Certo.gl, o xornal dixital de Barbanza e Noia

October 10, 2011

Atletismo: gañadores da Carreira de Santa Uxía nas categorías máis mozas

Click here to download:

LISTADO PREMIADOS CARRERA POPULAR 2011.doc (56 KB)

(download)

A carreira tivo lugar o sábado 8 de outubro en Ribeira.

Pode que tamén lle interese:

Mobilizacións para faenar en Sálvora: este sábado 15, de Aguiño a Vigo

Ribeira: horarios da UxíaNet 1.1, do 14 ao 16 de outubro

Filed under // Santa Uxía atletismo clasificación

Comentarios [0]

September 9, 2011

Ribeira: programación e carteis das Festas Patronais de Santa Uxía, o 11 e 12 de setembro

Ribeira, 9 de setembro de 2011. A solemnidade dos actos relixiosos propios das Festas Patronais de Santa Uxía irán da man dun nutrido cartel de actividades lúdicas, musicais e culturais nunha edición que terá lugar o domingo 11 e o luns 12 de setembro. A concelleira de Cultura, Elvira Pisos, e o cura párroco de Santa Uxía, Cesáreo Canabal, foron os encargados de explicar polo miúdo o programa de eventos.

O programa da festividade está organizado dende a Concellería de Cultura e Festexos coa colaboración da Parroquia de Santa Uxía, das Concellerías de Deportes e Xuventude e outras entidades como a Asociación Amas de Casa, a Asociación Bitoque, a Deputación da Coruña ou o Ateneo Valle-Inclán.

Cesáreo Canabal explicou a parte relixiosa. Ás 20 horas do domingo terá lugar unha misa solemne na igrexa parroquial de Santa Uxía cantada pola Coral Montemar, agrupación que seguidamente dará aos asistentes cun concerto.

Polo que respecta ao propio día de Santa Uxía, 12 de setembro, ás 12 do mediodía terá lugar a misa solemne na honra da patroa (estará cantada pola Coral Polifónica do Círculo Mercantil e Industrial) e a continuación celebrarase a tradicional procesión acompañada da banda de música de Negreira, o grupo de gaitas Chorimas de Queiruga e o grupo de baile Asociación Aires da Dorna de Ribeira.

Elvira Pisos destacou a diversidade de actos que se sucederán ao longo dos dous días de festa: dende unha actividade literaria no ateneo Valle Inclán, que será o luns 12 ás 20.30 horas coa presentación da novela “Anacaona. El fin de una raza” de Ramón Carredano Cobas, pasando por actividades infantís como unha Xornada Multixogo e de Xogos Populares o domingo 11 ás 17 horas na Praza de España para nenos e nenas de 6 a 12 anos a unha actuación de maxia ambulante o luns 12 ás 18 horas na Praza do Concello a cargo do mago Dani García (esta actividade terá lugar no Auditorio en caso de chuvia).

Tamén haberá eventos para a xente maior como son o Festival de Danza Mariñeira o domingo ás 20.30 horas no Auditorio Municipal (xa que se traslada para aquí debido á chuvia, inicialmente ía ser na Praza do Concello) coa participación dos grupos de música e danza Perla de Arosa de Vilagarcía, Caramiñas da Pobra do Caramiñal e Aires da Dorna de Ribeira ademais das Cantareiras de Amas de Casa ou a actuación de Mariú o domingo no Malecón ás 23 horas. A xente nova tamén terá o seu espazo coa Sesión de música a cargo de Dani DJ o domingo pola noite no Malecón (diante do palco de pedra) a partir das 00.30 horas Completamos os festexos coas ruadas da Banda de Música de Negreira e o Grupo de Gaitas Chorimas de Queiruga.

Un dos pratos fortes da programación será o concerto de Luar na Lubre que terá lugar o luns 12, Día de Santa Uxía, ás 22 horas na Praza de España. Esta actuación é moi agardada pola cidadanía e ven a cubrir a suspensión que tivo lugar nas Festas do Verán por mor da chuvia. Esta actividade está incluída no programa da Fiestra da Cultura e conta coa colaboración da Deputación da Coruña.

Pode que tamén lle interese:

Carreira de Santa Uxía: 250 atletas adultos este sábado 10

Centro de Alzheimer: aniversario

Sálvora C.F.: continúa a escola de fútbol este curso 2011-2012

Irmandamento: visitas e agasallos entre Adeje e Ribeira

Viaxe a Santo André de Teixido: abren prazo para anotarse

Arte: o ribeirense Gonzalo Sarasquete expón en Santiago

Certame de caza: 21 participantes. Ganou un de Valdoviño

Filed under // Festas Ribeira Santa Uxía

Comentarios [0]

September 13, 2009

Dios salve a la reina

Un público entregado dende o primeiro minuto dou máis relevancia a ó grupo que na noite do sábado emularon ó Queen cun Freddy Mercury resucitado para a ocasión.

Conectaron moi ben ca xente ofrecendo ata dous bises a petición do público.

Filed under // Dios salve a la reina Festas Ribeira Santa Uxía concerto

Comentarios [0]

Tags

Santa Uxía

Atletismo: gañadores da Carreira de Santa Uxía nas categorías máis mozas

Ribeira: programación e carteis das Festas Patronais de Santa Uxía, o 11 e 12 de setembro

Dios salve a la reina