Ribeira, 15 de mayo de 2012. Según indica en nota de prensa el grupo municipal socialista de Ribeira, "examinado el estudio de impacto ambiental de la Edar que quiere establecerse en Ribeira, el PSOE de Ribeira ha puesto de manifiesto algunas cuestiones básicas:

1.-que el proyecto de Edar es el que salió a exposición pública en el año 2009 y ante las deficiencias observadas se acordó por el Concello, por la Dirección General de Aguas y por otros intervinientes que se buscaría nueva ubicación para la Edar.

 
2.- Transcurridos casi tres años, no sólo no se busca una nueva ubicación, pese a haberse así acordado, sino que en ese tiempo se instalan distintas tuberías, no contempladas en el proyecto aludido, que escapan al estudio de impacto ambiental.

 3.- Los vertidos del polígono de Xarás vierten directamente al Touro sin ningún tipo de depuración, pese a que el Concello tiene la obligación de solicitar o exigir una depuradora para los peligrosos residuos industriales.

4.- No se depura tampoco ni se ha calculado el impacto de los vertidos del Hospital que van directamente al Touro.

5.-Ni los criterios de selección escogidos en el estudio ni los coeficientes de pondración son los más adecuados. Los vertidos van al lugar más protegido de Europa medioambientalmente pues allí se ubica el parque de las islas Atlánticas, el parque natural de Corrubedo y es una Zona de Interés Comunitario.

6.- No nos parece de recibo que todo el vertido que procede de Palmeira siga pasando, como hasta ahora, por toda la cabecera de la Playa de Coroso .

7.-El bombeo desde Palmeira hasta Couso hace que el consumo de energía acabe siendo impresionante, lo que va a suponer al ciudadano un importante coste mensual, debiendo tenerse, en cuenta que el coste de la energía, en este caso electricidad, está encareciéndose de manera exponencial. Existen alternativas menos impactantes ambientalmente y muchos menos costosas en su
construcción, y no digamos en cuanto al gasto que van a producir los bombeos, que hacen que el lugar elegido sea de los menos adecuados. Se ha señalado un lugar determinado y a partir de ahí se han hecho las justificaciones que se precisaron, pero en modo alguno se buscó cual podría ser el sitio más adecuado para la instalación de la Edar; lo que hará que en su momento haya un
arrepentimiento general pero prácticamente irreversible si se lleva a cabo cual ahora se pretende.

Más información y alegaciones al completo del Psoe de Ribeira, aquí

Relacionada:

Depuradora de Ribeira: Sagres alerta do cara e ineficiente que será

• Sagres presenta as súas alegacións ao documento de Estudo de Impacto Ambiental da depuradora prevista "pola súa falta de rigor, polas súas carencias, e por estar baseado en información non actualizada"
• Sagres quere recordar que "non existe en todo o territorio nacional un lugar onde coincidan tantas figuras de protección como Punta Couso: Parque Nacional das Illas Atlánticas, Parque Natural, Zona LIC-Rede Natura, Reserva Mariña Internacional do Convenio OSPAR e Convenio RAMSAR, é que as augas onde se pretende instalar o emisario son precisamente onde a Cofradía de Carreira-Aguiño quere promover unha reserva pesqueira".

Ribeira, 10 de maio de 2012. A Asociación Sagres quere manifestar o seu desacordo coa solución proposta pola Administración Hidraúlica de Galicia para a depuración das augas residuais do Concello de Ribeira, consistente no bombeo das augas residuais de todo o concello  a través da marxe litoral cara a Punta de Couso, Aguiño, para alí instalar unha gran depuradora.

"Sorprendentemente, a Administración opta pola opción máis custosa e menos eficiente e rexeita a opción O, consistente na depuración das augas residuais mediante dúas depuradoras de menor tamaño, unha para Palmeira-Ribeira e outra para Castiñeiras, Carreira e Aguiño", explican en nota de prensa dende ese colectivo.

EN CIFRAS: un millón de euros de aforro

Segundo os datos do Estudo de Impacto Ambiental, facer dúas depuradoras –alternativa 0- (unha para Palmeira-Ribeira, e outra para A Meixida, Castiñeiras, Carreira e Aguiño) coas súas conducións correspondentes é un 10% mais barato que construír unha soa gran depuradora en Punta en Couso, ou sexa, un aforro de máis de un millón de euros (1.114.000 €) de investimento inicial, así ademais de conlevar un menor investimento inicial, suporá tamén un aforro enerxético de mais de 60.000 euros anuais en enerxía (a prezos de 2012, segundo recolle o propio documento), o cal redundaría nun menor custo mensual do servizo para cada veciño.

EFICIENCIA

A opción de dúas depuradoras conta co consenso dos veciños e das distintas asociacións non só polo seu aforro, senón por ser a alternativa, das presentadas, a máis eficiente, e por  ter moito menor risco para o medio ambiente e os recursos marisqueiros.  

O Estudo de Impacto Ambiental non contempla a separación en orixe das augas fecais e pluviais, condición esencial para realizar unha depuración efectiva de todo tipo de augas residuais, xa que cada un dos tipos precisa unha depuración específica. Polo tanto, a separación dos tipos de augas residuais en orixe daría como resultado a clara mellora da calidade da auga, dado que cada tipo iría ben depurado segundo as súas  características.

GRAVES DEFICIENCIAS NO EIA RIBEIRA

Sagres presenta as súas alegacións ao documento de Estudo de Impacto Ambiental "pola súa falta de rigor, polas súas carencias, e por estar baseado en información non actualizada". A asociación considera que o documento non é válido para continuar o procedemento, posto que non aborda o problema de fondo que é a sobredimensión das estacións de bombeo existentes, debido a unha mala estratexia na que se incorpora máis capacidade de bombeo a medida que os problemas de incapacidade da rede se suceden, en lugar de afondar nas causas que provocan o mal funcionamento (entrada de augas pluviais, infiltracións, etc.). 

Entre outras omisións, non considera o valor dos bancos marisqueiros e pesqueiros que poderían verse afectados en caso de fallo técnico, vertedura accidental ou mal funcionamento continuado, nin considera a afección das zonas pesqueiras e as zonas de protección na selección de alternativas, nin presenta un Plan de Vixiancia Ambiental acorde cos riscos que asume.

Sagres considera que a solución plantexada "é parcial, pois esquécese da primeira prioridade, que debería ser a depuración das augas residuais industriais do Poligono de Xarás, que na actualidade seguen verténdose sen depuración na Punta do Touro". Tampouco considera a mellora e actualización da rede de saneamento, extendendo o servizo a tódalas vivendas do concello e separando as augas residuais das pluviais.

Necesidade urxente, retraso inadmisible

Sagres considera que "a necesidade de depurar as augas residuais é urxente, e o retraso inadmisible, pero é decepciónante que a Administración Hidraúlica queira  implantar o mesmo modelo de xestion de augas residuais que se vén intentando impoñer sen éxito desde hai 15 anos, bombear toda a auga residual lixo a unha esquina do Concello". Un modelo obsoleto que contravén as recomendacións da Comunidade Europea.

Verteduras en plena Rede Natura

Será outra infraestrutura máis coa que se está a despilfarrar os cartos do erario público, pois a súa eficiencia ecolóxica será baixa, xerará enormes custos de explotación que non serán asumibles polos veciños e suporá un paso máis na degradación dunha zona de gran valor ambiental, turístico e paisaxístico, xa que o emisario submariño verterá en plena Rede Natura, a escasos centos de metros do Parque Nacional Maritimo-Terrestre das Illas Atlánticas, e a corta distancia da praia do Vilar e o Parque Natural das Dunas de Corrubedo - Vixán.

Sagres quere recordar que "non existe en todo o territorio nacional un lugar onde coincidan tantas figuras de protección como Punta Couso: Parque Nacional das Illas Atlánticas, Parque Natural, Zona LIC-Rede Natura, Reserva Mariña Internacional do Convenio OSPAR e Convenio RAMSAR, é que as augas onde se pretende instalar o emisario son precisamente onde a Cofradía de Carreira-Aguiño quere promover unha reserva pesqueira".

Que recúen

Sagres considera que "a Administración debe dar marcha atrás nas súas decisións, e proporcionar un servizo de depuración das augas residuais que os veciños e as augas da Ría se merecen: un deseño que depure en orixe e de xeito eficiente, que respecte o medio ambiente, as zonas protexidas (que fan inigualable a Punta Couso e o noso Concello no contexto nacional), e a produción pesqueira sostible en busca do menor risco ambiental".

Ribeira, 29 de abril de 2012. O responsable local e o portavoz municipal do BNG de Ribeira explicou esta semana en rolda de prensa a presentación da alegación do BNG á Estación Depuradora de Residuos de Ribeira.

"É unha vella demanda do BNG, e para nós algo prioritario, que Ribeira conte co necesario saneamento integral das súas augas residuais. Augas de Galicia non ten previsto facer a depuradora para os residuos do Polígono de Xarás. A pesares de recoñecer e saber que teñen unha alta carga contaminante e que son, polo menos, a metade das augas residuais do concello de Ribeira", argumentan os nacionalistas ribeirenses.

"A solución que se ofrece é levalas por separado ó emisario do Touro e botalas directamente a ria sen depurar. Lembremos que na actualidade o emisario está roto e contamina zonas de marisqueo e baño. O BNG considera que pretender depurar só as augas residuais urbanas, deixando sen depurar as augas industriais, dista moito de ser unha depuración integral e tamén unha solución racional dos vertidos neste concello", continúa o Bng. 

Desde o BNG demandan do alcalde e do seu equipo de goberno que "antepoñan os intereses dos cidadáns de Ribeira ós do seu partido e esixan ante a Xunta de Galicia e a Consellería de Infraestruturas e Medio Ambiente, como fai o BNG na súa Alegación, que a depuración das augas residuais se faga con todas as garantías e que se respecte o acordo acadado por unanimidade de todos os grupos  (PP, BNG, PSOE, IPdR) polo Pleno do Concello de Ribeira do día 30 de Xullo do 2007, que incluía entre outros puntos,” que se solicite da Xunta de Galicia unha depuradora específica para o Polígono Industrial de Xarás”, xa que é a expresión da vontade de toda a cidadanía de Ribeira".

Demandan tamén o cumprimento do compromiso tal como se recolle na acta do dia 25-03-2010: “O Sr. Alcalde asegura que a solución dos vertidos urbanos irá de forma paralela á solución e confirmación da depuración industrial”

"Se todos os Grupos Municipais fomos capaces de chegar a este acordo de mínimos, non se entendería agora posturas contrarias por parte do goberno local e autonómico. Consideramos que Ribeira ten unhas enormes potencialidades tanto no ámbito dos sectores vencellados ao mar, á industria e ao turismo e que a vía de desenvolvemento económico ten que asentarse en converter eses sectores en punta de lanza para crear emprego. A vertedura directa ó mar sen depurar non contribúe a iso", rematan Vicente Paz e Xosé Antonio Vázquez.

Ribeira: o venres 18 de maio presentan no Ateneo Valle-Inclán o libro de Emilio Alonso "Vigo a 80" post.ly/72YKp

— Certo (@Certo) April 28, 2012

• Augas de Galicia incide na necesidade de realizar un mellor mantemento da rede e investir nunha nova depuradora así como a reparación do actual emisario de Touro e a separación do caudal industrial do polígono de Xarás
• Na actualidade o bombeo industrial está rematado, a reparación do emisario de Touro está próxima a ser adxudicada e o estudo de alternativas da EDAR está pasando a tramitación ambiental e prevese licitar neste ano
• A nova depuradora dará servizo a unha poboación aproximada de 36.000 habitantes, tratando as residuais de Ribeira, Aguiño, Ameixida, Revolta e Castiñeiras, utilizando unha avanzada e eficaz tecnoloxía
• A Xunta está a executar colectores Xerais e EDAR de Corrubedo cun investimento de máis de 5 millóns de euros

Hai pouco máis dun ano denunciaran a sepultación dun petróglifo nas obras da Edar de Corrubedo

Ribeira, 26 de marzo de 2012.- A Consellería de Medio Ambiente, Territorio e Infraestruturas publica hoxe no Diario Oficial de Galicia (DOG) a resolución pola que se somete a información pública o estudo de impacto ambiental do anteproxecto de construción da estación depuradora de Ribeira. Como reiteramos noutras noticias semellantes, é ben pouco ético que a mesma consellería que fai unha obra -Infraestruturas- informe sobre o seu impacto ambiental -Medio Ambiente-, por moito que lle pida os estudos a consultoras, en teoría, "independentes".

Augas de Galicia considerou necesario definir unha actuación integral que tivese en conta o funcionamento actual e futuro das redes existentes e os procesos de depuración, así como a súa influencia na ría de Arousa. Para esta tarefa priorizouse, dentro do “Plan Sectorial de Saneamento Local da Ría de Arousa”, a redacción da planificación correspondente ao concello de Ribeira que se presentou en setembro do ano pasado. Con este proxecto preténdese resolver a situación de saneamento da costa interior do concello, onde viven cerca de 30.000 persoas, e que presenta grandes deficiencias. Actualmente, as augas residuais dos núcleos de Ribeira, Aguiño, Castiñeira, Ameixida e Revolta, verten na punta de Touro cunha escasa depuración a través dun emisario submarino en mal estado.

As conclusións desta planificación resúmense na necesidade de realizar un mellor mantemento da rede e investir nunha nova estación depuradora así como a reparación do actual emisario de Touro e a separación do caudal industrial do polígono de Xarás.

A execución desta planificación é prioritaria para a Xunta de Galicia polo impacto positivo que terá para a ría e o avance que supón no cumprimento da directiva europea. E por isto que o bombeo industrial, que separa as augas do polígono industrias de Xarás, foi rematado pola Xunta de Galicia xa a finais do ano pasado, a reparación do emisario de Touro está próxima a ser adxudicada (foi licitada en xaneiro de 2012) e o estudo de alternativas da EDAR está pasando a tramitación ambiental e prevese licitar no verán deste ano. En total estas actuacións sumadas aos custos de redacción dos plans e proxectos previos necesarios supoñen un investimento de máis de 23 millóns de euros.

Características técnicas da nova EDAR de Ribeira

A nova estación depuradora de augas residuais de Ribeira dará servizo a unha poboación aproximada de 36.000 habitantes. Deseñarase para tratar un caudal medio de 93 l/s que supón 8.035,20 m3/día e poderá depurar puntas de ata 279 l/s.

A EDAR depurará as augas residuais do núcleo urbano de Ribeira, a poboación de Aguiño e as localidades de Ameixida, Revolta e Castiñeiras, utilizando unha avanzada e eficaz tecnoloxía.

En cada unha das dúas liñas de auga previstas existirán 5 procesos. Nunha primeira estación realizarase o desbaste de grosos mediante tamices autolimpadores de 3 mm de paso. Posteriormente, nun tanque rectangular de 72 m3 de capacidade, con ponte areeiro e barreira de graxas, efectuarase o desareado e desengraxado. Rematado este pretratamento, as augas residuais recibirán o tratamento biolóxico, baseado na tecnoloxía de fangos activos de aireación prolongada para utilizará un tanque de 4.500 m3 de capacidade. Unha posterior decantación secundaria que se realizara nun decantador circular de 25 m de diámetro e 1.644 m3 de capacidade permitirá eliminar os fangos xerados polo proceso biolóxico.

A existencia de dúas liñas de auga garante a depuración en caso de fallo ou parada de mantemento de algunha de elas, xa que serán independentes e funcionarán en paralelo. No caso pouco probable dunha avaría nas dúas liñas de auga ao mesmo tempo, o sistema estará preparado para deter os bombeos que achegan a auga á planta, derivando as residuais cara ao emisario submarino de Touro, que é o utilizado na actualidade.

A planta depuradora incorporará tamén una liña de fangos na que se levarán a cabo os proceso de espesado, nun tanque estático con emparrillado xiratorio e 273 m3 de capacidade, e de deshidratación, en dúas unidades centrífugas cunha capacidade de 10 m3/h cada unha. Finalmente para evitar olores levarase a cabo unha desodorización por medio dun filtro con soporte vexetal que terá unha capacidade de tratamento de 7.500 m3/h.

Actuacións complementarias
A Xunta está levando a cabo, paralelamente as anteriores obras contempladas no “Plan Sectorial de Saneamento Local da Ría de Arousa”, o saneamento e depuración dos núcleos que verten ao mar aberto na zona de Corrubedo. A Consellería de Medio Ambiente, Territorio e Infraestruturas executa alí o proxecto de colectores xerais e EDAR de Corrubedo cun investimento de máis de 5 millóns de euros.

Antes, en Certo:

Saneamento: Sagres, contra a depuradora en Couso

Ribeira: a CIG convoca manifestación este xoves 29, día da Folga Xeral, ás 12:45 na Praza do Peixe post.ly/6Hbdk

— Certo (@Certo) March 26, 2012

Ribeira: renovarán servizos e axeitarán un espazo público na rúa Romero Ortiz post.ly/6Hgcb

— Certo (@Certo) March 26, 2012

"estaba seguro de una cosa: el futuro de la República sólo podría ser resuelto con un gallego como presidente". Mimá! neixon.blogspot.com.es/2012/03/irman-…

— Certo (@Certo) March 26, 2012

• Tereixa Paz (BNG) afirmou que está "máis que demostrado o mal funcionamento do sistema dende a súa posta en marcha polo que a Xunta non pode eludir esta cuestión”

 http://farm5.staticflickr.com/4033/4372800669_e944765b94.jpg

Noia, 22 marzo de 2012.- Os votos do PP impediron hoxe sacar adiante unha proposición non de lei do BNG reclamando responsabilidades polos defectos na execución das obras de saneamento da ría de Noia.

A deputada Tereixa Paz explicou que andado o tempo, logo de terse construido a estación depuradora, constatouse que o sistema só funciona nunha proporción mínima, atopándose os maiores problemas no colector xeral e nos pozos de bombeo.

A deputada nacionalista lembrou que se trata dun sistema de saneamento deseñado para o concello en 1994, que xa vén arrastrando eivas dende ese ano, polo que a Xunta, a través de Augas de Galicia, decidiu a posta en marcha dun novo procedemento administrativo para redactar un novo proxecto técnico, que obtivo o respaldo unánime do pleno do concello o 15 de Novembro do pasado ano.

O novo proxecto describe unha situación segundo a cal nestes momentos só funciona, conectada á EDAR, a conca que verque ao interceptor sur dende a piscina municipal. O resto dos tramos do colector sofren distintos problemas que impiden o seu funcionamento correcto; o sistema de bombeo que se sitúa sobre o colector está fóra de servizo e só está en funcionamento o bombeo previo á EDAR, situado no Cruceiro de Barro.

Perante esta realidade, e tendo en conta que o concello aprobou unha resolución a favor de reclamar, Tereixa Paz explicou que era lóxico traer este asunto ao Parlamento, “pois hai base suficiente para esixir unha reclamación. Estamos ante unha obra moi necesaria para a vila, mal feita, e a Xunta non pode mirar para outro lado”.

Relacionada:

Saneamento en Noia: o conselleiro de Infraestruturas presentou a obra dos colectores e aproveitou para cargar contra o Bipartito

Antes, en Certo:

Saneamento de 1994: lévano ao Parlamento para pedir responsabilidades

Noia: programación cultural prevista ata maio post.ly/6AftX

— Certo (@Certo) March 22, 2012

• O Bng considera necesario incoar expediente de esixencia de responsabilidades pola mala execución daquel saneamento integral
• Defenderá a proposición non de lei a deputada nacionalista Tareixa Paz este vindeiro xoves 22 de marzo

Noia, 19 de marzo de 2012.-  Este xoves, 22 de marzo, a Comisión 2ª do Parlamento Galego, debaterá unha proposición non de lei promovida polo BNG que busca o inicio dun expediente de esixencia de responsabilidades, a quen corresponda, polas obras defectuosas do saneamento integral de Noia, contratadas no ano 1994 e executadas nos anos posteriores.

A iniciativa parlamentaria púxose en marcha a partir dun acordo adoptado polo Pleno do Concello de Noia en novembro de ano 2010, a instancias do grupo municipal do BNG, á vista da necesidade de refacer o colector xeral de marxe así como tamén a dunha serie de pozos de bombeo.

A constatación desas deficiencias veñen recollidas na descrición da situación actual da rede de colectores que fan os redactores do novo proxecto de saneamento, hoxe xa en execución: ”Na actualidade só está en funcionamento, e conectada á EDAR a conca que verte ao interceptor sur, desde a piscina municipal. En xeral o resto dos tramos do colector interceptor sofren distintas problemáticas, algunhas veces combinadas, que impiden o seu correcto funcionamento: tramos en contrapendente, infiltracións de auga salgada, mal estado do tubo, etc. Por outra parte e derivado en parte do estado do colector interceptor, o sistema de bombeos que se sitúa sobre este está fóra de servizo: bombeos da Chainza, río Traba, San Lázaro, e dique-Labarta, ao sur da EDAR; e do Río do Porto e Barquiña ao norte. Só se atopa en funcionamento o bombeo previo á EDAR situado no Cruceiro de Barro”.

Máis adiante afirman: “o estado xeral do colector-interceptor e do seu sistema de bombeos é inaceptable: só un tramo parcial do colector-interceptor atópase en funcionamento na actualidade (o que se desenvolve por gravidade, ata o bombeo previo á EDAR, desde a piscina municipal) , e mesmo este tramo presenta problemas xeométricos relevantes, que aconsellan a súa remodelación”, establecendo como obxectivos do proxecto  “reconstruír o colector interceptor xeral de forma completa, tanto as conducións, como o sistema de bombeos, e alivios, de forma que se deriven as augas en tempo seco cara á EDAR municipal”.

Logo de que o acordo municipal dirixido ao Organismo Autónomo Augas de Galicia, caese en saco roto, a proposición non de lei busca, baixo o argumento de que existindo base para reclamar por unha obra defectuosamente executada a Xunta eluda a cuestión, instar ao Goberno Galego á incoación dun expediente destinado a esixir responsabilidades –a quen determine- polos vicios ocultos na execución das obras do colector de marxe e pozos de bombeo do saneamento integral contratadas no ano 1994.

Click here to download:

Proposici...pdf (131 KB)

(download)

Click here to download:

Proposici...pdf (131 KB)

Política: Lola Caramés, responsable comarcal de + Galiza na comarca de Muros e Noia post.ly/66QPo

— Certo (@Certo) March 19, 2012

Noia: a Banda Crebinsky actuará polas festas de San Marcos post.ly/66PPI

— Certo (@Certo) March 19, 2012

Noia: o Liceo organiza unha charla médica, un concerto de jazz e un baile estes últimos días de marzo post.ly/66PF1

— Certo (@Certo) March 19, 2012

• Acusan ao goberno municipal do PP de "mirar para outro lado ante estes atentados ecolóxicos"

A Pobra do Caramiñal, 16 de febreiro de 2012. O Bng vén de presentar unha nova iniciativa no Parlamento que atinxe á últimas -e semella que non derradeiras- verteduras industriais producidas na estación depuradora do municipio.

Segundo os nacionalistas, "á vista de que estamos a falar dunha instalación concesionada pola Xunta, a cal, ademais, forma parte da comisión de control de verteduras constituída no 2009 na Pobra e, comprobado que o goberno municipal do PP fai oídos xordos ás denuncias e solicitudes de Bng, recorremos agora ao Parlamento para intentar obter do goberno de Feijóo as respostas que o de Isaac Maceiras non nos quere dar, ou nos dá con evasivas pouco serias e responsables. O Bng seguirá insistindo nesta teima ata que o goberno municipal exerza as súas competencias e se deixe de consentir a determinadas empresas que sigan provocando atentados ecolóxicos, danos para a saúde das persoas e prexuízos económicos para sectores tan importantes na localidade como o marisqueiro. Non pararemos ata que o goberno municipal, co alcalde Isaac Maceiras á fronte, persigan con todo o peso que a lei permite aos infractores e ata que o propio executivo local deixe de infrinxir el mesmo a lei ao mirar para outro lado cada vez que se produce unha vertedura industrial que, por desgraza para a veciñanza da Pobra, é con moita asiduidade".

Click here to download:

77638-asinado.pdf (104 KB)

(download)

Click here to download:

77638-asinado.pdf (104 KB)

Pode que tamén lle interese:

Presentación de libro: o venres 24 de febreiro, "Laura no deserto" no Liceo

Entroido 2012: programación prevista

Viaxe: a Madrid, do 22 ao 25 de marzo. Anótate!

•  Aprobouse tamén por unanimidade instar ao Goberno galego a acometer o saneamento integral do concello 
• Marisol Soneira denunciou que a máxima de quen contamina paga está  a arruinar importantes proxectos dos sector do mar instalados en Couso e Xarás

Ribeira , 29 de decembro de 2011. A comisión 2ª do Parlamento de Galicia vén de aprobar unha Proposición no de Lei dos Socialistas de Galicia, transacionada con nacionalistas e populares, pola que se insta á Xunta a que, con carácter de urxencia, estableza as medidas que fosen necesarias para garantir que as verteduras industriais procedentes das empresas asentadas nos polígonos de Couso e Xarás, no concello de Ribeira, non afecten negativamente ás actividades acuícolas nin aos bancos marisqueiros da zona, nin ao medio ambiente en xeral.  

A iniciativa require tamén do Goberno galego a que, con carácter de urxencia, acometa as accións que fosen necesarias para dotar ao concello de Ribeira dun saneamento integral que solucione, definitivamente, os problemas medio ambientais ocasionados polos vertidos urbanos. 

Marisol Soneira, deputada socialista encargada de defender a iniciativa, amosou a súa satisfacción polo acordo acadado, e puxo de manifesto a importancia do mesmo, por tratarse “dun problema endémico deste municipio, que no é calquera cousa”. Soneira lembrou que Ribeira é dos municipios importantes de Galicia, demográfica e economicamente e pola situación de cabeceira de comarca que detenta, e non parece razoable que a estas alturas este concello estea a verter á ría “a caño libre” todos os residuos urbanos e industriais.  

A parlamentaria socialista confesou que a iniciativa pretendía nun principio poñer solución aos problemas coas verteduras libres das empresas dos polígonos de Ribeira que afectan ás empresas pesqueiras, pero, “non temos ningún inconveniente en estender a petición ao Executivo galego para dotar de saneamento integral a todo o concello coruñés” aproveitando a súa tramitación na comisión de Medio Ambiente, en lugar de na de Pesca.  

Neste sentido, advertiu Marisol Soneira de dúas cuestións. Por unha banda, denunciou os “atrancos que o Concello de Ribeira –en alusión á anterior corporación- puxo sempre para que se puidera levar a cabo un saneamento integral dese concello”. 

Por outra recordou o anuncio do conselleiro Hernández -Medio Ambiente- dun acordo para ubicar o saneamento integral en Couso, pero a confraría de Aguiño non está de acordo nunha macro-depuradora, e prefiren unha solución compartida con outros puntos de Ribeira, “como por outra parte parece lóxico”. Soneira salientou a “enorme desconfianza” que as precedentes actuacións da Xunta suscita entre as confrarías.    

“QUEN CONTAMINA, PAGA” PODE ARRUINAR PROXECTOS MILLONARIOS NOS POLÍGONOS DE COUSO E XARÁS 

Na súa exposición de motivos, Marisol Soneira centrou a preocupación dos socialistas “no razoamento que nos da Xunta”, que asegurou nunha resposta a unha pregunta parlamentaria que a súa función se limita a prestar todo o apoio técnico e xurídico e administrativo que lle sexa requirido a fin de levar a bo termo as peticións de responsabilidade.  

Para a deputada socialista isto significa que a Administración que ten que garantir o cumprimento da lei e ten que defender a aqueles que se teñen instalado alí – nos polígonos de Ribeira citados- con proxectos acuícolas e marisqueiros interesantes e que están condenados ao fracaso ata que se resolva o asunto das verteduras e a contaminación, dilles que “como quen contamina paga, o que paga pode contaminar”. Porque “o que se está obrigando é ao prexudicado a que presente unha demanda nos tribunais, mentres a Xunta, en todo caso vai limitarse a labores de asesoramento”, afirma.  

Conclúe Soneira que dá a sensación de que “non temos unha Administración que protexa os nosos dereitos obxectivos, como é neste caso”.  Hai moitas empresas nestes polígonos que dependen da calidade das augas para a súa subsistencia e desenvolvemento, proxectos como os dos parquistas de Carril, de cultivo de rodaballo en terra, ou os bancos marisqueiros da confraría de Aguiño, “unha das entidades que teñen denunciado vertidos incontrolados”, apunta a deputada socialista. Entre as empresas denunciadas, destaca Marisol Soneira a “curiosidade de que unha é da que foi xerente un director xeral da Consellería do Mar, que, por certo, non tiña nin licencia de verteduras, sen embargo funciona e segue a verter”. 

O proxecto dos parquistas de Carril, para cría de ameixa, está parado desde fai un ano. Este proxecto, cun forte investimento europeo e da Xunta tivo que mandar ao paro aos seus investigadores e persoal porque “ao lado ten empresas que verten a caño libre”, recriminou Soneira.

A Coruña, 8 de decembro de 2011.- A delegada territorial da Xunta na provincia, Belén do Campo, e o alcalde de Porto do Son, Luís Oujo, asinaron o documento de conformidade para a concesión da subvención destinada á realización de varias actuacións para a mellora do sistema de abastecemento de auga do municipio, co fin de evitar problemas de subministro nas épocas de maior incremento da poboación.

Os traballos foron financiados integramente polo Goberno galego, a través da Consellería de Presidencia, Administracións Públicas e Xustiza. Do Campo comprobou o resultado das obras, para as que o Executivo autonómico aportou 127.421 euros a través do Fondo de Compensación Ambiental.

O proxecto consistiu na modificación das instalacións da Estación de Tratamento de Auga Potable (ETAP) e no acondicionamento do depósito regulador. Para iso, levouse a cabo a instalación de tres grupos motobombas, substituíndo os existentes, como aceleradores do caudal afluente do depósito regulador da auga bruta. Ademais, acometéronse labores de mantemento do depósito, coa renovación de filtros e válvulas en mal estado.

Do Campo destacou o apoio do Goberno autonómico aos Concellos e, no caso de Porto do Son, agradeceu a colaboración do rexedor, que permitiu levar a cabo diversos proxectos para mellorar a calidade de vida dos veciños e veciñas. A delegada territorial expresou a súa disposición a manter “todo o diálogo e cooperación” co Executivo local para seguir incrementando o benestar dos cidadáns.

Pode que tamén lle interese:

Obradoiro de compostaxe: o sábado 10 de decembro en Muro

Antes, en Certo:

Campaña: o punto limpo, "vendido" dúas veces en 8 días

O Goberno galego, a través de Augas de Galicia, cos impostos de todos os galegos, realizou unha achega económica de máis de 1,5 millóns de euros para a execución desta infraestrutura hidráulica no concello rianxeiro. Trátase dunha depuradora biolóxica de fangos activados mediante o sistema de aireación prolongada con eliminación de nitróxeno e fósforo, estabilización e deshidratación de fangos. Para o tratamento primario, esta infraestrutura conta con reixas para a retención de sólidos, desareador e desengraxador; para o tratamento biolóxico, tanque de aireación; e para a liña de fangos, sistema de bombeo.

A nova EDAR beneficiará a preto de 670 habitantes dos núcleos de Cabanas, A Igrexa, Meiquiz, Or, Raño, Rial, Palleiro e Pedreira.

Por outra parte, no que se refire ao plan de saneamento local elaborado por Augas de Galicia para a marxe norte da ría de Arousa, Agustín Hernández explicou que no caso concreto de Rianxo o diagnóstico realizado revela que o colector interceptor e a EDAR actual son insuficientes, xa que a partir do inventario detallado da rede de saneamento detectáronse múltiples problemáticas. Hai un exceso de auga na rede, debida á elevada infiltración, sobre todo no rural, e á entrada de augas pluviais. Tamén se constataron fallos no funcionamento dos bombeos e inventariáronse verteduras industriais con cargas elevadas tanto á rede como directamente ao medio receptor. Isto afecta ao rendemento da depuradora, e no medio receptor, as verteduras prodúcense preto de zonas de marisqueo tanto a pé como a flote.

A Xunta de Galicia, como solución aos problemas citados anteriormente, está a traballar en propostas encamiñadas á redución dos caudais que se reciben na rede de saneamento, así como na ampliación do colector interceptor e a EDAR. Concretamente estanse a estudar as seguintes actuacións:

• Ampliación do colector interceptor nun tramo de 1 km de lonxitude, con diámetros comprendidos entre os 800 e os 1.200 mm.
• Construción dun depósito de retención de aproximadamente 800 m3, ao que se lle dará saída mediante un novo bombeo, que actuará como bombeo de cabeceira da EDAR.
• Ampliación da capacidade de tratamento da EDAR, mediante o desdobramento da súa liña de tratamento actual, dotándoa dun novo pretratamento, dado o mal estado do actual.
• Redución do caudal que chega á rede, eliminando auga pluvial e caudal procedente de infiltración. Para iso será necesaria a construción de novos pozos de rexistro estancos, substitución de tramos de colector, e construción de novos colectores para augas fecais, destinando os existentes a pluviais e eliminando as acometidas de fecais que reciban.

A día de hoxe foi contratada a redación dos plans de saneamento local das rías de O Burgo e de Arousa, o que supuxo un importante esforzo inversor, de máis de 4 millóns de euros de orzamento de adxudicación. Cabe citar que a redacción do plan de saneamento local da marxe dereita da ría de Arousa, nos Concellos de Boiro e Rianxo, está practicamente rematada, cun investimento de 730.574 euros.

Pode que tamén lle interese:

Curso de trompa: do 3 ao 6 de decembro

Torneo: o III de Tenis de Nadal xa comeza este mes

Portos: reparado o teito da lonxa

Premios: o compositor Antón Alcalde gáñaos a pares

Ribeira, 22 de novembro de 2011.- O Concello asegura que vai investir 89.144,40 euros no saneamento dun camiño de conexión dos lugares de Ameixida e O Touro. 

Con esta obxectivo, técnicos do Concello xa elaboraron o correspondente proxecto co obxecto de sacalos de inmediato a concurso público. O prazo de execución é de tres meses. 

Actualmente o citado camiño presenta unha traza bastante irregular, con pavimento de formigón nalgún tramo e de terra noutro. En toda a zona de actuación, os colectores de pluviais e fecais están moi deteriorados e están feitos nun material que apenas se emprega na actualidade para este tipo de instalacións. Asemade, a tubaxe de abastecemento de auga é de fibrocemento. 

O obxectivo fundamental perseguida coa actuación é a renovación dos servizos urbanos de auga potable, saneamento e pluviais, utilizando materiais que si se usan a día de hoxe, tales como tubaxes de PVC para fecais e pluviais e tubaxes de polietileno de alta densidade para auga potable. 

Unha vez realizada a demolición dos pavimentos existentes, rematarase o camiño cun pavimento de mestura bituminosa en quente no tramo con máis pendente, e zahorra artificial compactada no resto da vía, que se corresponde co tramo máis estreito e con menos pendente, harmonizando así co entorno no que se actúa. En gran parte do camiño existen masas rochosas que é preciso demoler en parte para a aplicación do novo pavimento. 

A actuación será  acometida con cargo ao canon de saneamento derivado da adxudicación do servizo municipal de augas.

Lixó e Gándara

Ribeira, 16 de novembro de 2011. O Concello informou hoxe do vindeiro investimentos de  280.000 euros para establecer saneamento en dous lugares situados na parroquia de Oleiros: concretamente os núcleos de Gándara e Lixó, que actualmente carecen deste servizo. 

Con esta obxectivo, técnicos do Concello xa elaboraron os correspondentes proxectos co obxecto de sacalos de inmediato a concurso público. 

Polo que respecta ao lugar de Lixó, a actuación prevista ascende a un montante de 171.015,37 euros e ten un prazo de execución de catro meses.  

Instalarase unha tubaxe de 1.166 metros de lonxitude de PVC compacto ademais de 36 pozos de rexistro, dos cales 30 irán a 1,70 metros de profundidade e 6 a 2,50 metros. 

En canto a Gándara, o importe da obra é de 108.506,99 euros e ten un prazo de execución de dous meses.  

A tubaxe que será  instalada (tamén de PVC compacto) terá unha lonxitude de 474 metros e colocaranse 16 pozos de rexistro, 7 a unha profundidade de 1,70 metros e 9 a 2,50 metros. 

Ambas actuacións están feitas con cargo ao canon de saneamento derivado da adxudicación do servizo municipal de augas.

Pode que tamén lle interese:

Tráfico: o alcalde pide seguridade na estrada de Oleiros

Airoas: o obradoiro de emprego cumpre mellor ca os políticos

Obradoiro: dores neuropáticas e fibromialxia. O mércores 23

Xuntos polo Nadal: prazo para anotarse ata o 30 de novembro