• A secretaria xeral para o Turismo, Carmen Pardo, inaugurounas está mañá

  (download)
  

  

  Click here to download:

  rianxo-as-xornadas-sobre-turismo-accesible-tenen-lugar-hoxe-e-mana-no-auditorio-tbyFlGAFpfDlGeDFAtpI.zip (605 KB)
  

• O encontro está organizado pola Mancomunidade de Municipios Arousa Norte e mais pola Deputación da Coruña e ten por obxectivo afondar nos aspectos relacionados coas melloras na accesibilidade turística, co uso das tecnoloxías para tal fin así como co turismo accesible como oportunidade de negocio

Rianxo, 24 de maio de 2012.- Carmen Pardo inaugurou hoxe en Rianxo as Xornadas de Turismo Accesible, organizadas pola Mancomunidade de Municipios Arousa Norte coa colaboración da Deputación da Coruña. A secretaria xeral para o Turismo explicou que a consecución dunha maior accesibilidade turística en Galicia constitúe un dos principais retos da Administración Turística galega, xunto coa diferenciación, a desestacionalización turística, o incremento do gasto medio e a estadía media ou o aumento da cota de turismo internacional. Segundo explicou a secretaria xeral, “en España existen catro millóns de persoas con diversidade funcional e en Europa a cifra supera os cincuenta millóns”, de xeito que implementar medidas que incentiven a accesibilidade constitúe, sobre todo, un “acto de xustiza cidadá” porque facilitar o acceso ao disfrute dos destinos turísticos é unha tarefa de todos e require da implicación de diversos axentes. A secretaria xeral aportou tamén datos sobre a cifra de aloxamentos accesibles existentes en Galicia. En Galicia hai 153 aloxamentos turísticos practicables e 33 accesibles, en total 186 aloxamentos con estas características e que abarcan o 6,6% da oferta total de aloxamento da comunidade.

No que respecta ao seu departamento, Carmen Pardo explicou que a Administración Turística galega leva traballando nestes últimos anos neste eido, tendo como folla de ruta o Plan de Acción do Turismo de Galicia 2010-2013, que xa no marco da súas políticas de desenvolvemento sectorial inclúe dúas actuacións específicas dentro da estratexia de actuación orientada ao apoio do turismo accesible a través da eliminación de barreiras e o impulso á accesibilidade nos recursos turísticos.

Entre as medidas específicas do Plan inclúense accións de promoción, habilitación de espazos e recursos; reconversión de zonas como preferencia para persoas con diversidade funcional e mellora de accesos e redución de elementos físicos que impidan a accesibilidade.

Dende Turismo de Galicia, no marco desta estratexia tamén se teñen levado a cabo outras iniciativas para mellorar a accesibilidade turística como o convenio coa Mancomunidade de Municipios de Arousa Norte para que, coa colaboración da Fundación ONCE, se adaptara a web turística da mancomunidade ás condicións de accesibilidade das persoas invidentes, de modo que a páxina obtivo o certificado Doble A que acredita que se trata dunha web accesible para persoas con este tipo de diversidade funcional. Xa en 2011, a Secretaría Xeral para o Turismo asinara con Arousa Norte un convenio para a creación de paquetes turísticos accesibles na mancomunidade de municipios. Esta iniciativa foi premiada na quinta edición dos Premios Solidarios de Once-Galicia a comezos deste ano. Do mesmo xeito, tamén no marco do programa Vive Galicia que alcanza este ano a súa terceira edición e que foi desenvolvido por Turismo de Galicia, figuran dous paquetes de turismo accesible que inclúen experiencias para persoas con diversidade funcional en catro municipios de Arousa Norte.

Así mesmo, dende a Secretaría Xeral para o Turismo, segundo explicou a secretaria, incluíronse nas ordes de axudas para o sector medidas de discriminación positiva para todos aqueles establecementos ou servizos turísticos que quixeran facer obras ou melloras para adaptar os seus establecementos ás condicións de accesibilidade para os usuarios.

Ademais, dende Turismo de Galicia, a través de Turgalicia publicáronse dúas edicións da Guía de Establecementos Accesibles de Galicia. Na edición de 2011 imprimíronse 1.300 exemplares da guía, mil en castelán e 300 en galego e producíronse máis de 1.600 descargas da versión electrónica da mesma.

Tamén, en Rianxo:

• Escola de Música: o domingo 27 e o mércores 30, concertos da EMR

• Gorgullo: o concello, contra as fumigacións sobre eucaliptos

• Memoria histórica: do 1 ao 3 de xuño, seminario sobre campos de concentración nesta bisbarra

• Baile e canto tradicional: este sábado 26, serán "Mar de Rianxo"

• Entre os motivos para animalos a prepararse en Ribeira está "a calidade dos sparrings". En Ribeira hai moi bos deportistas desta especialidade, que cada ano colleitan máis éxitos nas súas competicións internacionais

Ribeira, 2 de maio de 2012.- Distintos deportistas do máis alto nivel, practicantes da especialidade de taekwondo, escolleron este municipio e o Centro Galego de Tecnificación Deportiva de Pontevedra para afinar a súa preparación de cara a súa participación de nos Xogos Olímpicos de Londres 2012.

O primeiro olímpico en chegar foi a senegalesa Bineta Diedhiou, clasificada en – 57 kgs (tamén o fixo Balla Dieye, medallista mundial en - 68 kgs, para preparar os Xogos francófonos). Así mesmo, recalou na Comunidade galega o equipo de Guatemala (con sete membros, entre os que destacan a recente medalla do mundial júnior de Exipto a cargo Francisco Palacios e o deportista de para Tae Kwon Do e medalla mundial Gerson Mejía).

Combate de Gabriel Mercedes (o máis moreno)

Proximamente chegará o medallista olímpico Gabriel Mercedes (República Dominicana, clasificado para Londres 2012 en – 58 kgs), a Finlandesa Suvi Mikkonen (clasificada para Londres – 57 kgs) e o equipo de Marrocos, dirixido polo ex adestrador do CGTD Jesús Benito con tres clasificados para a Olimpíada: Sanaa Atabrour (- 49 kgs), Wia Dislam (+ 67 kgs) e Isaam Chernoubi (- 80 kgs).

Tamén está pendente de confirmación a campiona olímpica María Espinoza (México – clasificada Londres + 67 kgs), quen en vindeiras datas concretará esta viaxe. Á hora de decantarse por Ribeira e Pontevedra para ultimar a súa preparación, predominaron como motivos a calidade dos deportistas que exercen de sparrings, a tranquilidade e posibilidade dunha máxima concentración de cara os adestramentos, as instalacións e recursos materiais existentes, as facilidades que dende os centros de adestramento se lles ofertan e a proximidade entre todos servizos necesarios para a vida cotiá destes deportistas (ximnasio – centros médicos e hospitais – fisioterapia). Está previsto que o Concello faga en próximas datas unha recepción oficial a estes deportistas.

• As oficinas de información turística de Ribeira rexistraron 704 visitantes de cinco nacionalidades distintas
  
• Pasaron case cen persoas máis que en 2011
  

Ribeira, 12 de abril de 2012.- Un total de 704 visitantes pertencentes a cinco nacionalidades acudiron en demanda de información sobre os recursos do municipio a algunha das tres oficinas de turismo habilitadas durante esta Semana Santa. Así consta no balance de datos elaborados pola Concellería de Turismo do Concello, área que dirixe o edil Anxo Orellán.

En canto á oficina do Malecón, esta recibiu un total de 363 consultas efectuadas por parte de visitantes procedentes de Galicia (144), doutras Comunidades (203 persoas, pertencentes a Madrid, País Vasco, Castela e León, Asturias, Cataluña, Estremadura, Comunidade Valenciana e Canarias) e do exterior (16, de Alemaña, Inglaterra e Italia).

O segundo punto en número de visitas foi o Centro de Interpretación ubicado no parque Periurbano de San Roque, que recibiu a 256 visitantes. Dos mesmos, 166 provían de Galicia, 87 doutras Comunidades (Madrid, País Vasco, Asturias, Cataluña, Castela e León e Comunidade Valenciana) e 3 do exterior (Francia e Italia).

Polo que respecta á oficina de Xarás, recibiu 85 consultas de información turística, das cales 46 foron formuladas por visitantes galegos e 39 doutras Comunidades (Madrid, País Vasco, Andalucía, Castela e León, Aragón, Navarra, Asturias e Comunidade Valenciana).

A Concellería de Turismo considera positivos estes datos ao incrementarse o número de consultas recibidas con respecto ao ano pasado, na que se acadaron un total de 620.

Ribeira: comeza este xoves 12 a escola municipal de break-dance, con 16 inscritos post.ly/6gY7m

— Certo (@Certo) April 11, 2012

O que sementa no camiño cansa os bois e perde o trigo is.gd/ZeV722

— Refraneiro Galego (@RefraneiroGZ) April 12, 2012

De ascensos y defenestraciones: Manuel Venator fala dos cambios que se están a producir en Ribeira. Loitas de poder? certo.es/index.php?page…

— Certo (@Certo) April 12, 2012

Xa sabemos onde está Cotarro. Agora, a ver se nos enteramos do ídem! :)flic.kr/p/bxGq6W

— Certo (@Certo) April 11, 2012

O blogue do Carlos Callón convoca protestas por Internet. Oi oi oiiii17 de maio #soycriminal @carloscallon carloscallon.com/2012/04/17-de-… @amesanl

— Certo (@Certo) April 11, 2012

#oidoenlaredaccion Conde Roa es el primo de riesgo del PP gallego

— Mario Beramendi (@marioberamendi) April 11, 2012

• As praias estarán limpas e vixiadas xa nestas datas

Ribeira, 30 de marzo de 2012.- A diferenza de anos anteriores en que, pola Semana Santa, as Oficinas de Turismo de Ribeira adoitaban abrir o sábado véspera de domingo de Ramos, en 2012 están abertas xa a partir de hoxe, venres 30. Así o anunciou onte o concelleiro de Turismo, Anxo Orellán, quen informou de que as dependencias radicadas en Xarás e na avenida do Malecón estarán abertas ata o domingo de Pascua, 8 de abril.

O horario de funcionamento das mesmas será de 10 a 14 e de 16 a 20 horas, todos os días dende mañá ata o día 8; en tanto que a oficina permanente radicada no Centro de Interpretación de San Roque continuará co seu horario habitual ata o mércores (de 9 a 13.30 e de 16 a 19 horas), mentres que en xoves santo, venres santo e sábado santo ampliarase o mesmo, abrindo de 10 a 14 e de 16 a 20.

Dende a Área Municipal de Turismo espérase incrementar as 650 consultas rexistradas o ano pasado. Lembran que nas datas festivas de 2011 o parque de San Roque estaba en obras, co cal agora que está totalmente acondicionado agardan incrementar os 233 visitantes que acudiron ao Centro de Interpretación en demanda de información (183 deles eran de Galicia, 46 de Península e 4 estranxeiros).

Polo que respecta á oficina de Xarás, rexistrou 157 visitas, das cales 90 proviñeron de Galicia, 59 da península e 8 do exterior; mentres que na do Malecón foron 230 os visitantes: 85 galegos, 135 do resto de España e 10 estranxeiros.

O parque natural, o parque periurbano, os miradoiros e -de persistir o sol- praias como as do Vilar ou A Ladeira, espérase que sexan unha vez máis os puntos de maior interese para os turistas, aínda que se está a detectar unha atención crecente por museos e rutas de sendeirismo.

Praias limpas e vixiadas

De calquera xeito, estes días estívose a traballar na limpeza e posta a punto dos areais do municipio e entre o xoves santo e o domingo de pascua haberá servizo de socorrismo e vixilancia de praias a través de voluntarios de Protección Civil: concretamente, serán dez as persoas que se encargarán de velar pola seguridade nas praias de Coroso, O Vilar e A Ladeira, en horario de 12 a 19 horas.

Sala museo aberta

O Concello tamén informa de que a Sala Museo Municipal, situada na rúa peonil de Galicia de Santa Uxía, vai estar aberta durante a festividade de Semana Santa, coincidindo cuns días nos que o municipio adoita contar cun gran movemento de visitantes.

Concretamente, a instalación cultural permanecerá aberta o xoves e o venres santo (días 5 e 6 de abril) en horario de 11 a 13 e de 17 a 19 horas, en tanto que o sábado 7 estará a disposición do público de 11 a 13.30 horas.

Na mesma pódese ver estes días a fachada engalanada para conmemorar os dez anos da Festa da Chuvia (pagana totalmente).

Relacionadas:

• Festa da Chuvia: ata o mércores 4 de abril!

• Ribeira: programación de Semana Santa

Ribeira: escolares de Frións tiveron como guía ao alcalde nunha visita ao Concello post.ly/6NHWz

— Certo (@Certo) March 30, 2012

(download)

Click here to download:

A_Pobra_vecios_de_Vigo_visitar.zip (262 KB)

Non remataron aquí a súa visita, posto que, decididos a pasar boa parte da xornada na vila pobrense e disfrutar nela dunha boa comida, reservaron o tempo suficiente para poder achegarse a outros lugares destacados da localidade como a Igrexa de Santiago do Deán (sede do Divino Nazareno),  o entorno dos pazos do Couto e Aguiar,  e un dos monumentos megalíticos mellor conservados de Galicia, o dolmen de Axeitos, moi cercano á figura de Valle-Inclán porque é ao seu pai a quen lle debemos o seu descubrimento e que hoxe estea catalogado como tal. Sen deixar pasar, por suposto, a oportunidade de subir ó miradoiro da Curota e disfrutar das súas vistas sobre a ría de Arousa.

Pode que tamén lle interese:

Cultura: inaugurada a VIII Semana Cultural do instituto

Viaxe: a Camariñas, Muxía e Muros o 7 de abril

Solidaridade: I Carreira Solidaria, por Paula, o 7 de abril

Turismo de ida e volta: uns a Madrid e outros dende alí

Política: está o PP ninguneando a este municipio? O alcalde resposta ao Psoe no seu blog

A Pobra, 22 de marzo de 2012. Namentres un grupo de pobrenses marchaba ás seis da madrugada do 21 de marzo cara a Madrid, esa mesma tarde, da capital do Estado, achegábase un grupo de 30 persoas para coñecer de cerca os lugares barbanzanos máis ligados á figura de don Ramón María del Valle-Inclán. Antes de retornar ao hotel no que se hospedan estes días de estancia en terras galegas, aproveitaron o soleado día para pasear polas rúas da vila e asomarse a Villa Eugenia, a Farmacia de Tato e os Xardíns de Valle-Inclán.

Mentras, os pobrenses de viaxe -nada menos que catro días por aí endiante-, logo de asentarse no céntrico hotel no que se hospedan, encamiñáronse cara ao Mosteiro do Escorial, unha especie de Cidade das Reliquias ideada polo rei -da dinastía Habsburgo, non como o de agora que é Borbón- Felipe II, "El Prudente", disque. O lugar é Monumento Patrimonio da Humanidade e conta cunha importante historia, posto que foi a  antiga residencia real, mentres que hoxe é o acubillo dos monxes da Orde de Santo Agostiño. Os seus muros están decorados con obras de recoñecidos  pintores como O Bosco, O Greco ou Goya, e entre as súas obras de arte máis preciadas atópanse facturas de nomes como Cellini e Bernini, ademais das coñecidas reliquias que Felipe II, xa medio trastornado pola relixión, mandou dispór estratexicamente en cada recuncho.

Na xornada do venres terán a posibilidade dunha visita panorámica en autobús e de visitar lugares como a Catedral da Almudena e o Palacio Real.

A Pobra do Caramiñal desde o Mirador da Curota. Preciosa!!! #ACoruña #Galicia #turismo twitter.com/disfrutagalici…

— disfruta de galicia (@disfrutagalicia) March 20, 2012

A Pobra: o instituto comeza este venres 23 a súa VIII Semana Cultural post.ly/6AiSg

— Certo (@Certo) March 22, 2012

• Sálvora é unha illa de Ribeira que pertence a este parque nacional insular
• As xornadas terán por obxectivo proporcionar aos traballadores do sector turístico ferramentas e recursos que lles permitan informar aos potenciais visitantes do Parque Nacional sobre os servizos que se ofertan, normativa ou a xestión do lugar
• O primeiro día das xornadas terán lugar as charlas teóricas sobre patrimonio natural e cultural do parque, a lexislación en materia de espazos protexidos, así como aspectos prácticos para os servizos que deben prestar os guías turísticos ás visitas
• O día 24 de marzo farase o traslado ás Illas Atlánticas dende a Estación Marítima de Vigo para levar a cabo as rutas guiadas polo Parque Natural, ademais da organización de diversas actividades onde poderán participar os asistentes

Estación Marítima de Vigo, de onde sairán as rutas o 24

Ribeira, 12 de marzo de 2012.- A Consellería de Medio Ambiente, Territorio e Infraestruturas, a través da Dirección Xeral de Conservación da Natureza, organiza durante os vindeiros días 23 e 24 de marzo as VII Xornadas Formativas para guías e informadores turísticos sobre o Parque Nacional Marítimo Terrestre das Illas Atlánticas de Galicia, que se levarán a cabo entre o Edificio Administrativo da Xunta en Vigo e as propias Illas Atlánticas.

As xornadas terán tres obxectivo principais. O primeiro será proporcionar aos traballadores do sector turístico ferramentas e recursos que lles permitan informar aos potencias visitantes do Parque Nacional sobre os servizos que se ofertan, a propia normativa ou aspectos útiles sobre a xestión do lugar. Así mesmo, outro das metas que se perseguen é proporcionar aos participantes un canal útil de comunicación para poder facer suxestións en áreas relativas ao seu traballo. Finalmente, as Xornadas serán un instrumento para promover unha visión integral da rede de espazos naturais en Galicia, tendo como referente a sostibilidade e a conservación.

Programa das xornadas
As xornadas darán comezo o día 23 de marzo, cando terán lugar as charlas teóricas que versarán sobre o patrimonio natural e cultural do parque, a lexislación en materia de espazos protexidos así como de aspectos prácticos que deben presentar os guías turísticos ás visitas. O acto de presentación será ás 09:30 horas no Edificio Administrativo da Xunta en Vigo, a cargo do director-conservador do Parque Nacional, Antonio Fernández Bouzas. Posteriormente, trataranse as temáticas anteriormente sinaladas a cargo do persoal do Parque.

O día 24 de marzo trataranse os aspectos prácticos das Xornadas mediante unha visita ás Illas Atlánticas, onde realizaranse rutas guiadas polo Parque Natural ademais da organización de diversas actividades onde poderán participar os asistentes. O embarque será as 10:00 horas dende a Estación Marítima de Vigo e finalizará a redor das 17:00 horas.

O número de inscritos a día de hoxe é de 225 persoas, para as 80 prazas ofertadas na www.parquenacionalillasatlanticas.com, polo que se realizará unha selección en base a criterios como; a relación do traballo do solicitante coa temáticas das xornadas, a profesión, os estudos académicos e o orde de chegada das solicitude. A listaxe definitiva de admitidos publicarase na mesma web o día 14 de marzo. Os participantes nas xornadas obterán un certificado que acreditará a súa asistencia.

Parque Nacional
As Illas Atlánticas foron declaradas Parque Nacional no ano 2002, polo que celébrase o 10º aniversario da súa declaración como lugar de protección. As Illas Atlánticas comprenden os arquipélagos de Cíes, Ons e Cortegada na provincia de Pontevedra ademais da illa de Sálvora, na Coruña. Dende o ano 2008 a Xunta de Galicia ten a súa competencia en exclusiva. A importancia deste parque radica na súa gran diversidade mariña con máis de 200 especies distintas de algas, o que orixina un gran ecosistema mariño con gran cantidade de especies de plantas, peixes e aves mariñas que habitan no entorno.

A declaración de Parque Nacional fai posible a conservación e protección desta riqueza natural, vixiando o cumprimento da normativa así como regulando as actividades que se leven a cabo dentro do seu territorio para que non sexan afectados os ecosistemas existentes nas Illas Atlánticas.

Dende a Xunta de Galicia estanse a poñer en marcha programas educativos para implicar á poboación local na conservación do parque dunha forma atractiva e lúdica. Desta maneira, será posible crear unha cultura de respecto cara o medio ambiente, fomentar a adopción de actitudes, valores e comportamentos ambientais correctos mediante actuacións de contacto co medio natural.

• Turismo: guía de cruceiros da ruta do mar de Arousa e Ulla

• Turismo: inmersión nunha conserveira

Ribeira: convocan unha nova edición da Copa Sálvora post.ly/5wE0o

— Certo (@Certo) March 12, 2012

Ribeira: a peña "Amancio", do Real Madrid, inaugurou a súa sede social post.ly/5wFVS

— Certo (@Certo) March 12, 2012

• A secretaria xeral para o Turismo, Carmen Pardo, e mais o presidente da Federación Ruta Xacobea do Mar de Arousa e Ulla, Javier Sánchez-Agustino, presentaron hoxe a publicación tras a xuntanza do Padroado Ordinario da fundación creada en 1965
• A publicación foi editada pola fundación e os 9.200 exemplares da guía distribuiranse entre os 22 concellos, institucións e organismos do eido turístico durante o período estival. Na bisbarra de Barbanza, pertencen a esta fundación Dodro, Boiro, Rianxo, A Pobra do Caramiñal e Ribeira.

No acto de presentación, que tivo lugar tras a reunión do Padroado Ordinario da fundación, que itinera por cada un dos 22 concellos que a forman, estiveron presentes, ademais dos alcaldes dos concellos representados, a secretaria xeral para o Turismo, Carmen Pardo, e mais o presidente da Fundación Ruta do Mar de Arousa e Río Ulla, Javier Sánchez-Agustino.

A publicación, da que se editaron 9.200 exemplares, recompila localizacións, información detallada, mapas e rutas, así como acontecementos históricos e fai un repaso polos cruceiros que conforman o único vía crucis marítimo-fluvial do mundo. Os cruceiros da Ruta Xacobea foron esculpidos inicialmente por Alfonso Sanmartín Abelleira nunha iniciativa promovida polo fundador da entidade, José Luís Sánchez-Agustino. Posteriormente, a Mancomunidade de municipios de Arousa Norte promoveu a colocación doutros catro exemplares realizados polo escultor de Porto do Son Cabeza Quiles.

Os concellos que forman parte desta fundación son: Boiro, Brión, Cambados, Catoira, Dodro, A Illa de Arousa, Meaño, Meis, O Grove, Padrón, A Pobra do Caramiñal, Pontecesures, Rianxo, Ribeira, Ribadumia, Rois, Santiago de Compostela, Sanxenxo, Teo, Valga, Vilagarcía de Arousa e Vilanova de Arousa.

Dende 1965, pode percorrerse por mar esta ruta que conmemora a chegada a Galicia por mar do corpo do Apóstolo Santiago O Maior, logo de seu martirio en Xerusalén no ano 44. Anualmente, a fundación organiza a conmemoración da Traslatio a través da Ría de Arousa. A guía dos cruceiros xacobeos desta ruta estará dispoñible nos organismos e entidades turísticas dos 22 concellos que forman parte da fundación, así como noutras dependencias turísticas de ámbito local, autonómico e incluso europeo.

Unha Fundación un tanto ignorante

A Fundación Ruta do Mar de Arousa e Río Ulla foi a que tivo a idea durante o pasado ano Xacobeo, 2010, de organizar, xunto con Portos de Galicia, ente entón presidido polo polémico Álvarez-Campana, un programa chamado "Portos Xacobeos". Nel meteron a concellos que aínda están a agardar peregrinos nos seus peiraos, como Ribeira, e esquecéronse -ou ignoraron adrede- do chamado Porto de Compostela, Noia. En Certo publicamos a información o 3 de marzo de 2010 reprochando o esquecemento. Tardaron tempo en quererse decatar, logo da presión mesmo dos comerciantes noieses, que fixeron incluso unha marcha a Compostela co lema "Portus Apostoli". Como viñan as eleccións, deron o brazo a torcer e o 12 de xuño de 2010 recoñeceron Noia como Porto Xacobeo. Total, para nada: non fixeron un só acto nin puxeron o monolito que distinguiría cada un destes portos. Queremos crer, na nosa inocencia, que non foi porque Noia non estaba gobernada polo PP, senón porque Javier Sánchez-Agustino precisa unhas leccións de historia. Polo menos xacobea.

• Organizado por Cetur da Universidade de Santiago de Compostela e Creative Tourism Galicia
• É un cursiño de inmersión lingüística en español que se fará en conserveiras e adegas e está destinado a estranxeiros, voluntarios europeos, estudantes, Erasmus e público interesado neste tipo de experiencias
• O prazo ampríase ata o 14 de marzo. En breve haberá outra convocatoria, tamén en galego e francés

Click here to download:

curso_inmersion.pdf (395 KB)

(download)

Click here to download:

curso_inmersion.pdf (395 KB)

• A entrega dos V premios Solidarios Once Galicia, tivo lugar o xoves 2 de febreiro nun hotel da Coruña.

Barbanza, 3 de febreiro de 2012. Estes Premios Solidarios ONCE-Galicia recoñecen a labor, as iniciativas e as accións de persoas, institucións e entidades que se distinguiron polo seu esforzo a favor da igualdade, a integración social e a accesibilidade universal das persoas cegas ou con outras discapacidades e tamén dos máis desfavorecidos.

Os paquetes de turismo accesible para persoas con discapacidade visual  da Mancomunidade Arousa Norte recibiron o galardón  na categoría de Accesibilidade e Igualdade.

Á entrega asistiron, entre outros,  o actual presidente da Mancomunidade de Municipios Arousa Norte e alcalde do Concello de Ribeira, Manuel Ruiz Rivas; o alcalde do Concello de Rianxo, Adolfo Muíños Sánchez;  o alcalde do Concello da Pobra do Caramiñal, Isaac Maceiras Rivas; o alcalde do Concello de Boiro, Juan José Dieste Ortigueira; en representación da xerencia da Mancomunidade, Pablo López Pérez; en representación da Rede de Empresarios Turísticos de Arousa Norte, Arturo Fajardo; a animadora turística da Mancomunidade de Municipios Arousa Norte , Irene Maneiro Paz.

(download)

Click here to download:

Turismo_Arousa_Norte_recolleu_.zip (3.36 MB)

O presidente da Mancomunidade de Municipios Arousa Norte recolleu o galardón das mans de Miguel Carballeda Piñeiro , presidente da Once. Ruiz Rivas agradeceu á Once e ao xurado este galardón e fixo un recoñecemento expreso ós predecesores da Mancomunidade “como os verdadeiros valedores deste proxecto” ; “ós empresarios da comarca que creeron no proxecto e traballaron por el” así como á Secretaría Xeral para o Turismo.

Destacou a satisfacción que supón este premio en aras da solidariedade para os catro alcaldes xa que Arousa Norte aposta pola calidade e non pola cantidade. Grazas aos paquetes de turismo accesible para cegos os visitantes, dixo, "poden sentir a riqueza  desta comarca"  e animou ao resto de concellos galegos a sumarse a este tipo de iniciativas.

Pode que tamén lle interese:

Ribeira: do 24 ao 26 de febreiro, viaxe á neve dentro do programa "En marcha" post.ly/55qMT

— Certo (@Certo) February 3, 2012

• O autor cedeu os dereitos aos seus editores estadounidenses para que se poida publicar esta novela na Lúa e en Marte cando haxa bases alí
• O libro aborda o mito do Dioivo Universal, con Noia como escenario principal, á que se lle adican máis páxinas que a Santiago e a Turquía
• Leva máis de 200.000 exemplares vendidos só en España e os países nos que máis está a vender son México e Estados Unidos, onde chegou a ser número 1 de ventas co seu anterior thriller "La cena secreta"
  

Noia, 15 de Nadal de 2011. Os seareiros de Javier Sierra e os seus libros de misterio que se achegaron hoxe a Santa María a Nova, a igrexa na que transcorre boa parte da acción de "El ángel perdido", non saíron defraudados. O autor, un dos que máis libros vende agora mesmo en España, explicou con todo luxo de detalles como se lle ocorrera a trama, onde se adica a novelar e facer entretidos varios misterios sobre os que antes escribía na revista, que chegou a dirixir, Más Allá. 

Introducido pola representante das librerías Ler, Isabel Ares; polo xefe de distribución da editorial Planeta en España, Paco Barrera, e polo conselleiro de Cultura, Javier Rodríguez Vieites, o escritor e xornalista Javier Sierra agradeceu que se lle prestara a igrexa das lápidas ou laudas -si el tiempo dilapidas é unha das claves do libro- e mostrouse moi satisfeito de que o último acto de presentación deste libro, que xa circulou por toda España e parte do estranxeiro (acaba de voltar de China), fose en Noia, "principio y fin". Explicoulle aos presentes que a protagonista, Julia, ía chamarse Noela, pero que cambiou o nome por problemas cos idiomas e as traducións (aínda así hai un personaxe na novela que se chama Noela, e é tía de Julia). Apelídase Álvarez porque, como Noia, é unha verba que ten o a e o z, principio e fin, neste caso do alfabeto.

O autor, que ronda os 40 anos (naceu en 1971) visitara Noia nos anos 80 do século pasado, cando a igrexa "era mucho más oscura y las laudas estaban por el suelo, se pisaba tierra y daba la sensación de que uno podía ser Indiana Jones y en cualquier momento encontrar allí debajo el Grial".

O distribuidor de Planeta, Paco Barrera, contou como anécdota que xa viñeran moitos comerciais desta editorial e moitos libreiros tras ler o libro, pois non crían que o escenario fose real e quedaron encantados co que atoparon en Noia e, en concreto, na igrexa de Santa María.

Durante máis de media hora, Sierra explicou os pormenores da viaxe desta novela dende que se lle ocorreu ata esta última presentación en Noia. Percorreu no "Sierra Bus" máis de 100.000 quilómetros por España -en Certo informamos da presentación en Almería, grazas ao escritor de Ribeira Jacobo Otero- e xa o lanzou en varios países, entre eles Estados Unidos, onde foi, co seu libro anterior, dos poucos escritores hispanos en entrar no Top 1 de ventas, co seu libro "La cena secreta". En breve estará a tradución ao portugués, para Portugal, pois xa foi traducido ao portugués de Brasil, e tamén vai ter un gran lanzamento en Italia, onde os misterios baseados na Biblia -como é este do Diluvio e Noé- trunfan.

Na fin do acto, un representante do colectivo de comerciantes Noia HIstórica, Francisco Pérez, agasallou a Sierra cunha lauda en miniatura para recoñecer a súa labor -desinteresada- de difusión de Noia ao metela na súa novela."Esta lápida non é para enterrarche, senón para louvar o teu labor de difusión turística de Noia", bromeou Pérez.

Tamén foi agasallado polo alcalde cunha imaxe do rosetón de Santa María a Nova, que Javier Sierra asegurou ía poñer na súa mesa de traballo "porque hasta pega con la decoración". Na despedida, o alcalde, Rafael García Guerrero, agradeceu ao escritor a inclusión da vila na novela, non só pola difusión turística e histórica que supón, "senón porque nos axuda a comprender aos noieses o gran patrimonio que temos e que moitas veces ignoramos e non coidamos". 

Logo das consabidas sinaturas -estivo máis de media hora asinando libros- e dos pequenos tiróns de orellas dos lectores nativos por situar Noia na Costa da Morte na novela, e o monte Aro na Serra de Barbanza, cando está en Mazaricos-, o autor achegouse ata a Casa do Concello, onde o alcalde o recibiu e lle explicou algúns detalles da casa consistorial e da historia da vila.

Vídeos: advertimos que hai problemas co audio