(download)

Click here to download:

Noia_van_adecentar_o_que_queda.zip (361 KB)

Noia, 18 de abril de 2012. Segundo informou hoxe o concelleiro de Urbanismo e Casco Histórico noiés, o nacionalista Bieito González, "os propietarios do inmoble número 7 da rúa Rodríguez Cadarso, veñen de atender a orde de execución dictada no seu día pola Concellería de Casco Histórico. Dita orde buscaba o cumprimento do deber de conservación  que obriga aos propietarios de inmobles a mantelos en condicións de funcionalidade, seguridade, salubridade e ornato público tal como establece a Lei do Solo de Galiza e o texto do propio Plan Especial de Protección do Casco Antigo".

Os traballos que se van a executar consisten na reparación do tellado, coa colocación de uralita e tella do país. Tamén se procederá á reparación dos desperfectos existentes na fachada principal alí onde estea danado o recebo. Do mesmo xeito as medianeiras vista serán recebadas e pintadas de cor blanco. Tamén será obxeto desta intervención a reparación das carpinterías das fiestras, así como a suxeción dos vidros.

O inmoble do antigo Hotel Ribadavia data dos anos 40-50 do pasado século. É un edificio de gran desenvolvemento de fachada, resolto mediante unha composición asimétrica que o fragmenta en balcóns e miradores con galería. Ten unha composición de marcada horizontalidade, tanto no alfomadillado de planta baixa como nas molduras planas que separan as distintas plantas. Trátase dunha boa mostra da arquitectura de posguerra vinculada ao racionalismo, interesante para o estudo da variedade constructiva no conxunto histórico da vila.

A edificación está dentro do catálogo de inmobles protexidos, coa categoría de ambiental tipo A, o que obriga ao mantemento da súa fachada, así como á conservación dos detalles ambientales e estéticos orixinais que o caracterizan.

Click here to download:

Alzado inmoble antigo Hotel RIBADAVIA.pdf (680 KB)

(download)

Click here to download:

Alzado inmoble antigo Hotel RIBADAVIA.pdf (680 KB)

Pode que tamén lle interese:

• Noia: programa completo das festas e feiras do San Marcos 2012

• Noia: o certame de pintura ao aire libre é este sábado 21 de abril

• Noia: o Rali, do 20 ao 22 de abril

• En toda actividad urbanística deben prevalecer os intereses xerais sobre os intereses particulares dos infractores, sosteñen os socialistas de Ribeira, ante a negativa do PP a ingresar nese ente da Xunta de Galicia

Ribeira, 21 de marzo de 2012. Segundo explican en nota de prensa os socialistas de Ribeira, "o Concello decidiu non formar parte da Axencia de Protección da Legalidade Urbanística (APLU), dependente da Xunta de Galicia. O grupo do Partido Popular en pleno votou en contra da proposta feita polo PSOE".

O portavoz socialista, Andrés Fariña Cadenas, foi o encargado de presentar a moción, que foi apoiada polos grupos do BNG, IPDR e PSOE. O Partido Popular considera que o Concello de Ribeira "ten persoal abondo como para ocuparse da inspección urbanística do municipio. Segundo o alcalde: “dende que existen os ordenadores a tentación de incumprir a lei eu non sei se a ten alguén, alomenos eu non a teño” e por outro lado a concelleira Pouso Maneiro considera que Ribeira “é unha cidade humanizada e habitable” que non precisa destes servizos".

"A Axencia de Protección da Legalidade Urbanística colabora con todos estes concellos de Galicia co obxectivo común de velar pola utilización racional do solo conforme á normativa vixente en materia de urbanismo, ordenación do territorio e do litoral. A adhesión á axencia suporía unha axuda extraordinaria para o departamento de urbanismo do Concello de Ribeira, que mantén o plan xeral da cidade sen adaptar á actual lei de ordenación urbanística, xerando consecuencias de inseguridade xurídica para os cidadáns neste intre", conclúen dende o Psoe ribeirense.

Natureza: Adega cre "demagóxica e chea de trucos" a proposta de ampliación da Rede Natura 2000 da Xunta post.ly/69Gbr

— Certo (@Certo) March 21, 2012

Ribeira: o mes de xuño será este ano "Mes da cultura" local post.ly/67iS2

— Certo (@Certo) March 20, 2012

Ribeira: sorteados e repartidos os 26 postos do mercado provisional post.ly/66gH3

— Certo (@Certo) March 19, 2012

Noia, 5 de marzo de 2012. O Concello de Noia vén de formular alegacións ao Plan Sectorial de Ordenación de Áreas Empresariais de Galicia, ao non contemplar dito Plan, actuación algunha dentro do termo municipal.

O citado Plan divide a provincia de A Coruña en tres áreas funcionais: A Coruña, Santiago de Compostela e Ferrol. A área funcional de Santiago de Compostela inclúe a comarca de Noia que abrangue os concellos de Noia, Porto do Son, Lousame e Outes. Dentro da comarca, Noia é o único concello que na actualidade conta con polígono industrial. Trátase do Polígono Industrial de Agualevada, promovido no ano 1994 polo IGVS, cunha superficie bruta de 78.660 m2 (neta de 48.625 m2), e cunha dispoñibilidade actual de parcelas libres de 2.221 metros cadrados de superficie neta. Polo tanto pódese considerar que o único polígono existente na actualidade na comarca atópase esgotado.

O Concello de Noia considera que, as propostas incluidas no Plan Sectorial para a nosa comarca, con actuacións en Lousame, no lugar de Fontefría cunha superficie bruta de 118.685 m2 de iniciativa particular, así como a contemplada no Porto do Son de 345.170,56 m2 brutos a promover polo propio IGVS, non resolven as necesidades que Noia ten nesta materia.

As alegacións fundaméntanse en tres piares:

• Nas determinacións contidas nas Directrices de Ordenación do Terriorio, que establecen para os nodos do sistema urbano intermedio, do que Noia forma parte, o pontenciamento dunha serie equipamentos e infraestructuras entre as que destaca a creación de solo empresarial, a fin de potenciar o papel territorial destes nodos urbanos.
  
• O esgotamento do actual polígono Industrial de Agualevada do que só hai dispoñibles, a día de hoxe, 2.221 metros cadrados. 
• A ampliación de dito polígono, contamplada no Documento de Inicio do PXOM en plena tramitación, que delimita para o mesmo unha superficie aproximada de 160.000 metros cadrados

En consecuencia as alegacións formuladas solicitan expresamente que a ampliación do Polígono Industrial de Agualevada, contemplado do Documento de Inicio do futuro PXOM, sexa incluida como actuación a desenvolver no citado Plan Sectorial de Ordenación de Áreas Empresariais de Galicia.

Click here to download:

Resolución aprobación alegación Áreas Empresariais.pdf (322 KB)

(download)

Click here to download:

Resolución aprobación alegación Áreas Empresariais.pdf (322 KB)

Noia: o equipo xuvenil feminino Fisioterapia Cinesia do club de voleibol Noia, campión de liga xuvenil feminina post.ly/5n6wZ

— Certo (@Certo) March 5, 2012

Noia: este xoves, 8 de marzo, charla sobre como usar mellor o sintrom e anticoagulantes post.ly/5n6iS

— Certo (@Certo) March 5, 2012

Noia: Cruz Vermella organiza varios cursos relacionados co sector sanitario post.ly/5n3lY

— Certo (@Certo) March 5, 2012

• Noia: a II Aula de Saúde remata en abril. O xoves 8 de marzo, charla seguinte

• Noia: Acha Escrava lanza "Diáspora", novo poemario de María N. Soutelo. Preséntase en Noia o venres 9 de marzo
  

• Outes: premio de poesía "Francisco Añón". Bases

• Certame de relatos: do Liceo de Noia. 1.000 euros de premio

• É un edificio de factura nobre, datado entre os séculos XVII e XVIII, no entorno da Ponte do Traba
• O seu último uso foi como curtidoría, ao estar ao pé e ser lambido polas orelas do río Traba

Noia, 29 de febreiro de 2012. A Concellería de Casco Histórico, que dirixe o nacionalista Bieito González, vén de comezar o expediente destinado ao restablecemento das condicións de funcionalidade, seguridade, salubridade e ornato público do inmoble número 70 da rúa Corredoira de Luis Cadarso. 

Do informe emitido no seu día pola Policía Local extráese o seguinte parágrafo: “O inmoble presenta un deterioro continuado que o levou a un estado ruinoso. Incluso unha das esquinas presenta fendas de dimensións considerables, con risco de caída sobre a rúa e posibles consecuencias para os peóns. O tellado está totalmente caído, quedando somente unhas tellas do aleiro tamén con risco de caída sobre a rúa. O interior atópase cheo de maleza, presentando unhas condicións hixiénico-sanitarias moi deficientes, con proliferación de alimañas que afectan aos edificios lindeiros” . 

(download)

Click here to download:

Noia_abren_expediente_a_un_sol.zip (6.16 MB)

Edificación singular

Trátase dunha edificación singular, que data dos séculos XVII-XVIII, deteriorada tanto na súa morfoloxía como na súa imaxe urbana, con medianeira de gran altura sobre o lindeiro. A fachada principal é de cantería con portada en arco de medio punto e escudos de armas tallados no frente e esquinal. O último uso foi como fábrica de curtidos nas primeiras épocas da actividade industrial de Noia, con interés de conservación tanto histórico-arquitectónico como etnográfico. 

O Concello, interesado en adquirilo para ornar o futuro paseo de ribeira do Traba

O Plan Especial do Casco Vello establece para este inmoble a posibilidade de adquisición pública do mesmo, así como tamén da parcela adxacente, situada ao norte da Ponte de Traba, que forma parte do entorno monumental do mesmo, conformando un ámbito espacial definido cuxa recuperación considérase prioritaria para o futuro paseo de ribeira. 

O expediente aberto ten por obxeto que a propiedade leve a cabo a limpeza do inmoble, tanto exterior como interior, así como se tomen as medidas necesarias para asegurar a correcta conservación dos restos do mesmo que seguen en pé co gallo de evitar que o estado de ruína siga avanzando.

Click here to download:

Intervencións puntuais PEPRICH.pdf (4.21 MB)

(download)

Click here to download:

Intervencións puntuais PEPRICH.pdf (4.21 MB)

Noia, 3 de febreiro de 2012. A Xunta de Goberno Local concederá, na sesión do martes día 7 do presente mes, licenza de obras e provisional de actividade, para a construción nun novo cemiterio na parroquia de Santa María de Argalo, na paraxe denominada “Agra do Cura”. 

A parcela sobre a que se vai a construír o novo equipamento conta cunha superficie total 5.544 metros cadrados, estando clasificada na actual normativa urbanística municipal como solo rústico de distintas categorías. 

O novo cemiterio contará  cun total de 320 nichos dispostos en 10 agrupacións de panteóns de tres e catro alturas e planta rectangular. Os panteóns dispóñense en agrupacións con espazo interior cun carácter diferencial fronte ao espazo máis público da praza de acceso. As filas dos panteóns aparecen agrupadas dúas a dúas, deixando un espazo libre entre ambos de catro metros e adaptándose á topografía do terreo.  

Solución arquitectónica diáfana

A solución adoptada polos autores do proxecto técnico busca evitar a imaxe de moitos cemiterios recentes, nos que se produce unha sucesión infinita de panteóns en longos corredores que dan lugar a espazos pobres carentes de intencionalidade expresiva. A maiores, manifestan que buscan crear un recinto aberto e moi relacionado coa contorna e que ademais se adapte á topografía de xeito que modifique a parcela existente o menos posible.  O orzamento de execución material ascende a un total de 237.737,28 euros.

A parroquia de Argalo conta cun total de 17 entidades de poboación, sendo a o seu número actual de habitantes de 907 veciños e veciñas.

Este é o plano do futuro camposanto:

Click here to download:

Plano cemiterio de Argalo.pdf (1.59 MB)

(download)

Click here to download:

Plano cemiterio de Argalo.pdf (1.59 MB)

Noia: construirán un novo tanatorio na Rasa de Abaixo post.ly/52Gqz

— Certo (@Certo) January 30, 2012

•   Noia: a Ría vaise limpar, di o alcalde, mais depende do que atrase o PP

• Noia: charla no Liceo sobre nutrición este sábado 4 de febreiro

• Custará facelo máis de 750.000 euros

(download)

Click here to download:

Noia_construirn_un_novo_tanato.zip (849 KB)

Equipamento previsto

O edificio consta de tres plantas: soto, planta baixa e primeiro andar. Na planta baixa o tanatorio pretende dar uso simultáneo ás cinco salas de velorio coa súa correspondente cámara de exposición de cadáveres. No primeiro andar deseñáronse dúas salas para a celebración, tanto de actos relixiosos como civís, así como un espazo destinado a área administrativa. 

A planta soto estará dividida nunha zona de garaxe, a sala de tanatopraxia, un almacén de féretros e vestiarios para o persoal de servizo. O programa de distribución do tanatorio diferencia claramente dous percorridos ou espazos de funcionamento diferenciado: o do difunto coa súa preparación con persoal especializado, situado na planta soto e parte traseira da planta baixa e a do público en xeral que en ningún momento interrelacionan nin entran en contacto visual salvo nas cámaras de exposición. O inmoble contará con dous vestíbulos cunha superficie total de 175 metros cadrados.  

O aparcamento ocupa o resto da parcela cunha capacidade de 35 vehículos, incluíndo prazas adaptadas a minusválidos e prazas para autobuses.  

 Cabe salientar que a empresa promotora cede un total de 466 metros cadrados para adaptar as instalacións ás alineacións establecidas pola actual normativa urbanística municipal, ao tempo que está obrigada á súa urbanización.

Pode que tamén lle interese:

• Noia: o martes 31 de xaneiro, asemblea de socios do Liceo

forodaterragalega.com/galego_del_ano… Un noiés, "Galego do Ano" para Foro da Terra Galega en Catalunya

— Certo (@Certo) January 28, 2012

Barbanza: os concellos de Arousa Norte acordan poñer en marcha un programa cultural conxunto post.ly/52GVk

— Certo (@Certo) January 30, 2012

Noia: o Concello busca incrementar ingresos coas novas taxas para caixeiros automáticos e antenas de telefonía post.ly/52GS7

— Certo (@Certo) January 30, 2012

Natureza: Adega pide o cesamento de García-Borregón pola desfeita da lagoa da Frouxeira post.ly/52HTD

— Certo (@Certo) January 30, 2012

• Destaca a intervención que se vai facer no Pazo do Forno do Rato, que é Ben de Interese Cultural

Noia, 20 de xaneiro de 2012. A concellería de Casco Histórico e Patrimonio de Noia vén de remitir á Xunta de Galicia os acordos adoptados pola Comisión de Valoración Municipal no relativo aos expedientes da 9º fase da “Área de Rehabilitación”.

Os acordos que se adoptaron en dúas sesións distintas da Comisión de Valoración celebradas durante o presente mes de xaneiro, abranguen un total de seis intervencións, e entre elas destaca a que se fará no Pazo do Forno do Rato, único inmoble civil que conta coa condición de BIC dentro do perímetro do casco vello de Noia.

Catro das intervencións que se propoñen son rehabilitacións integrais de inmobles que contan con algún grado de protección, e as dúas restantes trátase de actuacións menores, igualmente en edificacións protexidas.

A contía das intervencións que se remitiron para a consecución da cualificación provisional, ascende a un total de 69.599,51 euros, a repartir entre as mesmas en función dos parámetros establecidos pola ordenanza reguladora.

No que se refire á  obra de urbanización no espazo público, vinculada á presente fase, serán obras de renovación de beirarrúas e soleiras interiores dos soportais da rúa do Curro.

Adxudicación para saneamento entre Boa e Taramancos

Taramancos é unha aldea noiesa que aínda conserva o encanto da arquitectura tradicional

Por outra banda, o Concello de Noia informou hoxe da adxudicación á empresa Proyecon Galicia S.A a obra denominada: "Conexión do saneamento de Boa e Taramancos á rede xeral de saneamento municipal (Noia)" na cantidade de 177.450,76 €.

O Concello descartou a seis empresas en baixa temeraria por documentación insuficiente ou por presentar salarios por debaixo de convenio laboral.

Noia: o Liceo acubilla esta fin de semana un congreso de taekwondo post.ly/4u3uy

— Certo (@Certo) January 19, 2012

Noia: o Concello gaña un contencioso sobre a recuperación de oficio dun camiño en Orro post.ly/4u13B

— Certo (@Certo) January 19, 2012

Sociedade: o Día Escolar pola Paz celébrase o luns 30 de xaneiro con diversos actos post.ly/4tyty

— Certo (@Certo) January 19, 2012

Noia: van mellorar o lugar de A Igrexa en Argalo con cargo ao PEIM post.ly/4tFJx

— Certo (@Certo) January 18, 2012

Noia, 19 de xaneiro de 2012. No ano 2009 presentouse recurso contencioso contra a resolución de alcaldía dictada o 27 de Maio na  que se declara non haber lugar á recuperación de oficio dun camiño no lugar de Orro, e  na que se anulaba a resolución do concelleiro delegado de Urbanismo, Vivenda e Solo Xosé Bernaldo Castro núm 1118/2008, de 22 de Abril, e na que se procede ao arquivo de recuperación de camiño.

A resolución de alcaldía que anulaba a resolución do concelleiro delegado de urbanismo foi recurrida por veciños do lugar en contencioso administrativo. Agora, case tres anos despois, o Xulgado do contencioso administrativo número 3 vén de dictar sentenza no que desestima o recurso contencioso-administrativo presentado contra a resolución da alcaldía.

Sentenza completa:

Click here to download:

SENTENZA_CAMIÑO_ORRO.pdf (839 KB)

(download)

Click here to download:

SENTENZA_CAMIÑO_ORRO.pdf (839 KB)

• A tuya foi derrubada onte e non afectou ao baldaquino

Noia, 28 de Nadal de 2011. O concelleiro de Urbanismo de Noia, Bieito González, informou hoxe da autorización da Dirección Xeral de Patrimonio Cultural para a tala da árbore que se atopaba en mal estado dentro da necrópole de Santa María A Nova. A árbore talárona onte pola mañá. Segundo o concelleiro nacionalista, "a preocupación do goberno local neste tema era grande, xa que a "tuya" atópabase perto do baldaquino que data, como é sabido, do século XVI e a súa caída podía afectar a este monumento".

Manuel Murguía -o marido de Rosalía de Castro- na súa obra titulada Galicia (Barcelona 1888), describe o baldaquino do seguinte xeito:

"Cuatro pilastras sostienen un friso en el cual afianzan y encajan las losas que forman el techo o pabellón. ¿Para qué servía? Indudablemente tenía un destino funerario, porque de los cuatro lados del friso se presentan adornados con importantes bajo-relieves: el que da frente al monumento, con grandes rosas y las cuatro fases de la luna; el de la parte opuesta, con una composición harto alegórica, cuyo verdadero sentido haya que buscar tal vez en las antiguas creencias arrianas, permanentes en el corazón de nuestra raza. Un animal, que no se adivina cual sea, huye, llevando clavado el dardo, de los perros que le persiguen y del cazador que va detrás de éstos. ....".

Autorización de Patrimonio:

Click here to download:

Autorización tala árbore Sta. Mª A Nova (20.12.11).pdf (577 KB)

(download)

Click here to download:

Autorización tala árbore Sta. Mª A Nova (20.12.11).pdf (577 KB)

Antes, en Certo:

Santa María a Nova: as tuyas, en perigo

 
Pode que tamén lle interese:

Turismo e literatura: o autor de best-sellers Javier Sierra presentou "El ángel perdido" en Santa María a Nova

 

Programación cultural completa de Nadal: do Concello e do Liceo de Noia

• Trátase dos baixos do inmoble número 24, que os donos deben pechar, segundo explicou o concelleiro de Urbanismo, Bieito González

(download)

Click here to download:

Noia_abren_expediente_urbansti.zip (914 KB)

Noia, 23 de Nadal de 2011. A Consellería de Urbanismo do Concello de Noia, a instancias dos propietarios das vivendas situadas do inmoble número 24 da rúa Pontevedra, esquina rúa Outonil (edif. CUNQUEIRO), vén de iniciar o expediente do “deber de conservación” dos baixos de dito inmoble.

O expediente vai dirixido á empresa propietaria dos baixos, no sentido de obligarlle á mesma ao seu cerramento, tal como se recollía no seu día nas condicións da licenza urbanística concedida para a construción do citado inmoble.

Do informe técnico que figura no expediente extráense os seguintes parágrafos: “Os baixos teñen que estar totalmente tapiados con materiais e aspecto de acabado, e non de obra inconclusa e con valados provisorios. A propiedade dos mesmos procederá a pechar os baixos do inmoble con tabique de ladrillo, recebado e pintado en cores neutros, preferiblemente branco”.

Os servizos técnicos municipais calculan un orzamento de 9.450, 33 euros, ao que ascenderá  a obra do cerramento dos baixos en cuestión, establecendo un período temporal para a execución da mesma de un mes.

As obrigas emanadas do “deber de conservación”  para os propietarios de toda clase de fincas, instalacións e obras, veñen recollidas no texto da actual Lei do Solo de Galicia, e habilitan aos Concellos para promulgar, se fora o caso, ordes de execución subsidiaria con cargo aos propietarios dos mesmos.

Pode que tamén lle interese:

Programación cultural completa de Nadal: do Concello e do Liceo de Noia

Colectivo Escollera: propoñen moción para que se unan partidos políticos