• O PSdeG-Psoe consegue un acordo parlamentario no que se insta á Xunta a darlle unha solución aos veciños de Taramancos
• Lage Tuñas demandou "solucións para que non quede ningunha vivenda aillada na aldea de Taramancos"

Noia, 10 de maio de 2012. O deputado socialista José Manuel Lage Tuñas presentou hoxe na comisión 2ª do Parlamento (Pbras públicas, medio ambiente, infraestructuras) unha proposición non de lei co obxecto de abordar a problemática dos veciños de Taramancos-Noia e conseguir “garantizar o acceso rodado dende a aldea de Taramancos á praia de Testal”.

”Dende a Xunta modificaron o proxecto da variante deixando aos veciños do núcleo de Taramancos sen accesos e servizos básicos e era preciso que rectificaran. Non podíamos permitir que o goberno galego anulara as comunicacións terrestres de Taramancos coa praia de Testal sen darlles alternativas aos veciños", explica o parlamentario socialista.

Atención ás peticións dos veciños

Lage Tuñas demandou na comisión do Parlamento que se consensúe cos veciños a solución “para acadar un acceso axeitado para Taramancos, e por axeitado entendemos que, tanto se se trata dun paso superior ou inferior, a pendente sexa razoable para que poidan pasar tanto coches como camións sen perigo algún; e se é dando un rodeo, que este non sexa excesivo.”.

O deputado do PSdeG dixo que “a solución ten que incluir o acceso para a parte baixa da aldea de Taramancos, que non quede dúbida. Non pode quedar ningunha vivenda aillada ou sen servizo”.

Acordo

Lage Tuñas convidou ao Partido Popular a buscar un acordo “e atopar unha solución evitando que ningunha vivenda quede aillada no núcleo de Taramancos”. O deputado do PSdeG, ademais de contar co apoio do seu grupo, PSdeG-PSOE, tamén acadou o apoio do BNG para establecer unha negociación co PP na citada comisión parlamentaria. O deputado do PSdeG negociou un acordo co Partido Popular sobre a base da súa proposición non de lei e acadou un acordo que obtivo o respaldo dos tres grupos parlamentarios.

"O acordo impulsa a búsqueda dunha solución conxuntamente entre a Xunta e os veciños de Taramancos e estarei vixiante para que agora a Xunta cumpla o acordo do parlamento nun prazo razonable”, advertiu Lage Tuñas.

O TEXTO DO ACORDO parte da proposta do PSdeG-PSOE e foi votado polos tres grupos parlamentarios (PP, PSdeG-PSOE e BNG):

O Parlamento de Galicia insta ao goberno galego a que (no desenvolvemento das obras da variante de Noia) busque unha solución consensuada cos veciños que posibilite que as vivendas dos veciños do núcleo de Taramancos (Noia) non queden ailladas e poidan seguir dispoñendo dunha vía de comunicación coa praia do Testal, e que compatibilice a mellora da mobilidade coa minimización do impacto sobre o patrimonio cultural.

Click here to download:

80590-PNC Eliminación acceso rodado Taramancos (Noia).pdf (164 KB)

(download)

Click here to download:

80590-PNC Eliminación acceso rodado Taramancos (Noia).pdf (164 KB)

Los españoles podrían acabar pagando el fichaje de Cristiano. Caja Madrid (Bankia), concedió un crédito de 76,5MM € al Real Madrid

— Bruno Valle (@themgbrunito) May 10, 2012

MONCHO REBOIRAS nacionalista asasinado pola policía franquista Imo (Dodro) 1950 -... fb.me/23jhU2JzX

— jose estevez(@dilois) May 9, 2012

• Púxose en servizo o novo vial de conexión do enlace de Sampaio da VAP Brión-Noia coa estrada AC-543 

• Nun discurso electoralista, cualificou a zona como "unha das máis importantes de Galicia" pero esquecéuselle referirse aos expropiados que levan sen cobrar dende 2010 ou á posible peaxe nas autovías galegas
  

Fotos: Xunta de Galicia

Noia, 2 de maio de 2012.- O presidente da Xunta, Alberto Núñez Feijóo, destacou hoxe "o compromiso do Goberno galego coa vertebración da Ría Muros-Noia con Compostela, reflectido na apertura, o vindeiro ano -tiña que ser para este-, da Variante de Noia e nun investimento de 155 millóns de euros". “Estamos vertebrando unha das zonas máis importantes de Galicia e cumprindo o compromiso de devolverlle as vilas aos cidadáns e que as estradas non interrompan os cascos urbanos. E estamos posibilitando que en Galicia se poda vivir nun sitio e traballar noutro; estamos posibilitando aquel vello sono de que o 80% da poboación galega estea a menos de 10 minutos dunha vía de alta capacidade”, manifestou o presidente da Xunta nun acto eminentemente propagandístico e pre-electoral ao que asistiron os alcaldes da bisbarra e mesmo o xefe da oposición noiesa -do PP-.

Durante a posta en servizo do novo vial de conexión do enlace de Sampaio da VAP Brión-Noia coa estrada AC-543, cun investimento de 1,7 millóns de euros; Feijóo salientou a aposta do Executivo autonómico pola Galicia “única e global” e afirmou que a nova infraestrutura supón achegar a Vía de Altas Prestacións Brión-Noia aos veciños da comarca e, sobre todo, de Noia e Lousame.

“En outubro de 2010, puxemos en servizo o treito Brión-Martelo do novo corredor; en xaneiro de 2011, inauguramos a ponte do Engano, en Outes; en febreiro de 2011, fixemos o propio en Lousame co treito Martelo-Noia, que conecta directamente a ría coa rede de estradas de altas prestacións da Xunta. E, hoxe é a cuarta data, na que poñemos a disposición unha conexión para poñer o corredor ao servizo de máis veciños”, lembrou Feijóo, logo de reafirmar que a próxima gran infraestrutura que o Goberno galego porá a disposición da Ría de Noia-Muros “será a conexión histórica e definitiva entre Porto do Son e Noia; será a Variante de Noia, que inauguraremos o próximo ano”.

Ao longo da súa intervención, o presidente do Executivo autonómico recordou o compromiso deste Goberno, durante esta lexislatura, de manter os servizos públicos esenciais e de que, en plena crise económica, a sanidade, a educación e os servizos sociais avanzaran a pesar da diminución drástica dos ingresos da Xunta e das transferencias do Estado á Comunidade. “Pero tamén nos comprometemos –engadiu- a finalizar os investimentos estratéxicos de Galicia; e 155 millóns de euros de investimento nesta ría é a expresión máis gráfica, máis concreta e máis explícita dun esforzo en materia de infraestruturas para finalizar os grandes compromisos que asumimos en época de bonanza e que teñen que estar financiados en época de dificultade”.

Eficiencias, disque

(download)

Click here to download:

noia-feijoo-segue-a-quentar-motores-na-precampana-cunha-inauguracion-dun-anaco-da-variante-noiesa-que-se-vai-adiar-un-ano-gEelCEcjpCGibvBaBoie.zip (646 KB)

Posible peaxe por autovías nun futuro cercano: nin chío

Logo da ameaza do presidente do Goberno, o popular pontevedrés Mariano Rajoy, de que cada venres se ían tomar novas medidas de recortes -o que na neolingua popular se chaman axustes-, unha das medidas que máis sona é a de implantar unha peaxe, disque "branda", por circular por autovía. Por suposto, Feijóo en ningún momento aludiu a estas impopulares taxas, pois atópase en plena precampaña electoral, nin quixo falar dos expropiados por estas obras da variante que levan sen cobrar dende 2010.

Tampouco fixo referencia, nin el nin o conselleiro de Infraestruturas, ao arraso para o Patrimonio que vai supoñer o viaduto sobre o castro de Taramancos nin a desfeita na paisaxe de toda esta zona, "unha das máis importantes de Galicia", ao entender -nas verbas pero non nos feitos- do presidente da Xunta da Galicia, Núñez Feijóo, que no seu programa electoral de 2009 prometera transparencia e boa xestión do patrimonio cultural do litoral e da paisaxe:

Antes, en Certo:

Política: o alcalde fala do boicot da Consellería de Infraestruturas á vila

Política: Hernández e García Guerrero, novo desencontro 

Outras noticias en Certo sobre esta polémica variante, aquí

Precampaña e inauguracións inútiles: Conexión da AG-56 e C-543 wp.me/p1KBCH-9H vía @novasdenoia

— Certo (@Certo) May 2, 2012

• A Xunta emprega o servizo de prensa do conselleiro para botarlle a culpa do retraso da variante aínda ao Bipartito (que gobernou por última vez en 2009, hai tres anos) nun acto no que, en teoría, víñanse a presentar os colectores de saneamento
• Non se deu nin chío do que está a pasar co castro de Taramancos, un xacemento de primeira magnitude que está totalmente silenciado e por enriba do cal pasará un viaduto da variante
• A variante tiña que estar rematada en xullo deste ano, segundo os pronósticos da mesma Xunta que a licitou. Agora o conselleiro Hernández fala de 2013 e sen concretar sequera o mes. A obra está a realizala Puentes y Calzadas, unha empresa para a que traballou este conselleiro do goberno de Núñez Feijóo dende setembro de 2006 ata marzo de 2008, segundo datos do Rexistro Mercantil

Acabo de abandonar o "acto" de presentacion da obra de colectores en Noia ante a falla de educacion do Conselleiro de MATI Agustin Hernández

— rafaelguerrero (@rafaelguerrero) March 20, 2012

(download)

Click here to download:

Noia_o_alcalde_vaise_dun_acto_.zip (709 KB)

Noia, 20 de marzo de 2012.- Novo choque entre administradores por causa das obras en Noia. Desta volta, entre o administrador da consellería de Infraestruturas, Agustín Hernández (PP), e o administrador do Concello de Noia, Rafael García Guerrero (PSOE). Ante os ataques á xestión do bipartito na Xunta, que deixou de gobernar hai tres anos (cumpríronse neste mes de marzo), o rexedor noiés foise do acto de presentación, como explicou nun twitt "pola falla de educación do conselleiro Agustín Hernández". Aínda que ao primeiro se deron a man e todo, como se visualiza na imaxe, o alcalde, en declaracións a este xornal, explicou que "ante o uso partidista dun acto institucional e ante o mínimo respecto e consideración entre administracións houben de abandonar o acto. Á miña persoa poden faltarlle ao respecto, pero non podo consentir o máis mínimo desprezo á institución que represento por parte de quen confunde as institucións coa súa eira privada".

Variante de Noia: moito respeto aos moluscos e pouco ao patrimonio

Segundo a nota da Xunta, "a execución dos tres viadutos da Variante de Noia, e que supoñen un 88% da infraestrutura, avanzan a bo ritmo. Sobre o viaduto que cruza a ría dende o Porto do Testal ata A Barquiña, o o de maior envergadura, manifestou que se iniciaron os traballos de cimentación e que se están a executar os pilotes.

As obras avanzan co ritmo normal e apropiado a este tipo de construcións, sen deixar de lado as medidas de control ambiental necesarias e programadas. Recordou que dende o inicio das obras se manteñen controis (a través de postes oceanográficos e turbidímetros) na ría, sen que se detectara ningún dato negativo de cara ao cultivo de moluscos. A Xunta mantén contactos coa Confraría de Pescadores de Noia e coa Dirección Xeral de Ordenación e Xestión dos Recursos Mariños; e autorizouse un convenio de colaboración para compensar a afección aos recursos marisqueiros". Nembargantes, Hernández non aludiu en ningún momento ao que vai suceder co xacemento do castro de Taramancos, que é atravesado polo viaduto da variante e cuxos restos a un e outro lado da nova vía son numerosos. As escavacións paralizáronse e o Concello de Noia -así como todos os galegos aos que se nos deben explicacións pois un castro é patrimonio de todos- segue sen recibir unha memoria sobre o que alí se atopou, quen o atopou e onde pensan conservalo.

pacodomartelo.blogspot.com.es/2012/03/castro… Como diría X. Souto: moita falta de ignorancia! Taramancos catro cortellos, disque. Vía @pacodomartelo

— Certo (@Certo) March 18, 2012

Unha variante que fai unha empresa "amiga"

A Xunta de Galicia adxudicou as obras da Variante de Noia por un importe de máis de 38 millóns de euros (38.254.451) á empresa Puentes y Calzadas Infraestruturas, S.L.U. Segundo explicou no seu día o xornal El País, Agustín Hernández, actual conselleiro de Infraestruturas, traballou para esta empresa que está a facer a variante de Noia. Para que non se producisen estas fichaxes escandalosas e faltas de toda ética de cargos públicos por parte de empresas privadas, tivo que ser o Bipartito que tanto denosta agora Agustín Hernández, o que sacase un decreto que impedise que antes de 24 meses -igual que a lei estatal- se producisen estes contratos que evidencian -e segue a suceder en todos os partidos políticos- pagos de favores entre empresas concesionarias e administradores dos cartos públicos.

Dobre raseiro de Patrimonio

Como ben se explica no blog "Que pasa en Noia", namentres Patrimonio anda desaparecido no que respecta aos achádegos de Taramancos, buleu rápido para parar a obra dos colectores que presentou esta mañá o conselleiro, pois hai no proxecto unhas tubaxes de cores que afearían a ponte de San Lázaro e a de Noia.

Solución ao tráfico, disque

Namentres a Xunta de Galicia se farta de vender que "esta vía suporá eludir o paso polo núcleo de Noia, onde existe unha elevada intensidade de tráfico e circulación de vehículos pesados. A posta en servizo deste tramo mellorará as comunicacións do eixo Santiago-Brión-Noia e, polo tanto, a poboación directamente beneficiada por esta infraestrutura é de máis de 40.000 persoas, que actualmente viven na comarca", veciñanza e técnicos non relacionados con partido político algún dubidan desta solución aos atascos que se producen sobre todo nas fins de semana do verán. Todo dependerá das canles de evacuación de vehículos en forma de rotondas que finalmente se constrúan e a ubicación destas, para que non se produzan colos de botella.

Datos da obra dos colectores: lío en Movex Vial

As obras da primeira fase dos colectores de Noia contan cun orzamento de máis de 4,4 millóns de euros e que leva a cabo a UTE Movex Vial, S.L. & Abeconsa S.L.U. As actuacións teñen un prazo de execución de 36 meses. Na actualidade xa se ten certificado un 23%.

Xusto hoxe coñeceuse a dimisión do presidente de Movex Vial -empresa viguesa-, Javier Carrera, tras 23 anos no cargo. Segundo explicou el mesmo, faino para salvar a boa imaxe da súa empresa logo de que se insinuara en dous medios de comunicación que tiña relación coa Operación Campeón -toda a información en Galicia Confidencial- e, en concreto, coa adxudicación masiva de obras do Plan E en Vigo.

A actuación dos colectores noieses pretende dar unha solución aos problemas que existen en época de chuvia, posto que a rede de sumidoiros existente é unitaria nun 95 por cento, só o Casco Histórico conta con rede separativa. Esta rede de colectores presenta graves deficiencias, como pozos de rexistro con infiltracións; treitos en contrapendente; bombeos inutilizados; colectores por praias ou marxes da ría e algún vertido directo do efluente da EDAR á costa sen condución de vertido.

Concretamente, as actuacións constan das seguintes infraestruturas:

Noia: este venres 23 de marzo, homenaxe poética a Antón Avilés de Taramancos no seu vixésimo cabodano post.ly/5wH1w E tamén nos cafés

— Certo (@Certo) March 20, 2012

Que o 21 de marzo cadren Día Forestal Mundial e Día Mundial da Poesía só pode significar: poetas! deixade de publicar en papel os desvaríos!

— Certo (@Certo) March 20, 2012

quepasanacosta.com/?p=13845 A crise de 1709-1711 non foi calquera cousa... Venecia con xeo! E por Galicia morreron a eito e houbo que emigrar

— Certo (@Certo) March 20, 2012

Noia, 23 de novembro de 2011. Segundo informou hoxe Bieito González Domínguez, concelleiro de Urbanismo, Vivenda e Solo de Noia, a Concellería que el dirixe vén de solicitar da empresa encargada da dirección da asistencia técnica da obra de construción da estrada variante de poboación "que respete as determinacións contempladas no futuro Plan Xeral de Ordenación Municipal no lugar dos Carballiños así como no Río do Porto.

Nunha xuntanza de traballo mantida entre o Director da Asistencia Técnica encargada da construción da estrada variante de poboación, persoal da Consellería de Medio Ambiente e o concelleiro delegado de urbanismo, o Concello de Noia, solicita da Consellería "o respecto ás determinacións contidas no Documento de Inicio do futuro PXOM no relativo ao diseño de futuros viais de titularidade municipal, en relación á construción da infraestructura de titularidade autonómica".

O primeiro aspecto que se discutiu foi o relativo á pretensión do Goberno Local de contemplar no PXOM unha nova vía de comunicación entre os lugares da Barquiña e Barro, que avanzaría desde a Corredoira do Ruso polo Río do Porto, e por debaixo do viaduto en construción, ata o entronque co lugar de Barro.

Hai que lembrar, argumenta Bieito González, "que na Barquiña viven algo máis de 600 veciños, e para acceder ao lugar contan tan só cunha vía de comunicación. Con esta previsión, o Goberno Local pretende mellorar as comunicacións dun lugar amplamente habitado e que hoxe, como dicimos, só ten un punto de acceso".

A outra cuestión debatida tamén fai mención a outro vial de titularidade municipal, este, na contorna do centro comercial EROSKI, no lugar dos Carballiños, hoxe aínda inconcluso no seu encontro coa estrada provincial que comunica coa Barquiña, e que pretendemos nos leve no futuro a conectar coa actual Avenida de Castelao no lugar de Barro. Esta previsión que se vai a recoller na futura ordenación urbanística non busca outra cousa que a de facer máis permeable esa grande bolsa de solo existente entre Carracido e Barro, que hoxe ten a consideración de rústico, e que no futuro PXOM contará con outras categorías de solo, todas elas compatibles coas diversas limitacións impostas polas lexislacións sectoriais en vigor, dende o Plan de Ordenación Local ata a proteción de estradas ou a proteción de ribeiras dos ríos, entre outras.

Click here to download:

11112214200 (Estudo do modelo de asentamento).pdf (3.38 MB)

(download)

Click here to download:

11112214200 (Estudo do modelo de asentamento).pdf (3.38 MB)

Click here to download:

11112214210 (Alternativa de ordenación nº 2).pdf (3.63 MB)

(download)

Click here to download:

11112214210 (Alternativa de ordenación nº 2).pdf (3.63 MB)

Pode que tamén lle interese:

25N contra a violencia de xénero: actividades previstas este venres

Liceo: este sábado 26, I Xornadas Micolóxicas

Semana da Música: programa do 22 de novembro ao 27

Cultura: Barbantia entrega os seus "Sereos" o 26

Curso: sobre sexualidade o 13 e 15 de decembro

Obras: canlización e saneamento para Bergondo en 2012

Noia, 26 de outubro de 2011.- O conselleiro de Medio Ambiente, Territorio e Infraestruturas, Agustín Hernández, e o patrón maior da Confraría de Pescadores de San Bartolomé de Noia, Santiago Cruz Martínez, asinaron hoxe en San Caetano (sede da Xunta de Galicia en Santiago) un acordo polo que a Consellería de Medio Ambiente, Territorio e Infraestruturas establece unha cantidade de 467.200 euros para compensar a afección temporal aos recursos marisqueiros mentres duren as obras da a variante de Noia. As obras consisten na execución dunha ponte sobre a ría que enlazará a VAP Brión-Noia coa estrada AC-550 en Taramancos, e conta cunha inversión de máis de 40 millóns de euros.

O acordo establece compensacións económicas debido á ocupación temporal da zona coa plataforma de traballo, ademais dunha posible afectación na produción marisqueira. A vixencia do mesmo é de tres anos. As afectacións derivadas das obras foron determinadas na Declaración de Impacto Ambiental (DIA) elaborado pola Dirección Xeral de Calidade e Avaliación Ambiental, onde se especifica que se nos estudos da dinámica litoral da ría de Muros e Noia afectados pola construción do viaduto se derivasen afeccións a hábitats produtivos, se elaborará unha memoria de medidas compensatorias.

Fíxose un estudo da dinámica litoral para coñecer os recursos marisqueiros e a produción da ría. En relación coa calidade das augas e co sedimento realizáronse tamén campañas de mostraxe en consenso coa Confraría e coa Dirección Xeral de Xestión dos Recursos Mariños. Os resultados obtidos determinaron que non se producen afeccións directas sobre os bancos marisqueiros existentes pero si sobre as autorizacións marisqueiras C-1028, C-1030 e C-1032; polo que a superficie afectada sumaría un total de 108.000 m² (no que estaría contida a superficie ocupada de forma temporal, uns 21.000 m2).

Estado das obras da Variante
A Consellería de Medio Ambiente está a executar as obras da Variante de Noia que implican un investimento de máis de 40 millóns de euros, dos cales 10 millóns correspóndense coa anualidade para o exercicio de 2012.

Unha vez rematada, a variante de Noia canalizará preto de 3.000 vehículos diarios que escollerán esta vía para realizar os seus desprazamentos. Isto implica unha redución do volume de tráfico de máis dun millón de vehículos ao ano, que aforrarán mais de 4 quilómetros respecto do percorrido actual.

Cómpre recordar que dende o pasado 26 de setembro ata finais do mes de xaneiro estanse a levar a cabo cortes puntuais na glorieta de Orro (a Xunta insiste en que é Pontenafonso), que une a localidade de Taramancos con Noia no punto quilométrico 69,5, como consecuencia da execución das obras.

Colectores de Noia
Outra das actuacións que mellorarán a calidade das augas desta ría son as obras da primeira fase da rede de colectores no Concello de Noia, que comezaron o pasado 17 de outubro, e que contan cun orzamento que se eleva a 3,8 millóns de euros.

A rede de sumidoiros actual é unitaria nun 95%, polo que é necesario xestionar as augas en tempo de choiva. Só o casco histórico conta cunha rede separativa. Na actualidade, a rede de colectores ten graves deficiencias, como pozos de rexistro con infiltracións, tramos en contrapendente, bombeos inutilizados, ou colectores por praias ou marxes de ría.

A finalidade deste proxecto é mellorar as condicións de funcionamento da rede de saneamento de Noia, co fin de acadar o saneamento e a depuración das verteduras, evitándoas á ría de Noia. En definitiva, estas obras permitirán rehabilitar os treitos existentes, recollendo case toda a rede de saneamento municipal e garantir o seu funcionamento ao illala das infiltracións.

O proxecto recolle a execución dun colector interceptor xeral que permita derivar todas as augas fecais á estación depuradora de augas residuais (EDAR) de Noia. Tamén se proxecta a implantación dunha primeira fase de rede de colectores de augas pluviais que posibilite a evolución cara unha rede de saneamento separativa.

O que Agustín Hernández cala sobre a variante: destrución e agochamento de patrimonio milenario

Parlamento: o Bng pregunta pola desfeita de Taramancos

Pleno: moción de urxencia polo arraso do castro de Taramancos

Arqueoloxía: o Psoe leva ao Parlamento o arraso do castro de Taramancos

Arqueoloxía: o alcalde critica á Xunta por eliminar o castro de Taramancos

Relacionada coa confraría:

Salmóns: Greenpeace reaviva esperanzas fronte á teimudez da Xunta

• Agustín Hernández presidiu esta mañá a sesión constitutiva do Consello Reitor da Axencia Galega de Infraestruturas, da que Ethel Vázquez pasa a ser a directora

• Case 460 millóns de euros blindan a continuación de obra pública en marcha, como é o caso da Autovía da Costa da Morte, a Autovía de Celanova ou a Variante de Noia, así como o remate da Terceira rolda da Coruña ou a Variante de Marín

• A Xunta di que a Axencia Galega de Infraestruturas é unha fusión de Aceousa e a SPI que aforrará arredor dun millón de euros por ano

• O silencio sobre os achados de Taramancos segue a ser clamoroso

(download)

Click here to download:

Noia_a_variante_entre_as_prime.zip (2.19 MB)

Imaxes do xacemento que vai quedar soterrado de seguir como ata o momento as obras da variante de Noia. Uns achados que poderían ser máis interesantes mesmo que o castro de Baroña, co que teñen que estar relacionado por proximidade, pero sobre o que Patrimonio garda o máis absoluto silencio, como xa fixera no caso de Punta Langosteira para facer o porto exterior de Coruña

Noia, 21 de outubro de 2011.- O conselleiro de Medio Ambiente, Territorio e Infraestruturas, Agustín Hernández, presentou esta mañá os primeiros orzamentos da Axencia Galega de Infraestruturas, que entra en funcionamento en xaneiro de 2012, que permitirán a mobilización de 665 millóns de euros para continuar co impulso á obra pública en Galicia, o que se traduce nun incremento dun 8% respecto do investimento destinado en 2011.

O responsable de Infraestruturas, acompañado pola recentemente nomeada directora da Axencia Galega de Infraestruturas (AGI), Ethel Vázquez, informou esta mañá das previsións orzamentarias no decurso da sesión constitutiva do Consello Reitor da AGI, onde recordou que –en virtude do principio de austeridade defendido polo actual presidente da Xunta de Galicia, Alberto Núñez Feijóo- os orzamentos para os capítulos de xestión e persoal desta nova entidade redúcense en máis dun dun millón de euros (1.075.908 euros), o que supón un 4% dos orzamentos de gasto corrente do presente ano. Este aforro prodúcese porque a axencia asumirá a tutela funcional da Sociedade Pública de Investimentos, ademais de Aceousa e a Dirección Xeral de Infraestruturas.

A nova estrutura organizativa da Axencia terá como obxectivos principais para o ano 2012 continuar coas obras en marcha, tal e como se comprometeu o Goberno galego cando este mesmo verán tivo que asumir os axustes orzamentarios, como Autovía da Costa da Morte, Sarria- Monforte, Variante de ortigueira, Variante de Marín, Enlace de Curro, Variante de Noia, Autovía de Celanova, desdobramento do Morrazo; así como rematar importantes infraestruturas estratéxicas, como son a Terceira Rolda da Coruña e a Vía Ártabra, e iniciar novas actuacións como a reordenación da glorieta de Sabón e o proxecto de Abrir Ferrol ao Mar. Todas estas actuación implican un investimento de case 460 millóns de euros (458,43 M€)

O conselleiro de Medio Ambiente destacou o investimento en materia de seguridade viaria que programa a Axencia Galega de Infraestruturas para o vindeiro ano, xa que é o dobre que os destinado no exercicio anterior, xa que a partida orzamentaria elévase a case 45 millóns de euros.

Recordou que outro dos compromisos asumidos á hora de elaborar as contas do seu departamento foi blindar a conservación da actual rede de estradas de titularidade da Xunta de Galicia. Nese senso, para o mantemento e conservación ordinaria da rede autonómica de estradas e para fixar o desenvolvemento do Plan de Viabilidade invernal destinaranse un total de 34,75 millóns de euros ao longo de 2012.

Sesión constitutiva, con Ethel Vázquez movendo a súa cadeira de novo

Coa celebración esta mañá da sesión constitutiva da Axencia Galega de Infraestruturas, cuxa entrada en funcionamento está prevista para xaneiro do ano 2012, a a directora xeral de infraestruturas, Ethel Vázquez, que non hai moito foi tamén directora de Augas de Galicia, pasa a ser a directora da Axencia.

Neste senso, o Consello da Xunta aprobou na xuntanza de onte a orde pola que se nomea a persoa responsable da axencia, un ente que concentrará nun único centro directivo todas as obras de infraestruturas viarias. A directora da axencia será Ethel Vázquez, Mourelle, actual directora xeral de Infraestruturas, quen tamén asumirá a vicepresidencia do Consello Reitor. A creación da axencia fundaméntase en tres principios básicos que son o da unidade de xestión e de actuación; os de funcionalidade, eficacia e eficiencia; e o de austeridade.

Coa Axencia Galega de Infraestruturas, constituída como unha axencia pública autonómica, proponse rematar coa situación organizativa composta pola Dirección Xeral de Infraestruturas e os servizos de Infraestruturas dos departamentos territoriais, dependentes da Consellería de Medio Ambiente, Territorio e Infraestruturas e por dúas sociedades públicas que dependían da Consellería de Facenda: a Sociedade Pública de Investimentos de Galicia S.A (SPI), e a Sociedade Pública Autoestrada Alto de San Domingos-Ourense, S.A (Aceousa).

Coa nova estrutura a Axencia Galega de Infraestruturas asumirá a tutela funcional da Sociedade Pública de Investimentos de Galicia S.A, que absorbeu a Sociedade Pública Autoestrada Alto de San Domingos-Ourense, S.A.

A Xunta de Galicia promove a creación da Axencia Galega de Infraestruturas como unha medida máis para acadar un novo modelo de xestión en materia de infraestruturas máis flexible, máis eficaz e máis austero. Coa entrada en funcionamento da Axencia Galega de Infraestruturas e grazas á fusión, por absorción, de Aceousa e a SPI, producirase un aforro, que se estima en 1,1 millóns de euros por ano.

A axencia estrutúrase en catro áreas: de Planificación e Programación, de Obras e Explotación, de Seguridade Viaria, e de Contratación e Administración. Tamén contará cunha asesoría xurídica propia e coas delegacións en cada provincia ademais de asumir a tutela funcional da SPI.

O Consello Reitor é o órgano colexiado de goberno da Axencia Galega de Infraestruturas e estará integrado pola Presidencia (que é asumida polo titular da Consellería en materia de Infraestruturas), a Vicepresidencia (que é asumida pola Dirección da axencia) e catro vogais.

Relacionadas:

Variante: o atopado en Taramancos, mero trámite

• Arqueoloxía: promocionan "El legado celta" e reivindican o castro de Taramancos

Parlamento: o Bng pregunta pola desfeita de Taramancos a causa da variante de Noia

Pleno: moción de urxencia polo arraso do castro de Taramancos para que pase o viaduto da variante

Arqueoloxía: o Psoe leva ao Parlamento o arraso do castro de Taramancos

• Por mor das actuacións na Variante de Noia, cortarase un dos carrís da glorieta e outro do ramal de incorporación á VAP dende hoxe luns 26 de setembro ata finais de xaneiro

• O Castro de Taramancos está a ser usado como recheo para os cimentos da ponte que sobrevoa Testal. Xa finiquitaron o muro da parte romana e hoxe xa non había unha estrutura circular das cabanas castrexas

• As obras, que se farán en dúas fases, realizaranse en espazos do día con menor densidade de tráfico e sempre coa presenza de sinalistas en cada unha das entradas á glorieta, co fin de xestionar o fluxo de vehículos
• A Dirección Xeral de Infraestruturas lembra que se establecerá a sinalización adecuada para anunciar o corte con antelación, garantindo a seguridade viaria no treito no que se restrinxe o tráfico

Noia, 26 de setembro de 2011.- A Consellería de Medio Ambiente, Territorio e Infraestruturas realiza cortes parciais na glorieta de Pontenafonso, concretamente na conexión da Vía de Alta Capacidade (VAP) Brión-Noia coa estrada AC-550 que une as localidade de Taramancos con Noia, concretamente no punto quilométrico 69,5, como consecuencia das obras da Variante de Noia. Estas restricións levaranse a cabo dende este luns, día 26, ata finais do mes de xaneiro.

As ocupacións parciais da vía desenvolveranse en dúas fases, posto que ao principio, na Fase I, requerirase cortar os carrís interiores da glorieta e do ramal da Vía de Altas Prestacións e, posteriormente na Fase II, será preciso cortar os exteriores. Os cortes de tráfico executaranse de modo alterno e sen coincidir nunca no tempo.

As obras nas súas dúas partes e o paso dunha a outra faranse en espazos do día con menor densidade de tráfico e sempre coa presenza de sinalistas en cada unha das entradas á glorieta, co fin de xestionar o fluxo de vehículos.

Esta actuación, que levará a cabo a empresa Puentes Infraestruturas S.L.U., suporá a finalización da execución de cimentacións e alzados do viaduto 4+560 que voa sobre á estrada Taramancos-Noia e conecta coa glorieta de Orro.

A Dirección Xeral de Infraestruturas lembra que se establecerá a sinalización adecuada para anunciar o corte con antelación, garantindo a seguridade viaria no treito no que se restrinxe o tráfico.

Destrución do castro de Taramancos

Segundo conta o alcalde de Noia, Rafael García Guerrero, están a destruír todo o atopado en Taramancos. O outro día acabaron co muro da parte romana e agora xa non se ve a estrutura circular dunha cabana castrexa que fotografamos no seu día. Nin unha explicación de Patrimonio nin da Xunta polo momento. Tampouco agardamos que condenen este atentado como si o fixeron por un artefacto explosivo na casa de Manuel Fraga. Lóxicas deste país. Os únicos, que saibamos, que se pronunciaron para que non se destruíse este valiosísimo patrimonio -unha miudeza para Agustín Hernández, conselleiro de Medio Ambiente, que dixo que castros había moitos en Galicia- foron o Concello de Noia (PSOE, BNG e N.O.I.A.) e a asociación cultural "Terra de Outes". O Psoe a nivel galego ou o Bng, nin chío. A Xunta do PP é a que está a levar a cabo a desfeita, sen demasiada oposición dos noieses polo que vemos.

Antes, en Certo:

• Baroña BIC: toda a protección para o castro de Baroña, ningunha para o de Taramancos

Variante: o atopado en Taramancos, mero trámite

Arqueoloxía: "Terra de Outes" pronúnciase a prol da conservación completa do atopado en Taramancos Vello

Arqueoloxía: piden á Xunta modificar a variante para conservar o de Taramancos

• Agustín Hernández só aclarou que se ampliou a escavación (só hai que ir e miralo), que logo Patrimonio emitirá informe "como un trámite habitual, que por aquí temos moitos castros".
• Á Consellería só lle parece importar o tempo "que se aforra" para chegar de Santiago a Noia
• O viaduto máis impactante, entre O Testal e A Barquiña. rematarase no 2012
• Ao seu remate esta infraestrutura desviará máis dun millón de vehículos ao ano, que xa non terán que pasar polo centro da vila

(download)

Click here to download:

Noia_o_conselleiro_de_Medio_Am.zip (936 KB)

Ante as declaracións do conselleiro, que actúa de Jano bifronte ao ter no mesmo departamento asuntos tan incompatibles como Medio Ambiente e Infraestruturas, temos que lembrar as verbas de Manuel Gago en Capítulo 0 hai uns días:

"Nos últimos anos, estamos vendo como unha das máis fermosas e sen dúbida mellor preservadas rías galegas, a de Muros e Noia, está sendo obxecto dun acoso absoluto, promovido polos poderes públicos, que está destrozando de xeito irreversible unha importante fonte de recursos económicos que son os esteiros de desembocadura dos ríos que levan a ela. Xa se fixo coa construción da Ponte do Engano e as obras de desmantelamento desa fermosa franxa de litoral, e agora quérese facer co vial de ampliación de Noia; e cando volva haber orzamentos públicos retomarase a autovía a Muros.

Estou convencido de que os obxectivos da Administración galega son bastante escuros e inconfesables: por diante sinálase o beneficio para a poboación local (que aforrará, dependendo de onde, algúns minutos que non compensan, nin de lonxe, o investimento económico público, como argumentaría calquera xestor minimamente serio dun país civilizado), pero calquera persoa con perspectiva, intelixencia e algo de coñecemento local sabe o que hai detrás: os proxectos de urbanización turística en Portosín, nas proximidades de Muros, en Tal, en Monte Louro, etc. Proxectos de construción incontrolada que destruirán fontes de riqueza e emprego cualificado a medio prazo, economía rapaz e imbécil, mesmo se a miraramos desde unha perspectiva netamente liberal. O futuro da ría de Muros e Noia podería ser magnífico, pero políticos e, por desgraza, numerosos veciños, queren estragar e despilfarrar esta custosa infraestrutura natural nunha xeración". (Vía)

Na nota de prensa da Xunta non hai nin unha referencia ao importante achado de Taramancos Vello:

O responsable de Medio Ambiente destacou que, neste momento, atópanse rematados os traballos de desbroce dos terreos ocupados polo vial, así como os saneos e as cimentacións dos principais terrapléns. Así mesmo, estase avanzando co movemento de terras no inicio de obra (entre a conexión coa AC-550 en Taramancos ata o porto de Testal); e, nos vindeiros meses, empezarase coas escavacións na parte final da actuación. A drenaxe transversal está practicamente rematada, a lonxitudinal iniciouse recentemente. Na parte estrutural, a campaña xeotécnica iniciada en xuño, case se atopa rematada e o paso de fauna xa está executado.

Traballos actuais
Neste momento, estase a traballar na cimentación do enlace da Variante co corredor e atópase case rematada a península artificial para a construción do viaduto sobre a ría. A variante conta cunha lonxitude de 4.929 metros, cun tronco con tres carrís de 3,5 metros cada un, dúas beiravías de 1,5 metros e dúas bermas de 0,75 metros cada unha. Pola súa banda a sección da glorieta de onde parte esta nova infraestrutura componse de dous carrís de 4 metros cada un; dúas beiravías, unha interior e outra exterior, ambas dun metro; e dúas bermas de 0,75 m. A velocidade de proxecto é de 60 km/h e a rampla máxima do 7 %.

Así mesmo conta con dous pasos superiores e un inferior, ademais de dispoñer de tres viadutos. Destas tres estruturas, está en execución un viaduto de 350 metros de lonxitude, que serve de unión entre o novo vial é o corredor Brión-Noia ( p.k. 4+560); está composto por un tronco principal e dous ramais de incorporación e saída á glorieta existente. Os traballos rematarán en 2012.

A seguinte estrutura é o viaduto que se sitúa nas proximidades do aparcadoiro dun centro comercial (PK 3+200) e que serve para que o novo vial se cruce a distinto nivel coa estrada de acceso ao porto de A Barquiña. Unha vez rematados os traballos previos de retranqueo de servizos afectados, comezaranse coa execución de pilotes en outubro de 2011.

A principal estrutura da obra é o viaduto que cruza a ría dende o Porto de Testal ata A Barquiña. O comezo dos traballos de cimentación está previsto para o mes de outubro. Se non se presenta ningún imprevisto, estímase que os traballos se prolongarán (tanto nos viadutos de acceso coma no vano central atirantado) ata o último trimestre de 2012.

A construción das estruturas complétase coa execución dun paso inferior, que se prevé comezar este mes, e dous pasos superiores nos que se empezará a traballar nunha fase máis avanzada do movemento de terras. Ao mesmo tempo que se van executando as estruturas iranse rematando os traballos de movemento de terras e de drenaxe lonxitudinal. As tarefas de afirmado, sinalización e balizamento da obra prolongaranse uns dous meses máis, polo que a data de finalización prevista é decembro de 2012.

Máis seguridade vial en Noia
Concretamente, esta vía suporá eludir o paso polo núcleo de Noia, onde existe unha elevada intensidade de tráfico, circulación de vehículos pesados, afección ao viario urbano e problemas de seguridade vial.

A posta en servizo deste tramo producirá un aforro estimado de 4 minutos nos desprazamentos e evitará o paso pola vila de Noia cara a localidade de Porto do Son. Ademais, mellorará as comunicacións do eixo Santiago-Brión-Noia. A poboación directamente beneficiada por esta infraestrutura é de máis de 40.000 persoas, que actualmente viven na comarca.

A alternativa da ría ten unha lonxitude de 4.929 metros e unha anchura de 11,5 metros, na que se inclúen beirarrúas para facilitar a seguridade dos viandantes. Na ponte sobre a ría engadirase un paseo peonil de 3 metros de ancho, que contará con ramplas de acceso no Testal e A Barquiña. A variante parte do núcleo de Taramancos, onde se separa da AC-550 e se da prioridade á nova vía. Unha vez superado o enlace, o trazado discorre ao norte do núcleo e presenta un paso superior sobre a variante para restituír un camiño de conexión entre a costa e Taramancos.

A continuación sitúase o semienlace de Punta Rebordiño, que permite o acceso e saída dos vehículos da zona do Testal co norte de Noia. O trazado continúa coa ponte sobre a ría, cunha lonxitude de 1.470 metros, que salva ademais a estrada de acceso ao Testal. Por outro lado, o desembarco da estrutura na zona nordés de Noia pasará por riba da actual rede viaria existente nesta zona.

A variante xira cara ao nordés evitando, mediante un viaduto, a zona de aparcadoiro do centro comercial existente neste núcleo e unha rúa próxima. No final do trazado, construirase un enlace tipo glorieta baixo a estrada, que servirá de conexión coa C-550. A obra mellorará as comunicacións entre Porto do Son e Muros, permitindo un aforro de 10 quilómetros, e entre Porto do Son e Santiago, reducindo en 4 quilómetros a distancia actual.

Cabe sinalar que para a execución dunha das infraestruturas máis singulares desta vía, a ponte sobre a ría, mantivéronse contactos coa Confraría de Pescadores de Noia e coa Dirección Xeral de Ordenación e Xestión dos Recursos Mariños; e autorizouse un convenio de colaboración para compensar a afección aos recursos marisqueiros. A construción da variante de Noia incorpora as medidas ambientais e construtivas necesarias para minimizar o impacto na ría. Ademais, a Xunta de Galicia sacou a contratación unha asistencia técnica específica para o control ambiental da variante.

A Xunta de Galicia adxudicou as obras da Variante de Noia por un importe de máis de 38 millóns de euros (38.254.451) á empresa Puentes y Calzadas Infraestruturas, S.L.U.

Obra de colectores en Noia

Por outra banda, na localidade de Noia, a Consellería de Medio Ambiente iniciará a finais deste mes de setembro a primeira fase dos colectores desta vila, unha obra que conta cun orzamento de máis de 4,4 millóns de euros e que levará a cabo a UTE Movex Vial, S.L. & Abeconsa S.L.U. As actuacións teñen un prazo de execución de 36 meses.

Neste momento, existen problemas en época de chuvia, posto que a rede de sumidoiros existente é unitaria nun 95 por cento, só o Casco Histórico conta con rede separativa. Esta rede de colectores presenta graves deficiencias, como pozos de rexistro con infiltracións; treitos en contrapendente; bombeos inutilizados; colectores por praias ou marxes da ría e algún vertido directo do efluente da EDAR á costa sen condución de vertido.

Por esta situación faise moi necesaria a intervención que vai a levar o Executivo autonómico, que significará a rehabilitación dos treitos existentes, recollendo case toda a rede de saneamento municipal, e garantirá o seu funcionamento ao separala das infiltracións da auga do mar.

Concretamente, as actuacións constan de:dúas redes de colectores de residuais; un colector interceptor norte: dous colectores cun total de 423 m., bombeo con capacidade para 41 m3/h. e unha impulsión de 453 m.; outro colector interceptor sur: dez colectores cun total de 2.888 m., cinco bombeos cunha capacidade de 74, 370, 120, 66, 58 m3/s e 1.108 m. de tubaxe de impulsións. Así mesmo, levaranse a cabo colectores para separar as pluviais dende o orixe: 17 treitos, que suman 1.656 m. de tubaxe.

Borrar paisaxe e patrimonio por aforrar uns miserentos minutos dous meses ao ano

E ata aí a nota da Xunta. Ou sexa, sospeitamos que Taramancos Vello, o poboado da Espiñeira dos primeiros ancestros que habitaron de xeito civilizado esta bisbarra, vai ser aniquilado, unha vez máis, por unha obra pública de dubidosa utilidade en relación custo/impacto ambiental e paisaxístico e patrimonial. Polo de agora non vemos na zona, agás o Concello e a asociación cultural "Terra de Outes", nin unha soa voz crítica contra esta actuación. Agardan aos feitos consumados? Queda pouco entón: menos dun ano. Chegaremos todos á praia e ás troulas festeiras máis cedo, si, pero a conta de que?

Antes, en Certo:

Arqueoloxía: piden á Xunta modificar a variante para conservar o de Taramancos

Arqueoloxía: "Terra de Outes" pronúnciase a prol da conservación completa do atopado en Taramancos Vello

Noia, 1 de agosto de 2011.- A Consellería de Medio Ambiente, Territorio e Infraestruturas pecha ao tráfico o carril esquerdo da estrada AC-543, en Sampaio (Noia), dende este luns, día 1 de agosto, ata o vindeiro 11 de setembro. O motivo deste corte no intervalo comprendido entre os puntos quilométricos (pq) 27+490 e 27+660 é a execución da conexión entre a variante de Noia e a localidade de Sampaio.

A estrada neste lugar conta con tres carrís dos cales o da marxe esquerda quedará interrompido durante o período de obras, polo tanto o tráfico discorrerá por os outros dous carrís, un para cada sentido de circulación. Para a incorporación dos camións ao carril esquerdo é preciso cortar o tráfico en ambos os dous sentidos simultaneamente, de forma temporal e por corto período de tempo ao longo da duración dos traballos.

A Dirección Xeral de Infraestruturas lembra que se establecerá a sinalización adecuada para anunciar o corte con antelación, garantindo a seguridade viaria no treito no que se restrinxe o tráfico. Durante a ocupación do dominio público e corte de carril adoptaranse as precaucións oportunas para que en ningún caso se produza arrastre de terras á plataforma da estrada.

Variante de Noia
Na actualidade, os traballos de desbroce das obras da Variante de Noia están concluídos e co 90% do saneo en cimentación de terrapléns executados. Tamén a drenaxe transversal está totalmente finalizada, así como o paso de fauna existente. Con respecto ao resto de estruturas, realizáronse sondaxes e estudos xeotécnicos correspondentes ás cimentacións das estruturas. Ao mesmo tempo, tamén se atopa en execución o enlace de Rebordiño, empezando co saneo dos ramais e estanse levando a cabo os traballos de cimentación de servizos afectados eléctricos.

A obra mellorará as comunicacións entre Porto do Son e Muros, permitindo un aforro de 10 quilómetros; e entre Porto do Son e Santiago, reducindo en 4 quilómetros a distancia actual.

Pode que tamén lle interese:

Hidrocarburos: ambición gasística da Xunta no Gran Burato, disque

Vivenda pública: unanimidade no pleno para ceder unha parcela na que irán vivendas públicas

Verán cultural: actividades culturais previstas en agosto e setembro

Arqueoloxía: o castro de Taramancos pode deparar sorpresas

A obra, centrada ata o de agora na zona non afectada por dita autorización, adxudicouse no mes de maio de 2010

Noia, 11 de febreiro de 2011.- A adscrición do dominio público marítimo terrestre aprobada hoxe polo Consello de Ministros para a variante de Noia permitirá á Xunta de Galicia avanzar na súa execución, centrada ata o de agora na zona non afectada por dita autorización, informou a propia Xunta no día de hoxe.

A obra, que se atopa adxudicada dende o mes de maio de 2010, poderá abordar agora a fase construtiva máis importante, é dicir, a execución da ponte sobre a ría, que enlazará a vía de alta capacidade Brión-Noia coa estrada AC-550 dirección Porto do Son sen ter que pasar polo centro da vila.

A variante ten unha lonxitude de 4,8 quilómetros e unha anchura de máis de 10 metros, na que se inclúen beirarrúas para facilitar a seguridade dos viandantes. Na ponte sobre a ría engadirase un paseo peonil que contará con ramplas de acceso no Testal e A Barquiña.

Unha vez rematada, a variante de Noia canalizará preto de 3.000 vehículos diarios que escollerán esta vía para realizar os seus desprazamentos. Isto implica unha redución do volume de tráfico de máis dun millón de vehículos ao ano, que aforrarán mais de 4 quilómetros respecto do percorrido actual. A actuación conta cun investimento de 38 millóns de euros.

Relacionadas:

Escolleira: Adega fala de chafallada administrativa

Outes: escaralla viva a paisaxe a variante? fan falta as inaguracións?

Política: o Bng di que sacar a escolleira é "unha operación estética"

Rexeneración da Ría: máis preto, trala reversión de 224.000 m2

Infraestruturas: a Xunta di que agarda ao Consello de Ministros para facer o viaduto