representación da Rede de Empresarios Turísticos de Arousa Norte, Arturo Fajardo; a animadora turística da Mancomunidade de Municipios Arousa Norte , Irene Maneiro Paz.

(download)

Click here to download:

Turismo_Arousa_Norte_recolleu_.zip (3.36 MB)

O presidente da Mancomunidade de Municipios Arousa Norte recolleu o galardón das mans de Miguel Carballeda Piñeiro , presidente da Once. Ruiz Rivas agradeceu á Once e ao xurado este galardón e fixo un recoñecemento expreso ós predecesores da Mancomunidade “como os verdadeiros valedores deste proxecto” ; “ós empresarios da comarca que creeron no proxecto e traballaron por el” así como á Secretaría Xeral para o Turismo.

Destacou a satisfacción que supón este premio en aras da solidariedade para os catro alcaldes xa que Arousa Norte aposta pola calidade e non pola cantidade. Grazas aos paquetes de turismo accesible para cegos os visitantes, dixo, "poden sentir a riqueza  desta comarca"  e animou ao resto de concellos galegos a sumarse a este tipo de iniciativas.

Pode que tamén lle interese:

Ribeira: do 24 ao 26 de febreiro, viaxe á neve dentro do programa "En marcha" post.ly/55qMT

— Certo (@Certo) February 3, 2012

• O prazo para presentar solicitudes estará aberto ata o 28 de febreiro de 2012 ás 14.00 h

• Na presentación, o xurado destacou a importante contía do premio, dotado con 12.000 euros e unha peza de Artesanía de Galicia elaborada para a ocasión

• O doutor Rafael López recordou que “un de cada dous homes e unha de cada tres mulleres sufrirán cáncer” pero grazas a iniciativas como ésta, que axudan a investigar, a enfermidade “xa non é tan terrible como hai uns anos”

(download)

Click here to download:

Sanidade_abre_o_prazo_para_pre.zip (1.47 MB)

Santiago de Compostela, 2 de febreiro de 2012.- Esta mañá presentouse no Hostal dos Reis Católicos de Santiago o I Premio Internacional de Investigación Oncolóxica Científica e Técnica Ramiro Carregal–Fundación La Rosaleda, cuxo prazo de presentación estará aberto ata o 28 de febreiro. O premio pretende recoñecer o traballo das persoas que buscan solución a un dos grandes males da humanidade e valorar o esforzo e a traxectoria científica no área da investigación oncolóxica destinada á xerar, desenvolver e/ou aplicar os novos coñecementos biolóxicos e clínicos sobre o cancro. 

O presidente honorífico do Xurado, o empresario de Ribeira Ramiro Carregal, presidente de Frinsa, traballador incansable e gran humanista preocupado polo desenvolvemento e benestar de Galicia, asegurou sentirse honrado por poder colaborar neste tipo de iniciativas, e recordou a súa propia experiencia para lanzar unha mensaxe optimista: “o cancro cúrase”.   

No acto participaron tamén outros membros do Xurado, constituído por reputados científicos, académicos e investigadores como o Dr. Rafael López López, xefe do Servizo de Oncoloxía Médica do Complexo Hospitalario Universitario de Santiago e ex-presidente da Sociedade Oncolóxica de Galicia.  

O Dr. López agradeceu a Ramiro Carregal o seu apoio polo que definiu como “aposta de futuro” ante a “enfermidade do s. XXI, a que máis xente mata nos nosos días”. O xefe do servizo de Oncoloxía Médica do CHUS recordou que “un de cada dous homes e unha de cada tres mulleres sufrirán cancro” pero grazas a iniciativas como esta a enfermidade “xa non é tan terrible como fai uns anos”. Con todo “a batalla continúa e só se gañará con investigación”. 

Tamén tivo unhas palabras de recordo para os pacientes, os seus familiares e amigos, aos que pediu que “loiten con todas as súas forzas e participen en investigación clínica”, porque é o modo de continuar avanzando.  

Xurado

Ademais do Dr. López, forma parte do Xurado o Dr. Juan Jesús Cruz, presidente da Sociedade Española de Oncoloxía Médica (SEOM), catedrático do departamento de Medicina da Universidade de Salamanca e especialista en Medicina Interna e Oncoloxía Médica, que non puido estar presente hoxe por motivos de axenda. Si estiveron o catedrático en Farmacoloxía na Facultade de Medicina e Odontoloxía da Universidade de Santiago, Manuel Freire-Garabal Núñez, o decano do mesmo centro, o Dr. Juan Gestal Otero, catedrático de Medicina Preventiva e Saúde Pública, e o vicerrector de Investigación e Innovación da USC, Francisco González García, catedrático de Medicina e especialista en Oftalmoloxía. 

O presidente da Fundación  La Rosaleda, o Dr. Gerardo Fernández Albor, dixo estar convencido de que o esforzo feito para sacar adiante o Premio valerá para dar un paso máis na erradicación desta grave enfermidade. Ademais esta convocatoria supón a constatación dunha colaboración natural entre a Universidade de Santiago, o Hospital Clínico, a Fundación La Rosaleda e a empresa privada.  

Un dos maiores premios no seu ámbito

O premio, dotado con doce mil euros (e sometido ás retenciones fiscais que legalmente lle correspondan) é un dos de maior cuantía no seu ámbito. Entregarase así mesmo un galardón acreditativo consistente nunha peza de Artesanía de Galicia creada en exclusiva para a edición deste premio en pedra emperador con incrustaciones en metal e prata e con emblemas esculpidos na propia pedra. 

A pedra e o metal alíanse e crean un conxunto ideado para premiar o esforzo e compromiso coa investigación oncológica. As siluetas da letras R e C, iniciais do nome do premio, fan que os dous materiais únanse nunha peza única. O aspecto irregular do bloque pétreo confírelle o carácter de obra inacabada, un símil co motivo do premio e a necesidade de seguir avanzando e traballando no estudo do cancro, as súas causas e tratamentos. 

Fallo e entrega do premio

O Xurado outorgará  libremente o premio a un dos candidatos propostos ou ben a outro proposto directamente por el. Excepcionalmente poderá darse de forma compartida cando os méritos das persoas, entidades ou grupos presentados se complementen de forma clara. 

O premio non poderá  quedar deserto e o fallo do Xurado será inapelable e farase público o 1 de marzo de 2012 a través dos medios de comunicación e da páxina web da Fundación La Rosaleda (www.fundacionlarosaleda.org). Así mesmo notificaráselle personalmente ao ganador. O Xurado terá, así mesmo, a potestade de decidir si os traballos non premiados pasan a formar parte da seguinte edición do premio. 

A entrega do premio realizarase nun acto solemne, coa asistencia de personalidades do ámbito político, social, académico e científico, en Santiago de Compostela na data que se comunicará no seu momento. 

Prazo de presentación aberto

Poderán ser candidatos ao l Premio de Investigación Oncolóxica Ramiro Carregal–Fundación La Rosaleda investigadores de carácter preclínico (investigación básica orientada á obtención de coñecemento con aplicación clínica), e clínico (investigación en humanos), que desenvolvan a súa actividade en centros de investigación ou sanitarios, públicos ou privados, de calquera parte do mundo. 

Poderán formular propostas as institucións públicas e privadas, fundacións, asociacións, colexios profesionais, etc. cuxa actividade teña vinculación coa investigación oncolóxica, pero serán excluídas as candidaturas presentadas por quen soliciten o premio para si mesmos ou para os grupos ou entidades a quen representen. 

As candidaturas poderán presentarse en castelán, galego e inglés por correo certificado, en sobre pechado coa referencia “Premio de Investigación Oncolóxica”, ao Apartado de Correos 50 de Santiago de Compostela ou á dirección postal da Fundación La Rosaleda  (c/Santiago León de Caracas, 1 - 15701 Santiago de Compostela). Igualmente, e coas mesmas características, as candidaturas poden entregarse en man de 9 da mañá a 9 da noite, na recepción do centro ou por correo electrónico enviando a documentación a info@fundacionlarosaleda.org.  

En caso de enviala por mail só se considerarán aquelas candidaturas recibidas ata as 23.59 h do día 27 de febreiro de 2012. O resto de solicitudes teñen de prazo ata o 28 de febreiro de 2012 ás 14.00 h. 

As bases completas están dispoñibles na páxina web da Fundación La Rosaleda (www.fundacionlarosaleda.org) no apartado “Actividades” – “Premios”.

Antes, en Certo:

Premio e avenida: Ramiro Carregal, de novo protagonista

• O autor de Ribeira xa recibira por esta obra o premio Vicente Risco de Ciencias Sociais 2011

Ribeira, 20 de xaneiro de 2011.- O libro Amigos e sodomitas, de Carlos Callón (Ribeira, 1978), acaba de colleitar un novo recoñecemento, ao facerse co prestixioso galardón Fervenzas Literarias á mellor obra de ensaio e investigación publicada o ano pasado. Esta distinción súmase ao premio Vicente Risco de Ciencias Sociais, que lle foi entregado o pasado mes de outubro, e a unha excelente recepción crítica, tanto en Galiza como fóra das nosas fronteiras, especialmente en México e no Brasil, aínda que tamén fose noticia en medios do Perú, Chile ou a Arxentina.

Amigos e sodomitas, publicado por Sotelo Blanco, explica desde o rigor porén cunha linguaxe divulgativa como apareceu o prexuízo contra a homosexualidade na Idade Media. En palabras do seu autor, “tenta ser un grito da razón contra a falsificación da historia da sexualidade e, tamén, na medida en que se lle dá protagonismo á rica documentación do reino de Galiza, contra a falsificación da historia do noso país”.

A divulgación do matrimonio homosexual máis antigo documentado na Península Ibérica (en Rairiz de Veiga, no século XI) ou a novidosa análise das opcións sexuais na lírica galego-portuguesa medieval (que inclúe a atención a unha cantiga de amor entre dous homes no século XIII) son algúns dos principais focos da atención que está a recibir este libro. Esta recepción é especialmente feliz para unha obra escrita e publicada na lingua de Galiza.

Algunhas opinións sobre Amigos e sodomitas

Pedro J. Ramírez, director de El Mundo: “Unha moi interesante reflexión contra a homofobia”.

Revista M Semanal, de México: “A valentía do texto de Carlos Callón (...) radica sobre todo en que salta a ñoña concepción historiográfica que manteñen moitos dos historiadores españois, formados na ditadura de Franco baixo os eixos e ollos católicos máis retrógrados. Os seus coñecementos como filólogo e a súa proximidade ao mundo LGBT conseguen facernos ver con outro prisma aqueles séculos”.

Xurxo M. Ayán, historiador: “Encontrámonos diante dunha obra verdadeiramente revolucionaria dentro do sistema cultural galego”. “Amigos e sodomitas é auténtica investigación de rescate, máis tamén un libro que se achega á realidade social do presente, grazas tamén ao perfil comunicador e divulgador dun autor que se atopa preto da rúa, dos leitores.”

Armando Requeixo, crítico literario: “Ameno e ben informado, Amigos e sodomitas é un ensaio de máis que recomendable lectura que (...) ‘prende novos farois’ para alumar, dende o histórico, unha realidade sobre a que pairaban abondas sombras.”

http://www.carloscallon.com
http://twitter.com/carloscallon
http://www.facebook.com/pages/Carlos-Callón/206383346069097

 http://soteloblancoedicions.com

Antes, en Certo:

• Literatura: o ribeirense Carlos Callón coloca dous libros seus entre os mellores de 2011

• Carlos Manuel Callón presentou o seu libro "Amigos e sodomitas"

• Percibirá 2.500 euros en metálico polo traballo Rianxo 2112: construíndo un pasado para o noso futuro

• Premiados por Política Lingüística cinco traballos doutros tantos centros entre os 75 presentados

Rianxo, 8 de xaneiro de 2012.- A Secretaría Xeral de Política Lingüística premia cinco centros educativos de Galicia polo seu labor innovador en dinamización lingüística. Trátase do CPI Dr. López Suárez do Saviñao, do IES Félix Muriel de Rianxo, do IES Rodeira de Cangas, do IES Perdouro de Burela e do IES As Bizocas do Grove. Todos eles foron os gañadores dos premios aos proxectos de innovación en dinamización lingüística en centros de titularidade da Consellería de Cultura, Educación e Ordenación Universitaria para desenvolver no curso académico 2011-2012.

O Diario Oficial de Galicia (DOG) publicaba esta semana a resolución dos premios, que teñen como obxectivo prioritario fomentar o desenvolvemento de proxectos educativos innovadores que impliquen o uso da lingua galega e o coñecemento da cultura de Galicia.

As iniciativas galardoadas, que recibirán 2.500 euros cada unha, foron seleccionadas entre un total de 75 proxectos, unha cifra que duplicou os presentados na pasada edición dos premios. Ademais, o profesorado implicado nas iniciativas gañadoras recibirá unha xornada de asesoramento e orientación. Para dar a coñecer os proxectos, a secretaría xeral difundiraos a través do seu portal web, http://www.xunta.es/linguagalega, xunto cos materiais educativos que se realicen para a súa posta en marcha.

Amplo abano de experiencias
Os proxectos premiados abranguen un amplo abano de ámbitos e de temas. O CPI Dr. López Suárez do Saviñao aposta por poñer en valor o galego a través do estudo da actividade que lle imprime máis personalidade á zona xeográfica de influencia do centro educativo e presentan o proxecto A elaboración do viño na Ribeira Sacra. No marco desta experiencia, realizarán actividades de investigación sobre o proceso de elaboración do viño na Ribeira Sacra, recompilarán vocabulario relacionado coa viticultura e empregarán o galego dialectal como vehículo para a aprendizaxe da lingua inglesa, poñendo en valor os usos lingüísticos da contorna do alumnado.

Entre os proxectos gañadores tamén se encontran algúns de centros educativos que xa viron recoñecido noutras ocasións o seu labor de dinamización lingüística e que agora propoñen novas accións para avanzar no seu traballo. É o caso do IES Félix Muriel de Rianxo (A Coruña), do IES Perdouro de Burela (Lugo), do IES As Bizocas do Grove (Pontevedra) e do IES Rodeira de Cangas (Pontevedra).

O primeiro destes centros resultou seleccionado pola iniciativa Rianxo 2112: construíndo un pasado para o noso futuro. No marco deste novo proxecto, o centro procurará a realización de actividades baseadas na lingua oral, o achegamento ao galego por parte do alumnado estranxeiro e a colaborará con diversas entidades da contorna do centro, como empresas, asociacións e o Concello de Rianxo. As novas tecnoloxías protagonizarán outras das principais accións do proxecto, entre as que se encontran a realización dun mapa interactivo de Rianxo e unha presentación multimedia sobre o seu patrimonio.

O fomento do galego no ensino
Ademais da convocatoria destes premios, a secretaría xeral promove outras iniciativas no ámbito educativo que reforzan o asentamento da lingua na actividade cotiá dos centros, entre as que destacan as axudas para os proxectos de fomento do galego. Tamén promove a realización de concursos, de seminarios de dinamización para os docentes ou de programas en colaboración con outras institucións, como é o caso do Festival OUFF Escola, das Xornadas de Normalización Lingüística de Ferega, do programa Papá Pío da Fundación Carlos Casares ou da Convivencia de Educación Infantil Cholo e Nela.

Con motivo da celebración do vixésimo aniversario dos equipos de dinamización da lingua galega nos centros, a secretaría xeral tamén organizou unha exposición que repasa a súa traxectoria a partir das revistas escolares que foron elaborando nos últimos vinte anos. A exposición, que pode verse ata o 15 de marzo no Museo Pedagóxico de Galicia, complétase cunha mostra virtual no web da secretaría xeral que inclúe experiencias dinamizadoras desenvolvidas polos equipos na actualidade.

Pode que tamén lle interese:

• Castelao: homenaxe do Bng polo seu cabodano

Rianxo: loito pola morte de Isaac Díaz Pardo, fillo adoptivo da vila dende 2008