(Actualizado o 7 de febreiro)

Estas imaxes e sons do mozo gaiteiro en contraluz cos fieitos non teñen prezo... Velaquí a información do vídeo:
A rede das augas e a rede dos sons. O Río Maior desde as fontes, os afluentes, os escorros ata a morre na Praia do Dique. O son da auga e a música que interpreta Eliot, que leva dentro a música nosa, coma un río. Unha cámara de fotos de 200 euros, e un trípode de 20, sen paraventos. Desculpade o audio. Non se pode máis co que temos.

Antes, dixemos:

Pode parecer unha aldea como outra calquera pero non: cada aldea galega é un mundo. Cada unha está configurada dun xeito distinto: cos seus bimbios, os bugallos dos seus carballos, as súas corredoiras coas silveiras nos arredores, os seus regatos pequenos e grandes, as súas fontes monumentais ao pé de muros inzados de hedriñas... Cada aldea nosa é segundo a miremos. Velaquí a visión, xa dispoñible para todo o mundo na Rede, dos alumnos de audiovisual de SonCine, o obradoiro de cinema do instituto de Porto do Son. Un xeito exemplar de aprender a empregar a linguaxe audiovisual e fixar na pantalla o patrimonio etnográfrico e natural do lugar onde tiveron a sorte de nacer.

Pode que tamén lle interese comprobar como viron estes outros lugares:

youtube.com/watch?v=0jW8C_… O Bng proclama novo Rei de Galiza. Non hai nada como o humor! (Game of Thrones, vexan esa serie se poden)

— Certo (@Certo) February 2, 2012

Craig Patterson dando caña a destra e sinistra en Praza Pública praza.com/opinion/13/ese…

— Certo (@Certo) February 1, 2012

Antes, en Certo:

• Porto do Son: obradoiros moi acaídos para a crise, risoterapia e costura

Programa completo:

Click here to download:

Programa Encontro do audiovisual escolar galego.doc (142 KB)

(download)

Click here to download:

Programa Encontro do audiovisual escolar galego.doc (142 KB)

Relacionada:

Premio Leixaprén: para Manuel González, que se entrega o 27 de maio

Pode que tamén lle interese:

Exposición: Alfonso Costa ata o 27 de maio

Festas de Nebra: o 21 e 22 de maio

A importancia de descubrir o que che gusta facer. O lugar dos xogos da infancia. Unha randia na Praia da Telleira. Un estudio de son no teu cuarto.

O idioma, a voz e as palabras do señor José cantan neste traballo tan ben como canta o río, como canta o rodicio, as moas e o tempo que pasa.

A luz e a beleza da mocidade. "Ventisca", a égoa árabe de Roberto, e os amigos van desde a aldea de Baroña, polos vellos camiños, ata a praia de Arealonga, o Atlántico e o Castro de Baroña ao fondo. Sen palabras.

"O MEU SON" é un proxecto de SonCine. Os alumnos de audiovisuais de 3º de ESO de Porto do Son levan unha cámara PANASONIC/LUMIX/DMC-TZ10 para casa e filman o seu lugar preferido.

Entrégase o 27 de maio en Porto do Son, dentro do Encontro do Audiovisual Escolar Galego

Porto do Son, 4 de marzo de 2011. Manuel González Álvarez é o gañador da XII edición do premio Leixaprén, que concede a Coordenadora Leixaprén de Equipos de Normalización Lingüística. Manuel González, da Rúa de Valdeorras en Ourense, foi un dos impulsores da web do audiovisual galego que foi noticia esta semana pasada, Flocos.tv, porque a Xunta de Galicia deixouna esmorecer e finalmente desactivouna. Flocos.tv, que se asemellaba a iniciativas tan interesantes como a National Film Board of Canadá, era un repositorio de documentais, películas e curtas de todas as épocas feitas por galegos ou con Galicia como protagonista. Nela podíanse ver, como no caso de Canadá, producións audiovisuais ás que non é doado acceder e que se fixeron, ou ben se conservan, cos cartos de todos os cidadáns -hai xente que aínda lles chama impostos-.
 
Que é o Premio Leixaprén?

<p>a mata from SonCine on Vimeo.</p>

Porto do Son, 15 de febreiro de 2011. Xa se pode ver na Rede, aí o teñen, encima destas verbas. Un documento etnográfico de primeiro nivel, con estándares de alta calidade no audiovisual. Un novo reto do proxecto "O meu Son", de SonCine, no cal os alumnos de audiovisuais de 3º de ESO do instituto levan unha cámara fotográfica Lumix compacta para casa e filman o seu lugar preferido. Desta volta presentan un vídeo sobre a matanza nunha casa do rural, costume que está a retroceder en Galicia ante a paseniña industrialización da morte animal con destino á alimentación humana.

"Discutimos sobre se subir ou non este material á rede. Decidimos que si, non hai crueldade nos feitos, hai conciencia, mesmo respeto", explican na información do vídeo do instituto. "O sacrificio prodúcese conforme ás normas cunha aparello de ar comprimido. Despois de morto o animal sángrase ao xeito tradicional. Calquera pode comparar isto con vídeos da web onde se reflicten as condicións nas que son criados, transportados, e sacrificados, de maneira industrial, os animais dos que nos alimentamos diariamente e dará un duro paso cara a conciencia do horror. En calquera caso pensamos que facernos concientes deste suceso é tamén educación. Por outra parte a filmación capta os sucesos de maneira natural e realista", conclúen.

Como cantaba Steel Flow no rap rural que deu banda sonora ao anterior vídeo de "O meu Son", "porcos, ghaliñas, feiras, piñas, isto é rap rural, é a pura Ghalisia; non veño da sity, non, non veño tal, sonche máis de ghaliñeiro que de sentro comersial". Por estas bisbarras somos máis de matanza na casa que de matadoiro industrial...

Hai tres anos, no YouTube de Certo, fixemos unha lista de reprodución con matas en varios países:

Porto do Son, 9 de febreiro de 2011. A colleita da creatividade, esforzo e imaxinación dos alumnos que neste curso participan en SonCine, obradoiro de audiovisuais do instituto de Porto do Son, xa se pode ver na Rede. Se onte subiran un bucólico vídeo sobre un dos lugares preferidos do municipio, a praia do Dique, hoxe tócalle a esta sorte de documental etnográfico que se ve fortemente potenciado polo rap rural de Alexandre Ferreiro, que asina como Steel Flow en MySpace e tamén é de Porto do Son.

Os alumnos de 3º da ESO de Porto do Son crean contidos para a rede, aprenden a dominar as ferramentas audiovisuais do momento e, ao tempo, promocionan o seu concello e a súa lingua. Un estupendo xeito de facer país para os que somos "máis de jaliñeiro que de sentro comersial", como rapea Ferreiro.

Onte, en Storify, publicamos o da praia do Dique.

Porto do Son, 5 de outubro de 2010.- O secretario xeral de Política Lingüística, Anxo Lorenzo, gabou hoxe “o importante labor de promoción do galego no ámbito audiovisual” que se leva a cabo a través do Festival de Cine Internacional de Ourense (OUFF) na súa sección OUFF Escola. Anxo Lorenzo fixo estas declaracións durante a rolda de prensa previa á entrega de premios deste certame, que tivo lugar esta mañá no Auditorio Municipal de Ourense. Entre os premiados está "Mar", que se levou un segundo premio na categoría B (niveis de ensino non universitario) e que lles supón 400 euros para o centro e unha cámara de vídeo para o profesor. Tamén se presentou unha curta do IES A Cachada de Boiro, O Reversador, que poden ver aquí, pero non foi premiada.

(download)

Click here to download:

Cinema_Mar_curta_de_SonCine_do.zip (598 KB)

Centros galegos premiados

Nesta segunda edición do Certame OUFF Escola participaron un total de 61 proxectos, fronte aos 34 do ano pasado. O mellor traballo na categoría de infantil e primaria foi Un camiño inesquecible, do CEIP A Igrexa – Calo, en Teo. O segundo premio foi para o CEIP Mestre Valverde Mayo de Mos, polo traballo Quen é ese neno. O CEIP A Carballeira, de Lourizán, en Pontevedra, fíxose co terceiro premio desta categoría grazas a A maldición do Samaín, mentres que o Premio Blanco Amor ao mellor guión foi para Un propósito constante, do CEIP Carballedo, en Cotobade.

Na categoría do resto de niveis de ensino non universitario, o primeiro premio foi para o traballo Xemelgos, presentado polo IES Europa de Ponferrada. O IES Porto do Son, xa citado, mentres que o terceiro premio foi para Dairas, do IES Manuel García Barros da Estrada. Smóking pesadelo, do CPI Cabo da Area, en Laxe, foi galardoado co Premio Blanco Amor ao mellor guión.

Finalmente, o xurado propuxo dúas mencións especiais nesta última categoría. A primeira delas, polo valor documental, concedeulla ao filme Curros 1936, do IES de Barro, en Pontevedra. Recibiu tamén mención especial Sen saída, do IES Lauro Olmo, do Barco de Valdeorras.

Ademais de fomentar a creatividade audiovisual e de impulsar o uso da lingua galega entre os máis novos, entre os obxectivos do OUFF escola tamén se encontran coñecer a visión do alumnado sobre o seu contorno sociocultural e mais impulsar o traballo en equipo. Ao mesmo tempo, búscase potenciar o uso das tecnoloxías da información e da comunicación nos centros de ensino e crear un espazo de referencia para a mostra do audiovisual realizado nas aulas. De feito, esta iniciativa encádrase como ferramenta dentro da Directiva Europea de Alfabetización Mediática, que procura darlles formación aos mozos e mozas sobre o coñecemento e a avaliación do audiovisual.

<p>MAR from SonCine on Vimeo.</p>

Antes publicamos:

"Mar": a nova creación de SonCine estreouse na Mostra de Curtas "Vila de Noia" e agora podedes vela aquí

As palabras máxicas

http://vimeo.com/soncine

Outro fermoso traballo de Vinte10, a televisión do instituto de Porto do Son.