• É o libro máis vendido en Galicia dende novembro do ano pasado

Ribeira, 15 de maio de 2012. Este vindeiro venres 18 de maio, ás 20:30 horas, no Ateneo Valle Inclán de Ribeira (Bar Plaza), terá lugar a presentación do libro de Emilio Alonso Pimentel, "Vigo, a 80 revolucións por minuto", da editorial Xerais. Número 1 en ventas en Galicia, dende o pasado mes de novembro.

O mesmo día, en Ribeira:

PORTAS ABERTAS NO MUSEO DO GRAVADO DE ARTES

Con motivo da conmemoración do Día Internacional dos Museos, este venres 18 de maio o Museo do Gravado de Artes celebrará unha xornada de portas abertas con visitas guiadas.

Read the rest of this post »

Booktrailer do libro que se presenta

A Pobra, 11 de maio de 2012. A Asociación Cultural Barbantia informa da presentación do libro Dark Butterfly, de Rexina Vega. O acto terá lugar o venres 25 de maio, ás 20:30 h, na TENDA ESCOLA DEÁN (Rúa Rafael Calleja, 11-13), e nel estarán presentes, amais da autora, Manuel Bragado, director de Xerais; o noiés Agustín Agra, socio de Barbantia, e Amparo Cerecedo, presidenta da Asociación do Pequeno Comercio da Pobra.

Tamén, na Pobra:

• Política municipal: pleno extraordinario o martes 15 de maio

• Cultura: novo espazo expositivo no Pazo de Xunqueiras

• Viaxe do instituto: a Sicilia, co proxecto Comenius

Boiro, 17 de abril de 2012. A asociación cultural Barbantia informa no seu web da presentación do libro "Contos da terra da tarde", do escritor ourensán Bieito Iglesias, o venres 27 de abril, ás 20:30 h., no Salón de Actos do Centro Social de Boiro. Na presentación estarán, amais do autor, Xesús Laíño, presidente de Barbantia, Xosé Ricardo Losada e Helena Teixeira, concelleira de Cultura.
A continuación do acto terá lugar o concerto David Lojo Quartet, na Estación Leñaverde.

neixon.blogspot.com.es/2012/04/pedra-… A Pedra de Misar: Xurxo Ayán fai unha defensa do patrimonio e do teólogo Andrés Torres Queiruga, o "herexe de Aguiño"

— Certo (@Certo) April 17, 2012

O mesmo día, en Ribeira:

Libro no Ateneo Valle-Inclán: o 27 de abril, "Héroes de polvo", de Beatriz Manjón

Tamén, en Ribeira:

Cultura: "Abril, mes dos libros", programación

Canicultura: xornadas sobre cans ata xuño

• En dous volumes abórdanse feitos arredor da morte segundo documentos medievais e modernos na vila de Noia, pero válidos para toda Galicia

Noia, 9 de abril de 2012. Este venres, 13 de abril, ás 20:30 horas na Casa da Cultura "Antón Avilés de Taramancos" de Noia terá lugar a presentación do libro "Derradeiras vontades", dos profesores Xosé Manuel Neira Pérez, teólogo, e José Barroso Castro, filólogo. O libro -en dous volumes e cun custe de case 130 euros- foi publicado pola editorial Mendaur e pódese mercar, ademais de nas librarías, na propia web da editorial, aquí.

• Charlas: programación da II Aula de Saúde. 12 abril: coidados de persoas maiores

• A novela é a gañadora da 3ª edición do certame "Cidade Centenaria de Ribeira"
• Concello e editorial Xerais asinaron novo convenio para seguir publicando as obras deste certame bienal

(download)

Click here to download:

Literatura_Orlando_pendurado_p.zip (2.84 MB)

O alcalde Manuel Ruiz, o director da editorial Xerais, Manuel Bragado; a concelleira de Cultura Elvira Pisos; e a propia Goretti Fariña sentáronse na mesa presidencial para falar da novela publicada, da relevancia dun premio que tras seis anos de andadura xa está asentado como un referente no seu xénero, e da convocatoria da súa cuarta edición na que se seguirá a contar co apoio de Xerais, “a máis importante editorial de Galicia, que dá unha proxección extra a este premio”, segundo palabras de Ruiz Rivas.

O acto contou coas notas musicais do profesor de piano do Conservatorio Profesional de Ribeira, Luis Ignacio Blanco Picos, mentres que o escritor, profesor e editor e profusamente galardoado escritor Antonio Piñeiro (membro do xurado xunto con Manuel Bragado, Xabier López Marqués e María Ángeles López Sampedro) leu un fragmento da obra gañadora.

Manuel Ruiz destacou a dobre finalidade deste premio de incentivar aos xóvenes autores e de honrar á cultura e á lingua galega. Quixo felicitar aos membros do xurado e tamén aos que formaron parte do Comité do Centenario, “punto de inflexión en canto ás actividades culturais do noso concello, como se pon de relevancia coa creación destes premios”. Sinalou a importancia da cultura, á cal este Concello vaille dedicar o mes de xuño e agradeceu a edicións Xerais a posibilidade de que se fagan visibles os autores galegos. “Non hai mellor lustre que edicións Xerais publique e vaia publicitando as obras gañadoras para darlle un maior prestixio”, destacou o alcalde.

Verbas da gañadora

Goretti Fariña (nacida en 1965 en San Xoán de Baión, en Vilanova de Arousa) desexou un longo futuro ao certame de novela curta e mostrouse encantada coa publicación da súa novela, ambientada no mundo naval. Segundo explicou, a historia conta a evolución mental dun neurótico ao longo dunha hora que entra en diálogo coa súa conciencia e revisa o seu pasado. Orlando Valiñas é un ex seminarista que por mor dun accidente laboral queda pendurado en perigo de morte, o que interpreta como un sinal do máis alá. “Penso que se algunha metáfora hai neste libro é que todos algunha vez nos atopamos en circunstancias angustiosas e tendemos a facernos promesas a nós mesmos coa certeza de que non as imos cumprir”, reflexionou.

Fala o editor
 
Manuel Bragado declarou que este certame “xa está sinalando unha tradición, enxergando un horizonte pola súa continuidade” e respecto da obra publicada destacou o tema de como “o ser humano aborda a sensación de fracaso” e aludiu á súa prosa elegante e fermosa.

A principal modificación que sufrirá a cuarta edición do Concurso será a ampliación dende 120.000 caracteres a 140.000 o límite máximo das obras presentadas. A convocatoria para presentar obras comezou onte e rematará o 23 de marzo de 2013. Segundo manifestou Pisos Arnoso, a organización confía en superar as novelas presentadas na última edición, chegadas de lugares como Xaén, Vilagarcía, Oviedo, Riveira, Vigo, Noia ou Rianxo.

Nas súas dúas anteriores convocatorias o premio recaera en “As mellores intencións”, de Begoña Paz; e en “Vertixes”, de Ignacio Silva, ambas tamén publicadas por Xerais.

Ribeira: o mes de xuño será este ano "Mes da cultura" local post.ly/67iS2

— Certo (@Certo) March 20, 2012

• Preséntase oficialmente este xoves 22 de marzo

Orlando pendurado, de Goretti Fariña, é a novela gañadora do «Premio III Concurso de Novela Curta Cidade Centenaria de Ribeira» 2011. Esta semana chegou ás librarías.

Ribeira, 21 de marzo de 2012.- O Salón de Plenos da Casa do Concello é o escenario escollido para acubillar no día de mañá, xoves 22 de marzo, ás 20.30 horas, da presentación da publicación na editorial Xerais da obra gañadora da terceira edición do Concurso de Novela Curta Cidade Centenaria de Riveira: “Orlando Pendurado”, da escritora Goretti Fariña, nacida en San Xoán de Baión (Vilanova de Arousa) no ano 1965.

De acceso libre e gratuíto para os interesados en asistir, no acto intervirán o alcalde Manuel Ruiz Rivas, a concelleira de Cultura Elvira Pisos, o director de Xerais Manuel Bragado, e a propia escritora.

O evento servirá tamén para convocar a cuarta edición do Concurso de Novela Curta: certame de carácter bienal que se está asentando como un referente deste xénero literario en Galicia.

A propia autora recibira a principios de maio o premio de 3.000 euros e o diploma acreditativo tras desvelarse publicamente a persoa gañadora da terceira edición.

Currículum de María Goretti Fariña

Nacida en 1965, María Goretti Fariña Caamaño é licenciada en bioloxía e profesora de ciencias no Colexio Sagrada Familia de Vilagarcía. Ten desenvolvido traballos didácticos no eido da formación ambiental para empresas, así como labores de guión videográfico.

No eido da poesía conta cos premios Victoriano Taibo - Instituto de Estudios Miñoranos (Devastacións dispoñibles, 2010), Concello de Vilalaba (Codias canda min, 2007), Manuel Orestes, Concello de Paradela (As devocións danadas, Consellería de Cultura, Santiago, 2005), Avelina Valladares, Concello de A Estrada (Náda por vir, 2003), Rosalía de Castro (Nai en mais ninguén, Follas Novas, Libros da Frouma, Santiago, 2000), Concello de Viveiro (Do noxo estacionario, 1999), así como outros varios en Begonte, Marín, Universidade de Vigo, Peñaranda, etc.

En narrativa conta, entre outros, con dous primeiros premios de narrativa ambiental da Consellería de Medio Ambiente (Os dares e teres de Saladina, 2003; O home que pensaba escribir unha novela, 2004), editados pola propia consellería.

A súa poesía pretende ser unha reflexión íntima, de raíz existencial e ton progresivamente desesperanzado aínda que non carente de certo humor, na que adoita percorrer vivencias e observacións cotiás para glosalas na procura de arestas que van desde o grotesco ao ontolóxico.

Na súa escasa obra narrativa, composta fundamentalmente de relatos breves, aborda a idea do fracaso desde unha perspectiva humorística, por veces coral e sempre crítica co sistema, con temas de fondo que van desde a neurose ao desamor. En concreto, o personaxe desta novela curta é un ser persoalmente frustrado que pasa de ser un Orlando Namorado e dubitativo a un Orlando Furioso e profundamente perdido, que se pregunta a si mesmo a partires dun afondar na súa conciencia e pasado recente entre constantes alusións bíblicas.

Antes, anunciamos:

Ribeira, 17 de marzo de 2012. Segundo informou onte no seu web a editorial Xerais, a novela gañadora da terceira edición do certame de novela curta "Cidade Centenaria de Ribeira", "Orlando pendurado", de Goretti Fariña, estará a disposición dos compradores a partir da semana vindeira.

De que vai o libro?

A nove metros do chan e a sete do taboleiro onde escorregara dez minutos antes, o operario Orlando Valiñas planeaba na bruma da mañá. Pendurado dun incómodo arnés, que o unía á vida, pensaba en Alexandra, a compañeira que enchera a súa vida nos tres últimos anos. Orlando preguntábase como identificar os sinais que indican o modo de facer correcto na vida, a maneira de atopar o rumbo preciso para avanzar na boa dirección. Durante aquela situación límite, en boa medida froito do tempo de crise que vivimos, cruzáronselle na súa cabeza as decisións principais da súa vida, xusto cando se verá obrigado a tomar outra que orientará o seu futuro. Con Orlando pendurado, un protagonista argallante que principia namorado e remata furioso, a autora quixo trazar un relato entre existencial e costumista, cun resultado entre piadoso e retranqueiro.

Antes, en Certo:

Convocado o terceiro premio de novela curta "Cidade Centenaria de Ribeira"

Ribeira, 12 de marzo de 2012. Xa hai data para a presentación do libro "As fiandeiras", obra coa que Antonio Piñeiro gañou o premio "García Barros" de novela.

A asociación cultural Barbantia, xunto cun xornal, a editorial Galaxia e o Concello de Ribeira organizan esta presentación, que terá lugar o venres 30 de marzo, ás 20:00 horas, na Sala Museo Municipal de Ribeira, e no que estarán presentes, ademais do autor, Carlos Lema, director da editorial Galaxia; Xesús Laíño, presidente de Barbantia e Elvira Pisos, concelleira de Cultura.

Antes, en Certo:

Literatura: Antonio Piñeiro recolleu o "García Barros" de novela na Estrada

Este viernes 2ª Festa da #Xuventude en #Escarabote (Boiro) con las orquestas Panorama,Aché...+INFO:bit.ly/Aeb9DX twitter.com/FiestasGalicia…

— Fiestas Galicia (@FiestasGalicia) March 12, 2012

• A presentación en Noia será o vindeiro venres 9 de marzo

Noia, 22 de febreiro, enterro da sardiña, de 2012. A editorial rexentada polo poeta de Noia e membro do Colectivo Literario Sacou,  Manuel L. Rodrigues, vén de dar a coñecer a saída a librarías do número 2 da súa colección de poesía. Acha Escrava porá á venda o poemario "Diáspora". Trátase da última obra da poeta estradense e residente en Vigo María N. Soutelo, a cal foi gañadora, na edición de 2007, con "Código poético", do XX Premio de Poesía Eusebio Lorenzo Baleirón, convocado polo Concello de Dodro. 

A prologuista do libro é a tamén poeta Rosa Enríquez. 

As tres primeiras presentacións do libro serán as seguintes: 

- 27 de Febreiro ás 19:00:  Santiago de Compostela, na Biblioteca Anxel Casal

- 5 de Marzo ás 20:00:  A Estrada, no edificio MOME (Museo do Moble e a Madeira da Estrada)

- 9 de Marzo ás 20:00: Noia, na Casa da Cultura Antón Avilés de Taramancos 

Quen é María N. Soutelo? 

María N. Soutelo, nada en Pontevedra en 1982, é licenciada en Historia pola USC. Participou no proxecto literario "AugasVerso", folla voandeira de poesía do Concello de A Estrada, e na coletánea Poesía Contemporánea Tabeirós-Terra (Edicións Fervenza, 2005). No ano 2008, veu a luz o seu primeiro poemario Código Poético (XX Premio de Poesía "Eusebio Lorenzo Baleirón", Concello de Dodro ), da man da editorial Sotelo Blanco 

Información sobre "Acha Escrava": http://achaescrava.blogspot.com

Noia: Cruz Vermella organiza varios cursos relacionados co sector sanitario post.ly/5n3lY

— Certo (@Certo) March 5, 2012

Noia: Cruz Vermella organiza varios cursos relacionados co sector sanitario post.ly/5n3lY

— Certo (@Certo) March 5, 2012

Se a obra de Rosalia de Castro fose divulgada no seu tempo, hoxe, no canto de marxistas-leninistas, seriamos marxistas-rosalistas #auuu

— Paco Rodríguez ☭★ (@pacoupg) February 24, 2012

Literatura: prazo ata o 9 de abril para presentarse ao certame poético "Francisco Añón" de Outes post.ly/5WOma

— Certo (@Certo) February 22, 2012

Boiro, 14 de febreiro de 2012. A presentación dos números 50 e 51 da Revista Galega de Educación terá lugar o vindeiro xoves, 16 de febreiro, no salón de actos do Centro Social de Boiro, ás sete da tarde.

O 50 é un número especial, no que se celebran os 25 anos de vida desta revista e no que se tratan os diferentes cambios que houbo no eido da Educación baixo o título “25 anos de RGE”. O nº 51 leva o título de “Os xoguetes tradicionais” e, como o seu propio nome indica, achéganos un pouco máis ao noso patrimonio lúdico.

Máis info: www.nova-escola-galega.org

E o venres 17, tamén en Boiro:

A celebrar o Día de Rosalía! O 24 de febreiro, 175 anos dende o seu nacemento. axendaaelg.blogaliza.org/2012/02/10/24-…

— Certo (@Certo) February 10, 2012

Boiro: o presidente da Deputación visitou Amicos e o centro que constrúe en Comoxo post.ly/5I7Ut

— Certo (@Certo) February 10, 2012

Boiro: actividades de Entroido e bases do concurso de disfraces post.ly/5I4cQ

— Certo (@Certo) February 10, 2012

Boiro: Dios ke te Crew en concerto o 10 de marzo, polo aniversario de Aturuxo! post.ly/5DzEZ Engadimos o resto da programación do 9

— Certo (@Certo) February 13, 2012

Boiro: o martes 28 de febreiro, charla sobre Marilyn Monroe. "Ni rubia ni tonta" post.ly/5LhGK

— Certo (@Certo) February 13, 2012

Boiro: o IES A Cachada presenta o 14 de febreiro "Amores prohibidos 2.0", un repaso aos clásicos a través do teatro ... post.ly/5LgK7

— Certo (@Certo) February 13, 2012

A Pobra, 14 de febreiro de 2012. Barbantia, asociación cultural que da que foi fundador Antón Riveiro Coello, organiza no Liceo Pueblense xunto coa Editorial Galaxia e un xornal a presentación do último libro do escritor afincado en Barbanza, "Laura no deserto".

A actividade literaria terá lugar o vindeiro venres 24 de febreiro, ás 20:30 h, no salón de actos do Liceo d’A Pobra do Caramiñal (Rúa da Paz, 27). Participan Víctor F. Freixanes, director xeral de Galaxia; Xesús Laíño, presidente de Barbantia; Jorge Abal Caamaño, presidente do Liceo Pueblense; e o autor da novela e directivo de Barbantia, Antón Riveiro Coello.

Quere ler unha reseña desta novela?

Pode que tamén lle interese:

A Pobra do Caramiñal: Novas Xeracións organizou un concurso de cartas de amor polo San Valentín post.ly/5MsX7

— Certo (@Certo) February 14, 2012

Entroido 2012: programación prevista

Viaxe: a Madrid, do 22 ao 25 de marzo. Anótate!

Asturianos pola Pobra: visitando o Museo de Valle

Política: instan a que se dean de alta no padrón

(download)

Click here to download:

Ribeira_Francisco_Snchez_Fraga.zip (5.74 MB)

Ribeira, 4 de febreiro de 2012.- A presentación do libro “Santa María del Cabo de Corrubedo (coto del mismo nombre)” congregou na noite de onte na Casa do Mar da parroquia a máis dun cento de veciños que non se quixeron perder un acto que contou coa presenza do autor da obra, Francisco Sánchez Fraga, co deputado provincial Santiago Freire, co alcalde, Manuel Ruiz Rivas, e co senador e ex-alcalde José Luis Torres Colomer. 

Editado pola Deputación Provincial de A Coruña, o libro traza a través das súas 210 páxinas ilustradas con máis de 350 fotografías unha completa radiografía do cabo e o pobo de Corrubedo. Segundo manifestou Francisco Sánchez Fraga, esta publicación “es ante todo la expresión máxima de mi cariño por Corrubedo y del respeto por sus gentes, entre las que tengo familiares y amigos”. En especial, salientou a colaboración recibida de Fernando Vilariño, quen lle fixo partícipe das investigacións particulares que el levara a cabo, e do finado Francisco do Ranco, home que con 95 anos lle relatara numerosos detalles do modo de vida das xentes do pobo na época da súa xuventude. 

Santiago Freire quixo felicitar a Francisco Sánchez por este gran traballo, mentres que Manuel Ruiz Rivas puxo de manifesto a grande importancia que teñen publicacións como esta para que non caia no esquecemento a longa historia de Corrubedo e do municipio riveirense en xeral. “É importantísimo recordar o que fixeron por nós os nosos antergos”, dixo. 

Dende o ano 919

O autor, profesional na reserva do Grupo Especial de Actividades Subacuáticas (GEAS) da Guardia Civil, relata a historia de Corrubedo dende o primeiro dato coñecido no ano 919, no que aparece como señorío dependente do mosteiro de San Paio de Compostela, e vaise demorando ao longo de 45.000 palabras en distintos aspectos ligados coa localidade, como as súas lendas, a vida e costumes dos habitantes do pobo (incidindo en cuestións diversas como as súas actividades cotiás, os seus alcumes, as súas casas ou as súas marcas de pesca), a beleza das súas paisaxes e os seus naufraxios. 

Naufraxios non faltan

A este último respecto, Sánchez Fraga cataloga ata 150 incidentes marítimos graves nas súas costas, que causaron a perda de máis dun centenar de buques e centenares de mortos. Entre eles, o autor destacou onte os tráxicos naufraxios do Captain (afundido en 1870, 472 mortos e 18 sobreviventes), o Dom Pedro (afundido en 1895, 89 mortos e 39 sobreviventes, algúns deles rescatados por dornas de Corrubedo) e o Salier (afundido en 1896, 281 mortos, ningún sobrevivente). 

Valentín Paz Andrade, homenaxeado este ano nas Letras Galegas

A publicación remata plasmando o reflexo de Corrubedo na literatura por medio da pluma de autores como Bouza Brey, Ramón Cabanillas, Castelao, Antón Zapata, Gerardo Diego, José María Castroviejo ou Valentín Paz Andrade. “Todos ellos se acordaron de Corrubedo en sus obras, generalmente con admiración y respetuoso temor por su salvaje naturaleza”, resaltou.

Antes, en Certo:

Ribeira: o festival de murgas e comparsas repartirá 6.000 euros en premios o martes de Entroido. Bases!

• Turismo: Arousa Norte recolleu o premio da Once polo turismo accesible para cegos

• Ribeira: Ramiro Carregal loita contra o cancro cun premio