• Para Noia piden que se cambie o destino dos cartos que ían para retirar a escolleira e se adiquen a estudos para rexenerar o esteiro do interior da ría noiesa, para facelo navegable e aproveitable para o marisqueo
• Para Muros solicitan que se rehabilite o vello cine París e se recupere a praia de Parameán en Esteiro

Muros-Noia, 29 de abril de 2012. Das 177 emendas formuladas polo BNG aos Orzamentos Xerais do Estado para o presente ano 2012, tres delas versan sobre cuestións desta bisbarra. Trátase de actuacións que lle afecta aos Concellos de Muros e Noia.

No relativo ao Concello de Noia, os deputados nacionalistas en Madrid defenderán unha emenda destinada á Dirección Xeral de Sostibilidade da Costa e do Mar, do Ministerio de Agricultura, mediante a cal solicítase da citada Dirección Xeral o abandono do proxecto de demolición da escollera de acceso ao Peirao do Marqués, cambiando a finalidade orzamentaria do mesmo, a fin de destinala á elaboración dos estudos que permitan unha verdadeira rexeneración do esteiro interior da ría que nos conduza de xeito paulatino á posibilidade da retirada dos fangos e limos que colmatan o esteiro desde hai décadas. O obxectivo desta pretensión non é outro que o da recuperación da navegabilidade pola mencionada contorna, e ao mesmo tempo que se recuperen espazos produtivos marisqueiros, hoxe improdutivos polo efecto do aterramento da ría. A contía que se solicita engadir aos orzamentos deste ano é de un millón de euros.

Muros: un cinema e unha praia

Antes, en Certo:

Muros: tamén se desfai o Bng actual

Noia: Chelo Rodríguez colgou "Entre recunchos e xogos" no Liceo durante marzo e abril post.ly/73oIO

— Certo (@Certo) April 29, 2012

• Hai representantes das confrarías de Noia, Portosín, Porto do Son e Muros

Noia-Muros, 31 de xaneiro de 2012.- A Consellería do Medio Rural e do Mar constituíu esta tarde a comisión de seguimento das gaiolas de salmón da Ría de Muros-Noia, "coa finalidade de establecer os mecanismos necesarios para que o sector poida facer un seguimento preciso do funcionamento destas estruturas instaladas no polígono Muros C". Esta comisión quedou constituída despois dunha xuntanza co sector bateeiro que posúe bateas nesta ría, cos representantes das confrarías de Muros, Noia, Portosín e Porto do Son e cos representantes da empresa concesionaria das bateas experimentais, North West Food.

As gaiolas da polémica están enfronte á praia de San Francisco, en Muros

Esta mesa de traballo entre a administración e o sector constitúese unha vez que as confrarías aceptaron formar parte dela, algo que rexeitaron nun primeiro momento. Ademais de avaliar o impacto das gaiolas, este grupo de seguimento ten como misión estudar o resultado deste proxecto experimental así como propor novas probas e análise de ser o caso.

A Xunta ocúpase de destacar que "para o desenvolvemento deste proxecto experimental a Consellería do Medio Rural e do Mar actuou con transparencia ante o sector en todo momento e que este proxecto conta con informes favorables do Clúster de Acuicultura e da Universidade de Vigo que valoraron positivamente o desenvolvemento deste cultivo experimental na ría de Muros-Noia". Unha afirmación bastante cuestionable, logo das informacións obtidas por mariñeiros da zona sobre salmóns mortos fóra das gaiolas que disque sirven de alimento a granxas de visóns e sobre o emprego dun barco de Salvamento Marítimo para osixenar as gaiolas para evitar que os peixes alí criados non morresen. Xa para colocalas, a Xunta tivo que facer uso da forza, pois o sector mariñeiro apoñíase coas súas embarcacións aos barcos que as traían, aló por marzo de 2011.

En Certo vimos informando sobre este controvertido asunto medioambiental dende que comezou. Pode ler todas as informacións aquí

Noia, 31 de xaneiro de 2012. Segundo informou hoxe o alcalde de Noia, o socialista Rafael García Guerrero, "xa se rematou toda a tramitación do proxecto de limpeza da Ría: Portos de Galicia autorizou a obra e cedeu xa parte da escolleira (que agora é competencia do estado de Punta Abruiñeiras cara Testal) hai máis dun ano coa condición de que se reserven tres treitos de cen metros cada un diante de Labarta para a futura intervención na zona portuaria que faría o ente público Portos de Galicia".

Segundo aclara, ante informacións noutro sentido publicadas estes días, "a Declaración de Impacto Ambiental  foi aprobada o 21 de Marzo de 2011 e posteriormente foi aprobado o proxecto e orzamentada a obra que xa foi adxudicada a Tragsa. Os informes son favorables xa que dos cálculos feitos dedúcese que da comparativa entre deixar a escolleira e retirala prodúcese unha mellora ambiental xa que o eixe principal da corrente desprázase ao sul, máis preto da zona urbana, ao seu estado primitivo o que aumentaría a limpeza nesa zona de xeito gradual".

A culpa do retraso actual sería do PP

"O único que pode impedir a realización da obra son os intereses do PP e do deputado Pérez Ínsua no seu ánimo de impedir que Noia dea o primeiro paso para a limpeza da ría, coa agravante da hipocrisía que supón que no ano 2007 o PP e o propio Pérez Insua prometeron a retirada da escolleira", remata o alcalde noiés.

Outros asuntos

Tamén se informou hoxe de que a compañía Movistar (antes Telefónica), como beneficiaria da realización das actuacións do Plan de Banda Larga da Xunta de Galicia 2010-2013, puxo en servizo unha nova infraestrutura de telefonía e banda larga móbil 3G nos núcleos de Alvariza, Boña, O Canabal, Carreira, A Fialla, Orro, Ousoño, Sampaio, Vilafabeiro, Vilanova, Vilar de Ousoño, Vilardante e Vilaverde.

Ademais, e por outra banda, grazas a unha subvención da Deputación Provincial de A Coruña, comézase esta semana a realización do novo inventario do Concello.

Noia: o sábado 4, conferencia sobre nutrición no Liceo post.ly/530rL

— Certo (@Certo) January 31, 2012

• A Xunta dixo hai uns días que non había salmóns mortos, chamando así mintireiros aos mariñeiros de Muros e Noia. A noticia en Que pasa na Costa, o dixital da Costa da Morte, aquí

Nota íntegra de Adega:

Muros-Noia, 21 de novembro de 2011. Asociacións ecoloxistas galegas e estatais, armadores e outras entidades do sector pesqueiro vimos de trasladarlle á Fiscalía de Medio Ambiente do TSXG a nosa inquedanza polos riscos que para o medio mariño e os recursos pesqueiros das rías ten a instalación de gaiolas para o cultivo do salmón. No decurso da xuntanza co Fiscal fixémoslle entrega, xunto coa denuncia colectiva, dun DOSSIER (944 Kb) c coas irregularidades do proceso e a documentación gráfica que certifica, fronte á desinformación da consellaría do Mar, a alta mortalidade dos peixes, a nefasta xestión dos refugallos e o uso de recursos públicos para unha actividade privada. Pedímoslle ao Ministerio Fiscal que solicite á Xunta os informes que "avalan" esta experiencia contrastándoos con análises e informes científicos independentes e que, fronte aos intentos da Xunta "pontear" as leis, garanta o cumprimento estrito da lexislación ambiental.

As organizacións ADEGA, VERDEGAIA, OCÉANA, WWF, SALVA A SELVA, ASOAR-ARMEGA, Fundación Lonxanet e armadores de Muros e Noia expresamos a nosa confianza en que o Ministerio Fiscal sexa quen de obrigar á consellaría do Mar a actuar con imparcialidade, esixindo a posta a disposición da cidadanía dos datos "segredos" sobre o resultado da experiencia de Arousa e a presentación dos informes científicos independentes que permitan avaliar todos os riscos desta actividade sobre o ecosistema e a produtividade das rías.

A administración galega debería respostar tamén pola escandalosa connivencia coa empresa e a submisión de recursos públicos -un remolcador de salvamento chegou a inxectar en catro ocasións auga fría na gaiola- aos intereses de North West Food. A Consellaría do Mar mesmo chegou a negar públicamente a evidencia da aparición de numerosos salmóns mortos próximos á gaiola nas artes de pesca. Os colectivos asinantes da denuncia puxemos a disposición da Fiscalía as probas gráficas (fotografías e vídeos) así como os cadáveres recollidos para que consten como proba e por se son susceptíbeis de análises toxicolóxicas.

Finalmente, instamos tamén á Fiscalía a pescudar sobre a nefasta xestión do gran volume de refugallos (cadáveres en avanzado estado de descomposición) que está a provocar a "experiencia" na ría de Muros. Estes restos, polo seu potencial contaminante, deberían ser xestionados conforme a rigorosos protocolos como residuos perigosos e non amorealos de calquera xeito en contentores ao alcance de calqueira ou utilizalos como alimento de animais de granxa.

Asinan a denuncia,

• Os nacionalistas levan a polémica a Europa, cunha pregunta que debe respostar a Comisión Europea
• Os socialistas acusan á Consellería de Mar e á de Medio Ambiente de desleixo, por non ter postos controis sobre o impacto da mortandade detectada nos dispositivos e confiar tan só no informe interesado da empresa galego-norueguesa
• O Bng no Parlamento galego denuncia que a Xunta evita  respostar sobre este asunto e denunciou que o remolcador Ría de Vigo estivo a enfriar as gaiolas
• A Xunta négao todo
  

Na rolda de prensa celebrada en Noia o pasado mércores 16 de Novembro, o responsábel comarcal do BNG, Manuel González, cun cartel ben grande detrás que nos indica o carácter electoralista destas reivindicacións, sinalou que "non ten razón de ser a decisión do goberno Feijóo de autorizar o cultivo dunha especie allea ao ecosistema da Ría de Muros e Noia sen coñecer as súas consecuencias". Lembrou que a ría non é un ermo produtivo senón que é a “principal empresa da comarca e que dá emprego a centos de persoas”.

Pola súa banda, María Xosé Alfonso, portavoz do BNG de Muros, indicou que a instalación das gaiolas –que segundo os plans poderían ascender a 20 unidades- está a crear grande preocupación no sector pesqueiro, marisqueiro e bateeiro. Ademais a Xunta comprometérase a facer seguimento deste proxecto e sen embargo polo momento non existe información algunha ao respecto. 

Finalmente, Ana Miranda –que ocupará a acta de Eurodeputada polo BNG a partir do 1 de Xaneiro de 2012- indicou que este tipo de acuicultura vai na liña contraria ao que propón a Unión Europea para o sector pesqueiro en Europa, onde a aposta se centra na explotación sustentable dos recursos e no coidado dos ecosistemas. Por outra banda, indicou que a pregunta servirá para instar a Comisión Europea a investigar se dende a Xunta se dedicaron fondos comunitarios para apoiar este proxecto da empresa North West Food. 

Os responsábeis do BNG indicaron que a pregunta parlamentaria será seguida por unha interpelación na Comisión de Peticións do Parlamento Europeo que permitirá a representantes do sector desprazarse a Bruxelas para manifestar a súa opinión e os seus puntos de vista a cerca deste proxecto. Para iso o BNG manterá nas vindeiras semanas reunións con ditos representantes. 

Posición do Psoe

Xa dende Santiago, a portavoz de Pesca do Grupo Parlamentario dos Socialistas de Galicia, Marisol Soneira, denunciou hoxe o “desleixo” da Xunta diante da instalación das gaiolas de cría e engorde de salmón en Muros. Soneira preguntou ao Goberno galego na Comisión de Pesca pola falla absoluta de medidas diante das denuncias da aparición de mais de 500 salmóns mortos aboiados por toda a ría. 

Soneira criticou a falla de controis por parte do goberno galego e a “absoluta neglixencia” das consellerías de Pesca e Medio Ambiente sobre esta situación e o impacto dos restos de peixes na ría. Denunciou que a Xunta só teña presentado un informe “de parte” elaborado pola empresa denunciada, quen “para defenderse apunta uns argumentos aos que a Xunta da carácter de oficiais ao presentalos no Parlamento”. 

A responsable socialista sinalou que o carácter de experimental do proxecto obriga a facer un estrito seguemento e vixiancia da súa evolución “e non só fiarnos do que nos conta a empresa”. Acusou ao goberno galego de “utilizar o Parlamento como altofalante dunha empresa privada” evidenciando que “o único que fixeron foi pedirlle un papel, pero non realizaron ningunha inspección nin tomaron ningunha outra medida”. 

Engadiu que precisamente a aparición de restos de peixes desbota o argumento da Xunta, quen xustificou a localización das gaiolas nesta zona polas fortes correntes que eliminarían os restos. Reclamou ao goberno galego que analice as causas da mortandade dos exemplares, que “poderían poñer en cuestión a idoneidade da localización dos peixes na ría de Muros e Noia polas condicións climáticas".

O Bng no Parlamento Galego

• O deputado do BNG Bieito Lobeira denunciou labores de “enfriamento” levadas a cabo polo remolcador Ría de Vigo nas gaiolas de salmón e asegurou que no contrato do buque coa consellería do Mar non  figura que sexa a tempo parcial 

O  portavoz de Pesca do BNG, Bieito Lobeira formulou tamén hoxe unha pregunta ao Goberno relativa á aparición de salmóns mortos na ría de Muros-Noia e criticou que a resposta do director xeral de Competitividade, Juan Maneiro Cadillo, non aportara ningún dato sobre esta cuestión.

Lobeira lamentou que Maneiro Cadillo eludira responder ás cuestións formuladas polo nacionalista e asegurou que tras  a intervención do director xeral non se pode afirmar que Mar realizara unha investigación sobre os salmóns mortos.

O deputado tamén indicou que existen datos reais que confirman a aparición de exemplares de salmón mortos, algúns en avanzado estado de descomposición que están a crear problemas e contaminación na ría de Noia-Muros.

Neste sentido, rexeitou que o director xeral de Competitividade afirmará que só  foron  “dous salmóns mortos” os aparecidos na ría, segundo recollen as conclusións dun informe elaborado pola empresa concesionaria das gaiolas, “vostede parece o responsábel de comunicación de empresa North West Food”, espetou o nacionalista.

Por outra banda, o parlamentario do BNG amosou unha fotografía sobre os labores do Remolcador Ría de Vigo nas gaiolas de salmón sobre as que   lembrou foron “socialmente rexeitadas” polo sector pesqueiro e marisqueiro da comarca sen que a Consellería do Mar asumira esta contestación social.

Para Lobeira, resulta estraño que un remolcador contratado pola consellería do Mar por un período dun ano e por valor de 6.313.088 euros realice funcións que non se corresponden co salvamento marítimo e a loita contra a contaminación mariña.

O nacionalista criticou que o remolcador se dedicara a embocar auga doce ás gaiolas para que non morreran os salmóns e considerou que unha vez máis, se está a beneficiar a unha empresa privada con medios pagados pola Xunta de Galiza.

A Xunta volta chamar mintireiros aos mariñeiros no Parlamento

En canto á denuncia realizada por varias confrarías ante os medios de comunicación da aparición de exemplares de salmón mortos pola ría de Muros-Noia, o director xeral de Competitividade e Innovación Tecnolóxica, Juan Maneiro, explicou que a Consellería requiriu á empresa un informe no que se detallase a evolución da mortandade do salmón na gaiola e o seu tratamento. Tamén asegurou que se deu orde ao Servizo de Gardacostas de que realizasen varias inspeccións pola zona que concluíron sen que se tivera atopado ningún exemplar do medio millar que aseguran as confrarías da zona teren albiscado.
O informe que trasladou a empresa concesionaria dunha gaiola experimental para o cultivo do salmón na Ría de Muros-Noia á Consellería do Mar documenta que os salmóns que morren son trasladados a unha granxa de visóns de Rois (A Coruña) para alimento dos animais. Ademais especifica non ter constatado ningunha fuga da gaiola e inciden en que os exemplares mortos, “xa sexan flotantes ou afundidos son depositados en contedores adecuados para a súa conservación ata que son enviados á granxa de visóns” e que “a zona de acopio na que se atopan os contedores está situada nunha nave no peirao do Freixo”.

O director xeral engadiu ademais que a cuantificación de exemplares mortos realizada polas confrarías “non se sustentou en ningún momento con calquera tipo de información válida nin se deu a coñecer o sistema empregado para o seu cómputo”. Ademais salientou que a día de hoxe non se sabe nada dos resultados das analíticas dos exemplares de salmón mortos que os representantes das confrarías dixeron que ían realizar e incidiu en que, a pesar disto e de que as confrarías en ningún momento se puxeron en contacto coa Consellería para informar sobre este feito, a actuación por parte da Consellería do Mar foi inmediata e “con toda a dilixencia posible”.

Remítese de novo, con evidente hipocrisía, ao bipartito

En relación aos controis que realiza habitualmente a Consellería do Mar sobre as gaiolas, Juan Maneiro, indicou que “son exactamente os mesmos” que os establecidos polo goberno bipartito á mesma empresa concesionaria para a instalación de dúas gaiolas para cultivo de salmón no polígono Ribeira C da Ría de Arousa, polo que “se antes eran adecuadas agora, na Ría de Muros-Noia seguen mantendo a súa validez”, puntualizou.

Maneiro volta así a empregar a hipocrisía como arma electoral, pois como xa informamos en Certo, na oposición ben que protestaban contra as gaiolas de salmón. Véxao aquí

Click here to download:

Assunto.docx (15 KB)

(download)

Click here to download:

Assunto.docx (15 KB)

Click here to download:

56 POC salmóns mortos ria de noia e muros 051011 SONIA 71715-asinado.pdf (89 KB)

(download)

Click here to download:

56 POC salmóns mortos ria de noia e muros 051011 SONIA 71715-asinado.pdf (89 KB)

Salmón morto para granxas de visóns de Rois

• A Consellería do Mar solicitou un informe á empresa concesionaria para comprobar a información feita pública polas confrarías a través dos medios de comunicación
• Xunta e empresa norueguesa-galega negan que morreran medio milleiro de salmóns fóra das gaiolas, como manifestaron os mariñeiros de Noia e Muros
• Cóntanos un paxariño -por aquelo do twitter- que hai centos de salmóns gardados a bo recaudo para respostar a vindeira semana (do 17 ao 23 de outubro) aos auténticos "pinochos" desta historia
• Tanto o informe da empresa concesionaria, como as inspeccións realizadas polo servizo de Gardacostas na zona, conclúen que non se atopou ningún exemplar de salmón morto por fóra da gaiola
• A Consellería convocará nos próximos días ás confrarías da ría de Muros e Noia para informalas destes resultados e requirirlles a información da que dispoñen, a pesar de que en ningún momento se puxeron en contacto coa Consellería

Imaxe remitida por un mariñeiro dun dos salmóns mortos. Non tiña máis calidade o seu móbil

Imaxe de arquivo dunha concentración en Santiago contra estas gaiolas de salmón

Muros-Noia, 13 de outubro de 2011.-.A empresa concesionaria dunha gaiola experimental para o cultivo do salmón na Ría de Muros-Noia, “North West Food”, vén de trasladar á Consellería do Mar o informe que lle foi requirido logo da denuncia realizada por varias confrarías ante os medios de comunicación da aparición de exemplares de salmón mortos pola ría. O informe documenta que os salmóns que morren son trasladados a unha granxa de visóns de Rois (A Coruña) para alimento dos animais. Así como a Xunta adoita engadir arquivos adxuntos nas súas notas de prensa cando lle convén -no caso de obras de estradas ou estatísticas-, desta volta non engadiu o informe ao que fai alusión.

No documento solicitado pola consellería, sempre segundo fontes da Xunta, asegúrase non ter constatado ningunha fuga da gaiola e inciden en que os exemplares mortos, “xa sexan flotantes ou afundidos son depositados en contedores adecuados para a súa conservación ata que son enviados á granxa de visóns”. O informe recolle, ademais, que “a zona de acopio na que se atopan os contedores está situada nunha nave no peirao do Freixo ao que calquera persoa pode acceder”.

Segue a Consellería de Mar explicando que "a pesar de que as confrarías rexeitaron dende o primeiro momento a proposta de formaren parte dunha comisión de seguemento para que puideran ter información de primeira man da evolución do cultivo, e aínda que en ningún momento se puxeron en contacto coa Consellería do Mar para informar sobre a aparición de exemplares mortos na ría, o departamento que dirixe Rosa Quintana requiriu inmediatamente á empresa un informe no que se detallase a evolución da mortandade do salmón na gaiola e o seu tratamento. A actuación inmediata por parte da Consellería completouse ademais dando orde ao Servizo de Gardacostas de que realizasen varias inspeccións pola zona que concluíron sen que se tivera atopado ningún exemplar do medio millar que aseguran as confrarías da zona teren albiscado".

Para informar ao sector dos resultados destas inspeccións, dos do informe da empresa e requirirlles tamén a información da que dispoñen, a Consellería convocará nos próximos días ás confrarías da zona. Así mesmo, solicitaráselles os resultados das analíticas que anunciaron ante a prensa que lles realizarían aos salmóns que aseguran ter recollido.

• A portavoz de Pesca Marisol Soneira quere saber si a Consellería do Mar ten algún estudo sobre a orixe dos salmóns mortos que apareceron aboiados na ría de Muros e Noia
• Tamén pregunta as medidas que vai tomar a Consellería do Mar para evitar episodios desta natureza no futuro

Muros-Noia, 7 de outubro de 2011. A deputada do Grupo Parlamentario dos Socialistas de Galicia, Marisol Soneira anunciou hoxe que rexistrou unha pregunta na Cámara Autonómica na que reclaman explicacións pola aparición de máis de cincocentos salmóns mortos aboiados a todo o longo e ancho na ría de Noia e Muros.

Soneira dixo que este feito é "dunha gravidade tremenda xa que implica unha falta absoluta de control, por parte da Consellaría do Mar, sobre as gaiolas alí instaladas para a cría e engorde destes peixes. A deputada advirte que supón unha absoluta neglixencia por parte da Consellería de Medio Ambiente, Territorio e Infraestruturas que descoñece o trato que a empresa acuícola dá aos peixes mortos, e as consecuencias que estes cadáveres poden ter para o ecosistema da ría".

Por todo esto a portavoz de Pesca quere saber si a Consellería do Mar ten algún estudo sobre a orixe dos salmóns mortos que apareceron aboiados na ría de Muros e Noia e  tamén que medidas tomará para evitar episodios desta natureza no futuro.

Ademais quere coñecer que controis fai, habitualmente, a Consellería do Mar sobre as gaiolas fondeadas na ría de Noia e de Muros para producir salmón en cautividade, e sobre as gaiolas e a súa incidencia no ecosistema da ría.

Click here to download:

56 POC salmóns mortos ria de noia e muros 051011 SONIA 71715-asinado.pdf (89 KB)

(download)

Click here to download:

56 POC salmóns mortos ria de noia e muros 051011 SONIA 71715-asinado.pdf (89 KB)

Antes, en Certo:

• Muros-Noia: que ocorre cos salmóns mortos?, pregunta o Bng

Muros-Noia, 5 de outubro de 2011. O BNG vén de rexistrar no Parlamento galego unha pregunta sobre a aparición de centos de salmón mortos na ría de Muros e Noia. A explicación máis verosímil, en canto a súa orixe, é que procedan da gaiola que a empresa North West Food ten fondeada nesta ría, destinada á cría desta especie e que ten provocado unha moi importante contestación social por parte de mariscadores, mariñeiros e mexilloeiros.
Lembran os do BNG da comarca de Muros e Noia que xa se pronunciaron en contra da instalación destas gaiolas por entender que non existen garantías de que non teñan afectación sobre a riquísima biodiversidade dos nosos estuarios e por apostar, ademais, por un xeito de explotación dos nosos recursos pouco sostíbel socialmente e alonxado da práctica habitual no noso territorio, ao realizarse por parte dunha empresa multinacional.

Por esa razón, o BNG realizará na Comisión de Pesca e Marisqueo as seguintes preguntas:

‐ Que información posúe a Consellería do Mar sobre o feito relatado?
‐ Que accións ten previsto realizar para investigar dito feito e as súas consecuencias?
‐ Que medidas prevé a consellería tomar tanto no apartado da contaminación como no referido á responsabilidade da empresa North West Food, se ao final se confirma dita responsabilidade?

Manuel González López

Responsábel Comarcal do BNG de Muros e Noia

Click here to download:

Pregunta Parlamento Salmóns-asinado.pdf (102 KB)

(download)

Click here to download:

Pregunta Parlamento Salmóns-asinado.pdf (102 KB)

Antes, en Certo:

• Grave conflicto pola instalación de gaiolas de salmón na ría de Muros e Noia
• O PP loitaba na oposición contra as gaiolas que agora defende

Pode que tamén lle interese:

• Pesca: o Bng acusa á Xunta de que non se poida faenar en Sálvora

Mitin do Bng en Noia: este venres 7 de outubro, con Francisco Jorquera

Gas: máis cartos para buscalo fronte a Noia

• Profesionais de medios de comunicación especializados en turismo e náutica dos mercados suízo, alemán e austríaco percorren durante esta semana Galicia e Asturias nunha viaxe de prensa organizada polas comunidades do norte de España que conforman a marca turística España Verde, en colaboración con Turespaña e ‘Villas Marineras’.
• As bisbarras de Barbanza e Noia, unha vez máis, non contan como destino turístico para a Xunta de Galicia e outros entes supramunicipais que chuchan fondos europeos para promocionar o turismo
  

Barbanza e Noia, 22 de setembro de 2011.- Un grupo de periodistas procedentes de Zürich, Viena e Düsseldorf participan durante esta semana nunha viaxe de prensa organizado polas comunidades que conforman a marca turística España Verde –Galicia, Asturias, Cantabria e Euskadi, xunto con Turespaña- en colaboración con ‘Villas Marineras’. Aerzte Journal, Ocean 7 e Spanien-Reisemagazin son os medios nos que se difundirán as reportaxes que durante estes días elaboran os xornalistas coa información que recompilen durante as súas visitas e experiencias turísticas no seu percorrido por algunhas privilexiadas vilas mariñeiras de Galicia e Asturias. 

No marco do convenio de colaboración entre o Instituto de Turismo de España, a Sociedad Anónima Pública Basquetour S.A., Turgalicia, a Sociedad Regional de Turismo del Principado de Asturias e a Sociedad Regional de Turismo de Cantabria para o desenvolvemento de accións conxuntas de márketing dos destinos e produtos turísticos asociados á marca España Verde, inclúese esta acción promocional que se desenvolve en colaboración con Villas Marineras e que percorrerá as vilas de Baiona, Sanxenxo, Sada, Ortigueira, Viveiro, Cudillero, Llanes, Ribadesella e Xixón.

As nosas bisbarras, ignoradas unha volta máis

Os xornalistas non coñecerán os atractivos da vila mariñeira de Rianxo, nin verán o porto de Ribeira, e tampouco se decatarán de que Noia foi, hai séculos, "Porto de Compostela". Por suposto, nin chío do turismo náutico de Porto do Son nin do potencial turismo mariñeiro da Pobra. Dirá algo Arousa-Norte desta discriminación? Fará algo a Asociación Rural de Desenvolvemento Muros-Noia? Ou limitaranse a fundir os fondos europeos en campañas turísticas erráticas, en sinais atrapa-turistas e confunde-propios? E os alcaldes destas bisbarras, van facer algo ao respecto?

‘Villas Marineras’ en España Verde

No seu percorrido por Baiona, os xornalistas visitarán o casco histórico, a réplica da Carabela Pinta, a Virxe da Roca e máis o faro de Cabo Silleiro. En Sanxenxo visitarán a ermida da Nosa Señora da Lanzada, o porto deportivo Xoán Carlos I e o Paseo de Silgar. Desprazaranse posteriormente a Sada e a Ortigueira, facendo unha parada na fábrica de Cerámica de Sargadelos. O Teatro da Beneficiencia e o Museo Ortegalia serán algunhas das paradas que realizarán durante o percorrido. A visita a Galicia completarase percorrendo o porto e o casco histórico de Viveiro. 

Xa en Asturias, farán o percorrido Llanes de Cine, no que visitarán a costa e os escenarios nos que tivo lugar a rodaxe de varias producións cinematográficas, así como os miradoiros e as praias máis emblemáticas da cidade. Os cubos da memoria e o Llanes mariñeiro e medieval completarán a visita a esta vila. En Ribadesella visitarán as Cuevas de Tito Bustillo e en Xixón o muro de San Lorenzo e mais o casco histórico. 

Ademais de descubrir os aspectos relacionados co carácter mariñeiro destas localidades, os xornalistas poderán gozar da magnífica gastronomía típica de cada unha das vilas e dos seus aloxamentos singulares.  

O turismo alemán en Galicia

Accións promocionais deste tipo están dirixidas a incrementar o peso do turismo destes mercados en Galicia que no caso de Alemaña, por exemplo, é xa bastante significativo. O ano pasado o 11,9% dos turistas estranxeiros que se aloxaron en establecementos regrados de Galicia procedían de Alemaña. O mercado alemán é xa o segundo mercado estranxeiro máis importante da comunidade, por detrás de Portugal. En 2010 rexistráronse preto de 90.000 viaxeiros e 160.000 pernoitas nos establecementos hoteleiros da comunidade de turistas procedentes de diferentes puntos do país xermano. 

Doutra parte, no que atinxe exclusivamente ao Camiño de Santiago e á procedencia dos peregrinos, Alemaña sitúase neste segmento como o principal país de orixe dos peregrinos estranxeiros, cun total de 14.522 peregrinos durante o Ano Santo 2010, o 17,3% do total internacional.

Noia, 26 de agosto de 2011. Xa pasaron unhas semanas desde a celebración da Concentración moteira da medieval vila de Noia, e quero desde este púlpito agradecer aos compañeiros moteiros do Motoclube Ria de Noia o seu óptimo traballo, ademais do coidado que tiveron para tratarnos como Deuses na terra e, aínda enrriba, con prezos "anticrise"!!!!

Louvados sexades: por algo no primeiro dia xa se esgotaron as inscricións ao superar os 300 inscritos!!!! Eu tiven que conformarme con acudir o domingo á ruta por Serra de Outes, que incluía unha novedosa "pinchada" cos consumición a prezo reducido (ademais demos traballo aos hosteleiros do lugar) que fixo que enchéramos a localidade como podedes ollar nas fotos.

O entretemento ao cargo dun experimentado acróbata utilizando unha potente moto, seguido dun Smart para facer "trompeadas", foi todo un éxito, ademais coincideu cun sábado espléndido de sol... Atoparedes algunha foto "cunha extraña pasaxeira", pero non vos preocupedes que xa tramitei a excomunión daqueles que queren enganar aos sufridos motoristas, cabaleiros da estrada!!!!

Xúntovos unhas trinta fotos que no mosteiro imos publicar na web do noso motoclube virtual proximamente (cando as labores espirituais me deixen algún tempo libre para atender os meus hobbies).

Unha aperta... e a miña bendición apostólica

Se es un toliño polo motor, pode que tamén che interese:

• Ribeira: 27 e 28 de agosto, III Concentración de Tunning

Motos Antigas: o 10 e 11 de setembro, V Xuntanza Internacional

Imágenes de la edición de 2010

El programa de actividades es el siguiente:

VIERNES 12:

- 20:00 Apertura de inscripciones
- 20:00 Ambientación musical
- 20:00 Reproducción continua Pantalla 50"(programa, ayuntamiento, patrocinadores)
- 20:00 Realización de tatuajes temporales
- 23:00 DJ y diversos sorteos a lo largo de la noche

SÁBADO 13:

- 10:00 Apertura inscripciones
- 10:00 Ambientación musical
- 10:00 Reproducción continua Pantalla 50"(programa, ayuntamiento, patrocinadores, GP de la Rep. Checa)
- 10:30 Exhibición de Karting y minimotos
- 11:00 Realización de tatuajes temporales
- 12:00 Ruta al ayuntamiento de Porto do Son con pinchada
- 15:00 Comida para inscritos
- 15:00 Exposición de coches de Rally
- 15:30 Exhibición de Karting, Quads y Trial
- 17:00 Exhibición Acrobática de Arrepiado Team, primer pase
- 18:00 Juegos en moto y regalo a los ganadores
- 20:30 Exhibición Acrobática con Arrepiado Team, segundo pase
- 22:00 Gran churrascada para inscritos
- 23:00 Prueba de decibelios
- 00:00 Desfile de antorchas por el casco antiguo de Noia
- 01:00 DJ y diversos sorteos a lo largo de la noche
- 02:00 Strippers masculino y femenino
Más sorpresas...

Los inscritos que lo deseen dispondrán de una zona de acampada tanto al aire libre como cubierta (en el pabellón polideportivo) donde hay duchas y agua caliente.

DOMINGO 14:

- 10:00 Apertura inscripciones
- 10:00 Ambientación musical
- 10:00 Reproducción continua Pantalla 50"(programa, ayuntamiento, patrocinadores, GP de la Rep. Checa)
- 10:30 Carreras de minimotos para los moteros mas intrépidos
- 10:30 Automodelismo
- 11:00 Realización de tatuajes temporales
- 11:30 Ruta al ayuntamiento de Outes con 2 pinchadas
- 13:30 Cierre de inscripciones
- 14:00 Comida, sorteos finales, entrega de trofeos y despedida de la fiesta

PRECIO DE LAS INSCRIPCIONES:
- 20 euros Inscripción Completa
- 10 euros Media Inscripción (sólo se venderán: Domingo 14)

CON LA INSCRIPCIÓN SE OBTIENE:

- 2 Comidas
- Gran Churrascada (Churrasco y mejillones)
- Postres - Aperitivos en rutas
- 1 pin conmemorativo de la concentración
- 1 camiseta conmemorativa de la concentración
- 1 llavero
- Trofeos y medallas
- Participación en infinidad de sorteos
- Derecho a acampada libre o en el pabellón (con agua caliente)
Y muchos obsequios sorpresa más...

SORTEOS QUE SE REALIZARÁN:

- Mono de cuero
- Cascos
- Cazadoras
- Guantes
- Botas
y más cosas que confirmarán en la web oficial:

http://moterosriadenoia.com

Relacionada: 

• Boiro: reportaxe da concentración de motos, polo P. Teixugo