Ribeira, 22 de setembro de 2011. A asociación AMBAR incorpora una nova embarcación ó Programa Vela para Todos. Dende 2007, as actividades de Vela para Todos veñen funcionando con tres embarcacións construídas en Australia do modelo “Access 303”, financiadas polas empresas locales Congalsa e Serdeco.

Coa experiencia acadada durante este tempo, nesta ocasión foron os propios monitores e participantes no programa os que suxeriron a idea de traballar na recuperación de embarcacións de vela lixeira en desuso, contribuíndo activamente nas fases de deseño e fabricación. Partindo dunha embarcación de iniciación á vela modelo “Cadete MK III” donada por un particular, propuxeron nunha serie de cambios na estrutura e aparellos para que puidese ser accesible e navegable para calquer persoa. Logo duns meses de esforzo o resultado foi a botadura do prototipo “Singular Cadet” para navegación individual que estará a disposición nas xornadas náuticas que ao longo de todo o ano se desenvolven no Clube Náutico de Ribeira.

Pode que tamén lle interese:

Escolas Deportivas: haberá once. Anótate ata o 30 de setembro!

Lan Party UxíaNet 1.1: do 14 ao 16 de outubro. Só 55 prazas!

  Cursos de danza: abre o prazo ata o 30 de setembro

Marcha ciclista: o sábado 1 de outubro, de Santiago a Fisterra

Alicia Cebrián é de Tenerife. Aquí, nunha imaxe de turismodecanarias.com

Rianxo, 24 de setembro de 2010. As 85 embarcacións que participan en Rianxo no Campionato de España Láser Radial – Trofeo Distribunosa, comezaron a competición coa chegada do vento. Este elemento condicionou os horarios: o inicio das probas demorouse dúas horas.
A intensidade do vento, variable, foi en aumento desde os 6 ata os 14 nós, o que posibilitou a disputa das tres mangas previstas para a xornada de onte.
A clasificación está encabezada por Alicia Cebrián do R.C.N Tenerife con 6 puntos, que obtivo un 3º, un 1º e un 2º posto en cada unha das mangas.

Click here to download:

resultadosdia23.pdf (67 KB)

(download)

Click here to download:

resultadosdia23.pdf (67 KB)

A falta de vento no mar impide o inicio do Campionato de España de Láser Radial

Un total de 16 regatistas galegos compiten nas súas respectivas categorías polo título nacional. A primeira saída aprázase a hoxe ás 12:00 horas

Rianxo, 23 de setembro de 2010. - A primeira xornada do Campionato de España de Láser Radial, que ata o próximo domingo 26 se celebra no Club Náutico de Rianxo, viuse adiada pola falta das condicións propicias para a competición. Así, a saída inaugural prevista para as 12 da mañá tivo que suspenderse con aprazamento en terra, e non era ata as tres e media da tarde cando o comité intentaba retomar a competición. Tampouco puido ser. Co campo de regatas montado, non pasou moito tempo ata que se decidiu aprazar a primeira saída a hoxe xoves.

As 83 unidades en liza que estes días competirán polo título nacional terán que esperar para coñecer os primeiros líderes desta cita na Ría de Arousa. Os mellores regatistas cataláns, murcianos, canarios, baleares, vascos, andaluces e galegos, da categoría olímpica a nivel estatal, enfrontaranse a partir de mañá na auga para demostrar que son os mellores de España. A flota dividiuse en tres categorías; Sénior Masculino, sub-19 Masculino e sub-19 Feminino. Novamente, a división de Cadete -nacidos a partir de 1994- non foi posible, malia estar representada por máis de 20 barcos, e recoñecida a nivel internacional, posto que a Real Federación Española segue sen admitir esta solicitude.

Unha das flotas máis numerosas é de novo a galega, con moitas opcións a formar parte do podio en xogo. Ata 16 regatistas da Selección de Vela Caixanova participan neste campionato, entre eles na categoría sub-19: Paula Piñeiro Cortizo, do Real Club Náutico de Vigo; Sergio Rodríguez Fazanes, do Club de Mar de Aguete; o tamén vigués Andrés Vieitez Suárez; Alejandro Rodríguez Pena, do Real Club Náutico da Coruña; Miguel Lorenzo García Lastra, do Real Club Náutico de Sanxenxo; os irmáns Álvaro, Miguel e Beatriz Lence Massa, do Club Marítimo de Canido; e, baixo a mesma bandeira, Yago Blanco Cerqueira, Guido Cerqueira de la Riera, Álvaro Franco López, Alberto Basadre López; Daniel Delgado Varela, Marta Prados e Marta Carneiro. Por último, na clase Sénior será Pablo Martínez Abad, do R. C. N. da Coruña o que defenda o título.

Antes publicamos:

Ata o sábado 25, máis dun cento de barcos no Campionato de España de vela, clase Láser Radial (Trofeo Distribunosa)

Rianxo, 21 de setembro de 2010. O Campionato de España da clase Láser Radial – Trofeo Distribunosa, celébrarase en augas de Rianxo, entre os días 21 e 25 de setembro de 2010, ambos inclusive. É organizado polo Club Náutico de Rianxo e a Real Federación Española de Vela, en colaboración ca Federación Galega de Vela e a Asociación Española da clase Láser Internacional.

Máis de 100 barcos procedentes de toda a xeografía nacional disputan este campionato de España.

O programa do campionato é o seguinte:

Ribeira, 25 de xuño de 2010. Na pasada fin de semana disputouse na bahía coruñesa a segunda Regata de Vela Adaptada da Fundación María José Jove, a única competición destas características que se celebra en Galicia. A Asociación AMBAR participou neste evento co programa Vela para Todos, representado polo seu regatista máis destacado, Serafín Cadaval, e acadou un meritorio segundo lugar.

Na regata participaron unha vintena de regatistas procedentes de distintos puntos da comunidade galega e estivo reservada a embarcacións da clase Yatlant 460, que foron aportadas pola propia institución.

A vencedora da regata, Sonia García Erías, do equipo da Fundación María José Jove recibiu o trofeo de mans da conselleira de Traballo e Benestar da Xunta de Galicia, Beatriz Mato. O cadro de gañadores complétano Serafín Cadaval Santos, do Programa Vela para Todos da Asociación AMBAR, que ocupou o segundo posto; Jesús Pombo Gómez, da Fundación María José Jove, que se alzou no terceiro lugar; e Manuel Brage Vila, do Real Clube Náutico da Coruña, que se fixo co cuarto lugar.

A final da competición decidiuse ó mellor de cuatro probas e foi moi disputada e igualada, pois o primeiro posto, polo que competía o regatista ribeirense Serafín Cadaval, non se decidiu ata a última manga para romper un triple empate de sete puntos no último pase de boia.

(download)

Click here to download:

Deportes_das_tripulacins_de_Ve.zip (2.2 MB)

    Ribeira, 20 de marzo de 2010. A pasada fin de semana, 13 e 14 de marzo, disputouse en aguas de A Coruña o I Campeonato Galego de Vela Adaptada organizado polo Real Club Náutico da Coruña en colaboración coa Federación Galega de Deportes de Minusválidos Físicos (FGDMF) e a Delegación Territorial da ONCE en Galicia.